ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 4 : PALI ROMAN Di.A. (sumangala.1)

page322.

11. Kevattasutta kevattagahapatiputtavatthuvannana [481] Evamme sutam .pe. Nalandayanti kevattasuttam. Tatraya- manupubbapadavannana:- pavarikambavaneti pavarikassa ambavane. Kevattoti idam tassa gahapatiputtassa namam, so kira cattalisakotimattadhano 1- gahapatimahasalo ativiya saddho pasanno ahosi. So saddhadhikattayeva "sace eko bhikkhu addhamasantarena va masantarena va samvaccharena va akase uppatitva vividhani patihariyani dasseyya, sabbo jano ativiya pasideyya. Yannunaham bhagavantam yacitva patihariyakaranatthaya ekam bhikkhum anujanapeyyan"ti cintetva bhagavantam upasankamitva evamaha. Tattha iddhati samiddha. Phitati nanabhandaussannataya vuddhippatta. Akinnamanussati amsakutena amsakutam paharitva viya vicarantehi manussehi akinna. Samadisatuti anapetu thanantare thapetu. Uttarimanussadhammati uttarimanussanam dhammato, dasakusalasankhatato va manussadhammato uttari. Bhiyyoso mattayati pakatiyapi pajjalitapadipo telasneham labhitva viya atirekappamanena abhippasidissati. Na kho ahanti bhagava rajagahasetthivatthusmim sikkhapadam pannapesi, tasma "na kho ahan"ti adimaha. [482] Na dhamsemiti na gunavinasanena dhamsemi, silabhedam papetva anupubbena uccatthanato otarento nicatthane na thapemi, athakho aham buddhasasanassa vuddhim paccasimsanto kathemiti dasseti. Tatiyampi khoti yavatatiyam buddhanam katham patibahitva kathetum visahanto nama natthi. Ayam pana bhagavata saddhim vissasiko vissasam vaddhetva vallabho hutva atthakamosmiti tikkhattum kathesi. @Footnote: 1 cha.Ma. cattalisakotidhano

--------------------------------------------------------------------------------------------- page323.

Iddhipatihariyavannana [483-484] Atha bhagava ayam upasako mayi patibahantepi punppunam yacatiyeva. "handassa patihariyakarane adinavam dassemi"ti cintetva "tini kho"tiadimaha. Tattha amaham bhikkhunti amum aham bhikkhum. Gandhariti gandharena nama isina kata, gandhararatthe va uppannavijja. Tattha kira bahu isayo vasimsu, tesu ekena kata vijjati adhippayo. Attiyamiti atto pilito viya homi. Harayamiti lajjami. Jigucchamiti gutham disva viya jiguccham uppademi. Adesanapatihariyavannana [485] Parasattananti annesam sattanam. Dutiyam tasseva vevacanam. Adisatiti katheti. Cetasikanti somanassadomanassam adhippetam. Evampi te manoti evam tava mano somanassito va domanassito va kamavitakkadisampayutto va. Dutiyam tasseva vevacanam. Itipi te cittanti iti tava cittam, imancimanca attham cintayamanam pavattatiti attho. Manika nama vijjati "cintamani"ti evam laddhanama loke eka vijja atthi, taya paresam cittam janatiti dipeti. Anusasanipatihariyavannana [486] Evam vitakkethati evam nekkhammavitakkadayo pavattenta vitakketha. Ma evam vitakkayitthati evam kamavitakkadayo pavattenta ma vitakkayittha. Evam manasikarothati evam aniccasannameva, dukkhasannadisu va annataram manasikarotha. Ma evanti "niccan"ti adina nayena ma manasikarittha. Idanti idam pancakamagunikaragam pajahatha. Idam upasampajjati idam catumaggaphalappabhedam lokuttaradhammameva upasampajja papunitva nipphadetva viharatha. Iti bhagava iddhividham iddhipatihariyanti dasseti, parassa cittam natva kathanam adesanapatihariyanti, savakananca buddhananca satatam dhammadesana anusasanipatihariyanti.

--------------------------------------------------------------------------------------------- page324.

Tattha iddhipatihariyena anusasanipatihariyam mahamoggallanassacinnam, adesanapatihariyena anussanipatihariyam dhammasenapatissa. Devadatte samgham bhinditva pancabhikkhusatani gahetva gayasise buddhalilaya tesam dhammam desente hi bhagavata pesitesu dvisu aggasavakesu dhammasenapati tesam cittavaram 1- natva dhammam desesi, therassa dhammadesanam sutva pancasata bhikkhu sotapattiphale patitthahimsu. Atha nesam mahamoggallano vikubbanam dassetva dassetva dhammam desesi, tam sutva sabbe arahattaphale patitthahimsu. Atha dvepi mahanaga pancabhikkhusatani gahetva vehasam abbhuggantva veluvanamevagamimsu. Anusasanipatihariyam pana buddhanam satatam dhammadesana, tesu iddhipatihariyaadesanapatihariyani sauparambhani sadosani, addhanam na titthanti, addhanam atitthanato na niyyanti. Anusasanipatihariyamyeva anuparambham niddosam, addhanam titthati, addhanam titthanato niyyati. Tasma bhagava iddhipatihariyanca adesanapatihariyanca garahati, anusasanipatihariyameva pasamsati. Bhutanirodhapariyesakabhikkhuvatthuvannana [487] Bhutapubbanti idam kasma bhagavata araddham? iddhipatihariya- adesanapatihariyanam aniyyanikabhavadassanattham, anusasanipatihariyasseva ca niyyanikabhavadassanattham. Apica sabbabuddhanam mahabhutapariyesako nameko bhikkhu hotiyeva. Yo mahabhute pariyesanto yava brahmaloka vicaritva vissajjotaram 2- alabhitva agamma buddhameva pucchitva nikkankho hoti. Kasma buddhanam mahantabhavappakasanattham, idanca karanam paticchannam, atha nam vivatam katva dassentopi bhagava "bhutapubban"ti adimaha. Tattha kattha mukhoti kismim thane kim agamma kim pattassa te anavasesa appavattivasena nirujjhanti. Mahabhutakatha panesa sabbakarena visuddhimagge vutta, tasma sa tatova gahetabba. @Footnote: 1 cha.Ma. cittacaram 2 cha.Ma. vissajjetaram

--------------------------------------------------------------------------------------------- page325.

[488] Devayaniyo maggoti patiyekko devalokagamanamaggo nama natthi, iddhividhananasseva panetam adhivacanam. Tena hesa yava brahmalokapi kayena vasam vattento devalokam yati. Tasma tam "devayaniyo maggo"ti vuttam. Yena catummaharajikati samipe thitampi bhagavantam apucchitva dhammataya codito devata mahanubhavati mannamano upasankami. Mayampi kho bhikkhu na janamati buddhavisaye panham pucchita devata na jananti, tenevamahamsu. Atha kho so bhikkhu "mama imam panham na kathetum na labbha, sigham kathetha"ti ta devata ajjhottharati, punappunam pucchati, ta "ajjhottharati no ayam bhikkhu, handa nam hatthato mocessama"ti 1- cintetva "atthi kho bhikkhu cattaro maharajano"ti adimahamsu. Tattha abhikkantatarati atikkamma kantataRa. 2- Panitarati vannayasaissariyadihi uttamataRa. Etena nayena sabbavaresu attho veditabbo. [491-493] Ayam pana viseso:- sakko kira devaraja cintesi "ayam panho buddhavisayo, na sakka annena vissajjitum, ayanca bhikkhu aggim pahaya khajjopanakam dhamento viya, bherim pahaya udaram vadento viya ca loke aggapuggalam sammasambuddham pahaya devata pucchanto vicarati, pesemi nam satthu santikan"ti. Tato punadeva so cintesi "sudurampi gantva satthu santikeva nikkankho bhavissati, atthiceva 3- puggalo 3- namesa thokam tava ahindanto kilamatu paccha janissati"ti. Tato nam "ahampi kho"ti adimaha. Brahmayaniyopi devayaniyasadisova. Devayaniyamaggoti va brahmayaniyamaggoti va dhammasetuti va ekacittakkhanikaappanati va sannitthanikacetanati va mahaggatacittanti va abhinananti va sabbametam idadhividhananasseva namam. [494] Pubbanimittanti agamanapubbabhage nimittam suriyassa udayato arunuggam viya. Tasma idaneva brahma agamissati, evam mayam janamati dipayimsu. Paturahositi pakato ahosi. Atha kho so brahma tena bhikkhuna puttho attano avisayabhavam natva sacaham "na janami"ti vakkhami, ime mamam paribhavissanti, @Footnote: 1 Si. mocemati, Ma. muncissamati 2 Ma. atikkantatara @3 Si. atthivedhapuggalo

--------------------------------------------------------------------------------------------- page326.

Atha jananto viya yamkinci kathessami, ayam me bhikkhu veyyakaranena anaraddhacitto vadam aropessati. "ahamasmi bhikkhu brahma"ti adini pana me bhanantassa na koci vacanam sadhahissati, yannunaham vikkhepam katva imam bhikkhum satthu santikamyeva peseyyanti cintetva "ahamasmi bhikkhu brahma"ti adimaha. [495-496] Ekamantam apanetvati kasma evamakasi? kuhakatta. Bahiddha pariyetthinti telatthiko valikam nippiliyamano viya yava brahmaloka bahiddha pariyesanam apajjasi. [497] Sakunanti kakam va kulalam va. Na kho eso bhikkhu panho evam pucchitabboti idam bhagava yasma padeseneva 1- panho pucchitabbo, ayanca kho bhikkhu anupadinnakepi gahetva nippadesato pucchati, tasma patisedheti. Acinnam kiretam buddhanam, pucchamulhassa janassa pucchaya dosam dassetva puccham sikkhapetva pacchavissajjanam. Kasma? pucchitum ajanitva paripucchanto dubbinnapayo hoti. [498] Panham sikkhapento pana kattha "apo ca"ti adimaha. Tattha na gadhatiti na patitthati, ime cattaro mahabhuta kim agamma appatittha bhavantiti attho. Upadinnamyeva sandhaya pucchati. 2- Dighanca rassancati santhanavasena upadarupam vuttam. Anum thulanti khuddakam va mahantam va, iminapi upadarupe vannamattameva kathitam. Subhasubhanti subhanca asubhanca upadarupameva kathitam. Kim pana upadarupam subham asubhanti atthi? natthi. Itthanittharammanam panevam kathitam. Namanca rupancati namanca dighadibhedam rupanca. Uparujjhatiti nirujjhati, kim agamma asesametam nappavattatiti. [499] Evam pucchitabbam siyati puccham dassetva idani vissajjanam dassento tatra veyyakaranam bhavatiti vatva "vinnanan"ti adimaha. Tattha vinnatabbanti vinnanam, nibbanassetam namam, tadetam nidassanabhavato anidassanam. Uppadanto va vayanto va thitassa annathattaanto va etassa @Footnote: 1 cha.Ma. padesenesa 2 Si. puccha

--------------------------------------------------------------------------------------------- page327.

Natthiti anantam. Pabhanti papam. Etam kira titthassa namam, tanhi papanti etthati papam, pakarassa pana bhakaro kato. Sabbato pabhamassati sabbatopabham. Nibbanassa kira yatha mahasamuddassa yato yato otaritukama honti, tamtadeva tittham, atittham nama natthi. Evameva atthattimsaya kammatthanesu yena yena mukhena nibbanam otaritukama honti, tam tadeva tittham, nibbanassa atittham nama kammatthanam natthi. Tena vuttam "sabbatopabhan"ti. Ettha apo cati ettha nibbane idam nibbanam agamma sabbametam "apo"ti adina nayena vuttam upadinnakadhammajatam nirujjhati, appavattam hotiti. Idanissa nirujjhanupayam dassento "vinnanassa nirodhena etthetam uparujjhati"ti 1- aha. Tattha "vinnananti carimakavinnanampi abhisankharavinnanampi. Carimakavinnanassapi hi nirodhena etthetam uparujjhati. Vijjhatadipasikha viya apannattikabhavam yati. Abhisankharavinnanassapi anuppadanirodhena anuppadavasena uparujjhati. Yathaha "sotapattimaggananena abhisankharavinnanassa nirodhena thapetva satta bhave anamatagge samsare ye uppajjeyyum namanca rupanca etthete nirujjhanti"ti sabbam culaniddese 1- vuttanayeneva veditabbam. Sesam sabbattha uttanamevati. Iti sumangalavilasiniya dighanikayatthakathaya kevattasuttavannana nitthita. Ekadasamam. ------------------- @Footnote: 1-1 khu. cula. 30/85/21 ajitamanavapucchaniddesa (saya)


             The Pali Atthakatha in Roman Book 4 page 322-327. http://84000.org/tipitaka/atthapali/read_rm.php?B=4&A=8429&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=4&A=8429&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=9&i=338              เนื้อความพระไตรปิฎกฉบับหลวง :- http://84000.org/tipitaka/read/r.php?B=9&A=7317              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=9&A=5428              The Pali Tipitaka in Roman Character :- http://84000.org/tipitaka/read/roman_read.php?B=9&A=5428              Contents of The Tipitaka Volume 9 http://84000.org/tipitaka/read/?index_9

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]