ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 38 : PALI ROMAN Ja.A.4 tika-pancakanipata

                      sasapanditajatakam
     satta me rohita macchati idam sattha jetavane viharanto
sabbaparikkharadanam arabbha kathesi.
     Savatthiyam kireko kutumbiko buddhappamukhassa bhikkhusanghassa
sabbaparikkharadanam sajjetva gharadvare mandapam karetva buddhappamukham
bhikkhusangham nimantetva susajjitamandape pavarasane nisidapetva
Nanaggarasam panitadanam datva puna svatanaya sattaham nimantetva
sattame divase buddhappamukhanam pancannam bhikkhusatanam sabbaparikkharam
adasi. Sattha bhattakiccavasane anumodanam karonto upasaka
taya pitisomanassam katum vattati idanca danam nama poranakapanditanam
vamso poranakapandita hi sampattayacakanam jivitam
pariccajitva attano mamsampi adamsuti vatva tena yacito atitam
ahari.
     Atite baranasiyam brahmadatte rajjam karente bodhisatto
sasayoniyam nibbattitva aranne vasi. Tassa pana arannassa
ekato pabbatapado ekato nadi ekato paccantagamo ahosi.
Aparepissa tayo sahaya ahesum makkato sigalo uddoti. Te
cattaropi pandita ekato vasanta attano attano gocaratthane
gocaram gahetva sayanhasamaye ekato sannipatanti. Sasapandito
danam databbam silam rakkhitabbam uposathakammam katabbanti tinnam
jananam ovadavasena dhammam desesi. Te tassa ovadam
sampaticchitva attano attano nivasanagumbam pavisitva vasanti. Evam
kale gacchante ekadivasam bodhisatto akasam oloketva candam
disva sve uposathadivasoti natva itare tayo aha sve
uposatho tumhepi tayo jana silam samadiyitva uposathika hotha
sile patitthaya dinnadanam mahapphalam hoti tasma yacake sampatte
tumhe khaditabbahararasam datva khadeyyathati. Te sadhuti
Sampaticchitva attano attano vasanatthanesu vasimsu. Punadivase
tesu uddo patova gocaram pariyesissamiti cintetva gangatiram
gato. Atheko balisiko satta rohitamacche uddharitva valliyava
avunitva gangatire valikam viyuhitva balikaya paticchadetva
puna macche ganhanto adhogangam gacchi. Uddo macchagandham ghayitva
balikam viyuhitva macche disva niharitva atthi nukho etesam
samikoti tikkhattum ghosetva samikam apassanto vallikotim damsitva
netva attano vasanagumbe thapetva velayameva khadissamiti
attano silam avajjento nipajji. Sigalopi nikkhamitva gocaram
pariyesanto ekassa khettagopakassa kutiyam dve mamsasulani ekanca
godham ekanca dadhivarakam disva atthi nukho etassa samikoti
tikkhattum ghosetva samikam adisva dadhivarakassa uggahanarajjukam givayam
pavesetva mamsasule ca godhanca mukhena damsitva netva attano
sayanagumbe thapetva velayameva khadissamiti attano silam avajjento
nipajji. Makkatopi vanasandam pavisitva ambapindam aharitva
attano vasanatthanagumbe thapetva velayameva khadissamiti attano
silam avajjento nipajji. Bodhisatto pana velayameva nikkhamitva
dabbatinani khadissamiti attano vasanagumbeyeva nipanno cintesi
mama santikam agatanam yacakanam tinani datum na sakka
tilatanduladayopi mayham natthi sace mama santikam yacako agacchissati
attano sariramamsam dassamiti. Tassa silatejena sakkassa
Bhavanam unhakaram dassesi. Tam kira sakkassa ayukkhayena va
unham hoti punnakkhayena va annasmim va mahanubhave satte
tam thanam patthente dhammikasamanabrahmananam silatejena. Tada
silatejena unham ahosi. So avajjamano imam karanam natva
sasarajam vimamsissamiti pathamam uddassa vasanatthanam gantva brahmanavesena
atthasi. Brahmana kimattham agatositi vutte pandita
sace kinci aharam labheyyam uposathiko hutva samanadhammam
kareyyanti. So sadhu dassami te aharanti tena saddhim
sallapanto pathamam gathamaha
         satta me rohita maccha    udaka thalamubbhata
         idam brahmana me atthi     etam bhutva vane vasati.
     Tattha thalamubbhatati udakato thale thapita balisikenapi 1-
uddhata. Etam bhutvati etam mama santakam macchaharam pacitva
bhunjitva samanadhammam karonto ramaniye rukkhamule nisinno imasmim
vane vasati.
     Brahmano pageva tava hotu paccha janissamiti sigalassa
santikam gato tenapi kimattham thitositi vutte tathevaha.
Sigalo sadhu dassamiti tena saddhim sallapanto dutiyam gathamaha
         dussa me khettapalassa    rattim bhattam apabhatam
         mamsasula ca dve godha    ekanca dadhivarakam
@Footnote: 1 kenapi va.
         Idam brahmana me atthi    etam bhutva vane vasati.
     Tattha dussa meti yo esa mama avidure khettapalo vasati
dussa amussati attho. Apabhatanti abhatam anitam. Mamsasula
ca dve godhati angare pakkani dve mamsasulani ca eka ca
godha. Dadhivarakanti dadhivarako. Idanti idam ettakam mama
atthi etam sabbampi yathabhirucitena pakena pacitva paribhunjitva
uposathiko hutva ramaniye rukkhamule nisiditva samanadhammam karonto
imasmim vane vasati attho.
       Brahmano pageva tava hotu   paccha janissamiti
makkatassa santikam gato tenapi kimattham thitositi vutte tathevaha.
Makkato sadhu demiti tena saddhim sallapanto tatiyam gathamaha
       ambapakkudakam sitam         sitacchayam manoramam
       idam brahmana me  atthi   etam bhutva vane vasati.
     Tattha ambapakkanti madhuraambaphalam. Udakam sitanti gangaya
udakam sitalam. Etam bhutvati brahmana etam ambaphalam paribhunjitva
sitalam udakam pivitva yatharucite ramaniye rukkhamule nisinno
samanadhammam karonto imasmim vanasande vasati.
     Brahmano   pageva tava hotu   paccha janissamiti sasapanditassa
santikam gato   tenapi kimatthamagatositi vutte tathevaha.
Tam sutva bodhisatto somanassappatto brahmana sutthu te
katam aharatthaya mama santikam agacchantena  ajjaham maya
Adinnapubbam danam dassami tvam pana silava panatipatam na karissasi
gaccha nanadaruni sankaddhitva angare katva mayham arocehi
aham attanam pariccajitva angaramajjhe patissami mama sarire
pakke tvam mamsam khaditva samanadhammam kareyyasiti tena saddhim
sallapanto catuttham gathamaha
      na sasassa tilam atthi        na mugga napi tandula
      imina aggina pakkam       mamam bhutva vane vasati.
     Tattha mamam bhutvati   yantam aham aggim karohiti vadami
imina aggina pakkam mam bhunjitva imasmim vane vasa ekassa
sasassa sarirannama ekassa purisassa yapanamattam hotiti.
     Sakko tassa katham sutva attano anubhavena ekam angararasim
mapetva bodhisattassa arocesi. So dabbatinasayanato
utthaya tattha gantva sace me lomantaresu panaka atthi te
ma marimsuti tikkhattum sariram vidhunitva sakalasariram danamukhe datva
langhitva padumapunje rajahamso viya pamuditacitto angararasimhi
patati. So pana aggi bodhisattassa sarire lomakupamattampi unham
katum nasakkhi. Himagabbhe pavittho viya ahosi. Atha sakkam
amantetva brahmana taya kato aggi atisitalo mama sarire
lomakupamattampi unham katum na sakkoti kinnametanti aha.
Pandita naham brahmano sakkohamasmi tava vimamsanattham
agatosmiti. Sakka tvam tava tittha  sakalopi ce lokasannivaso
Mam danena vimamseyya neva me adatukamattam passeyyati
bodhisatto sihanadam nadi. Atha nam sakko  sasapandita tava guno
sakalakappam pakato hotuti pabbatam piletva pabbatarasamadaya
candamandale sasalakkhanam likhitva bodhisattam anetva tasmim
vanasande tasmimyeva vanagumbe tarunadabbatinapitthe nipajjapetva attano
devalokameva gato. Tepi cattaro pandita samagga sammodamana
silam puretva uposathakammam katva yathakammam gata.
     Sattha imam dhammadesanam aharitva saccani pakasetva jatakam
samodhanesi. Saccapariyosane sabbaparikkharadayako gahapati
sotapattiphale patitthahi. Tada uddo anando ahosi. Sigalo
moggallano. Makkato sariputto. Sakko anuruddho. Sasapandito
pana ahamevati.
                    Sasapanditajatakam  chattham
                     -------------



             The Pali Atthakatha in Roman Book 38 page 289-295. http://84000.org/tipitaka/atthapali/read_rm.php?B=38&A=6024&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=6024&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=562              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2825              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2788              The Pali Tipitaka in Roman Character :- http://84000.org/tipitaka/read/roman_read.php?B=27&A=2788              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]