AtthaPali Vol.46

6. Upasivamanavasuttaniddesavannana [38] Chatthe upasivasutte:- mahantamoghanti mahantam ogham. Anissitoti puggalam va dhammam va anallino. No visahamiti na sakkomi. Arammananti nissayam. yam nissitoti yam dhammam va puggalam va nissito. Niddese kamoghanti anagamimaggena kamogham. Arahattamaggena bhavogham. Sotapattimaggena ditthogham. Arahattamaggena avijjogham tareyyam. ^3- Sakyakula @Footnote: ¹ cha.Ma. attamanataro ² khu.cula. 30/146/67 (sya) ³ ka. tareyya

--------------------------------------------------------------------------------------------- page30.

Pabbajitoti bhagavato uccakulaparidipanavasena vuttam. Alambananti avattharitva thanam. Nissayanti alliyanam. Upanissayanti apassayanam. ^1- [39] Idani yasma so ^2- brahmano akincannayatanalabhi tassa ^3- santampi nissayam na janati. Tenassa bhagava tanca nissayam uttarinca niyyanapatham dassento "akincannan"ti gathamaha. Tattha pekkhamanoti tam akincannayatanasamapattim sato samapajjitva vutthahitva ca aniccadivasena passamano. Natthiti nissayati tam "natthi kinci"ti pavattam samapattim arammanam katva. Tarassu oghanti tato pabhuti pavattaya vipassanaya yathanurupam catubbidhampi ogham tarassu. Kathahiti kathamkathahi. Tanhakkhayam rattamahabhipassati ^4- rattindivam nibbanam vibhutam katva passa. Etenassa ditthadhammasukhaviharam kathesi. ^5- Niddese tanneva vinnanam abhavetiti tam ^6- akasanancayatanam alambanam ^7- katva pavattamahaggatavinnanam abhaveti abhavam gameti. Vibhavetiti vividha abhavam gameti. Antaradhapetiti adassanam gameti. Natthi kinciti passatiti antamaso bhangamattampissa natthiti passati. [40] Idani "kame pahaya"ti sutva vikkhambhanavasena attana pahine kame sampassamano "sabbesu"ti gathamaha. Tattha hitva mannanti annam tato hettha chabbidhampi samapattim hitva. Sannavimokkhe parameti sattasu sannavimokkhesu uttame akincannayatane. Titthe nu so tattha ananuyayiti so puggalo tattha akincannayatanabrahmaloke avigacchamano tittheyya. Nuti pucchati. Niddese avedhamanoti avisajjamano. ^8- Avigacchamanoti viyogam anapajjamano. Anantaradhayamanoti antaradhanam anapajjamano. Aparihayamanoti antaraparihanam ^9- anapajjamano. @Footnote: ¹ cha.Ma. apasayanam ² cha.Ma. ayam patho na dissati ³ cha.Ma. tanca ⁴ cha.Ma. natta... @⁵ ka. katheti ⁶ cha.Ma. ayam patho na dissati ⁷ cha.Ma. akasalambanam @⁸ cha.Ma. aviccamanoti aviyujjamano ⁹ ka. aparihiyamano antara parihapanam

--------------------------------------------------------------------------------------------- page31.

[41-2] Athassa bhagava satthikappasahassamatthakeva ^1- thanam anujananto tatiyam ^2- gathamaha. Evam tassa tattha thanam sutva idanissa sassatucchedabhavam pucchanto "titthe ce"ti gathamaha. Tattha pugampi vassananti anekesampi ^3- vassanam, gananarasinti ^4- attho. "pugampi vassani"tipi patho. Tattha vibhattibyattayena samivacanassa paccattavacanam katabbam, puganti va etassa bahuniti attho vattabbo. "pugani"ti vapi pathanti, purimapathoyeva sabbasundaro. Tattheva so siti siya vimuttoti so puggalo tatthevakincannayatane nanadukkhehi vimutto sitibhavam patto bhaveyya, nibbanappatto sassato hutva tittheyyati adhippayo. Caveka vinnanam tathavidhassati "udahu tathavidhassa vinnanam anupadaya parinibbayeyya"ti ucchedam pucchati, "patisandhiggahanattham vapi bhaveyya"ti patisandhimpi tassa pucchati. Tassa vinnanam caveyyati tassa akincannayatane uppannassa vinnanam cutim papuneyya. Ucchijjeyyati ucchedam bhaveyya. Vinasseyyati vinasam papuneyya. Na bhaveyyati abhavam gameyya. Upapannassati patisandhivasena upapannassa. [43] Athassa bhagava ucchedasassatam anupagamma tattha upapannassa ariyasavakassa anupadaya parinibbanam dassento "acci yatha"ti gathamaha. Tattha attham paletiti attham gacchati. Na upeti sankhanti "asukam nama disam gato"ti voharam na gacchati. Evam muni namakaya vimuttoti evam tattha uppanno sekkhamuni pakatiya pubbeva rupakaya vimutto, tattha catutthamaggam nibbattetva namakayassa ^5- parinnatatta puna namakayapi vimutto ubhatobhagavimutto khinasavo hutva anupadanibbanasankhatam attham paleti na upeti sankham "khattiyo va brahmano va"ti evamadikam. Niddese khittati calita. Ukkhittati aticalita. Nunnati papphotita. ^6- Panunnati ^7- durikata. Khambhitati patikkamapita. Vikkhambhitati na santike kata. @Footnote: ¹ cha.Ma....matthakamyeva ² cha.Ma. catuttham ³ cha.Ma. anekasankhayampi ⁴ ka. gananam rasiti @⁵ cha.Ma. dhammakayassa ⁶ cha.Ma. papphotiya ⁷ cha.Ma. panunnati

--------------------------------------------------------------------------------------------- page32.

[44] Idani "attham paleti"ti sutva tassa yoniso atthamasallakkhento "atthangato so"ti gathamaha. Tassattho:- so atthangato udahu natthi, udahu ve sassatiya sassatabhavena arogo aviparinamadhammo soti evam tamme muni sadhu byakarohi kimkarana? tatha hi te vidito esa dhammoti. Niddese niruddhoti nirodham patto. Ucchinnoti ucchinnasantano. Vinatthoti vinasam patto. [45] Athassa bhagava tatha avattabbatam dassento "atthangatassa"ti gathamaha. Tattha atthangatassati anupadaya parinibbutassa. Na pamanamatthiti rupadippamanam natthi. Yena nam vajjunti yena ragadina tam vadeyyum. Sabbesu dhammesuti sabbesu khandhadidhammesu. Niddese adhivacana ^1- cati sirivaddhako dhanavaddhakotiadayo hi vacanamattamyeva ^2- adhikaram katva pavatta adhivacana nama. Adhivacananam patha adhivacanapatha nama. "abhisankharontiti kho bhikkhave tasma sankhara"ti ^3- evam niddharetva ^4- sahetukam katva vuccamana abhilapa nirutti nama. Niruttinam patha niruttipatha nama. "takko vitakko sankappo"ti ^5- evam tena tena pakarena pannapanato pannatti nama. Pannattinam patha pannattipatha ^6- nama. Sesam sabbattha pakatameva. Evam bhagava idampi suttam arahattanikuteneva desesi, desanapariyosane ca vuttasadisova dhammabhisamayo ahositi. Saddhammappajjotikaya culaniddesatthakathaya upasivamanavasuttaniddesavannana nitthita. Chattham. ------------- @Footnote: ¹ cha.Ma. adhivacanani ² ka....matateyeva ³ sam.kha. 17/79/71 @⁴ cha.Ma. niddharitva ⁵ abhi.sana. 34/7/22 ⁶ abhi.A. 1/99

The Pali Atthakatha in Roman Book 46 page 29-32. http://84000.org/tipitaka/atthapali/read_rm.php?B=46&A=725&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=46&A=725&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=30&i=242 เนื้อความพระไตรปิฎกฉบับหลวง :- http://84000.org/tipitaka/read/r.php?B=30&A=2389 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=30&A=2626 The Pali Tipitaka in Roman Character :- http://84000.org/tipitaka/read/roman_read.php?B=30&A=2626 Contents of The Tipitaka Volume 30 http://84000.org/tipitaka/read/?index_30