AtthaPali Vol.34

421. 2. Jentatherigathavannana ye ime satta bojjhangatiadika jentaya theriya gatha. Tassa atitam paccuppannanca vatthu abhirupanandavatthusadisam. Ayampana vesaliyam licchavirajakule nibbatti ayam ^1- viseso. Satthara desitam dhammam sutva desanavasane arahattam patva attana adhigatam visesam paccavekkhitva pitivasena:- @Footnote: ¹ cha.Ma. nibbattiti ayameva [21] "ye ime satta bojjhanga magga nibbanapattiya bhavita te maya sabbe yatha buddhena desita. [22] Dittho hi me so bhagava antimoyam samussayo vikkhino jatisamsaro natthi dani punabbhavo"ti ima dve gatha abhasi. Tattha ye ime satta bojjhangati ye ime satidhammavicayaviriyapitipassaddhisamadhi- upekkhasankhata bodhiya yathavuttaya dhammasamaggiya, bodhissa va bujjhanakassa tamsamangino puggalassa angabhutatta "bojjhanga"ti laddhanama satta dhamma. Magga nibbanapattiyati nibbanadhigamassa upayabhuta. Bhavita te maya sabbe, yatha buddhena desitati te sattatimsabodhipakkhiyadhamma sabbepi maya yatha buddhena bhagavata desita, tatha maya ^1- uppadita ca vaddhita ca. Dittho hi me so bhagavati hisaddo hetuattho. Yasma so bhagava dhamma- kayo sammasambuddho attana va adhigataariyadhammadassanena dittho, tasma antimoyam samussayoti yojana. Ariyadhammadassanena hi buddha bhagavanto anne ca ariya dittha nama honti, na rupakayadassanamattena. Yathaha "yo kho vakkali dhammam passati, so mam passati"ti ^2- ca "sutava ca kho bhikkhave ariyasavako ariyanam dassavi"ti ^3- ca adi. Sesam vuttanayameva. Jentatherigathavannana nitthita. -------------------- @Footnote: ¹ Ma.,i. attano ² sam.kha. 17/87/96 ³ Ma.mu. 12/20/12, sam.kha. 17/1/3

The Pali Atthakatha in Roman Book 34 page 34-35. http://84000.org/tipitaka/atthapali/read_rm.php?B=34&A=737&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=737&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=421 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8987 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9050 The Pali Tipitaka in Roman Character :- http://84000.org/tipitaka/read/roman_read.php?B=26&A=9050 Contents of The Tipitaka Volume 26 http://84000.org/tipitaka/read/?index_26