AtthaPali Vol.37

8 Kasavavaggavannana -------- 1 kasavajatakam. Anikkasavo kasavanti idam sattha jetavane viharanto devadattam arabbha kathesi. Vatthu pana rajagahe samutthitam. Ekasmim samaye dhammasenapati pancahi bhikkhusatehi saddhim veluvane viharati. Atha devadattopi attano anurupaya dussilaparisaya parivuto gayasise viharati. Tasmim samaye rajagahavasino chandakam samharitva danam sajjayimsu. Atheko voharatthaya agatavanijo imam satakam vissajjetva mampi pattikam karothati mahaggham gandhakasavam adasi. Nagara mahadanam pavattayimsu. Sabbam chandakena sankaddhitam kahapaneheva nitthasi. So satako atireko ahosi. Mahajana sannipatitva ayam gandhakasavasatako atireko, kassa nam dussam dassama, kim mayam sariputtassa dassama udahu devadattassati mantayimsu. Tattheke sariputtattherassati ahamsu. Apare sariputtatthero katipaham vasitva yatharucim pakkamissati, devadattatthero pana nibaddham amhakam nagarameva upanissaya viharati, mangalavamangalesu ayameva amhakam avassayo, devadattassa dassamati ahamsu. Sambahulikam kathentesupi devadattassa dassamati vattaro bahu ahesum. Atha nam devadattassa adamsu. Devadatto tassa dussa chindapetva ovattikam sibbapetva rajapetva suvannapattavannam ^1- katva parupi. Tasmim kale timsamatta bhikkhu rajagaha savatthim gantva sattharam vanditva katapatisanthara tam pavattim arocetva evam bhante devadatto attano ananucchavikam arahattaddhajam ^2- parupiti arocesum. Sattha na bhikkhave devadatto idaneva attano ananurupam arahattaddhajam paridahati, pubbepi paridahati yevati vatva atitam ahari. Atite baranasiyam brahmadatte rajjam karente bodhisatto himavantappadese hatthikule nibbattetva vayappatto asitisahassa- mattavaranaparivaro yuthapati hutva arannayatane vasata. Atheko duggatamanusso baranasiyam viharanto dantakaravithiyam dantakare dantavalayadini karonte disva hatthidante labhitva ganhissathati pucchi. Ama ganhissamati ahamsu. So sadhuti avudham adaya kasayavatthavasano paccekabuddhavesam ganhitva patisisakam patimuncitva hatthivithiyam thatva avudhena hatthim maretva dante adaya baranasiyam vikkinanto jivitam kappesi. So aparabhage bodhisattassa parivarahatthinam sabbapacchimahatthim maretum arabhi. Hatthino devasikam hatthisu parihayantesu kena nu kho karanena hatthino parihayantiti bodhisattassa arocesum. Bodhisatto parigganhanto paccekabuddhavesam @Footnote: ¹ suvannapatavannantipi . ² arahantaddhajantipi, arahaddhajantipi .pe. Gahetva hatthivithipariyante eko puriso titthati, kacci nu kho mareti, ganhissami nanti ekadivasam hatthi purato katva sayam pacchato ahosi. So bodhisattam disva avudham adaya pakkhandi. Bodhisatto nivattitva thito bhumiyam pothetva maressami nanti sondam pasaretva tena paridahitani kasayani disva imam arahattaddhajam maya garukatum vattatiti sondam patisamharitva ambho purisa na nu esa arahattaddhajo ananucchaviko tuyham, kasma etam paridahasiti vatva ima gatha avoca anikkasavo kasavam yo vattham paridahissati apeto damasaccena na so kasavamarahati, yo ca vantakasavassa silesu susamahito upeto damasaccena sa ve kasavamarahatiti. Tattha anikkasavoti kasavo vuccati rago doso moho makkho palaso issa macchariyam maya satheyyam thambho sarambho mano atimano mado pamado sabbe akusala dhamma sabbe duccarita sabbam bhavagamikammam diyaddhakilesasahassam, eso kasavo nama. So yassa puggalassa appahino santanato nissito ^1- anikkhanto so anikkasavo nama. Kasavanti kasayarasapitam arahattaddhajabhutam. Yo vattham paridahissatiti yo evarupo hutva evarupam vattham paridahessati nivaseti ceva parupati ca. Apeto @Footnote: ¹ anissatthotipi. Damasaccenati indriyadamasankhatena damena nibbanasankhatena ca paramatthasaccena apeto parivajjito. Nissakkatthe va karanavacanam. Etasma damasacca apetoti attho. Saccanti cettha catusaccampi vattati yeva. Na so kasavamarahatiti so puggalo anikkasavatta arahattaddhajam kasavam na arahati, ananucchaviko etassa. Yo ca vantakasavassati yo pana puggalo yathavuttasseva kasavassa vantatta vantakasavo assa. Silesu susamahitoti maggasilesu ceva phalasilesu ca samma ahito anetva thapito viya tesu patitthito. Tehi silehi samangibhutassetam adhivacanam. Upetoti sampanno samannagato. Damasaccenati vuttappakarena damena ceva saccena ca. Sa ve kasavamarahatiti eso evarupo puggalo imam arahattaddhajam kasavam arahati. Evam bodhisatto tassa purisassa imam karanam kathetva ito patthaya ma idhagacchasi, agacchasi ce, jivitante natthiti tajjetva palapesi. Sattha imam dhammadesanam aharitva jatkam samodhanesi. Tada hatthimarakapuriso devadatto ahosi, yuthapati pana ahamevati. Kasavajatakam pathamam. ---------

The Pali Atthakatha in Roman Book 37 page 261-264. http://84000.org/tipitaka/atthapali/read_rm.php?B=37&A=5174&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5174&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=291 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1684 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1674 The Pali Tipitaka in Roman Character :- http://84000.org/tipitaka/read/roman_read.php?B=27&A=1674 Contents of The Tipitaka Volume 27 http://84000.org/tipitaka/read/?index_27