ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 4 : PALI ROMAN Di.A. (sumangala.1)

page328.

12. Lohiccasutta lohiccabrahmanavatthuvannana [501] Evamme sutam .pe. Kosalesuti lohiccasuttam. Tatrayam anuttanapadavannana:- salavatikati tassa gamassa namam, so kira vatiya viya samantato salapantiya parikkhitto. Tasma salavatikati vuccati. Lohiccoti tassa brahmanassa namam. [502] Papakanti paranukampa virahitatta lamakam, na pana ucchedasassatanam annataram. Uppannam hotiti jatam hoti, na kevalanca citte jatamattameva. So kira tassa 1- vasena 1- parisamajjhepi evam bhasatiyeva. Kim hi paro parassati paro yo anusasiyati, so tassa anusasakassa kim karisassati. Attana patiladdham kusalam dhammam attanava sakkatva garum katva vihatabbanti vadati. [504] Rosikam nhapitam amantesiti "rosika"ti evam itthilingavasena laddhanamam nhapitam amantesi. So kira bhagavato agamanam sutva cintesi "viharam gantva datthabbam 2- nama 2- bharo, gehampana anapetva passissami ceva yathasatti ca agantukabhikkham dassami"ti, tasma tam 3- nhapitam amantesi. [508] Pitthito pitthitoti kathaphasukattham pacchato pacchato anubandho hoti. Vivecetuti vimocetu, 4- tam ditthigatam vinodetuti vadati. Ayam kira upasako lohiccassa brahmanassa piyasahayako, tasma tassa atthakamataya evamaha. Appevanama siyati ettha pathamavacanena bhagava gajjati, dutiyavacanena anugajjati. Ayam kirettha adhippayo:- rosike etadatthameva maya cattari asankheyyani kappasatasahassanca vividhani dukkarani karontena paramiyo purita, etadatthameva sabbannutananam patividdham, na me lohiccassa dikthigatam bhinditum bharoti imamattham dassento pathamavacanena bhagava gajjati. Kevalam rosike lohiccassa mama santike agamanam va nisajja va allapasallapo va hotu, sacepi lohiccasadisanam @Footnote: 1-1 Ma. tasseva 2-2 cha.Ma. dittham namam bharo 3 cha.Ma. evam 4 Ma. mocetu

--------------------------------------------------------------------------------------------- page329.

Satasahassakankha 1- hoti, patibalo aham vinodetum, lohiccassa pana ekakassa ditthivinodane mayham ko bharoti imamattham dassento dutiyavacanena bhagava anugajjatiti veditabbo. Lohiccabrahmananuyogavannana [509] Samudayasanjatiti samudayassa sanjati bhoguppado, tato utthitam dhanadhannanti attho. Ye tam upajivantiti ye natiparijanadasakammakaradayo jana tam nissaya jivanti. Antarayakaroti labhantarayakaro. Hitanukampiti ettha hitanti vuddhi. Anukampiti icchatiti 2- attho, vuddhim icchati va no vati vuttam hoti. Nirayam va tiracchanayonim vati sace sa micchaditthi sampajjati, niyata hoti, ekamsena niraye nibbatteti, 3- no ce, tiracchanayoniyam nibbattetiti 3- attho. [510-511] Idani yasma yatha attano labhantarayena satta samvijjanti, na tatha paresam, tasma sutthutaram brahmanam samvejetukamo "tam kim mannasi"ti dutiyam upapattimaha. Ye cimeti ye ca ime tathagatassa dhammadesanam sutva ariyabhumim okkamitum asakkonta 4- kulaputta. Dibba gabbhati upayogatthe paccattavacanam, dibbe gabbheti attho. Dibba, gabbhati ca channam devalokanametam adhivacanam. Paripacentiti devalokagaminim patipadam purayamana, danam dadamana, silam rakkhamana, gandhamaladihi pujam kurumana, bhavanam bhavayamana pacenti vipacenti paripacenti parinamam gamenti. Dibbanam bhavanam abhinibbattiyati dibbabhava nama devanam vimanani, tesam nibbattanatthayati attho. Athava, dibba gabbhati danadayo punnavisesa. Dibba bhavati devaloke vipakakkhandha, tesam nibbattanatthaya tani punnani karontiti attho. Tesam antarayakaroti tesam maggasampattiphalasampattidibbabhavavisesanam antarayakaro. @Footnote: 1 cha.Ma. satasahassassa kankha 2 cha.Ma. anukampatiti anukampi, icchatiti attho, @3-3 cha.Ma. nibbattati 4 cha.Ma. asakkunanta

--------------------------------------------------------------------------------------------- page330.

Tayocodanarahavannana [513] Iti bhagava ettavata aniyamiteneva opammavidhina yava bhavagga uggatam brahmanassa manam bhinditva idani codanarahe tayo satthare dassetum "tayo kho me lohicca"ti adimaha. Tattha sa codanati tayo satthare codentassa codana. Na anna cittam upatthapentiti annaya ajananatthaya cittam na upatthapenti. Vokkammati nirantaram tassa sasanam akatva tato okkamitvapi 1- vattantiti attho. Osakkantiya va ussakkeyyati patikkamantiya upagaccheyya, anicchantiya iccheyya, ekaya sampayogam anicchantiya eko iccheyyati vuttam hoti. Parammukhim va alingeyyati datthumpi anicchamanam parammukhim thitam pacchato gantva alingeyya. Evam sampadamidanti imassapi satthuno "mama ime savaka"ti sasana vokkamma vattamanepi te lobhena anusasato imam lobhadhammam evam sampadameva idisameva vadami. Iti so evarupo tava lobhadhammo yena tvam osakkantiya ussakkanto viya parammukhim alingento viya ahositipi tam codanam arahati. Kim hi paro parassa karissatiti yena dhammena param 2- anusasi, attanameva tava tattha 3- sampadehi, ujum karohi, "kim hi paro parassa karissati"ti codanam arahati. [514] Niddayitabbanti sassadusakani 4- tinani uppatetva parisuddham katabbam. [515] Tatiyacodanaya kim hi paro parassati anusasanam asampaticchanakalato patthaya paro anusasitabbo, parassa anusasakassa kim karissatiti nanu tattha appossukkatam apajjitva attana patividdhadhammam attanava manetva pujetva vihatabbanti evam codanam arahatiti attho. @Footnote: 1 cha.Ma. ukkamitva ukkamitva, Ma. upakkamitva 2 cha.Ma. pare 3 Si. cettha @4 cha.Ma. sassarupakani, Si. sassadusikani

--------------------------------------------------------------------------------------------- page331.

Nacodanarahasatthuvannana [516] Na codanarahoti ayam hi yasma pathamameva attanam patirupe patitthapetva savakanam dhammam deseti, savaka cassa assava hutva yathanusittham patipajjanti taya ca patipattiya mahantam visesamadhigacchanti, tasma na codanarahoti. [517] Narakapapatam papatantoti maya gahitaya ditthiya aham narakapapatam papatanto. Uddharitva thale patitthapitoti tam ditthim chinditva 1- dhammadesanahatthena apayapatanato uddharitva saggamaggathale thapitomhiti vadati. Sesamettha uttanatthamevati. Iti sumangalavilasiniya dighanikayatthakathaya lohiccasuttavannana nitthita. Dvadasamam. ----------------- @Footnote: 1 cha.Ma. bhinditva, Ma. chinditvava


             The Pali Atthakatha in Roman Book 4 page 328-331. http://84000.org/tipitaka/atthapali/read_rm.php?B=4&A=8573&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=4&A=8573&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=9&i=351              เนื้อความพระไตรปิฎกฉบับหลวง :- http://84000.org/tipitaka/read/r.php?B=9&A=7899              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=9&A=5649              The Pali Tipitaka in Roman Character :- http://84000.org/tipitaka/read/roman_read.php?B=9&A=5649              Contents of The Tipitaka Volume 9 http://84000.org/tipitaka/read/?index_9

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]