AtthaPali Vol.34

416. 15. Uttaratherigathavannana kayena samvuta asintiadika uttaraya theriya gatha. Tassapi vatthu tissatheriya vatthusadisam. Sapi hi sakyakulappasuta bodhisattassa orodhabhuta mahapajapatigotamiya saddhim nikkhanta obhasagathaya arahattam patva pana:- [15] "kayena samvuta asim vacaya uda cetasa samulam tanhamabbuyha sitibhutamhi nibbuta"ti udanavasena sayameva imam gatham ^1- abhasi. Tattha kayena samvuta asinti kayikena samvarena samvuta ahosim. Vacayati vacasikena samvarena samvuta asinti yojana, padadvayenapi silasamvaramaha. Udati atha. Cetasati samadhicittena, ^2- etena vipassanabhavanamaha. Samulam tanhamabbuyhati samulam, ^3- saha va avijjaya tanham uddharitva. Avijjaya hi paticchaditadinave bhavattaye tanha uppajjati. Aparo nayo:- kayena samvutati sammakammantena sabbaso micchakammantassa pahana maggasamvareneva kayena samvuta asim. Vacayati sammavacaya sabbaso micchavacaya pahana maggasamvareneva vacaya samvuta asinti attho. Cetasati samadhina. Cetosisena hettha sammasamadhi vutto, sammasamadhiggahaneneva magga- lakkhanena ekalakkhana sammaditthiadayo maggadhamma gahitava hontiti, maggasamvarena abhijjhadikassa asamvarassa anavasesato pahanam dassitam hoti. Tenevaha "samulam tanhamabbuyha"ti. Sitibhutamhi nibbutati sabbaso kilesaparilahabhavena siti- bhavappatta anupadisesaya nibbanadhatuya nibbuta amhiti. Uttaratherigathavannana nitthita. @Footnote: ¹ cha.Ma. tameva gatham ² Si. adhicittena ³ cha.Ma. sanusayam

The Pali Atthakatha in Roman Book 34 page 27. http://84000.org/tipitaka/atthapali/read_rm.php?B=34&A=575&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=575&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=416 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8955 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9027 The Pali Tipitaka in Roman Character :- http://84000.org/tipitaka/read/roman_read.php?B=26&A=9027 Contents of The Tipitaka Volume 26 http://84000.org/tipitaka/read/?index_26