AtthaPali Vol.45

page428.

15. Attadandasuttaniddesavannana [170] Pannarasame attadandasuttaniddese attadanda bhayam jatanti pathamagathayamattho:- yam lokassa ditthadhammikam va samparayikam va bhayam jatam, sabbantam attadanda bhayam jatam attano duccaritakarana jatam, evam santepi janam passatha medhagam, imam sakiyadijanam passatha annamannam medhagam himsakam badhakanti. Evantam pativiruddham vippatipannam janam paribhasitva attano sammapatipattidassanena tassa samvegam janetum aha "samvegam kittayissami, yatha samvijitam maya"ti. Pubbe bodhisatteneva satati adhippayo. Tayoti gananaparicchedo. Dandati duccarita. Kayadandoti kayaduccaritam. Vacidandadisupi eseva nayo. Tividham kayaduccaritanti panatipatadikayato pavattam dutthu caritam, kilesaputikatta va dutthu caritanti laddhanamam tividham duccaritam kayaduccaritam. Catubbidhanti musavadadicatubbidham. Tividhanti abhijjhaditividham. Ditthadhammikanti dittheva dhamme imasmimyeva attabhave patisamvedaniyam. Samparayikanti anagate attabhave patisamvedaniyam. Agucariti papakari aparadhakari. Tamenam raja paribhasatiti papakarim raja paribhasati, bhayam uppadeti. Dukkham domanassam patisamvedetiti kayikam dukkham cetasikam domanassam vindati. Etam bhayam dukkham domanassanti evarupam bhayanca dukkhanca domanassanca. Kuto tassati tassa corassa kuto uppannam. Attadandato jatanti attana kataduccaritato uppannam. Antamasoti hetthimato. Savacaniyampi karoti "na te labbha ito pakkamitun"ti ito imamha gamadina gantum na labbha. Na sakka bahi nikkhamitunti palibodham sanga karoti. Dhanajanipaccayapiti dhanaparihanikaranapi. Raja tassa vividha kammakarana karapeti. Kasahipi talentiti kasadandakehi pothenti. Vettehipi talentiti sakantakavettalatahi pothenti. Addhadandakehitiadayo hettha

--------------------------------------------------------------------------------------------- page429.

Vuttanayayeva. Sunakhehipi khadapentiti katipayani divasani ahare adatva chatasunakhehi khadapenti. Te muhuttena atthikasankhalikameva karonti. Sule uttasentiti sulam aropenti. Raja imesam catunnam dandanam issaroti imasam catunnam ananam katum raja samattho. Sakena kammenati sayam katena kammena. Tamenam nirayapalati ettha ekacce thera "nirayapala nama natthi, yantarupam viya kammameva karanam kareti"ti vadanti. Tesam tam "atthi nirayesu nirayapalati, amanta. Atthi ca karanika"tiadina nayena abhidhamme ^1- patisedhitameva. Yatha hi manussaloke kammakaranakaraka ^2- atthi, evameva nirayesu nirayapala atthiti. Tattam ayokhilanti tigavutam attabhavam sampajjalitaya lohapathaviya uttanakam nipajjapetva dakkhinahatthe talappamanam ayasulam pavesenti, tatha vamahatthadisu. Yatha ca uttanakam nipajjapetva evam urenapi vamapassenapi dakkhinapassenapi nipajjapetva tam kammakaranam karontiyeva. Samvesetvati jalitaya lohapathaviya tigavutam attabhavam nipajjapetva. Kutharihiti mahatihi gehacchadanassa ekapakkhamattahi kutharihi tacchenti. Lohitam nadi hutva sandati, lohapathavito jala utthahitva tacchitatthanam ganhati, mahadukkham uppajjati, tacchanta pana suttahatam karitva daru viya atthamsampi chalamsampi karonti. Vasihiti mahasuppapamanahi vasihi. Rathe yojetvati saddhim yugayottaupakkharacakkakubbarapajanehi ^3- sabbato pajjalite rathe yojetva. Mahantanti mahakutagarappamanam. Aropentiti sampajjalitehi ayamuggarehi pothenta aropenti. Sakimpi uddhanti supakkutthitaya ^4- ukkhaliya pakkhittatandula viya ^5- uddham adho tiriyanca gacchati. Mahanirayeti avicimahanirayamhi. @Footnote: ¹ abhi.ka. 37/866/494 ² Si.,ka. kammakaranika ³ Si. yugayottapanjaracakka... @⁴ cha.Ma. supakkutthitaya ⁵ cha.Ma. pakkhittatandulam viya

--------------------------------------------------------------------------------------------- page430.

Catukkannoti caturassamanjusasadiso. Vibhattoti catudvaravasena vibhatto. Bhagaso mitoti dvaravithinam vasena bhagaso mapetva vibhatto. ^1- Pariyantoti parikkhitto. Ayasati upari navayojanikena ayapattena chadito. Samanta yojanasatam pharitva titthatiti evam pharitva titthati, yatha samanta yojanasate thatva olokentassa akkhini yamakagolaka viya nikkhamanti. Kadariyatapanati sabbepi te ussadehi saddhim attha mahaniraya kadariya niccam tapantiti kadariyatapana. Balavadukkhataya ghoRa. Kappatthikanam accinam atthitaya accimanto. Asadetum ghattetum dukkarataya durasada. Ditthamatta va sutamatta va lomani hamsentiti lomahamsanarupa. Bhimsanataya bhisma. Bhayajananataya patibhaya. Sukhabhavena dukha. Puratthimaya bhittiyatiadigathanam evam avicinirayoti pariyantam katva ayam sankhepattho:- aggijalanam va pana sattanam va tesam dukkhassa va vici antaram natthi etthati avici. Tatra hi puratthimadihi bhittihi jalarasi utthahitva papakammino puggale jhapento pacchimadisu bhittisu patihannati paharati, ta ca bhittiyo vinivijjhitva parato yojanasatam ganhati, hettha utthita upari patihannati, upari utthita hettha patihannati. Evam tavettha jalanam vici nama natthi. Tassa pana anto yojanasatatthanam khiravallipitthassa puritanali viya sattehi nirantaram puritam catuhi iriyapathehi paccantanam sattanam pamanam natthi, na ca annamannam byabadhenti, sakasakatthaneyeva paccanti. Evamettha sattanam vici nama natthi. Yatha pana jivhagge cha madhubinduni sattamassa tambalohabinduno anudahanabalavataya abboharikani honti, tatha tattha anudahanabalavataya sesa cha akusalavipakupekkha abboharika honti, dukkhameva nirantaram pannayati. Evamettha dukkhassa vici nama natthi. Nirassadatthena nirayo. @Footnote: ¹ cha.Ma. bhage thapetva thapetva vibhatto

--------------------------------------------------------------------------------------------- page431.

Tattha satta mahaluddati tasmim nibbatta satta mahanta ludda. Mahakibbisakarinoti mahantadarunakammakarino. Accantapapakammantati ekamsena papakammino. Paccanti na ca miyyareti channam jalanamantare ^1- paccanti, na ca miyanti. ^2- Jatavedasamo kayoti tesam sariram aggisadisam. Tesam nirayavasinanti tesam papakammanam nirayavasinam. Passa kammanam dalhattanti papakammanam thirabhavam olokehi. Na bhasma hoti napi masiti charikapi na hoti angaropi. Puratthimenati yada tam dvaram aparutam hoti, atha tadabhimukha dhavanti, tesam tattha chaviadini jhayanti. Dvarasamipam pattananca tesam tam pithayati, ^3- pacchimam aparutam viya khayati. Esa nayo sabbattha. Abhinikkhamitasa teti niraya nikkhamitum asa etesanti nikkhamitasa. Mokkhagavesinoti muncanupayam esanta gavesantapi. Na te tato nikkhamitum, labhanti kammapaccayati te satta nirayato nikkhamanadvaram papakammapaccaya nadhigacchanti. Tesanca papakammantam, avipakkam katam bahunti tesanca sattanam lamakam darunam kammam avipakam bahuvidham nanappakaram adinnavipakam katam upacitam atthi. Samveganti vinilanam. ^4- Ubbeganti thitatthanato gamanam. Utrasanti ubbejanam asannitthanam. Bhayanti cittutrasanam. Pilananti ghattanam. Ghattananti pilakaranam. Upaddavanti itim. Upasagganti rundhanam. [171] Idani yathanena samvijitam, tam pakaram dassento "phandamanan"tiadimaha. Tattha phandamananti tanhadihi ^5- kampamanam. Appodaketi appe udake. Annamannehi byaruddhe disvati nanasatte ca annamannehi saddhim viruddhe disva. Mam bhayamavisiti mam bhayam pavittham. @Footnote: ¹ ka. aggijalantare ² cha.Ma. miyyanti ³ cha.Ma. pidhiyati @⁴ Si. hiriyanam ⁵ cha.Ma. tanhaditthihi

--------------------------------------------------------------------------------------------- page432.

Kilesaphandanaya phandamananti ragadikilesacalanaya calamanam. Payogoti kayavacimanopayogo. Viruddhati virodhamapanna. Pativiruddhati patimukham hutva virodhamapanna, sutthu viruddha va. Ahatati kodhena ahata pahata. Paccahatati patimalla hutva ahata. Aghatitati ghattita. Paccaghatitati visesena ghattita. Panihipi upakkamantiti hatthehipi paharanti. [172] Samantamasaro lokoti nirayam adim katva samantato loko asaro niccasaradirahito. Disa sabba sameritati sabba disa aniccataya kampita. Iccham bhavanamattanoti attano tanam icchanto. Naddasasim anositanti kinci thanam jaradihi anajjhavuttham naddakkhinti. Asaroti na saro, saravirahito va. Nissaroti sabbena sabbam saravirahito. Sarapagatoti sarato apagato. Niccasarasarena vati satatasarasankhatena sarena va. Upari padadvayepi eseva nayo. Ye puratthimaya disaya sankharati ye purimadisaya ^1- paccayehi sangamma samagamma kata sankhaRa. Tepi eritati tepi sankhara kampita. Sameritati samma kampita. Calitati calanam gata. Ghattitati udayabbayena pilita. Aniccatayati hutva abhavataya. Jatiya anugatati nibbattiya anupavittha. ^2- Jaraya anusatati paripakkataya anupatthata. Byadhina abhibhutati dhatuvisamena uppannabyadhina ajjhotthata. Maranena abbhahatati maccuna abhiahata pahata. Atanati rakkhavirahita. Alenati lenavirahita. Asaranati natthi etesam sarananti asarana. Asaranibhutati sayam saranakiccam na karontiti asaranibhuta. Attano bhavananti niddesapadassa uddesapadam. Tananti palanam. Lenanti @Footnote: ¹ cha.Ma. puratthimaya disaya ² Ma. anupatittha

--------------------------------------------------------------------------------------------- page433.

Lenatthanam. Sarananti dukkhanasanam. Gatinti patittham. Parayananti param ayanam. Ajjhositamyeva addasanti jaradihi madditamyeva addakkhim. Sabbam yobbannanti yobbanabhavo yobbannam, sacetananam sabbam yobbannam. Jaraya ositanti paripakaya jaraya avasitam madditam. Evam sabbattha. [173] Osane tveva byaruddhe, disva me arati ahuti yobbannadinam osaneyeva antagamake eva ^1- vinasake eva jaradihi byaruddhe ahatacitte satte disva arati me ahosi. Athettha sallanti atha etesu sattesu ragadisallam. Hadayanissitanti cittanissitam. Yobbannam jara vosapetiti jara atthangameti vinaseti. Evam sabbattha. [174] "katham anubhavam sallan"ti ce? yena sallena otinnoti gatha. Tattha disa sabba vidhavatiti sabba duccaritadisapi puratthimadidisapi vidisapi ^2- vidhavati. Tameva sallam abbuyha, na dhavati na sidatiti tameva sallam uddharitva ta ca disa na dhavati, caturoghe ca na sidati. Annanantiadisu nanadassanapatipakkhato annanam adassanam. Abhimukho hutva dhammena na sameti na samagacchatiti anabhisamayo. Anurupato dhamme bujjhatiti anubodho. Tappatipakkhataya ananubodho. Aniccadihi saddhim yojetva na bujjhatiti asambodho. Asantam asamanca bujjhatitipi asambodho. Catusaccadhammam na pativijjhatiti appativedho. Rupadisu ekadhammampi aniccadisamannato na sanganhatiti asangahana. Tameva dhammam na pariyogahatiti apariyogahana. Na samena ^3- pekkhatiti asamapekkhana. Dhammanam sabhavam pati na apekkhatiti ^4- apaccavekkhana. @Footnote: ¹ ka. atthangamake eva ² Si.,ka. gatidisapi @³ cha.Ma. na samam ⁴ Ma. na avekkhati

--------------------------------------------------------------------------------------------- page434.

Kusalakusalakammesu viparitavuttiya sabhavaggahanabhavena va. Ekampi kammam etassa paccakkham natthi, sayam va kassaci dhammassa paccakkhakaranam nama na hotiti apaccakkhakammam. Yam etasmim anuppajjamane cittasantanam mejjham bhaveyya suci vodanam, tam dutthu mejjham iminati dummejjham. Balanam bhavo balyam. Muyhatiti moho. Balavataro moho pamoho. Samantato muyhatiti sammoho. Vijjaya patipakkhabhavato na vijjati avijja. Oghayogattho vuttoyeva. Thamagatatthena anusetiti anusayo. Cittam pariyutthati abhibhavatiti pariyutthanam. Hitaggahanabhavena hitabhimukhi ^1- gantum na sakkoti annadatthu langatiyevati langi, khanjatiti attho. Durugghatanatthena va langi. Yatha hi mahapalighasankhata langi durugghata hoti, evamayampi langi viyati langi. Sesam uttanatthameva. Ya evarupa kankhati ettha kankhanavasena kankha. Kankham anayatiti kankhayana. Purimakankha hi uttarakankham anayati nama. ^2- Akaravasena va etam vuttam. Kankhasamangicittam kankhaya ayitatta kankhayitam nama, tassa bhavo kankhayitattam. Vimatiti vigata mati vimati. Vicikicchati vigata cikiccha vicikiccha, sabhavam va vicinanto kicchati kilamati etayati vicikiccha. Sa samsayalakkhana, kampanarasa, anicchayapaccupatthana, anekamsaggahapaccupatthana va, ayonisomanasikarapadatthana, patipattiya antarayakarati datthabba. Kampanatthena dvidha elayatiti dvelhakam. Patipattinivaranena dvidhapatho viyati dvedhapatho. "niccam va idam aniccam va"tiadipavattiya ekasmim akare santhatum asamatthataya samantato setiti samsayo. Ekamsam gahetum asamatthataya na ekamsaggahoti anekamsaggaho. Nicchetum asakkonti arammanato osakkatiti asappana. Ogahitum asakkonti parisamantato sappatiti parisappana. Pariyogahitum asamatthataya @Footnote: ¹ cha.Ma. hitabhimukham ² ka. uttari kankhayana nama

--------------------------------------------------------------------------------------------- page435.

Apariyogahana. Nicchayavasena arammane pavattitum asamatthataya chambhitattam cittassa, thaddhabhavoti attho. Vicikiccha hi uppajjitva cittam thaddham karoti, yasma pana sa uppajjamana arammanam gahetva manam vilikhanti viya tasma manovilekhoti vutta. Viddhoti sallena laddhappaharo. Phutthoti ghattito. Paretoti pilito. Dhavatiti purato gacchati. Vidhavatiti anekavidhena gacchati. Sandhavatiti vegena dhavati. Samsaratiti ito cito ca carati. Acelakoti niccolo, naggoti attho. Muttacaroti visatthacaro, uccarakammadisu lokiyakulaputtacarena virahito thitakova uccaram karoti, passavam karoti, khadati bhunjati. Hatthavalekhanoti ^1- hatthe pindamhi thite jivhaya hattham avalikhati, ^2- uccaram va katva hatthasmimyeva dandakasanni hutva hatthena avalikhati. Te kira dandakam "satto"ti ^3- pannapenti. Bhikkhagahanattham "ehi bhadante"ti vutto na etiti na ehibhadantiko. Tena hi "tittha bhadante"ti vuttopi na titthatiti na titthabhadantiko. Tadubhayampi kira so "etassa vacanam katam bhavissati"ti na karoti. Abhihatanti puretaram gahetva ahatam bhikkham. Uddissakatanti "idam tumhe uddissa katan"ti evam arocitam bhikkham. Na nimantananti "asukam nama kulam va vithim va gamam va paviseyyatha"ti evam nimantitabhikkhampi na sadiyati na ganhati. Na kumbhimukhati kumbhito uddharitva diyamanam ^4- bhikkham na ganhati. Na kalopimukhati kalopiti ukkhali va pacchi va, tatopi na ganhati. Kasma? kumbhikalopiyo mam nissaya katacchuna paharam labhantiti. Na elakamantaranti ummaram antaram katva diyamanam na ganhati. Kasma? ayam mam nissaya antarakaranam labhatiti. Dandamusalesupi eseva nayo. @Footnote: ¹ cha.Ma. hatthapalekhanoti ² cha.Ma. apalikhati. evamuparipi ³ Ma. pattoti ⁴ cha.Ma. @diyyamanam

--------------------------------------------------------------------------------------------- page436.

Na dvinnanti dvisu bhunjamanesu ekasmim utthaya dente na ganhati. Kasma? kabalantarayo hotiti. Na gabbhiniyatiadisu pana "gabbhiniya kucchiyam Darako kilamati"ti, "payantiyapi darakassa khirantarayo hoti"ti, "purisantaragataya ratiantarayo hoti"ti na ganhati. Na sankittisuti sankittetva katabhattesu. Dubbhikkhasamaye kira acelakasavaka acelakanam atthaya tato tato tanduladini samadapetva bhattam pacanti, ukkattho acelako tatopi na patigganhati. Na yattha sati yattha sunakho "pindam labhissami"ti upatthito hoti, tattha tassa adatva ahatam na ganhati. Kasma? etassa pindantarayo hotiti. Sandasandacariniti samuhasamuhacarini. Sace hi acelakam disva "imassa bhikkham dassama"ti manussa bhattageham pavisanti, tesu ca pavisantesu kalopimukhadisu nilinamakkhika uppatitva sandasanda caranti. Tato ahatam bhikkham na ganhati. Kasma? mam nissaya makkhikanam gocarantarayo jatoti. Thusodakanti sabbasassasambharehi katam socirakam. ^1- Ettha ca surapanameva savajjam, ayam pana sabbesupi savajjasanni. Ekagarikoti yo ekasmimyeva gehe bhikkham labhitva nivattati. Ekalopikoti yo ekeneva alopena yapeti. Dvagarikadisupi eseva nayo. Ekissapi dattiyati ekaya dattiya. Datti nama eka khuddakapati hoti, yattha aggabhikkham pakkhipitva thapenti. Ekahikanti ekadivasantarikam. Addhamasikanti addhamasantarikam. Pariyayabhattabhojananti varabhattabhojanam, ekahavarena dvihavarena sattahavarena addhamasavarenati evam divasavarena abhatam ^2- bhattabhojanam. Sakabhakkhotiadini vuttatthaneva. Ubbhatthakoti uddham thitako. Ukkutikappadhanamanuyuttoti ukkutikam viriyam anuyutto. Gacchantopi ukkutikova hutva uppatitva uppatitva gacchati. Kantakapassayikoti ayakantake va pakatikantake va bhumiyam @Footnote: ¹ cha.Ma. sovirakam ² ka. agatam

--------------------------------------------------------------------------------------------- page437.

Kottetva tattha cammam attharitva thanacankamadini karoti. Seyyanti sayantopi tattheva seyyam kappeti. Phalakaseyyanti rukkhaphalake seyyam. Thandilaseyyanti thandile ucce bhumitthane seyyam. Ekapassayikoti ekapasseneva sayati. Rajojalladharoti sariram telena makkhetva rajutthanatthane titthati, athassa sarire rajojallam laggati, tam dhareti. Yathasanthatikoti laddham asanam akopetva yadeva labhati, tattheva nisidanasilo. Vekatikoti vikatakhadanasilo, ^1- vikatanti gutham vuccati. Apanakoti patikkhittasitudakapano. Sayam tatiyamassati sayatatiyakam. Pato majjhanhike sayanti divasassa tikkhattum "papam pavahessami"ti udakorohananuyogam anuyutto viharati. Te salle abhisankharotiti te ragadisattasalle abhinibbatteti. Abhisankharontoti abhinibbattento. Sallabhisankharavasenati sallabhinibbattapanakarana. Puratthimam disam dhavatiti purimam disam gacchati. Te sallabhisankhara appahinati ete ragadisallap- payoga nappahina. Sallabhisankharanam appahinattati sallappayoganam appahinabhavena. Gatiya dhavatiti gatiyam dhavati. Gatiya gatinti gatito gatim. Na sidatiti na nimujjati. Na samsidatiti na samantato nimujjati. Na osidatiti na osakkati. Na avasidatiti na paccosakkati. Na avagacchatiti na hettha gacchati. [175] Evam mahanubhavena sallena otinnesu ca sattesu:- tattha sikkhanugiyanti, yani loke gadhitaniti gatha. Tassattho:- ye loke panca kamaguna patilabhaya ^2- gijjhantiti katva "gadhitani"ti vuccanti, cirakalasevitatta ^3- va "gadhitani"ti vuccanti. Tattha tam nimittam hatthisikkhadika aneka sikkha kathiyanti, uggayhanti va. Passatha yava pasuto cayam ^4- loko, yato pandito kulaputto tesu va gadhitesu tasu va sikkhasu adhimutto na siya, annadatthu aniccadidassanena nibbijjha sabbaso kame. Attano nibbanameva sikkheti. @Footnote: ¹ ka. ettha ² ka. pancakamagunagadhitaya ³ ka. cirakale gadhitatta ⁴ cha.Ma. samattho vayam

--------------------------------------------------------------------------------------------- page438.

Pativijjhitvati nanena nikkhamitva va nibbijjhitva va. [176] Idani yatha nibbanaya sikkhitabbam, tam dassento "sacco siya"tiadimaha. Tattha saccoti vacasaccena nanasaccena maggasaccena ca samannagato. Rittapesunoti pahinapesuno. Vevicchanti macchariyam. [177] Niddam tandim sahe thinanti pacalayikanca kayalasiyanca cittalasiyancati ime tayo dhamme abhibhaveyya. Nibbanamanasoti nibbananinnacitto. Kayassa akalyatati khandhattayasankhatassa namakayassa gilanabhavo. Gilano hi akallakoti vuccati. Vinayepi ^1- vuttam "naham bhante akallako"ti. Akammannatati kayagelannasankhatova akammannatakaro. Megho viya akasam kayam onayhatiti onaho. Sabbato bhagena onaho pariyonaho. Abbhantare samorundhatiti antosamorodho. Medhatiti middham, akammannabhavena vihimsatiti attho. Supanti tenati suppam. Akkhidaladinam pacalabhavam karotiti pacalayika. Suppana suppitattanti akarabhavaniddeso. ^2- Oliyanati oliyanakaro. Dutiyam upasaggavasena vaddhitam. Linanti avippharikataya patikutitam. ^3- Itare dve akarabhavaniddesa. Thinanti sappipindo viya avippharikataya ghanabhavena thitam. Thiyanati akaraniddeso. Thiyitassa bhavo thiyitattam, avippharavasena thaddhatati ^4- attho. Sabbasankharadhatuyati nibbananinnamanaso sabbatebhumikasankhatadhatuya. Cittam pativapetvati cittam nivattapetva. Etam santanti etam nibbanam. Kilesasantataya santam. Atappakatthena panitam. @Footnote: ¹ vi.mahavi. 1/151/84-5 ² cha.Ma. akarabhavaniddesa @³ ka. patikujjitam ⁴ ka. baddhatati

--------------------------------------------------------------------------------------------- page439.

Na pandita upadhisukhassa hetuti dabbajatika ^1- kamasukhassa karana danani na dadanti. ^2- Kamanca te upadhiparikkhayayati ekamsena te pandita kamakkhayaya kamakkhepanattham danani denti. Apunabbhavayati nibbanatthaya. Jhanani bhaventiti pathamajjhanadini vaddhenti. Punabbhavayati punabbhavakarana. Te pandita nibbanam abhimukham hutva danam dadanti. ^3- [178] Sahasati rattassa ragacaritadibheda sahasakarana. Niddeso uttanatthoyeva. [179] Puranam nabhinandeyyati atitam rupadim nabhinandeyya. Naveti paccuppanne. Hiyamaneti vinassamane. Akasam na sito siyati tanhanissito na bhaveyya. Tanha hi rupadinam akasanato "akaso"ti vuccati. Vemaneti abhavamane. Vigacchamaneti apagacchamane. "akasati"ti "akassati"ti ca duvidho patho. [180] Kimkarana akasam na sito siyati ce? gedham brumiti gatha. Tassattho:- aham hi imam akasasankhatam tanham rupadisu gijjhanato gedham brumi "gedho"ti vadami. Kinca bhiyyo:- avahananatthena "ogho"ti ca ajavanatthena "ajavan"ti ca "imam mayham, idam mayhan"ti jappakaranato "jappanan"ti ca dummocanatthena ^4- "arammanan"ti ca kampakaranatthena "kampanan"ti ca brumi, esava lokassa palibodhatthena duratikkamaniyatthena ca "kamapanko duraccayo"ti. Ajavanti apatisandhito javati dhavatiti ajavam, vattamulataya punabbhave patisandhidanatanhayetam adhivacanam. Jappananti patthana, tanhayetam adhivacanam. Arammanampi vuccati tanhati rupadisu arammanesu uppannatanha muccitum asakkuneyyatthena @Footnote: ¹ ka. dubbajatika ² cha.Ma. na denti ³ ka. nibbanabhimukha hutva dadanti ⁴ cha.Ma. @dummuncanatthena

--------------------------------------------------------------------------------------------- page440.

Arammanati kathiyati. Kamapankoti osidanatthena kalalam. Kaddamoti lagganatthena ^1- kaddamo. Tapanatthena kileso. Niyyasam viya laggapanatthena paliPo. Rundhitva dharanatthena palirodho. Evametam gedhadipariyayam akasam anissito. [181] Sacca avokkamanti gatha. Tassattho:- pubbe vutta tividhapi sacca avokkamam ^2- moneyyapattiya muniti sankham gato nibbanathale titthati brahmano, sa ve evarupo sabbani ayatanani nissajjitva "santo"ti vuccati. Niddese vattabbam natthi. [182] Kinca bhiyyo:- sa ve vidvati gatha. Tattha natva dhammanti aniccadinayena sankhatadhammam annaya. ^3- Samma so loke iriyanoti asammairiyanakaranam kilesanam pahana samma so loke iriyamano. [183] Evam apihento ca:- yodha kameti gatha. Tattha sanganti sattavidham sangam yo accatari. Najjhetiti na abhijjhayati. [184] Tasma tumhesupi yo evarupo hotumicchati, tam vadami:- yam pubbeti gatha. Tattha yam pubbeti atite sankhare arabbha uppajjanadhammam kilesajatam atitakammanca. Paccha te mahu kincananti anagatepi sankhare arabbha uppajjanadhammam ragadikincanam ma ahu. Majjhe ce no gahessasiti paccuppannarupadidhammepi ^4- na gahessasi ce. Evam upasanto carissasi. Abijam karohiti maggananena na bijam karohi. Ragakincananti ragaphandanam. ^5- Dosakincanadisupi eseva nayo. @Footnote: ¹ cha.Ma. sangatthena ² Ma. avokkamma ³ ka. natva @⁴ ka. rupadidhamme ⁵ Si.,ka. ragamadanam, Ma. ragabandhanam

--------------------------------------------------------------------------------------------- page441.

[185] Evam arahattappattim dassetva idani arahato thutivasena ito para gathayo abhasi. Tattha sabbasoti gathaya mamayitanti mamattakaranam. "mama idan"ti gahitam va vatthu. Asata ca na socatiti avijjamanakarana asantakarana na socati. Na jiyatiti janim nadhigacchati. Ahu vata meti mayham ahosi vata. Tam vata me natthiti yam atite ahosi, tam mayham idani natthiti. ^1- Siya vata meti yam mayham bhavissati, tam vataham na labhamiti idani aham ekamsena na papunami. [186] Kinca bhiyyo:- yassa natthiti gatha. Tattha kincananti kinci rupadidhammajatam. Abhisankhatanti kammena sankharitam. ^2- Abhisancetayitanti cittena rasikatam. Avijjaya tvevati avijjaya tu eva. Asesaviraganirodhati viragasankhatena maggena niravasesanirodha. Sunnato lokam avekkhassuti avasavattisallakkhanavasena va ^3- tucchasankhara- samanupassanavasena vati dvihakarehi sunnato lokam passa. Attanuditthim uhaccati sakkayaditthim uddharitva. Evam maccutaro siyati evam maranassa tarano bhaveyya. ^4- Evam lokam avekkhantanti evam khandhalokam passantam. Maccuraja na passatiti maranaraja na oloketi na dakkhati. Nannam patthayate kinciti annam appamattakampi na patthayati na pihayati. Annatra appatisandhiyati nibbanam thapetva. "annatrappatisandhiya"ti ekam padam katvapi pathanti. @Footnote: ¹ cha.Ma. na santi ² Ma.,ka. sangopitam @³ Si. avasiyapavatti, Ma. sallakkhanavasena va, cha. amisapavatta... ⁴ Si. bhavissasi

--------------------------------------------------------------------------------------------- page442.

[187] Kinca bhiyyo:- anitthuriti gatha. Tattha anitthuriti anissuki. "anitthari"tipi ^1- keci pathanti. Sabbadhi samoti sabbattha samo, upekkhakoti adhippayo. Kim vuttam hoti? yo so "natthi me"ti na socati, tamaham avikampinam puggalam puttho samano anitthuri ananugiddho, anejo sabbadhi samoti imam tasmim puggale catubbidhamanisamsam brumiti. Nitthuriyoti issuki. Nitthurabhavo nitthuriyam, tam nissaya ettakampi natthiti khelapatanti attho. Nitthuriyakammanti nitthuriyakaranam. Gahattho va hi gahattham bhikkhu va bhikkhum nissaya vasanto appamattakeneva kujjhitva tam nissaya ettakampi natthiti khelam patetva padena maddanto viya nitthuriyam nama karoti. Tassa tam kammam "nitthuriyakamman"ti vuccati. Issati sabhavaniddeso. Tato para dve akarabhavaniddesa. Itarattayam pariyayavacanam. Lakkhanadito panesa parasampattinam usuyanalakkhana ^2- issa, tattha ca anabhiratirasa, tato vimukhabhavapaccupatthana, parasampattipadatthana. Labhepi na injatiti paccayalabhe na calati. Alabhepiti paccayanam alabhepi. [188] Kinca bhiyyo:- anejassati gatha. Tattha nisankhatiti punnabhisankharadisu yo koci sankharo. So hi yasma nisankhariyati, nisankharoti va, tasma "nisankhati"ti vuccati. Viyarambhati vividha punnabhisankharadika arambha. Khemam passati sabbadhiti sabbattha abhayameva passati. Arambhati kammanam pathamarambha. Viyarambhati uparupari vividhaarambhanavasena viriyarambha. Tisu bhavesu patisandhijanakakammanam etam adhivacanam. Tasma viyarambha arato. @Footnote: ¹ Si. anuddhariti ² ka. ussuyana...

--------------------------------------------------------------------------------------------- page443.

[189] Evam passanto na samesuti gatha. Tattha na vadateti "sadisohamasmi"tiadina manavasena samesupi attanam na vadati omesupi ussesupi. Nadeti na nirassatiti rupadisu kanci dhammam na ganhati na nissajjati. Sesam sabbattha tattha tattha vuttanayatta pakatameva. Evam arahattanikuteneva desanam nitthapesiti. Saddhammapajjotikaya mahaniddesatthakathaya attadandasuttaniddesavannana nitthita. Pannarasamam. --------------------

The Pali Atthakatha in Roman Book 45 page 428-443. http://84000.org/tipitaka/atthapali/read_rm.php?B=45&A=9860&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=45&A=9860&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=29&i=788 เนื้อความพระไตรปิฎกฉบับหลวง :- http://84000.org/tipitaka/read/r.php?B=29&A=9094 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=29&A=9863 The Pali Tipitaka in Roman Character :- http://84000.org/tipitaka/read/roman_read.php?B=29&A=9863 Contents of The Tipitaka Volume 29 http://84000.org/tipitaka/read/?index_29