ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 34 : PALI ROMAN Theri.A. (paramatthadi.)

                            2. Dukanipata
                  420. 1. Abhirupanandatherigathavannana
      dukanipate aturam asucim putintiadika abhirupanandaya sikkhamanaya gatha.
      Ayam kira vipassissa bhagavato kale bandhumatinagare gahapatimahasalassa dhita
hutva satthu santike dhammam sutva saranesu ca silesu ca patitthita satthari
parinibbute dhatucetiyam 1- ratanapatimanditena suvannacchattena pujam katva kalam katva
sagge nibbattitva aparaparam sugatisuyeva 2- samsaranti imasmim buddhuppade
kapilavatthunagare khemakassa sakkassa aggamahesiya kucchismim nibbatti, nandatissa
namam ahosi. Sa attabhavassa ativiya rupasobhaggappattiya abhirupa dassaniya pasadika
abhirupananda namatveva pannayittha. Tassa vayappattaya vareyyadivaseyeva 3-
paramabhuto 4- sakyakumaro kalamakasi. Atha nam matapitaro akamam pabbajesum.
      Sa pabbajitvapi rupam nissaya uppannamada "sattha rupam vivanneti garahati
anekapariyayena rupe adinavam dasseti"ti buddhupatthanam na gacchati. Bhagava tassa
nanaparipakam natva mahapajapatim anapesi "sabbapi bhikkhuniyo patipatiya
ovadam gahitum agacchantu"ti. Sa attano vare sampatte annam pesesi. Bhagava
"vare sampatte attanava agantabbam, na anna pesetabba"ti aha. Sa
satthu anam langhitum asakkonti bhikkhunihi saddhim buddhupatthanam agamasi. Bhagava
iddhiya ekam abhirupam itthirupam mapetva puna jarajinnam dassetva samvegam
uppadetva:-
       [19] "aturam asucim putim         passa nande samussayam
             asubhaya cittam bhavehi     ekaggam susamahitam.
@Footnote: 1 Si. ratanacetiyam  2 ka. sugatiyamyeva  3 i. dhareyyadivaseyeva  4 cha.Ma. varabhuto
       [20]  Animittanca bhavehi       mananussayamujjaha
             tato manabhisamaya       upasanta carissasi"ti
ima dve gatha abhasi. Tasam attho hettha vuttanayo eva. Gathapariyosane
abhirupananda arahattam papuni. Tena vuttam apadane 1-:-
            "nagare 2- arunavatiya     aruno nama khattiyo 2-
             tassa ranno ahum bhariya    ekajjham carayamaham.
             Rahogata nisiditva       evam cintesaham tada
             adaya gamaniyam hi        kusalam natthi me katam.
             Mahabhitapam katukam         ghorarupam sudarunam
             nirayam nuna gacchami        ettha me natthi samsayo.
             Evaham cintayitvana      pahamsetvana manasam
             rajanam upagantvana      idam vacanamabravim.
             Itthi nama mayam deva      purisanugata sada
             ekam me samanam dehi      bhojayissami khattiya.
             Adasi me maharaja 3-  samanam bhavitindriyam
             tassa pattam gahetvana     paramannena purayim.
             Purayitva paramannam        sahassagghanakenaham
             vatthayugena chadetva     adasim tutthamanasa.
             Tena kammena sukatena     cetanapanidhihi ca
             jahitva manusam deham      tavatimsamagacchaham.
@Footnote: 1 natthidam paliyam, atthuppattiya ca na sameti, abhirupanandatheriapadanampana atthi,
@atthuppattiya ca sameti, khu.apa. 33/57/413  2-2 cha.Ma. nagare bandhumatiya bandhuma
@nama khattiyo  3 Si. tada raja
             Sahassam devarajunam        mahesittamakarayim
             sahassam cakkavattinam        mahesittamakarayim.
             Padesarajjam vipulam         gananato asankhiyam
             nanavidham bahum punnam       tassa kammaphala 1- tato.
             Uppalasseva me vanna    abhirupa sudassana
             itthi sabbangasampanna     abhijata jutindhaRa.
             Pacchime bhavasampatte      ajayim sakiye kule
             narisahassapamokkha      suddhodanasutassaham.
             Nibbinditva agareham     pabbajim anagariyam
             sattamim rattim sampatva     catusaccam apapunim.
             Civarapindapatam ca         paccayam ca senasanam
             parimetum na sakkomi       pindapatassidam phalam.
             Yam mayham purimam kammam       kusalam janitam muni
             tuyhatthaya mahavira       paricinnam bahum maya.
             Ekatimse ito kappe     yam danamadadim tada
             duggatim nabhijanami       pindapatassidam phalam.
             Duve gati 2- pajanami    devattam atha manusam
             annam gatim na janami      pindapatassidam phalam.
             Ucce kule pajanami     tayo sale mahadhane
             annam kulam na janami      pindapatassidam phalam.
@Footnote: 1 Ma. kammaphalam  2 ka. gatim
             Bhavabhave samsaritva       sukkamulena codita
             amanapam na passami       somanassakatam phalam.
             Iddhisu ca vasi homi       dibbaya sotadhatuya
             cetopariyananassa        vasi homi mahamune.
             Pubbenivasam janami      dibbacakkhu visodhitam
             sabbasavaparikkhina        natthi dani punabbhavo.
             Atthadhammaniruttisu         patibhane tatheva ca
             nanam mama mahavira        uppannam tava santike.
             Kilesa jhapita mayham .pe. Katam buddhassa sasanan"ti.
      Arahattam patva pana sa sayampi udanavasena tayeva gatha abhasi, idameva
      cassa annabyakaranam ahositi.
                   Abhirupanandatherigathavannana nitthita.
                      ---------------------



             The Pali Atthakatha in Roman Book 34 page 31-34. http://84000.org/tipitaka/atthapali/read_rm.php?B=34&A=658&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=658&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=420              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8976              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9044              The Pali Tipitaka in Roman Character :- http://84000.org/tipitaka/read/roman_read.php?B=26&A=9044              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]