ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 46 : PALI ROMAN Nid.A.2 (saddhammapaj.)

                 2. Tissametteyyamanavasuttaniddesavannana
      [9] Dutiye tissametteyyasuttaniddese:- kodha santusitoti nitthite
pana ajitasutte "katham lokam avekkhantam, maccuraja na passati"ti 4- evam
mogharaja pucchitum arabhi. "na tavassa indriyani paripakam gatani"ti natva
@Footnote: 1  cha.Ma. casaddo na dissati  2 cha.Ma..........sahassananca
@3 ka. saccabhisittaladdha...   4 khu.su. 25/1125/549,
@khu.cula. 30/503/245 (sya)
Bhagava "tittha tvam mogharaja, anno pucchatu"ti patikkhipi. Tato tissametteyyo
attano samsayam pucchanto "kodha"ti gathamaha. Tattha kodha santusitoti ko
idha satto tuttho. Injitati tanhaditthivipphanditani. Ubhantamabhinnayati
ubho ante abhijanitva. Manta na limpatiti 1- pannaya na limpati. 2-
      Paripunnasankappoti nekkhammadivitakkehi paripunnasankappatta
paripunnamanoratho.
      Tanhinjitanti tanhaya calitam. Ditthinjitadisupi eseva nayo. Kaminjitanti
kilesakamehi injitam phanditam. "kamminjitan"tipi patho, tam na sundaram.
      Mahanto purisoti mahapuriso. Uttamo purisoti aggapuriso. Padhano
purisoti setthapuriso. Alamako purisoti visitthapuriso. Jetthako  purisoti
pamokkhapuriso. Ahetthimako 3- purisoti uttamapuriso. Purisanam kotippatto
purisoti padhanapuriso. Sabbesam icchito puriso pavarapuriso.
      Sibbinimaccagati tanham atiaga, atikkamitva thito. Upaccagati bhusam
atiaga.
      [10] Tassetamattham bhagava byakaronto "kamesu"ti gathadvayamaha.
Tattha kamesu brahmacariyavati kamanimittam brahmacariyava, kamesu adinavam
disva maggabrahmacariyena samannagatoti vuttam hoti. Ettavata santusitatam
dassesi. "vitatanho"tiadihi aninjitatam. 4- Tattha sankhaya nibbutoti
aniccadivasena dhamme vimamsitva ragadinibbanena nibbuto.
      Asaddhammasamapattiyati nicadhammasamayogato. Aratiti araka ramanam.
Viratiti taya  vina ramanam. 5- Pativiratiti patinivattitva taya vina ramanam. 5-
Veramaniti veravinasanam 6- akiriyati kiriyapacchindanam. 7- Akarananti
karanaparicchindanam. Anajjhapattiti anapajjanata. Velaanatikkamoti simaanatikkamo.
Sesam tattha tattha vuttanayatta pakatameva.
@Footnote: 1 cha.Ma. na lippatiti   2 cha.Ma. na lippati   3 cha.Ma. na hetthimako   4 ka. anejatam
@5 ka. viramanam   6 Ma. ramanam   7 Si. kiriyaparicchindanam
      Evam bhagava imampi suttam arahattanikuteneva desesi. Desanapariyosane
ayampi brahmano arahatte patitthasi saddhim antevasikasahassena, annesanca
anekasahassanam dhammacakkhum udapadi. Sesam pubbasadisameva.
                  Saddhammappajjotikaya culaniddesatthakathaya
               tissametteyyamanavasuttaniddesavannana nitthita.
                              Dutiyam.
                          ------------



             The Pali Atthakatha in Roman Book 46 page 9-11. http://84000.org/tipitaka/atthapali/read_rm.php?B=46&A=217&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=46&A=217&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=30&i=100              เนื้อความพระไตรปิฎกฉบับหลวง :- http://84000.org/tipitaka/read/r.php?B=30&A=644              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=30&A=683              The Pali Tipitaka in Roman Character :- http://84000.org/tipitaka/read/roman_read.php?B=30&A=683              Contents of The Tipitaka Volume 30 http://84000.org/tipitaka/read/?index_30

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]