|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3 Sammodamanajatakam sammodamanati idam sattha kapilavatthum upanissaya nigrodharame viharanto natakakalaham arabbha kathesi. So kunalajatake avibhavissati. Tada pana sattha natake amantetva maharajano natakanam annamannam viggaho nama na yutto tiracchanagatapi hi pubbe samaggakale paccamitte abhibhavitva sotthimpatta yada vivadamapanna tada mahavinasam pattati vatva natirajakulehi yacito atitam ahari. Atite baranasiyam brahmadatte rajjam karente bodhisatto vattakayoniyam nibbattitva anekavattakasahassaparivaro aranne vasati. Tada eko vattakaluddako tesam vasanatthanam gantva vattakavassitam katva tesam sannipatitabhavam natva tesam upari jalam khipitva pariyantesu maddanto sabbe ekato katva pacchim puretva gharam gantva te vikkinitva tena mulena jivitam kappesi. Athekadivasam bodhisatto te vattake aha ayam sakuniko amhakam natake vinasam papesi aham ekam upayam janami yenesa amhe ganhitum na sakkhissati itodani patthaya etena amhakam upari jale khittamatte ekeka ekekasmim jalakkhike sisam thapetva jalam ukkhipitva icchitatthanam--------------------------------------------------------------------------------------------- page312.
Haritva ekasmim kantakagumbe parikkhipatha evam sante hetthabhagena tena thanena palayissamati. Te sabbe sadhuti patissunimsu. Dutiyadivase upari jale khitte bodhisattena vuttanayeneva jalam ukkhipitva ekasmim kantakagumbe khipitva sayam hetthabhagena tato tato palayimsu. Sakunikassa gumbato jalam mocentassa mocentasseva vikalo jato. So tucchahatthova agamasi. Punadivasato patthayapi te vattaka tatheva karonti. Sopi yava suriyassatthangamana jalameva mocento kanci alabhitva tucchahatthova geham gacchati. Athassa bhariya kujjhitva tvam divase divase tucchahattho agacchasi annampi te bahi positabbatthanam atthi manneti aha. Sakuniko bhadde mama annam positabbatthanam natthi apica kho pana te vattaka samagga hutva vicaranti maya khittamattam jalam adaya kantakagumbe khipitva gacchanti na kho panete sabbakalameva sammodamana viharissanti tvam ma cintayi yada te vivadamapajjissanti tada te sabbeva adaya tava mukham hasamano agamissamiti vatva bhariyaya imam gathamaha sammodamana gacchanti jalamadaya pakkhino yada te vivadissanti tada ehinti me vasanti. Tattha yada te vivadissantiti yasmim kale te vattaka nanaladdhika nanagaha hutva vivadissanti kalaham karissantiti attho. Tada ehinti me vasanti tasmim kale sabbepi te mama vasam--------------------------------------------------------------------------------------------- page313.
Agamissanti athaham te gahetva tava mukham hasayanto agamissamiti bhariyam samassaseti. Katipahaccayena eko vattako gocarabhumim otaranto asallakkhetva annassa sisam akkami. Itaro ko mam sisam akkamiti kujjhi aham asallakkhetva akkamim ma kujjhiti vuttepi kujjhiyeva. Te punappunam kathenta tvameva manne jalam ukkhipasiti annamannam vivadam karimsu. Tesu vivadantesu bodhisatto cintesi vivadassa sotthibhavo nama natthi idaneva te jalam na ukkhipissanti tato mahavinasam papunissanti sakuniko okasam labhissati maya imasmim thane na sakka vasitunti. So attano parisam adaya annattha gato. Sakunikopi kho katipahaccayena agantva vattakavassitam vasitva tesam sannipatitanam upari jalam khipi. Atheko vattako tuyham kira jalam ukkhipantasseva matthakalomani patitani idani ukkhipati aha. Aparo tuyham kira jalam ukkhipantasseva dvisu pakkhesu pattani patitani idani ukkhipati aha. Iti tesam tvam ukkhipa tvam ukkhipati vadantanamyeva sakuniko jalam sankhipitva sabbeva te ekato katva pacchim puretva bhariyam hasamano geham agamasi. Sattha evam maharajano natakanam kalaho nama na yutto kalaho hi vinasamulameva hotiti imam dhammadesanam aharitva anusandhim--------------------------------------------------------------------------------------------- page314.
Ghatetva jatakam samodhanesi tada apanditavattako devadatto ahosi panditavattako pana ahamevati. Sammodamanajatakam tatiyam. ----------------The Pali Atthakatha in Roman Book 35 page 311-314. http://84000.org/tipitaka/atthapali/read_rm.php?B=35&A=6405&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=6405&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=33 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=225 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=223 The Pali Tipitaka in Roman Character :- http://84000.org/tipitaka/read/roman_read.php?B=27&A=223 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]