ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 46 : PALI ROMAN Nid.A.2 (saddhammapaj.)

                   15. Mogharajamanavasuttaniddesavannana
      [85] Pannarasame mogharajasutte:- dvahanti dve vare aham. So
hi pubbe ajitasuttassa 2- ca tissametteyyasuttassa 3- ca avasane dvikkhattum
bhagavantam pucchi, bhagava panassa indriyaparipakam agamayamano na byakasi.
Tenaha "dvaham sakkam apucchissan"ti. Yavatatiyanca devisi, byakarotiti me
sutanti yavatatiyanca sahadhammikam puttho visuddhidevabhuto isi bhagava sammasambuddho
@Footnote: 1 ka. dhutangavasena   2 khu. su. 25/1039-46/531-2   3 khu. su. 25/1047-9/532-3
Byakarotiti evamme sutam. Godhavaritireyeva kira so evamassosi. Tenaha
"byakarotiti me sutan"ti. Imissa gathaya niddese yam vattabbam siya, tam
hettha vuttanayam eva.
      [86] Ayam lokoti manussaloko. Paro lokoti tam thapetva avaseso.
Sadevakoti brahmalokam thapetva avaseso upapattidevasammutidevayutto. "brahmaloko
sadevako"ti etam va "sadevako loko"tiadinayanidassanamattam. 1- Tena sabbopi
tathavuttappakaraloko veditabbo.
      [87] Evam abhikkantadassavinti evam aggadassavim, sadevakassa lokassa
ajjhasayadhimuttigatiparayanadini passitum samatthanti dasseti.
      [88] Sunnato lokam avekkhassuti avasiyappavattasallakkhanavasena 2- va
tucchasankharasamanupassanavasena vati dvihakarehi sunnato lokam passa. Attanuditthim
uhaccati sakkayadatthim uddharitva.
      Lujjatiti bhijjati. Cakkhatiti cakkhu. Tadetam sasambharacakkhuno setamandala-
parikkhittassa kanhamandalassa majjhe abhimukhe thitanam sarirasanthanuppattidesabhute
ditthamandale cakkhuvinnanadinam yatharaham vatthudvarabhavam sadhayamanam titthati.
Rupayantiti rupa, vannavikaramapajjanta hadayangatabhavam 3- pakasentiti attho.
Cakkhuto pavattam vinnanam, cakkhussa va cakkhusannissitam va vinnananti 4-
cakkhuvinnanam. Cakkhuto pavatto samphasso cakkhusamphasso. Cakkhusamphassapaccayati
cakkhuvinnanasampayuttaphassapaccaya. Vedayitanti vindanam, vedanati attho. Tadeva
sukhayatiti sukham, yassa uppajjati, tam sukhitam karotiti attho. Sutthu va
khadati, khanati ca kayacittabadhanti sukham. Dukkhayatiti dukkham, yassa uppajjati,
tam dukkhitam karotiti attho. Na dukkham na sukhanti adukkhamasukham. Makaro
padasandhivasena vutto. So pana cakkhusamphasso attano 5- sampayuttaya vedanaya
sahajataannamannanissayavipakaaharasampayuttaatthiavigatavasena atthadha paccayo
@Footnote: 1 ka.....adivacanassa nidassanamattam.   2 Ma. avasavatti....
@3 ka. hadayabhavam   4 cha.Ma. vinnanam   5 cha.Ma. cakkhusamphasse attana
Hoti, sampaticchannasampayuttaya anantarasamanantarupanissayanatthivigatavasena
pancadha, santiranadisampayuttanam upanissayavaseneva paccayo hoti.
      Sunatiti sotam, tam sasambharasotabilassa anto tanutambalomacite
angulivedhakasanthane padese sotavinnanadinam yatharaham vatthudvarabhavam sadhayamanam
titthati. Saddiyantiti 1- sadda, udahariyantiti attho. Ghayatiti ghanam, tam
sasambharaghanabilassa anto ajapadasanthane padese ghanavinnanadinam yatharaham
vatthudvarabhavam sadhayamanam titthati. Gandhiyantiti gandha, attano vatthum suciyantiti
attho. Jivitam avhatiti jivha, sayanatthena va jivha. Sa sasambharajivhaya
atiaggamulapassani vajjetva uparimatalamajjhe bhinnauppaladalaggasanthane padese
jivhavinnanadinam yatharaham vatthudvarabhavam sadhayamana titthati. Rasanti te
sattati rasa, assadentiti attho.
      Kucchitanam sasavadhammanam 2- ayoti kayo. Ayoti uppattideso. So
yavata imasmim kaye upadinnappavatti nama atthi, tattha yebhuyyena
kayappasado kayavinnanadinam yatharaham vatthudvarabhavam sadhayamano titthati.
Phusiyantiti photthabba. Manatiti 3- mano, vijanatiti attho. Attano lakkhanam
dharentiti dhamma. Manoti sahavajjanabhavangam. Dhammati nibbanam muncitva avasesa
dhammarammanadhamma. 4-  Manovinnananti javanamanovinnanam. Manosamphassoti
tamsampayutto phasso, so sampayuttaya vedanaya vipakapaccayavajjehi sesehi
sattahi paccayehi paccayo hoti anantaraya teheva sesanam upanissayeneva
paccayo hoti.
      Avasiyapavattasallakkhanavasena vati avaso 5- hutva pavattasankhare dassanavasena
olokanavasenati attho. Rupe vaso na labbhatiti rupasmim vasavattibhavo issarabhavo
na labbhati. Vedanadisupi eseva nayo.
@Footnote: 1 ka. sappantiti   2 cha.Ma. asavadhammanam   3 ka. munatiti
@4 ka. dhammarammana  5 ka. avasiye
      Nayam bhikkhave kayo tumhakanti attani hi 1- sati attaniyam nama
hoti, attayeva ca natthi. Tasma "nayam bhikkhave kayo na tumhakan"ti
aha. Napi annesanti anno nama paresam atta. Tasmim sati annesam
nama siya, sopi natthi. Tasma "napi annesan"ti aha. Puranamidam
bhikkhave kammanti nayidam puranakammameva, puranakammanibbatto panesa kayo.
Tasma paccayavoharena evam vutto. Abhisankhatantiadi kammavoharasseva vasena
purimalingasabhagataya 2- vuttam. Ayampanettha attho:- abhisankhatanti paccayehi
katoti datthabbo. Abhisancetayitanti cetanavatthuko, cetanamulakoti datthabbo.
Vedaniyanti vedanaya vatthuti datthabbo.
      Rupe saro na labbhatiti rupe niccadisaro na labbhati. Vedanadisupi
eseva nayo. Rupam assaram nissaranti rupam 3- assaram saravirahitanca.
Sarapagatanti sarato apagatam. Niccasarasarena vati bhangam atikkamitva
pavattamanena niccasarena va. Kassaci niccasarassa abhavato niccasarena
saro natthi. Sukhasarasarena vati vimuttisukham 4- atikkamitva pavattamanassa
kassaci sukhasarassa 5- abhavato sukhasarasarena va. Attasarasarena vati
attattaniyasarasarena va. Niccena vati bhangam atikkamitva pavattamanassa
kassaci niccassa abhavato 6- niccena va. Dhuvena vati vijjamanakalepi
paccayayattavuttitaya thirassa kassaci abhavato dhuvena va. Sassatena vati
abbocchinnassa sabbakale vijjamanassa kassaci abhavato sassatena va.
Aviparinamadhammena vati jarabhangavasena aviparinamapakatikassa kassaci abhavato
aviparinamadhammena va.
      Cakkhu sunnam attena va attaniyena vati "karako vedako
sayamvasi"ti evam parikappitena attana va attabhavatoyeva attano santakena
parikkharena ca sunnam. Sabbam cakkhvadilokiyadhammajatam yasma atta ca ettha
@Footnote: 1 cha.Ma. ayam saddo na dissati   2 cha.Ma....sabhavataya   3 Si.,Ma. sayam
@4 Si. pitisukham, cha.Ma. thitisukham     5 Si. sarassa   6 Ma.sabhakato
Natthi, attaniyanca ettha natthi, tasma "sunnan"ti vuccatiti attho.
Lokuttarapi dhamma attattaniyehi sunnayeva, sunnatitadhamma natthiti vuttam
hoti. Tasmim dhamme attattaniyasarassa natthibhavo vutto hoti. Loke ca
"sunnam gharam sunno ghato"ti vutte 1- gharassa ghatassa ca natthibhavo na hoti,
tasmim ghate ca annassa natthibhavo vutto hoti. Bhagavata ca iti yamhi 2-
koci tattha na hoti, tena tam sunnam. Yam pana tattha avasittham hoti, tam
santam idamatthiti pajanatiti ayameva attho vutto. Tatha nayaganthe
saddaganthe ca ayameva attho. Iti imasmim suttante 3- anattalakkhanameva
kathitam. Anissariyatoti attano issariye avasavattanato. 4- Akamakariyatoti
attano akamam arucikaranavasena. Aphasuniyatoti 5- thatum patitthabhavato.
Avasavattanatoti attano vase avattanato. Pavattitoti 6- aniccato
paccayayattavuttito. Vivittatoti nissarato.
      Suddhanti kevalam issarakalapakatihi vina kevalam paccayuppattivasena 7- pavattamanam
suddham nama. Attaniyavirahito suddhadhammapunjoti ca. Suddham dhammasamuppadam,
suddham sankharasantatinti suddham passantassa janantassa sankharanam santatim
abbocchinnam sankharasantatim. Tatheva suddham passantassa sankharadini, ekatthani
adarena dvittikkhattum vuttani. Evam passantassa maranamukhe bhayam na hoti.
Gamaniti alapanam. Tinakatthasamam lokanti imam upadinnakkhandhasankhatam lokam. Yada
tinakatthasamam pannaya passati. Yatha aranne tinakatthadisu ganhantesu
attanam va attaniyam va ganhatiti na hoti, tesu va tinakatthadisu
sayameva nassantesupi vinassantesupi atta nassati, attaniyo nassatiti na
hoti. Evam imasmim kayepi nassante va vinassante va atta va attaniyam
va bhijjatiti apassanto pannaya tinakatthasamam passatiti vuccati. Na annam
patthayate kinci, annatrappatisandhiyati patisandhivirahitam nibbanam thapetva
annam bhavam va attabhavam va na pattheti.
@Footnote: 1 cha.Ma. vutto    2 cha.Ma. yampi   3 cha.Ma. sutte   4 Si. apavattanato
@5 cha.Ma. apapuniyatoti  6 cha.Ma. paratoti    7 cha.Ma. paccayayattapavattivasena
      Rupam samannesatiti rupassa saram pariyesati. Ahanti vati ditthivasena.
Mamanti vati tanhavasena. Asmiti vati manavasena. Tampi tassa na hotiti
tam tividhampi tassa puggalassa na hoti.
      Idhati desapadese nipato, svayam katthaci lokam upadaya vuccati.
Yathaha "idha tathagato loke uppajjati"ti. 1- Katthaci sasanam. Yathaha "idheva
bhikkhave samano, idha dutiyo samano"ti. 2- Katthaci okasam. Yathaha:-
          "idheva titthamanassa         devabhutassa me sato
           punarayu ca me laddho       evam janahi marisa"ti. 3-
      Katthaci padapuranamattameva. Yathaha "idhaham bhikkhave bhuttavi assam
pavarito"ti 4- idha pana lokam upadaya vuttoti veditabbo. Assutava puthujjanoti
ettha pana agamadhigamabhava neyyo "assutava"iti. Yassa hi khandhadhatu-
ayatanapaccayakarasatipatthanadisu uggahaparipucchavinicchayarahitatta ditthipatisedhako
neva agamo, patipattiya adhigantabbassa anadhigatatta neva adhigamo atthi,
so agamadhigamabhava neyyo "assutava"iti. Svayam:-
           puthunam jananadihi            karanehi puthujjano
           puthujjanantogadhatta         puthuvayam jano iti. 5-
      So hi puthunam nanappakaranam kilesadinam jananadihipi karanehi puthujjano.
Yathaha:- puthu kilese janentiti puthujjana, puthu avihatasakkayaditthikati
puthujjana, puthu sattharanam mukhullokikati puthujjana, puthu sabbagatihi
avutthitati puthujjana, puthu nanabhisankhare abhisankharontiti puthujjana, puthu
nanaoghehi vuyhantiti puthujjana, puthu nanasantapehi santappantiti puthujjana,
puthu nanaparilahehi paridayhantiti puthujjana, puthu pancasu kamagunesu ratta
giddha gadhita munchita ajjhapanna 6- lagga laggita palibuddhati puthujjana,
@Footnote: 1 sam. kha. 17/78/69, an. catukka. 21/33/38
@2 Ma.mu. 12/139/98, di. maha. 10/214/133
@3 di. maha. 10/369/244     4 Ma.mu. 12/30/17
@5 su. vi. 1/58, pa. su. 1/2/21. mano. pu. 1/51/54    6 cha.Ma. ajjhosanna
Puthu pancahi nivaranehi avuta nivuta ophuta 1- pihita paticchanna patikujjitati
puthujjana, 2- puthunam va gananapathamatitanam ariyadhammaparammukhanam nicadhammasamacaranam
jananam antogatattatipi puthujjana, puthuva ayam visumyeva sankhyam gato, visamsattho
silasutadigunayuttehi ariyehi janotipi puthujjano. Evametehi "assutava
puthujjano"ti dvihi padehi ye te:-
         "duve puthujjana vutta          buddhenadiccabandhuna
          andho puthujjano eko         kalyaneko puthujjano"ti 3-
dve puthujjana vutta, tesu andhaputhujjano vutto hotiti veditabbo.
      Ariyanam adassavitiadisu ariyati arakatta kilesehi, anaye
aniriyanato, aye iriyanato, sadevakena ca lokena araniyato buddha ca
paccekabuddha ca buddhasavaka ca vuccanti, buddha eva va idha ariya. Yathaha
"sadevake bhikkhave loke .pe. Tathagato ariyoti vuccati"ti 4-
      sappurisati ettha pana paccekabuddha tathagatasavaka ca "sappurisa"ti
veditabba. Te hi lokuttaragunayogena sobhana purisati sappurisa. Sabbeva va
ete dvedhapi vutta. Buddhapi hi ariya ca sappurisa ca paccekabuddhapi
buddhasavakapi. Yathaha:-
                  "yo ve katannu katavedi dhiro
                   kalyanamitto dalhabhatti ca hoti
                   dukkhitassa sakkacca karoti kiccam
                   tathavidham sappurisam vadanti"ti.
      "kalyanamitto dalhabhatti ca hoti"ti ettavata hi buddhasavaka
vutta. 5- Katannutadihi paccekabuddha buddhati, idani yo tesam ariyanam
adassanasilo, na ca dassane sadhukari, so ariyanam adassaviti veditabbo.
@Footnote: 1 cha.Ma. ovuta        2 khu. maha. 29/239/179 (sya)
@3 su.vi. 1/58, pa.su. 1/22, sa.pa. 2/61/111, mano. pu. 2/55
@4 sam. maha. 19/1098/380    5 cha.Ma. buddhasavako vutto
So ca 1- cakkhuna adassavi, nanena adassaviti duvidho, tesu nanena adassavi
idha adhippeto. Mamsacakkhuna hi dibbacakkhuna va ariya ditthapi aditthava
honti tesam cakkhuna vannamattaggahanato, na ariyabhavagocarato. 2-
Sonasingaladayopi mamsacakkhuna ariye passanti, na ca te ariyanam dassavino.
      Tatridam vatthu:- cittalapabbatavasino kira khinasavattherassa upatthako
vuddhapabbajito ekadivasam therena saddhim pindaya caritva therassa pattacivaram
gahetva pitthito agacchanto theram pucchi "ariya nama bhante kidisa"ti. Thero
aha "idhekacco mahallako ariyanam pattacivaram gahetva vattapatipattim 3- katva saha
carantopi neva ariye janati, evam dujjana avuso ariya"ti. Evam vuttepi
so neva annasi. Tasma cakkhuna dassanam, na dassanam, nanena dassanameva
dassanam. Yathaha "alante 4- vakkali, kim te imina imina putikayena
ditthena, yo kho vakkali dhammam passati, so mam passati"ti. 5- Tasma cakkhuna
passantopi nanena ariyehi dittham aniccadilakkhanam apassanto, ariyadhigatanca
dhammam anadhigacchanto, ariyakaradhammanam ariyabhavassa ca aditthatta "ariyanam
adassavi"ti veditabbo.
      Ariyadhammassa akovidoti satipatthanadibhede ariyadhamme akusalo.
Ariyadhamme avinitoti ettha pana:-
            duvidho vinayo nama        ekamekettha pancadha
            abhavato tassa ayam        "avinito"ti vuccati. 6-
      Ayanhi samvaravinayo pahanavinayoti duvidho vinayo. Ettha ca duvidhepi
vinaye ekamekopi vinayo pancadha bhijjati. Samvaravinayopi hi silasamvaro
satisamvaro khantisamvaro nanasamvaro viriyasamvaroti pancavidho. Pahanavinayopi
tadangappahanam vikkhambhanappahanam samucchedappahanam patippassaddhippahanam
nissaranappahananti  pancavidho.
@Footnote: 1 cha.Ma. ca-saddo na dissati   2 ka. ariyabhavabhavato   3 cha.Ma. cakkhuna
@4 ka. kinte    5 sam. kha. 17/87/86    6 pa. su. 1/24
      Tattha "imina patimokkhasamvarena upeto hoti samupeto"ti 1- ayam
silasamvaro. "rakkhati cakkhundriyam, cakkhundriye samvaram apajjati"ti 2- ayam
satisamvaro.
                Yani sotani lokasmim (ajitati bhagava)
                sati tesam nivaranam
                sotanam samvaram brumi
                pannayete pithiyyareti 3-
ayam nanasamvaro. "khamo hoti sitassa unhassa"ti 4- ayam khantisamvaro.
"uppannam kamavitakkam nadhivaseti"ti 5- ayam viriyasamvaro. Sabbopi cayam samvaro
yathasakam samvaritabbanam vinetabbananca kayaduccaritadinam samvaranato "samvaro "
vinayanato "vinayo"ti vuccati. Evam tava samvaravinayo pancadha bhijjatiti
veditabbo.
      Tatha yam namarupaparicchedadisu vipassanananesu patipakkhabhavato
dipalokeneva tamassa, tena tena vipassanananena tassa tassa anatthassa 6-
pahanam. Seyyathidam:- namarupavavatthanena sakkayaditthiya, paccayapariggahena
ahetuvisamahetuditthinam, tasseva aparabhagena kankhavitaranena kathamkathibhavassa,
kalapasammasanena "aham mama"ti gahassa, maggamaggavavatthanena amagge
maggasannaya, udayadassanena ucchedaditthiya, vayadassanena sassataditthiya,
bhayadassanena sabhaye abhayasannaya, adinavadassanena assadasannaya 7-
nibbidanupassanaya abhiratisannaya, muncitukamyatananena amuncitukamataya,
upekkhananena anupekkhaya, anulomena dhammatthitiyam nibbane ca patilomabhavassa,
gotrabhuna sakharanimittaggahassa pahanam. Etam tadangappahanam nama.
@Footnote: 1 abhi. vi. 35/511/296     2 di.Si. 9/454/201, Ma. mu. 12/295/258,
@  sam. sala. 18/317/220 (sya), an. catukka. 21/14/18   3 khu. su. 25/2042/532,
@  khu. cula. 30/75/16 (sya)       4 Ma. mu. 12/24/14
@5 Ma. mu. 12/26/15, an. dasaka. 24/60/88  6 ka. angassa  7 ka., Ma. adinavasannaya
      Yam pana upacarappanabhedena samadhina pavattibhavanivaranato
ghatappahareneva udakapitthisevalassa tesam tesam nivaranadidhammanam pahanam, etam
vikkhambhanappahanam nama. Yam catunnam ariyamagganam bhavitatta tamtammaggavato
attano attano santane "ditthigatanam pahanaya"tiadina 1- nayena vuttassa
samudayapakkhiyassa sabbakilesaganassa 2- accantaappavattibhavena pahanam, idam
samucchedappahanam nama. Yam pana phalakkhane patippassaddhattam kilesanam, etam
patippassaddhippahanam nama. Yam sabbasankhatanissatatta pahinasabbasankhatam
nibbanam, etam nissaranappahanam nama. Sabbampi cetam pahanam yasma
cagatthena pahanam, vinayatthena vinayo, tasma "pahanavinayo"ti vuccati.
Tamtampahanavato va tassa tassa vinayassa sambhavato cetam 3- "pahanavinayo"ti vuccati.
Evam pahanavinayopi pancadha bhijjatiti veditabbo. 4-
      Evamayam sankhepato duvidho bhedato ca dasavidho vinayo bhinnasamvaratta,
pahatabbassa ca appahinatta yasma etassa assutavato puthujjanassa natthi,
tasma abhavato tassa ayam "avinito"ti vuccatiti. Eseva nayo sappurisanam
adassavi sappurisadhammassa akovido, sappurisadhamme avinitoti etthapi.
Ninnanakaranam hi etam atthato. Yathaha "yeva te ariya, teva te
sappurisa. Yeva te sappurisa, teva te ariya. Yo eva so ariyanam dhammo,
so eva so sappurisanam dhammo. Yo eva so sappurisanam dhammo, so eva
so ariyanam dhammo. Yeva te ariyavinaya, teva te sappurisavinaya. Yeva te
sappurisavinaya, teva te ariyavinaya. Ariyeti va, sappuriseti va, ariyadhammeti
va, sappurisadhammeti va, ariyavinayeti va, sappurisavinayeti va ekasese 5-
eke ekatthe same samabhage tajjate tannevati. 6-
      Rupam attato samanupassatiti idhekacco rupam attato samanupassati, "yam
rupam, so aham. Yo aham, tam rupan"ti rupanca attananca advayam samanupassati.
@Footnote: 1 abhi. sam. 34/273/82, abhi. vi. 35/626/321    2 cha.Ma. kilesaganassa
@3 cha.Ma. sambhavatopetam  4 pa. su. 1/24  5 cha.Ma. esese   6 abhi. A. 1/412
Seyyathapi nama telappadipassa jhayato "ya acci, so vanno. Yo vanno,
sa acci"ti accinca vannanca advayam samanupassati, evameva idhekacco rupam
attato .pe. Samanupassatiti 1- evam rupam "atta"ti ditthim samanupassati. 2-
Rupavantam va attananti arupam "atta"ti gahetva chayavantam rukkham viya tam
rupavantam "atta"ti samanupassati. Attani va rupanti arupameva "atta"ti
gahetva pupphasmim gandham viya attani rupam samanupassati. Rupasmim va
attananti arupameva "atta"ti gahetva karandake manim viya tam attanam
rupasmim samanupassati. Vedanadisupi eseva nayo.
      Tattha "rupam attato samanupassati"ti suddharupamyeva "atta"ti kathitam.
"rupavantam va attanam, attani va rupam, rupasmim va attanam. Vedanam attato.
Sannam. Sankhare. Vinnanam attato samanupassati"ti imesu sattasu thanesu
arupam "atta"ti kathitam, "vedanavantam va attanam, attani va vedana,
vedanaya va attanan"ti evam catusu khandhesu tinnam tinnam vasena dvadasasu
thanesu ruparupamissako atta kathito. Tattha rupam attato samanupassati.
Vedanam. Sannam. Sankhare. Vinnanam attato samanupassatiti 3- pancasu
thanesu ucchedaditthi kathita. Avasesesu sassataditthi. Evamettha pannarasa
bhavaditthiyo panca bhavaditthiyo honti. Ta sabbapi maggavarana, na saggavarana,
pathamamaggavajjhati veditabba.
      Arannikoti aranne nivaSi. 4- Pavaneti mahante gambhiravane. Caramanoti
tahim tahim vicaramano. Vissattho gacchatiti nibbhayo nirasanko carati. Anapathagato
luddassati migaluddassa parammukhagato. Antamakasi maranti kilesamaram va
devaputtamaram va antam akasi. Apadam vadhitvati kilesapadam hantva
nasetva. 5- Maracakkhu adassanam gatoti marassa adassanavisayam patto.
Anapathagatoti marassa parammukham patto. Sesam sabbattha pakatameva.
@Footnote: 1 khu. pati. 31/148   2 cha.Ma. ditthipassanaya passati   3 khu. pati. 31/135/155
@4 cha.Ma. nivasam    5 ka. kilesacaram acaram katva nasetva
      Evam bhagava idampi suttam arahattanikuteneva desesi. Desanapariyosane
ca vuttasadisoyeva dhammabhisamayo ahositi.
                  Saddhammappajjotikaya culaniddesatthakathaya
                 mogharajamanavasuttaniddesavannana nitthita.
                             Pannarasamam.
                        -----------------



             The Pali Atthakatha in Roman Book 46 page 69-80. http://84000.org/tipitaka/atthapali/read_rm.php?B=46&A=1754&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=46&A=1754&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=30&i=490              เนื้อความพระไตรปิฎกฉบับหลวง :- http://84000.org/tipitaka/read/r.php?B=30&A=4519              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=30&A=4868              The Pali Tipitaka in Roman Character :- http://84000.org/tipitaka/read/roman_read.php?B=30&A=4868              Contents of The Tipitaka Volume 30 http://84000.org/tipitaka/read/?index_30

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]