ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 4 : PALI ROMAN Di.A. (sumangala.1)

                            10. Subhasutta
                         subhamanavavatthuvannana
      [444] Evamme sutam .pe. Savatthiyanti subhasuttam. Tatrayam
anuttanapadavannana:- aciraparinibbute bhagavatiti aciram parinibbute bhagavati,
parinibbanato uddham masamatte kale. Nidanavannanayam vuttanayeneva bhagavato
pattacivaram adaya agantva khiravirecanam pivitva vihare nisinnadivasam sandhayetam
vuttam. Todeyyaputtoti todeyyabrahmanassa putto, so kira savatthiya avidure
tudigamo nama atthi, tassa adhipatitta todeyyoti sankhyam gato. Mahaddhano pana
hoti pancacattalisakotivibhavo paramamacchari, "dadato bhoganam aparikkhayo nama
natthi"ti cintetva kassaci kinca na deti, puttampi aha:-
              "anjananam khayam disva,       vammikananca sancayam.
              Madhunanca samaharam,          pandito gharamavase"ti.
      Evam adanameva  sikkhapetva kayassa   bheda tasmimyeva ghare sunakho
hutva nibbatti. 1- Subho tam sunakham ativiya piyayati, attano bhunjanakabhattamyeva
bhojeti, ukkhipitva varasayane sayapeti. Atha bhagava ekadivasam nikkhante manave
tam gharam pindaya pavisi. Sunakho bhagavantam disva bhukkaram karonto bhagavato
@Footnote: 1 cha.Ma. nibbatto
Samipam gato. Tato nam bhagava avoca "todeyya tvam pubbepi mam `bho bho'ti
paribhavitva sunakho jato, idanipi bhukkaram katva avicim gamissasi"ti. Sunakho tam
katham sutva vipatisari hutva uddhanantare charikaya nipanno, manussanam
ukkhipitva sayane sayapetum nasakkhimsu.
      Subho agantva "kenayam sunakho sayana oropito"ti aha. Manussa
"na kenaci"ti vatva tam pavattim arocesum. Manavo sutva "mama pita
brahmaloke nibbatto, samano pana gotamo mama pitaram sunakham karoti, yamkinci
esa mukharulham bhasati"ti  kujjhitva bhagavantam musavadena codetukamo viharam
gantva tam pavattim pucchi. Bhagava tassa tatheva vatva avisamvadanattham aha
"atthi pana te manava pitara anakkhatam 1- dhanan"ti. Atthi pana bho gotama
satasahassagghanika suvannamala, satasahassagghanika suvannapaduka, satasahassagghanika
suvannapati, satasahassanca  kahapananti. Gaccha, tam sunakham appodakam madhupayasam
bhojetva sayane 2- aropetva isakam niddam okkantakale puccha, sabbante
acikkhissati, atha nam janeyyasi "pita me eso"ti. So tatha akasi. Sunakho
sabbam acikkhi, 3- tada nam "pita me"ti natva bhagavati pasannacitto gantva
bhagavantam cuddasa panhe pucchitva vissajjanapariyosane bhagavantam saranam gato, tam
sandhaya vuttam "subho manavo   todeyyaputto"ti. Savatthiyam pativasatiti attano
bhogagamato agantva vasati.
      [445] Annataram manavakam amantesiti satthari parinibbute
"anandatthero kirassa pattacivaram gahetva agato, mahajano tam dassanatthaya
upasankamati"ti sutva "viharam kho pana gantva mahajanamajjhe na sakka sukhena
patisantharam va katum, dhammakatham va sotum, geham agatamyeva nam disva sukhena
patisantharam karissami, eka ca me kankha atthi, tampi nam pucchissami"ti
cintetva annataram manavakam amantesi. Appabadhanti adisu abadhoti
visabhagavedana vuccati, ya ekadese uppajjitva cattaro iriyapathe  ayapatena
@Footnote: 1 cha.Ma. na akkhatam       2 cha.Ma. sayanam       3 Si. dassesi
Abandhitva viya ganhati, tassa abhavam pucchati vadati. Appatankoti
kicchajivitakaro rogo vuccati, tassapi abhavam pucchati vadati. Gilanasseva ca
utthanam nama garukam hoti, kaye balam na hoti, tasma niggelannabhavanca balanca
pucchati vadati. Phasuviharanti gamanatthananisajjasayanesu catusu iriyapathesu sukhaviharam
pucchati vadati. Athassa pucchitabbakaram dassento "subho"ti adimaha.
      [447] Kalanca samayanca upadayati kalanca samayanca pannaya
gahetva, upadharetvati attho. Sace amhakam sve gamanakalo bhavissati, kaye
balamatta ceva pharissati, gamanapaccaya ca anno aphasuviharo na bhavissati,
athetam kalanca gamanakaranasamavayasankhatam samayanca upadharetva apievanama sve
agaccheyyamati vuttam hoti.
      [448] Cetakena bhikkhunati cetiyaratthe 1- jatatta cetakoti evam
laddhanamena. Sammodaniyam katham saraniyanti bho ananda dasabalassa ko nama
rogo 2- ahosi, kim bhagava paribhunji. Apica satthu parinibbanena tumhakam soko
udapadi, sattha nama na kevalam tumhakamyeva parinibbuto, sadevakassa lokassa
mahajani, kodani anno marana muccissati. Yatra so sadevakassa lokassa
aggapuggalo parinibbuto, idani kam annam disva maccuraja lajjissatiti
evamadina nayena maranapatisamyuttam sammodaniyam katham saraniyam vitisaretva therassa
hiyyo pitabhesajjanurupam aharam datva bhattakiccavasane ekamantam nisidi.
      Upatthako santikavacaroti upatthako hutva santikavacaro, na
randhagavesi na vimamsanadhippayo. Samipacariti idam purimapadassa vevacanam. Yesam so
bhavam gotamoti kasma pucchati? tassa  kira evam ahosi  "yesu dhammesu bhavam
gotamo imam lokam patitthapesi, 3- te tassa accayena nattha nu kho, dharanti nu
kho, sace dharanti, anando janissati, handa nam pucchami"ti tasma pucchati. 4-
      [449] Athassa thero tini pitakani tihi khandhehi sangahetva
dassento "tinnam kho"ti adimaha. Manavo sankhittena kathitam asallakkhento
"vittharato pucchissami"ti cintetva "katamesam tinnan"ti adimaha. 5-
@Footnote: 1 Ma. cetiratthe  2 cha.Ma. abadho  3 cha.Ma. patitthapesi  4 cha.Ma. pucchi  5 cha.Ma. aha
                           Silakkhandhavannana
      [450-453] Tato therena "ariyassa silakkhandhassa"ti tesu
dassitesu puna "katamo pana so bho ananda ariyo silakkhandho"ti ekekam
pucchi. Theropissa buddhuppadam dassetva tantidhammam dassento 1- anukkamena
bhagavata vuttanayeneva sabbam vissajjesi. Tattha atthi cevettha uttarim karaniyanti
ettha bhagavato sasane na silameva saro, kevalancetam patitthamattameva hoti.
Ito uttarim pana annampi kattabbam atthiyevati dasseti. Ito bahiddhati
buddhasasanato bahiddha.
                          Samadhikkhandhavannana
      [454] Kathanca manava bhikkhu indriyesu guttadvaro hotiti
idamayasma anando "katamo pana so bho ananda ariyo samadhikkhandho"ti
evam samadhikkhandham putthopi ye te "silasampanno indriyesu guttadvaro
satisampajannena samannagato santuttho"ti evam silanantaram indriyasamvaradayo
silasamadhinam antare ubhinnampi upakarakadhamma uddittha, te niddisitva 2-
samadhikkhandham dassetukamo arabhi. Ettha ca rupajjhananeva agatani, na
arupajjhanani, anetva pana dipetabbani. Catutthajnanena hi asangahita
arupasamapatti nama natthiyeva.
      [471-480] Atthi cevettha uttari karaniyanti ettha bhagavato
sasane na cittekaggatamattakeneva pariyosanappatti nama atthi, itopi uttari
puna annam katabbam atthiyevati dasseti. Natthi cevettha uttarikaraniyanti ettha
bhagavato sasane ito uttari katabbam nama natthiyeva, arahattapariyosanam hi
bhagavato sasananti dasseti. Sesam sabbattha uttanatthamevati.
                  Iti sumangalavilasiniya dighanikayatthakathaya
                        subhasuttavannana nitthita.
                              Dasamam.
                       ------------------
@Footnote: 1 cha.Ma. desento          2 Ma. uddisitva



             The Pali Atthakatha in Roman Book 4 page 318-321. http://84000.org/tipitaka/atthapali/read_rm.php?B=4&A=8332&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=4&A=8332&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=9&i=314              เนื้อความพระไตรปิฎกฉบับหลวง :- http://84000.org/tipitaka/read/r.php?B=9&A=6777              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=9&A=4965              The Pali Tipitaka in Roman Character :- http://84000.org/tipitaka/read/roman_read.php?B=9&A=4965              Contents of The Tipitaka Volume 9 http://84000.org/tipitaka/read/?index_9

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]