|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Nakkhattajatakam
nakkhattam patimanentanti idam sattha jetavane viharanto annataram
ajivakam arabbha kathesi.
Savatthiyam kira ekam kuladhitaram janapade eko kulaputto attano
puttassa varetva asukadivase nama ganhissamati divasam thapetva
tasmim divase sampatte attano kulupakam ajivakam pucchi bhante
ajja mayam ekam mangalam karissama sobhanam nu kho nakkhattanti.
So ayam mam pathamam apucchitvava divasam thapetva idani patipucchati
hotu sikkhapessami nanti kujjhitva ajja asobhanam nakkhattam
ma ajja mangalam karittha sace karittha mahavinaso bhavissatiti aha.
Kulamanussa tassa saddahitva tam divasam na gacchimsu. Nagaravasino
sabbam mangalakiriyam katva tesam anagamanam disva tehi ajja divaso
thapito no ca kho agata amhakampi bahum khayam kammam gatam kinno
---------------------------------------------------------------------------------------------
page34.
Tehi amhakam dhitaram annassa dassamati yathakateneva mangalena
dhitaram annassa kulassa adamsu. Itare punadivase agantva detha
no darikanti ahamsu. Atha te savatthivasino janapadavasino
nama tumhe chinnakagahapatika papamanussa divasam thapetva avannaya
na agata agamanamaggeneva patigacchatha amhehi annassa darika
dinnati paribhasimsu. Te tehi saddhim kalaham katva darikam alabhitva
yathagatamaggeneva gata. Tenapi ajivakena tesam manussanam
mangalantarayassa katabhavo bhikkhunam antare pakato jato. Te ca bhikkhu
dhammasabhayam sannipatitva avuso ajivakena kulassa mangalantarayo
katoti kathayamana nisidimsu. Sattha agantva kaya nuttha bhikkhave
etarahi kathaya sannisinnati pucchi. Te imaya namati kathayimsu.
Na bhikkhave idaneva ajivako tassa kulassa mangalantarayam karoti
pubbepi etesam kujjhitva mangalantarayam akasiyevati vatva atitam
ahari.
Atite baranasiyam brahmadatte rajjam karente nagaravasino
janapadavasinam dhitaram varetva divasam thapetva attano kulupakam ajivakam
pucchimsu bhante ajja amhakam eka mangalakiriya sobhanam nu
kho nakkhattanti. So ime attano ruciya divasam vavatthapetva
idani mam pucchantiti kujjhitva ajja nesam mangalantarayam karissamiti
cintetva ajja asobhanam nakkhattam sace karotha mahavinasam
papunissathati aha. Te tassa saddahitva na gamimsu. Janapadavasino
---------------------------------------------------------------------------------------------
page35.
Tesam anagamanam natva te ajja divasam thapetvapi na agata kinno
tehi annesam dhitaram dassamati annesam dhitaram adamsu. Nagaravasino
punadivase agantva darikam yacimsu. Janapada tumhe nagaravasino
nama chinnakagahapatika divasam thapetva darikam na ganhatha mayam
tumhakam anagamanabhavena annesam adamhati. Mayam ajivakam pucchitva
nakkhattam na sobhananti nagata detha no darikanti. Amhehi
tumhakam anagamanabhavena annesam dinna idani dinnadarikam katham
puna anessamati. Evantesu annamannam kalaham karontesu eko
nagaravasipanditapuriso ekena kammena janapadam gantva tesam
nagaravasinam mayam ajivakam pucchitva nakkhattassa asobhanabhavena nagatati
kathentanam sutva nakkhattena ko attho nanu darikaya laddhabhavo
nakkhattanti vatva imam gathamaha
nakkhattam patimanentam attho balam upaccaga
attho atthassa nakkhattam kim karissanti tarakati.
Tattha patimanentanti olokentam idani nakkhattam bhavissati
idani bhavissatiti agamayamananti attho. Attho balam upaccagati
etam nagaravasikam balam darikapatilabhasankhato attho atikkanto.
Attho atthassa nakkhattanti yam attham pariyesanto carati so
patiladdho atthova atthassa nakkhattannama. Kim karissanti tarakati
itare pana akase taraka kim karissanti kataram attham sadhessantiti
attho.
---------------------------------------------------------------------------------------------
page36.
Nagaravasino kalaham katva darikam alabhitvava agamamsu.
Satthapi na bhikkhave esa ajivako idanevassa kulassa
mangalantarayam karoti pubbepi akasiyevati imam dhammadesanam aharitva
anusandhim ghatetva jatakam samodhanesi tada ajivako etarahi ajivako
ahosi tanipi kulani idani kulaneva gatham vatva thitapanditapuriso
pana ahamevati.
Nakkhattajatakam navamam.
-----------
The Pali Atthakatha in Roman Book 36 page 33-36.
http://84000.org/tipitaka/atthapali/read_rm.php?B=36&A=660&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=660&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=49
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=323
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=317
The Pali Tipitaka in Roman Character :-
http://84000.org/tipitaka/read/roman_read.php?B=27&A=317
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]