AtthaPali Vol.46

12. Bhadravudhamanavasuttaniddesavannana [70] Dvadasame bhadravudhasutte:- okanjahanti alayam jaham. Tanhacchidanti tanhakayacchidam. Anejanti lokadhammesu nikkampam. Nandinjahanti anagatarupadi patthanajaham. Eka eva hi sa tanha, thutivasena idha @Footnote: ¹ cha.Ma. vihitabbanti cajitabbam ² ka. uppajjana... Nanappakarato vutta. Kappanjahanti duvidham kappajaham. Abhiyaceti ativiya yacami. Sutvana nagassa apanamissanti itoti nagassa tava bhagavato vacanam sutva ito pasanakacetiyato bahujana pakkamissantiti adhippayo. Ye upayupadanati tanhaditthihi upagantva gahita. Cetaso adhitthanati citte patitthita. Abhinivesanusayati adhitthahitva ^1- agantva sayita. [71] Janapadehi sangatati angadihi janapadehi idha samagata. Viyakarohiti dhammam desehi. Sangatati ete khattiyadayo ekibhuta. Samagatati vuttappakarehi janapadehi agata. Samohitati rasibhuta. Sannipatitati aviyoga. ^2- [72] Athassa asayanulomena dhammam desento bhagava uparupari gathayo abhasi. Tattha adanatanhanti rupadinam adayikam gahanatanham, tanhupadananti vuttam hoti. Yam yam hi lokasmim upadiyantiti etesu upadadibhedesu ^3- yam yam ganhanti. Teneva maro anveti jantunti teneva upadanapaccayanibbattakammabhisankharanibbattavasena patisandhikkhandhamaro ^4- tam sattam anugacchati. [73] Tasma pajananti tasma etamadinavam aniccadivasena va sankhare pajananto. Adanasatte iti pekkhamano, pajam imam maccudheyye visattanti adatabbatthena adanesu rupadisu satte sabbaloke imam pajam maccudheyya laggam pekkhamano, adanasatte va adanabhinivitthe puggale adanasangahetunca imam pajam maccudheyya laggam tato vitikkamitum asamattham ^5- iti pekkhamano kincanam sabbaloke na upadiyethati. Sesam sabbattha pakatameva. Evam bhagava idampi suttam arahattanikuteneva desesi. Desanapariyosane ca pubbasadiso eva dhammabhisamayo ahositi. Saddhammappajjotikaya culaniddesatthakathaya bhadravudhamanavasuttaniddesavannana nitthita. Dvadasamam. @Footnote: ¹ cha.Ma. patitthahitva ² cha.Ma. adhiyoga ³ cha.Ma. uddhadibhedesu @⁴ ka. patisandhikkhane maro ⁵ ka. samattham

The Pali Atthakatha in Roman Book 46 page 45-46. http://84000.org/tipitaka/atthapali/read_rm.php?B=46&A=1138&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=46&A=1138&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=30&i=413 เนื้อความพระไตรปิฎกฉบับหลวง :- http://84000.org/tipitaka/read/r.php?B=30&A=3783 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=30&A=4095 The Pali Tipitaka in Roman Character :- http://84000.org/tipitaka/read/roman_read.php?B=30&A=4095 Contents of The Tipitaka Volume 30 http://84000.org/tipitaka/read/?index_30