AtthaPali Vol.38

culladhammapalajatakam ahameva dusiya bhunahatati idam sattha veluvane viharanto devadattassa vadhaya parisakkanam arabbha kathesi. Annesu jatakesu devadatto bodhisattassa tasamattampi katum nasakkhi. Imasmim pana culladhammapalajatake bodhisattassa sattamasikakale hatthapade ca sisanca chindapetva asimalakam nama karesi. Daddarajatake givam vattetva ^1- maretva uddhane mamsam pacitva khadi. @Footnote: ¹ valitva. Khantivadijatake dvihipi kasahi paharasahassehi talapetva hatthapade ca kannanasanca chindapetva jatasu gahetva kaddhapetva uttanakam nipajjapetva ure padena paharitva gato. Bodhisatto tamdivasanneva jivitakkhayam papuni. Cullanandikajatakepi mahakapijatakepi marapesiyeva. Evamevesa digharattam vadhaya parisakkanto buddhakale parisakkatiyeva. Athekadivasam bhikkhu dhammasabhayam katham samutthapesum avuso devadatto buddhanam maranatthameva upayam karoti sammasambuddham marapessamiti dhanuggaham payojesi silam pavijjhi nalagirim visajjapesiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa mayham vadhaya parisakkateva idani pana tasamattampi katum na sakkoti pubbe mam dhammapalakumarakale attano puttam samanam jivitakkhayam papetva asimalakam nama karesiti vatva atitam ahari. Atite baranasiyam mahapatape nama rajjam karente bodhisatto tassa aggamahesiya candaya deviya kucchimhi nibbatti. Dhammapalotissa namam karimsu. Tamenam sattamasikakale mata gandhodakena nhapetva alankaritva kilapayamana nisidi. Raja tassa vasanatthanam agamasi. Sa puttam kilapayamana sinehena samappita hutva rajanam passitvapi na utthahi. So cintesi ayam idaneva tava puttam nissaya manam karoti mam kisminci na mannati putte Pana vaddhante mayi manussotipi na sannam karissati idaneva ghatessamiti. So nivattitva gantva rajasane nisiditva attano vidhanena agacchatuti coraghatakam pakkosapesi. So kasavavatthanivattho rattamaladharo pharasum amse thapetva upadhanaghatikam hatthapadathapanadandakam adaya agantva rajanam vanditva kim karomi devati atthasi. Deviya sirigabbham pavisitva dhammapalam anehiti. Devipi ranno kujjhitva nivattabhavam natva bodhisattam ure nipajjapetva rodamana nisidi. Coraghatako gantva tam pitthiya hatthena paharitva hatthato kumaram acchinditva adaya ranno santikam agantva kim karomi devati aha. Raja ekam phalakam aharapetva purato nikkhipapetva idha nam nipajjapehiti aha. So tatheva akasi. Candadevi puttassa pacchatova paridevamana agacchi. Puna coraghatako kim karomi devati aha. Dhammapalassa hatthe chindati. Candadevi maharaja mama putto sattamasiko balako na kinci janati natthetassa doso doso pana mahantopi ^1- mayi bhaveyya tasma mayham hatthe chindapehiti imamattham pakasenti pathamam gathamaha ahameva dusiya bhunahata ranno mahapatapassa etam muncatu dhammapalam hatthe me deva chedahiti. Tattha dusiyati dusika tumhe disva anutthahamana @Footnote: ^1. honto. Dosakarikati attho. Dusikatipi patho. Ayameva attho. Bhunahatati hatabhuna hatavuddhiti attho. Rannoti idam dusiyati padena yojetabbam. Aham ranno mahapatapassa aparadhakarika nayam kumaro tasma niraparadham etam balakam muncatu dhammapalam sace hi hatthe chedapetukamo dosakarikaya hatthe me deva chedehiti ayamettha attho. Raja coraghatakam olokesi. Kim karomi devati. Papancam akatva hatthe chindati. Tasmim khane coraghatako tikhinapharasum gahetva kumarassa tarunavamsakalire viya dve hatthe chindi. So dvisu hatthesu chindiyamanesu neva rodati na paridevati. Khantinca mettanca purecarikam katva adhivasesi. Canda pana devi chinnahatthakotiyam gahetva uccanke katva lohitalitta paridevamana vicari. Puna coraghatako kim karomi devati pucchi. Dvepi pade chindati. Tam sutva candadevi dutiyam gathamaha ahameva dusiya bhunahata ranno mahapatapassa etam muncatu dhammapalam pade me deva chedahiti. Tattha adhippayo purimanayeneva veditabbo. Rajapi puna coraghatakam anapesi. So ubhopi pade chindi. Candadevi padakotikam gahetva uccanke katva lohitalitta paridevamana sami mahapatapa nanu tumhehi chinnahatthapada nama daraka matara posetabba honti aham bhatim katva mama puttam posessami dehi me etanti aha. Coraghatako kim deva Kata rajana nitthitam mama kiccanti pucchi. Na tava nitthitanti. Atha kim karomiti. Sisamassa chindati. Tato candadevi tatiyam gathamaha ahameva dusiya bhunahata ranno mahapatapassa etam muncatu dhammapalam sisam me deva chedahiti. Vatva ca pana sisam upanesi. Puna coraghatako kim karomi devati pucchi. Sisamassa chindati. So sisam chinditva kata deva rajanati pucchi. Na tava katati. Atha kim karomi devati. Asitundena tam sampaticchitva asimalakam nama karohiti. So tassa kalevaram akase khipitva tam asitundena sampaticchitva asimalakam nama katva mahatale vippakiri. Candadevi bodhisattassa mamse uccanke katva mahatale rodamana paridevamana ima gatha abhasi naha nunimassa ranno mittamacca ca vijjare suhada ye na vadanti rajanam ma ghatayi orasam puttam naha nunimassa ranno mitta nati ca vijjare suhada ye na vadanti rajanam ma ghatayi atrajam puttam candanasaranulitta hattha chijjanti dhammapalassa dayadassa pathabya pana me deva rujjhatiti ^1-. Tattha mittamacca ca vijjareti nuna imassa ranno @Footnote: ^1. tatiyagatha atirekam viya khayati. Dalhamitta va sabbakiccesu sahabhavino amacca va muduhadayataya suhada va keci na vijjanti. Ye na vadantiti ye adhuna agantva attano piyaputtam ma ghatayiti na vadanti imam rajanam patisedhenti te natthiyevati mannami. Dutiyagathaya natiti nataka. Ima pana dve gatha vatva candadevi ubhohi hatthehi hadayamamsam dharayamana tatiyam gathamaha candanasaranulitta baha chijjanti dhammapalassa dayadassa pathabya pana me deva rujjhatiti ^1-. Tattha dayadassa pathabyati pitusantakaya caturantaya pathaviya dayadassa lohitacandanasaranulitta hattha chijjanti pada chijjanti sisam chijjati asimalakopi kato tava sisam ^2- acchinditva gatosidaniti evamadini vippalapanta evamaha. Pana me deva rujjhatiti deva mayham imam sokam dharetum asakkontiyava jivitam nirujjhatiti. Tassa evam paridevamanaya evam dayhamanam velu viya ^3- hadayam phali. Sa tattheva jivitakkhayam patta. Rajapi pallanke thatum asakkonto mahatale pati. Padaratalam dvidha bhijji. So tatopi bhumiyam pati. Tato catunahutadhikadviyojanasatasahassabahalapi ghanapathavi tassagunam dharetum asakkonti bhijjitva vivaramadasi. Avicito @Footnote: ¹ nirujjhanti. ² vamsam. ³ dayhamane veluvane velu viya. Jala utthaya kuladattiyena kambalena parikkhipanta viya tam gahetva avicimhi khipi. Candaya ca bodhisattassa ca amacca sarirakiccam karimsu. Sattha imam dhammadesanam aharitva jatakam samodhanesi tada raja devadatto ahosi candadevi mahapajapatigotami dhammapalakumaro pana ahamevati. Culladhammapalajatakam atthamam ------------

The Pali Atthakatha in Roman Book 38 page 450-456. http://84000.org/tipitaka/atthapali/read_rm.php?B=38&A=9351&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9351&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=737 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3492 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3463 The Pali Tipitaka in Roman Character :- http://84000.org/tipitaka/read/roman_read.php?B=27&A=3463 Contents of The Tipitaka Volume 27 http://84000.org/tipitaka/read/?index_27