ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 34 : PALI ROMAN Theri.A. (paramatthadi.)

                   449. 11. Timsamattatherigathavannana
      musalani gahetvanatiadika timsamattanam therinam gatha.
      Tapi purimabuddhesu katadhikara tattha tattha bhave vivattupanissayam kusalam
upacinantiyo anukkamena upacitavimokkhasambhara 3- imasmim buddhuppade sakakamma-
sancodita tattha tattha kulagehe nibbattitva vinnutam patva patacaraya theriya
santike dhammam sutva patiladdhasaddha pabbajitva parisuddhasila vattapativattam
paripurentiyo viharanti. Athekadivasam patacaratheri tasam ovadam denti:-
@Footnote: 1 cha.Ma....nijigisaya  2 Ma.,i. uppajjanato  3 Si. upacitakusalasambhara
       [117] "musalani gahetvana          dhannam kottenti manava
              puttadarani posenta       dhanam vindanti manava.
       [118]  Karotha buddhasasanam           yam katva nanutappati
              khippam padani dhovitva       ekamante nisidatha
              cetosamathamanuyutta          karotha buddhasasanan"ti
ima dve gatha abhasi.
      Tatthayam sankhepattho:- ime satta jivitahetu musalani gahetva paresam
dhannam kottenti, udukkhalakammam karonti. Annampi edisam 1- nihinakammam katva
puttadaram posenta yatharaham dhanampi samharanti. Tam pana nesam kammam nihinam gammam
pothujjanikam dukkham anatthasanhitanca. Tasma edisam sankilesikapapancam vajjetva
karotha buddhasasanam sikkhattayasankhatam sammasambuddhasasanam karotha sampadetha attano
santane nibbattetha. Tattha karanamaha "yam katva nanutappati"ti, yassa karanahetu etarahi
ayatim ca anutapam napajjati. Idani tassa karane pubbakiccam anuyogavidhinca
dassetum "khippam padani dhovitva"tiadi vuttam. Tattha yasma adhovitapadassa
avikkhalitamukhassa ca nisajjanasukham utusappayalabho ca na hoti, pade pana dhovitva
mukhanca vikkhaletva ekamante nisinnassa tadubhayam labhati, tasma khippam imam
yathaladdham khanam aviradhentiyo padani attano pade dhovitva ekamante vivitte
okase nisidatha nisajjatha. Atthatimsaya arammanesu yattha katthaci cittarucike arammane
attano cittam uparibandhitva cetosamathamanuyutta samahitena cittena catusacca-
kammatthanabhavanavasena buddhassa bhagavato sasanam ovadam anusitthim karotha sampadethati.
      Atha ta bhikkhuniyo tassa theriya ovade thatva vipassanam patthapetva
bhavanaya kammam karontiyo nanaparipakagatatta hetusampannataya ca saha
@Footnote: 1 Ma. ekadivasam
Patisambhidahi arahattam patva attano patipattim paccavekkhitva ovadagathahi
saddhim:-
       [119] "tassa ta vacanam sutva      patacaraya sasanam
              pade pakkhalayitvana       ekamantam upavisum
              cetosamathamanuyutta         akamsu buddhasasanam.
       [120]  Rattiya purime yame       pubbajatimanussarum
              rattiya majjhime yame      dibbacakkhum visodhayum
              rattiya pacchime yame      tamokkhandham padalayum.
       [121]  Utthaya pade vandimsu       kata te anusasani
              indamva deva tidasa        sangame aparajitam
              purakkhatva vihassama        tevijjamha anasava"ti
ima gatha abhasimsu.
       Tattha tassa ta vacanam sutva, patacaraya sasananti tassa patacaraya
theriya kilese patinissaggasasanatthena 1- sasanabhutam ovadavacanam ta timsamatta
bhikkhuniyo sutva patisutva sirasa sampaticchitva.
       Utthaya pade vandimsu, kata te anusasaniti yathasampaticchitam tadanusasanam
atthikatva 2- manasikatva yathaphasukatthane nisiditva bhaventiyo bhavanam matthakam
papetva attana adhigatavisesam arocetum nisinnasanato utthaya tassa santikam
gantva "mahatheri tava anusasani yathanusittham amhehi kata"ti vatva tassa
pade pancapatitthitena vandimsu. Indamva deva tidasa, sangame aparajitanti
@Footnote: 1 cha.Ma. kilesapatisattusasanatthena  2 cha.Ma. tassa sasanam atthim katva
Devasurasangame aparajitam vijitavim indam tavatimsa deva viya mahatheri mayantam
purakkhatva viharissama 1- annassa kattabbassa abhavato. Tasma "tevijjamha
anasava"ti attano katannubhavam pavedenti. Idameva tasam annabyakaranam ahosi.
Yam panettha atthato avibhattam, tam hettha vuttanayameva.
                    Timsamattatherigathavannana nitthita.
                       ------------------



             The Pali Atthakatha in Roman Book 34 page 149-152. http://84000.org/tipitaka/atthapali/read_rm.php?B=34&A=3224&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=3224&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=449              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9250              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9302              The Pali Tipitaka in Roman Character :- http://84000.org/tipitaka/read/roman_read.php?B=26&A=9302              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com