ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 34 : PALI ROMAN Theri.A. (paramatthadi.)

                    445. 7. Sakulatherigathavannana
      agarasmim vasantihantiadika sakulaya theriya gatha.
      Ayam kira padumuttarassa bhagavato kale hamsavatinagare anandassa ranno dhita
hutva nibbatta, satthu vematikabhagini nandati namena. Sa vinnutam patva
ekadivasam satthu santike dhammam sunanti sattharam ekam bhikkhunim dibbacakkhukanam
aggatathane thapentam disva ussahajata adhikarakammam katva sayampi tam thanantaram
patthenti panidhanamakasi. Sa tattha yavajivam bahum ularam kusalakammam katva devaloke
nibbattitva aparaparam sugatisuyeva samsaranti kassapassa bhagavato kale brahmanakule
nibbattitva paribbajakapabbajjam pabbajitva ekacarini vicaranti ekadivasam telam
bhikkhaya ahinditva telam labhitva tena telena satthu cetiye sabbarattim dipapujam
akasi. Sa tato cuta tavatimse nibbattitva suvisuddhadibbacakkhuka hutva
ekabuddhantaram devesuyeva samsaritva imasmim buddhuppade savatthiyam brahmanakule
nibbatti, sakulatissa namam ahosi. Sa vinnutam patta satthu jetavanapatiggahane
patiladdhasaddha upasika hutva aparabhage annatarassa khinasavattherassa santike dhammam
sutva sanjatasamvega pabbajitva vipassanam patthapetva ghatenti vayamanti nacirasseva
arahattam papuni. Tena vuttam apadane 3-:-
@Footnote: 1 khu.pati. 31/50/56  2 Ma.,i. bhavattayatopi  3 khu.apa. 33/131/368
            "padumuttaro nama jino         sabbadhammana paragu
             ito satasahassamhi            kappe uppajji nayako.
             Hitaya sabbasattanam           sukhaya vadatam varo
             atthaya purisajanno          patipanno sadevake.
             Yasaggappatto sirima          kittivannagato jino
             pujito sabbalokassa           disa sabbasu vissuto.
             Uttinnavicikiccho so          vitivattakathamkatho
             sampunnamanasankappo           patto sambodhimuttamam.
             Anuppannassa maggassa          uppadeta naruttamo
             anakkhatanca akkhasi          asanjatanca sanjani.
             Maggannu ca maggavidu           maggakkhayi narasabho
             maggassa kusalo sattha         sarathinam varuttamo.
             Mahakaruniko natho 1-       dhammam deseti nayako
             nimugge kamapankamhi          samuddharati panino 2-.
             Tadaham hamsavatiyam              jata khattiyanandana
             surupa sadhana capi           dayita ca sirimati.
             Anandassa maharanno         dhita paramasobhana
             vemata bhagini capi          padumuttaranamino.
             Rajakannahi sahita           sabbabharanabhusita
             upagamma mahaviram            assosim dhammadesanam.
@Footnote: 1 cha.Ma. sattha  2 cha.Ma. panine
             Tada hi so lokavidu 1-       bhikkhunim dibbacakkhukam
             catuparisaya majjhe 2-         aggatthane thapesi tam.
             Sunitva tamaham hattha          danam datvana satthuno
             pujetvana ca sambuddham         dibbacakkhum apatthayim.
             Tato avoca mam sattha         nande lacchasi patthitam
             padipadhammadananam             phalametam sunicchitam.
             Satasahassito kappe           okkakakulasambhavo
             gotamo nama gottena        sattha loke bhavissati.
             Tassa dhammesu dayada        orasa dhammanimmita
             sakulati ca 3- gottena       hessasi 4- satthusavika.
             Tena kammena sukatena         cetanapanidhihi ca
             jahitva manusam deham          tavatimsam aganchaham.
             Imamhi bhaddake kappe         brahmabandhumahayaso
             kassapo nama gottena        uppajji vadatam varo.
             Paribbajakini asim            tadaham ekacarini
             bhikkhaya vicaritvana           alabhim telamattakam.
             Tena dipam padipetva          upatthim sabbasamvaram 5-
             cetiyam dipadaggassa            vippasannena cetasa.
             Tena kammena sukatena         cetanapanidhihi ca
             jahitva manusam deham          tavatimsam aganchaham.
@Footnote: 1 cha.Ma. lokagaru 2 cha.Ma. kittayam parisa majjhe 3 cha.Ma. sakula nama 4 cha.Ma. hessati
@5 cha.Ma. sabbasamvarim
             Yattha yatthupapajjami           tassa kammassa vahasa
             sanjalanti 1- mahadipa        tattha tattha gataya me.
             Tirokuddam 2- tiroselam        samatiggayha pabbatam
             passamaham yadicchami           dipadanassidam phalam.
             Visuddhanayana homi            yasasa pajjalamaham
             saddha pannavati 3- ceva       dipadanassidam phalam.
             Pacchime ca bhave dani         jata vippakule aham
             pahutadhanadhannamhi              mudite rajapujite.
             Aham sabbangasampanna          sabbabharanabhusita
             purappavese sugatam            vatapane thita aham.
             Disva jalantam yasasa          devamanussasakkatam
             anubyanjanasampannam            lakkhanehi vibhusitam.
             Udaggacitta sumana           pabbajjam samarocayim
             nacireneva kalena           arahattam apapunim.
             Iddhisu ca vasi homi           dibbaya sotadhatuya
             paracittani janami           satthusasanakarika.
             Pubbenivasam janami          dibbacakkhu visodhitam
             khepetva asave sabbe      visuddhasim sunimmala.
             Paricinno maya sattha         katam buddhassa sasanam
             ohito garuko bharo         bhavanetti samuhata.
@Footnote: 1 cha.Ma. pajjalanti  2 cha.Ma. tirokuttam  3 cha.Ma. saddhapannavati
             Yassatthaya pabbajita          agarasmanagariyam
             so me attho anuppatto      sabbasamyojanakkhayo.
             Tato mahakaruniko           etadagge thapesi mam
             dibbacakkhukanam agga          sakulati naruttamo.
             Kilesa jhapita mayham         bhava sabbe samuhata
             nagiva bandhanam chetva         viharami anasava.
             Svagatam vata me asi         buddhasetthassa santike
             tisso vijja anuppatta       katam buddhassa sasanam.
             Patisambhida catasso           vimokkhapi ca atthime
             chalabhinna sacchikata           katam buddhassa sasanan"ti.
      Arahattam pana patva katadhikarataya dibbacakkhunane  cinnavasi ahosi. Tena
nam sattha dibbacakkhukanam bhikkhuninam aggatthane thapesi. Sa attano patipattim
paccavekkhitva pitisomanassajata udanavasena:-
       [97] "agarasmim vasantiham            dhammam sutvana bhikkhuno
             addasam virajam dhammam            nibbanam padamaccutam.
       [98]  Saham puttam dhitaranca           dhanadhannanca chaddiya
             kese chedapayitvana         pabbajim anagariyam.
       [99]  Sikkhamana aham santi          bhaventi maggamanjasam
             pahasim ragadosanca           tadekatthe ca asave.
      [100]  Bhikkhuni upasampajja            pubbajatimanussarim
             dibbacakkhu visodhitam            vimalam sadhubhavitam.
       [101]   Sankhare parato disva         hetujate palokine
               pahasim asave sabbe          sitibhutamhi nibbuta"ti
ima gatha abhasi.
      Tattha agarasmim vasantiham, dhammam sutvana bhikkhunoti aham pubbe agaramajjhe
vasamana annatarassa bhinnakilesassa bhikkhuno santike catusaccagabbham dhammakatham sutva.
Addasam virajam dhammam, nibbanam padamaccutanti ragarajadinam abhavena virajam, vanato
nikkhantatta nibbanam, sukhadhigamahetutaya padam, cavanabhavato accutanti 1- ca laddhanamam
asankhatam dhammam sahassanayapatimanditena dassanasankhatena dhammacakkhuna addasam passim.
      Sahanti sa aham vuttappakarena sotapanna homi.
      Sikkhamana aham santiti aham sikkhamanava samana pabbajitva vasse aparipunne
eva. Bhaventi maggamanjasanti majjhimapatipattibhavato anjasam uparimaggam
uppadenti. Tadekatthe ca asaveti ragadosehi sahajekatthe pahanekatthe ca tatiya-
maggavajjhe asave pahasim samucchindim.
      Bhikkhuni upasampajjati vasse paripunne upasampajjitva bhikkhuni hutva.
Vimalanti abhijjhadihi 2- upakkilesehi vimuttataya vigatamalam, sadhuti sakkaccam
sammadeva bhavitam, sadhuhi va buddhadihi bhavitam uppaditam dibbacakkhum visodhitanti
sambandho.
      Sankhareti tebhumakasankhare. Paratoti anattato. Hetujateti paccayuppanne.
Palokineti palujjanasabhave pabhangune 3- pannacakkhuna disva. Pahasim asave
sabbeti aggamaggena avasitthe sabbepi asave pajahim, khepesinti attho. Sesam
vuttanayameva.
                     Sakulatherigathavannana nitthita.
@Footnote: 1 Si.,i. maccunabhavato...., cha.Ma. cavanabhavato adhigatanam accutihetutaya ca nibbanam
@accutam 2 cha. avijjadihi  3 Si. pabhangure, i. pabhangurena



             The Pali Atthakatha in Roman Book 34 page 116-121. http://84000.org/tipitaka/atthapali/read_rm.php?B=34&A=2478&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=2478&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=445              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9208              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9255              The Pali Tipitaka in Roman Character :- http://84000.org/tipitaka/read/roman_read.php?B=26&A=9255              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]