ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 47 : PALI ROMAN Patisam.A.1 (saddhamma.1)

                          1. Sutamayananakatha
                         vissajjanuddesavannana
     [1] Idani yathanikkhittena uddesena sangahite dhamme pabhedato dassetum
katham sotavadhane panna sutamaye nanantiadi niddesavaro araddho. Tattha
yam vuttam "sotavadhane panna sutamaye nanan"ti, tam katham hotiti ayam
kathetukamyatapuccha. Pancavidha hi puccha aditthajotanapuccha ditthasamsandanapuccha
vimaticchedanapuccha anumatipuccha kathetukamyatapucchati. Tasam idam nanattam:-

--------------------------------------------------------------------------------------------- page66.

Katama 1- aditthajotanapuccha. Pakatiya lakkhanam annatam hoti adittham atulitam atiritam avibhutam avibhavitam, tassa nanaya dassanaya tulanaya tiranaya vibhutaya vibhavanatthaya panham pucchati, ayam aditthajotanapuccha. Katama 1- ditthasamsandanapuccha. Pakatiya lakkhanam natam hoti dittham tulitam tiritam vibhutam vibhavitam, so annehi panditehi saddhim samsandanatthaya panham pucchati, ayam ditthasamsandanapuccha. Katama 1- vimaticchedanapuccha. Pakatiya samsayapakkhando hoti vimatipakkhando dvelhakajato "evam nu kho, nanu kho, kim nu kho, katham nu kho"ti. So vimaticchedanatthaya panham pucchati, ayam vimaticchedanapuccha. Katama 1- anumatipuccha. Bhagava bhikkhunam anumatiya panham pucchati "tam kim mannatha bhikkhave rupam niccam va aniccam va"ti. Aniccam bhante. Yam pananiccam, dukkham va tam sukham vati. Dukkham bhante. Yam pananiccam dukkham viparinamadhammam, kallam nu tam samanupassitum "etam mama esohamasmi eso me atta"ti. No hetam bhanteti, 2- ayam anumatipuccha. Katama 1- kathetukamyatapuccha. Bhagava bhikkhunam kathetukamyataya panham pucchati "cattarome bhikkhave satipatthana. Katame cattaro"ti, 3- ayam kathetukamyatapucchati. Tasu ayam therassa kathetukamyatapucchati veditabba. Idani samatikuddesaya kathetukamyatapucchaya "ime dhamma abhinneyyati sotavadhanam, tampajanana panna sutamaye nanan"tiadayo solasavissajjanudadesa. Tattha ime dhamma abhinneyyati "desayantassa"ti pathaseso. Ime dhamma @Footnote: 1 khu.maha. 29/700/409 (sya), khu.cula. 30/122/47 @2 vi.maha. 4/21/18, sam.ni. 16/70/120 (sya) 3 sam.maha. 19/390/151

--------------------------------------------------------------------------------------------- page67.

Abhijanitabbati satthuno annatarassa va garutthaniyassa sabrahmacarissa dhammam desayantassa pubbe vuttanayena sotavadhanam sutam sotavadhanam nama, tampajanana panna tassa sutassa pajanana pariyayaparicchindakapanna 1- sutamaye nanam namati attho. Tassa pajanana tampajananati samivacanasamaso. Tam pajananati vibhatti- vipallasavasena upayogavacanam va. Abhinneyyati ca sabhavalakkhanavabodhavasena sobhanenakarena janitabba. Parinneyyati samannalakkhanavabodhavasena kiccasamapanavasena ca byapitva janitabba. Bhavetabbati vaddhetabba. Sacchikatabbati paccakkham katabba. Duvidha hi sacchikiriya patilabhasacchikiriya arammanasacchikiriya ca. Paccanikasamudacaravasena parihaniyasankhatam hanam bhajantiti hanabhagiya. Tadanudhammataya satiya santhanavasena thanasankhatam thitim bhajantiti thitibhagiya. Uparivisesadhigamavasena visesam bhajantiti visesabhagiya. Anibbiddhapubbam appadalitapubbam lobhakkhandham dosakkhandham mohakkhandham nibbijjhati padaletiti ariya- maggo nibbedho nama, nibbidasahagatanam sannamanasikaranam samudacaravasena tam nibbedham bhajantiti nibbedhabhagiya. Sabbe sankharati sabbe sappaccaya dhamma. Te hi sankhatasankhara nama. Paccayehi sangamma kariyantiti sankhara, te eva paccayehi sangamma katatta sankhatati visesetva vutta. Kammanibbatta tebhumakaruparupadhamma abhisankhatasankharati atthakathasu 2- vutta. Tepi "anicca vata sankhara"tiadisu 3- sankhatasankharesu sangaham gacchanti. "avijjagato ayam bhikkhave purisapuggalo punnanceva sankharam abhisankharoti"tiadisu 4- avijjapaccaya sankharava agata tebhumakakusalakusalacetana abhisankharanakasankhara nama. "yavatika abhisankharassa gati, tavatikam gantva akkhahatam @Footnote: 1 Ma. parinnaya paricchindakapanna 2 visuddhi. 3/120 (sya), abhi.A. 2/152 @3 di.maha. 10/221,272/137,171, sam.sa. 15/186/190, sam.ni. 16/143/185 @4 sam.ni. 16/51/80

--------------------------------------------------------------------------------------------- page68.

Manne atthasi"tiadisu 1- agatam kayikam cetasikam viriyam payogabhisankharo nama. "sannavedayitanirodham samapannassa kho avuso visakha bhikkhuno pathamam nirujjhati vacisankharo, tato kayasankharo, tato cittasankharo"tiadisu 2- agata vitakkavicara vacam sankharontiti vacisankhaRa. Assasapassasa kayena sankhariyantiti kayasankhaRa. Sanna ca vedana ca cittena sankhariyantiti cittasankhara idha pana sankhatasankhara adhippeta. Aniccati hutva abhavatthena. Dukkhati pilanatthena. Sabbe dhammati nibbanampi anto katva vutta. Anattati avasavattanatthena. Idam dukkham ariyasaccantiadisu "dukkhasamudayo dukkhanirodho"ti vattabbe "dukkhasamudayam dukkhanirodhan"ti linga- vipallaso kato. Yasma pana buddhadayo ariya pativijjhanti, tasma ariyasaccaniti vuccanti. 3- Yathaha "cattarimani bhikkhave ariyasaccani .pe. Imani kho bhikkhave cattari ariyasaccani. Ariya imani pativijjhanti, tasma ariyasaccaniti vuccanti"ti. 3- Ariyassa saccanitipi ariyasaccani. Yathaha "sadevake loke .pe. Sadevamanussaya tathagato ariyo, tasma ariyasaccaniti vuccanti"ti. 3- Etesam abhisambuddhatta ariyabhavasiddhitopi ariyasaccani. Yathaha "imesam kho bhikkhave catunnam ariyasaccanam yathabhutam abhisambuddhatta tathagato araham sammasambuddho ariyoti vuccati"tipi. 4- Ariyani saccanitipi ariyasaccani. Ariyaniti avitathani, avisamvadakaniti attho. Yathaha "imani kho bhikkhave cattari ariyasaccani tathani avitathani 5- anannathani, tasma ariyasaccaniti vuccanti"ti. 3- Saccaniti ko saccatthoti ce? yo pannacakkhuna upaparikakhamananam mayava viparito, mariciva visamvadako, titthiyanam parikappitaattava anupalabbhasabhavo ca na @Footnote: 1 an.tika. 20/15/107 2 Ma.mu. 12/464/413 @3 sam.maha. 19/1098/380 4 sam.maha. 19/1093/378 @5 tathani avitathani. visuddhi. 3/78 (sya)

--------------------------------------------------------------------------------------------- page69.

Hoti, atha kho badhanapabhavasantiniyyanappakarena tacchaviparitabhutabhavena ariyananassa gocaro hotiyeva. Esa aggilakkhanam viya lokapakati viya ca tacchaviparitabhutabhavo saccatthoti veditabbo. Yathaha "idam dukkhanti bhikkhave tathametam avitathametam anannathametan"ti 1- vittharo. Apica:- nabadhakam yato dukkham dukkha annam na badhakam badhakattaniyamena tato saccamidam matam. Tam vina nannato dukkham na hito na ca tam tato dukkhahetu niyamena iti saccam visattika. Nanna nibbanato santi santam na ca na tam yato santabhavaniyamena tato saccamidam matam. Magga annam na niyyanam aniyyano na capi so tacchaniyyanabhavena iti so saccasammato. Iti tacchavipallasa- bhutabhavam catusvapi dukkhadisvavisesena saccattham ahu panditati. So panayam saccasaddo anekesu atthesu dissati. Seyyathidam, "saccam bhane na kujjheyya"tiadisu 2- vacasacce. "sacce thita samanabrahmana ca"tiadisu 3- viratisacce. "kasma nu saccani vadanti nana, pavadiyase kusalavadana"tiadisu 4- ditthisacce. "ekam hi saccam na dutiyamatthi, yasmim paja no vivade @Footnote: 1 sam.maha. 19/1090/375 2 khu.dha. 25/224/56 @3 khu.ja. 28/358/140 (sya) 4 khu.su. 25/892/508

--------------------------------------------------------------------------------------------- page70.

Pajanan"tiadisu 1- paramatthasacce nibbane ceva magge ca. "catunnam saccanam kati kusala kati akusala"tiadisu 2- ariyasacce. Svayamidhapi ariyasacce pavattatiti. Niddesavarasangahitassa vissajjanuddesassa atthavannana nitthita. ---------------


             The Pali Atthakatha in Roman Book 47 page 65-70. http://84000.org/tipitaka/atthapali/read_rm.php?B=47&A=1434&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=1434&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=31&i=1              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=95              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=70              The Pali Tipitaka in Roman Character :- http://84000.org/tipitaka/read/roman_read.php?B=31&A=70              Contents of The Tipitaka Volume 31 http://84000.org/tipitaka/read/?index_31

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]