บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Samudayasaccaniddesavannana [34] Samudayasaccaniddese yayam tanhati ya ayam tanha. Ponobbhavikati 1- punabbhavakaranam punabbhavo, 2- punabbhavo silamassati ponobbhavika. Apica punabbhavam 3- deti, punabbhavaya samvattati, punappunam bhave nibbattetiti ponobbhavika. Sa panesa punabbhavassa dayikapi atthi adayikapi, punabbhavaya samvattanikapi atthi asamvattanikapi, dinnaya patisandhiya upadhivepakkamattapi. Sa tippakarapi ponobbhavikati namam labhati. Ponabbhavikatipi patho, soyevattho. Abhinandanasankhatena nandiragena sahagatati nandiragasahagata, nandiragena saddhim atthato ekattameva gatati vuttam hoti. Tatra tatrabhinandiniti yatra yatra attabhavo nibbattati, tatra tatra abhinandini, rupadisu va arammanesu tatra tatrabhinandini, rupabhinandini saddagandharasaphotthabbadhammabhinandiniti attho. Tatra tatrabhinanditipi patho, tatra tatra abhinandayatiti attho. Seyyathidanti nipato, tassa sa katama iti ceti attho. Kamatanhati kame tanha, pancakamagunikaragassetam adhivacanam. Bhavatanhati bhave tanha. Bhavapatthanavasena uppannassa sassataditthisahagatassa ragassa ruparupabhavaragassa ca jhananikantiya ca etam adhivacanam. Vibhavatanhati vibhave tanha. Ucchedaditthisahagataragassetam adhivacanam. @Footnote: 1 cha.Ma. ponobhavika... evamuparipi 2 cha.Ma. punobhavo 3 Si. punobhavam Idani tassa tanhaya vatthum vittharato dassetum sa kho panesati- adimaha. Tattha uppajjatiti jayati. Nivisatiti punappunam pavattivasena patitathati. Uppajjamana kattha uppajjati, nivisamana kattha nivisatiti sambandho. Yam loke piyarupam satarupanti yam lokasmim piyasabhavanceva madhurasabhavanca. Cakkhu loketiadisu lokasmim hi cakkhuadisu mamattena abhinivittha satta sampattiyam patitthita attano cakkhum adasadisu nimittaggahananusarena vippasannam pancappasadam suvannavimane ugghatitamanisihapanjaram viya mannanti, sotam rajatapanalikam viya pamangasuttakam viya ca mannanti, tunganasati laddhavoharam ghanam vattetva thapitaharitalavattim viya mannanti, jivham rattakambalapatalam viya mudusiniddhamadhurarasadam mannanti, kayam salalatthim viya suvannatoranam viya ca mannanti, manam annesam manena asadisam ularam mannanti, rupam suvannakanikarapupphadivannam viya, saddam mattakaravikakokilamandadhamitamanivamsanighosam viya, attana patiladdhani catusamutthanikagandharammanadini "kassannassa evarupani atthi"ti mannanti, tesam evam mannamananam tani cakkhadini piyarupani ceva satarupani ca honti. Atha nesam tattha anuppanna ceva tanha uppajjati, uppanna ca punappunam pavattivasena nivisati. Tasma thero "cakkhu loke piyarupam satarupam, etthesa tanha uppajjamana uppajjati"tiadimaha. Tattha uppajjamanati yada uppajjati, tada ettha uppajjatiti attho. Samudayasaccaniddesavannana nitthita. -----------The Pali Atthakatha in Roman Book 47 page 170-171. http://84000.org/tipitaka/atthapali/read_rm.php?B=47&A=3804&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=3804&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=83 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=883 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1123 The Pali Tipitaka in Roman Character :- http://84000.org/tipitaka/read/roman_read.php?B=31&A=1123 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]