ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 34 : PALI ROMAN Theri.A. (paramatthadi.)

                    404. 3. Punnatherigathavannana
      punne purassu dhammehitiadika 2- punnaya nama sikkhamanaya gatha.
      Ayampi purimabuddhesu katadhikara tattha tattha bhave vivattupanissayam kusalam
upacinanti buddhasunne loke candabhagaya nadiya tire kinnarayoniyam nibbatta
ekadivasam tattha annataram paccekabuddham disva pasannamanasa nalamalaya tam pujetva
anjalim paggayha atthasi. Sa tena punnakammena sugatisuyeva samsaranti imasmim
buddhuppade savatthiyam gahapatimahasalakule nibbatti, punnatissa namam ahosi.
Sa upanissayasampannataya visativassani vasamana mahapajapatigotamiya santike
dhammam sutva patiladdhasaddha pabbajitva sikkhamana eva hutva vipassanam arabhi.
Sattha tassa gandhakutiyam nisinno eva obhasam vissajjetva:-
      [3] "punne purassu dhammehi      cando pannaraseriva
           paripunnaya pannaya        tamokkhandham padalaya"ti
imam gathamaha.
@Footnote: 1 Ma. ajjhabhasiti  2 cha.Ma. adikati patho na dissati. evamuparipi
      Tattha punneti tassa alapanam. Purassu dhammehiti sattatimsabodhipakkhiyadhammehi
paripunna hohi. Cando pannaraserivati rakaro padasandhikaro. Pannarase punnamasiyam
sabbahi kalahi paripunno cando viya. Paripunnaya pannayati solasannam
kiccanam paripuriya paripunnaya arahattamaggapannaya. Tamokkhandham padalayati
mohakkhandham anavasesato bhinda samucchinda, mohakkhandhapadalanena saheva sabbepi
kilesa padalita hontiti.
      Sa tam gatham sutva vipassanam vaddhetva arahattam papuni. Tena vuttam
apadane 1-:-
             "candabhaganaditire      ahosim kinnari tada
              addasam virajam buddham      sayambhum aparajitam.
              Pasannacitta sumana     vedajata katanjali
              nalamalam gahetvana     sayambhum abhipujayim.
              Tena kammena sukatena   cetanapanidhihi ca
              jahitva kinnarideham     agacchim tidasam ganam. 2-
              Chattimsadevarajunam       mahesittamakarayim
              dasannam cakkavattinam      mahesittamakarayim.
              Vedayitvana kusalam 3-   pabbajim anagariyam
              kilesa jhapita mayham   bhava sabbe samuhata.
              Sabbasava parikkhina    natthi dani punabbhavo
              catunnavutito kappe    yam pupphamabhipujayim.
@Footnote: 1 khu.apa. 33/37/286  2 cha.Ma. gatim  3 cha.Ma. samvejetvana me cittam
              Duggatim nabhijanami     buddhapujayidam 1- phalam
              kilesa jhapita mayham .pe. Katam buddhassa sasanan"ti.
      Arahattam pana patta sa theri tameva gatham udanesi. Ayameva cassa
annabyakaranagatha ahositi.
                     Punnatherigathavannana nitthita.
                       ------------------



             The Pali Atthakatha in Roman Book 34 page 11-13. http://84000.org/tipitaka/atthapali/read_rm.php?B=34&A=241&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=241&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=404              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8897              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=8986              The Pali Tipitaka in Roman Character :- http://84000.org/tipitaka/read/roman_read.php?B=26&A=8986              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]