ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 39 : PALI ROMAN Ja.A.5 chakka-dasakanipata

                     Gandharavaggavannana
                      ----------
                       gandharajatakam
     hitva gamasahassaniti idam sattha jetavane viharanto bhesajja-
sannidhikarasikkhapadam arabbha kathesi.
     Vatthum pana rajagahe samutthitam. Ayasmata hi pilindavacchena
aramikakulam mocetum rajanivesanam gantva ranno pasade iddhibalena
sovannamaye kate manussa pasiditva therassa panca bhesajjani
pahinimsu. So tani parisaya vissajjesi. Parisa panassa bahulika
honti laddhaladdham kolumbepi ghatepi pattathavikayopi puretva
patisamenti. Manussa passitva mahiccha ime samana anto-
kotthagarikati ujjhayimsu. Sattha tam pavattim sutva yani kho
pana tani gilananam bhikkhunam patisayaniyani bhesajjaniti sikkhapadam
sannapetva bhikkhave poranakapandita anuppanne buddhe bahiraka-
pabbajjam pabbajitva pancasilamattakam rakkhantapi lonasakkharamattakam
punadivasatthaya na niddahimsu tumhe pana evarupe niyyanikasasane
pabbajitva dutiyatatiyadivasatthaya sannidhim karonta ayuttam karothati
vatva atitam ahari
     atite gandhararatthe bodhisatto gandhararanno putto hutva
Pitu accayena rajje patitthaya dhammena rajjam karesi. Majjhimadesepi
videharatthe videho nama raja rajjam karesi. Tepi dve
rajano aditthasahaya hutva annamannam thiravissasa ahesum.
Tada manussa dighayuka honti timsavassasahassani jivanti. Athekada
gandhararaja punnamuposathadivase samadinnasilo hutva mahatale
pannattapavarapallankamajjhagato vivatena sihapanjarena pacinalokadhatum
olokento amaccanam dhammatthayuttakatham kathento nisidi. Tasmim
khane gaganatale abhilanghantamiva paripunnacandamandalam rahu avatthari.
Candappabha antaradhayi. Amacca candalokam apassanta candassa
rahuna gahitabhavam ranno arocesum. Raja candam oloketva
ayam cando agantukaupakkilesena upakkilittho nippabho jato
mayhampesa rajaparivaro upakkilesova na kho pana me tam patirupam yvaham
rahuna gahitacando viya nippabho bhaveyyam visuddhe gaganatale vicarantam
candamandalamiva rajjam pahaya pabbajissami kim me parena ovaditena
kule ca gane ca alaggo hutva attanameva ovadanto
vicarissami idam me patirupanti cintetva yam icchatha tam rajanam
karothati rajjam amaccanam niyyadesi. Tasmim gandhararatthe raja
rajjam chaddetva isipabbajjam pabbajitva jhanabhinna nibbattetva
jhanaratisamappito himavantappadese vasam kappesi. Videharajapi
sukham me sahayassa rannoti vanije pucchitva tassa pabbajitabhavam
sutva mama sahaye pabbajite aham rajjena kim karissamiti
Sattayojanike mithilanagare rajjam tiyojanasatike videharatthe solasasu gama-
sahassesu puritapuritani kotthagarani solasasahassa natakitthiyo
chaddetva puttadhitaro amanasikaritva himavantappadesam pavisitva
pabbajitva pavattaphalabhojano hutva samaggavasam vasanto vicari.
Te ubhopi samavattacaram caranta aparabhage samagacchimsu na pana
annamannam sanjanimsu sammodamana ekatova samavattacaram
carimsu. Tada videhatapaso gandharatapasassa upatthanam karoti.
Tesam ekasmim punnamidivase annatarasmim rukkhamule nisiditva dhamma-
yuttakatham kathentanam gaganatale virocamanam candamandalam rahu avatthari.
Videhatapaso kinnu kho candassa pabha natthati oloketva rahuna
gahitam candam disva ko nu kho esa acariya candam avattharitva
nippabhamakasiti pucchi. Antevasika ayam rahu nama candasseko
upakkileso virocitum na deti ahampi rahuggahitam candamandalam disva
idam parisuddham candamandalam agantukupakkilesena nippabham jatam mayhampi
idam rajjam upakkileso yava mam candamandalam rahu viya nippabham na
karoti tava pabbajissamiti cintetva tadeva rahuggahitam candamandalam
arammanam katva maharajjam chaddetva pabbajitoti. Acariya
tvam gandhararajati. Ama ahanti. Acariya ahampi videharatthe
mithilanagare videharaja nama nanu mayam annamannam aditthasahayakati.
Kim pana te arammanam ahositi. Aham tumhe pabbajitati sutva
addha pabbajjaya mahantam gunam addasati tumheyeva arammanam
Katva rajjam pahaya pabbajitoti. Te tato patthaya ativiya
samagga sammodamana pavattaphalabhojana hutva vicarimsu. Tattha
digharattam vasitva ca pana lonambilasevanatthaya himavantato otaritva
ekam paccantagamam papunimsu. Manussa tesam iriyapathe pasiditva
bhikkham datva patinnam gahetva aranne rattitthanadini mapetva
vasapesum antaramaggepi nesam bhattakiccakaranatthaya udakaphasukatthane
pannasalam karesum. Te paccantagame bhikkham caritva taya
pannasalaya nisiditva paribhunjitva attano vasanatthanam gacchanti.
Tepi tesam manussa aharam dadamana ekada lonam patte
pakkhipitva denti ekada pannapute bandhitva denti ekada
alonakaharameva denti. Te tesampi ekadivasam pannapute bahutaram
lonam adamsu. Videhatapaso lonam adaya gantva bodhisattassa
bhattakiccakale pahonakam datva attanopi pamanayuttam gahetva
atirekam pannapute bandhitva alonadivase bhavissatiti tinavattikaantare
thapesi. Athekadivasam alonake ahare laddhe vedeho
gandharassa bhikkhabhajanam datva tinavattikaantarato lonam aharitva
acariya lonam ganhathati aha. Ajja manussehi lonam na dinnam
tvam kuto labhiti. Acariya purimadivasam manussa bahum lonamadamsu
athaham alonakadivase bhavissatiti atirekam lonam thapesinti. Atha nam
bodhisatto moghapurisa tiyojanasatikam videharattham pahaya pabbajitva
akincanabhavam patva idani lonasakkharaya tanham janesiti tajjitva
Ovadanto pathamam gathamaha
           hitva gamasahassani       paripunnani solasa
           kotthagarani phitani      sannidhindani kubbasiti.
     Tattha kotthagaraniti suvannarajatamanimuttadiratanakotthagarani
ca dussakotthagarani ca dhannakotthagarani ca. Phitaniti purani.
Sannidhindani kubbasiti idani sve bhavissati tatiyadivase bhavissatiti
lonamattam sannidhim karosi.
     Videhatapaso evam garahiyamano garaham asahanto patipakkho
hutva acariya tumhe attano dosam adisva mayhameva dosam
passatha nanu tumhe kim me parena ovaditena attanameva ovadissamiti
rajjam chaddetva pabbajita tumhe idani mam kasma ovadathati
codento dutiyam gathamaha
           hitva gandharavisayam        pahutadhanapaniyam
           pasasanito nikkhanto       idha dani pasasasiti.
     Tattha pasasanitoti ovadanusasanidanato. Idha daniti idani
idha aranne kasma ovadathati.
     Tam sutva bodhisatto tatiyam gathamaha
           dhammam bhanami vedeha       adhammo me na ruccati
           dhammam me bhanamanassa       na papamupalimpatiti.
     Tattha dhammanti sabhavam buddhadihi vannitapasatthakaranameva.
Adhammo me na ruccatiti adhammo nama asabhavo mayham kadacipi
Na ruccati. Na papamupalimpatiti mama sabhavameva karanameva bhanantassa
papam nama hadaye na alliyati ovadadanannametam buddhapaccekabuddha-
buddhasavakabodhisattanam paveni. Tehi dinnovadam bala na ganhanti
ovadadayakassa pana papannama natthi. Puna desento aha
           nidhinamva pavattaram          yam passe vajjadassinam
           niggayhavadim medhavim       tadisam panditam  bhaje
           tadisam bhajamanassa         seyyo hoti na papiyo.
           Ovadeyya anusaseyya     asabbha ca nivaraye
           satam hi so piyo hoti      asatam hoti appiyo.
     Vedehatapaso bodhisattassa katham sutva acariya atthanissitam
kathentenapi param ghatetva rosetva kathetum na vattati tvam mam
dusatthakena mundanto viya atipharusam kathesiti vatva catuttham gathamaha
           yenakenaci vannena        paro labhati ruppanam
           mahatthiyampi ce vacam        na tam bhaseyya panditoti.
     Tattha yenakenaciti dhammayuttenapi karanena. Labhati ruppananti
ghatanam ruppanam kuppanam labhati. Na tam bhaseyyati tasma tam parapuggalam
yaya ca so vacaya ruppati tam mahatthiyam mahantaatthanissitampi vacam
na bhaseyyati atthoti.
     Athassa bodhisatto pancamam gathamaha
           kamam ruppatu va ma va    bhusam va vikiriyyatu
           dhammam me bhanamanassa       na papamupalimpatiti.
     Tattha kamanti ekamsena. Idam vuttam hoti ayuttakarako
puggalo ayuttam te katanti  ovadiyamano ekamseneva kujjhatu va
ma va kujjhatu. Athava bhusamutthi viya vikiriyyatu mayham pana
dhammam bhanantassa papannama natthiti.
     Evanca pana vatva na kho aham ananda tatha parakkamissami
yatha kumbhakaro amake amake mattike niggayha niggayhaham ananda
vakkhami yo saro so thassatiti imassa sugatovadassa anurupaya
patipattiya thatva yatha kumbhakaro  bhajanesu punappunam akotetva
akotetva amakam agahetva supakkameva bhajanam ganhi evam
punappunam ovaditva nigganhitva pakkabhajanasadisa puggala gahitati
dassetum puna tam ovadanto
          no ce assa saka buddhi   vinayo va susikkhito
          vane andhamahisova        careyya bahuko jano.
          Yasma ca panidhekacce     acaramhi susikkhita
          vinitavinaya dhira         caranti susamahitati
idam gathadvayamaha.
     Tassattho samma vedeha imesam hi sattanam sace attano
buddhiva pandite ovadadayake nissaya acarapannatti vinayo
va susikkhito na bhaveyya evam sante yatha tinalatadigahane
vane andhamahiso gocaragocaram sasankanirasankanca thanam ajananto
carati tatha tumhadiso bahuko jano careyya yasma pana idha
Ekacce sakaya buddhiya rahita satta acariyasantike acara-
pannattiya susikkhita tasma acariyehi attano anurupena vinayena
vinitatta vinitavinaya susamahita ekaggacitta hutva vicarantiti
imina idam dasseti imina hi sattena gihina hutva attano
kulanurupa pabbajitena pabbajjanurupa sikkha sikkhitabba gihinopi
hi attano kulanurupesu kasigorakkhadisu susikkhitava sampannajiva
hutva susamahita caranti. Pabbajitapi pabbajjanurupesu pasadikesu
abhikkantapatikkantadisu adhisilaadhicittaadhipannasikkhasu susikkhitava
vigatavikkhepa susamahita caranti. Lokasmimhi
        bahusaccanca sippanca        vinayo ca susikkhito
        subhasita ca ya vaca      etammangalamuttamanti.
     Tam sutva vedehatapaso acariya ito patthaya mam ovadatha
anusasatha aham anadhivasakajatitaya tumhehi saddhim kathesim tam me
khamathati vanditva mahasattam khamapesi. Te samaggavasam vasitva
puna himavantameva agamamsu. Tattha bodhisatto vedehatapasassa
kasinaparikammam kathesi. So tam sutva abhinna ca samapattiyo ca
nibbattesi. Iti te ubhopi aparihinajjhana brahmalokaparayana
ahesum.
     Sattha imam dhammadesanam aharitva jatakam samodhanesi tada
videho anando ahosi gandhararaja pana ahamevati.
                   Gandharajatakam pathamam.



             The Pali Atthakatha in Roman Book 39 page 181-188. http://84000.org/tipitaka/atthapali/read_rm.php?B=39&A=3608&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=3608&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=1043              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4525              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4555              The Pali Tipitaka in Roman Character :- http://84000.org/tipitaka/read/roman_read.php?B=27&A=4555              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]