ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 47 : PALI ROMAN Patisam.A.1 (saddhamma.1)

                      8. Adinavanananiddesavannana
     [53] Adinavanananiddese uppadoti purimakammapaccaya idha uppatti. Pavattanti
tatha uppannassa pavatti. Nimittanti sabbampi sankharanimittam. Ayuhanati
ayatim patisandhihetubhutam kammam. Patisandhiti ayatim uppatti. Gatiti yaya gatiya
sa patisandhi hoti. Nibbattiti khandhanam nibbattanam. Upapattiti "samapannassa
va upapannassa va"ti 1- evam vutta vipakappavatti. Jatiti jaradinam
paccayabhuta bhavapaccaya jati. Nippariyayato tattha tattha nibbattamananam sattanam ye
ye khandha patubhavanti, tesam pathamapatubhavo jati. Jarati khandiccadisammato
santatiyam ekabhavapariyapannakhandhasantanassa puranabhavo. Sokoti natibyasanadihi
phutthassa cittasantaPo. Paridevoti natibyasanadihi phutthassa vacipalaPo. Upayasoti
bhuso ayaso, natibyasanadihi phutthassa adhimattacetodukkhappabhavito dosoyeva.
Ettha ca uppadadayo panceva adinavananassa vatthuvasena vutta, sesa tesam
vevacanavasena. "nibbatti jati"ti idam hi dvayam uppadassa ceva patisandhiya
ca vevacanam, "gati upapatti"ti idam dvayam pavattassa, jaradayo nimittassati.
Tenaha:-
           "uppadanca pavattanca      nimittam dukkhanti passati
            ayuhanam patisandhim         nanam adinave idan"ti ca.
@Footnote: 1 abhi.sam. 34/1291/294
          "idam adinave nanam       paccatthanesu jayati"ti ca.
Sabbapadesu ca bhayanti iccetassa vacanassa bhayam ititi padacchedo. Bhayanti pilayogato
sappatibhayataya bhayam. Ititi bhayatupatthanassa karananiddeso.
     Anuppado khemanti santipade nanantiadi pana adinavananassa
patipakkhananadassanattham vuttam. Bhayatupatthanena va adinavam disva ubbhiggahadayanam
abhayampi atthi khemam niradinavanti assasajananatthampi etam vuttam, yasma va
yassa uppadadayo bhayato supatthita honti, tassa tappatipakkhaninnam cittam hoti,
tasma bhayatupatthanavasena siddhassa adinavananassa anisamsadassanatthampetam vuttanti
veditabbam. Anuppado appavattantiadi nibbanameva. Santipadeti santikotthase,
nibbaneti attho. Anussavavasenapi hi santipadanti namamattam gahetva
uppannananampi "santipade nanan"ti vuttam.
     Uppado bhayam, anuppado khemantiadi vipakkhapatipakkhavasena ubhayam
samasetva uppajjamanam nanam gahetva vuttam. Ettha ca yam bhayam, tam yasma niyamato
dukkham vattamisalokamisakilesamisehi avippamuttatta samisameva. Yanca samisam,
tam sankharamattameva. Tasma uppado dukkhanti bhayatupatthane panna adinava-
nanantiadi vuttam. Evam santepi bhayakarena dukkhakarena samisakarena sankhara
karenati evam akarananattato pavattivasenettha nanattam veditabbam. Uppado
bhayam, dukkham, samisam, sankharati cati uppadadilingamanapekkhitva "netam kho saranam
khemam, netam saranamuttaman"tiadisu 1- viya attano lingapekkhameva vuttam. Sankharati
ca ekattamanapekkhitva "appaccaya dhamma, asankhata dhamma"tiadisu 2- viya bahuvacanam
katam, uppadadinam va sankharekadesatta "uttare pancala, dakkhine
@Footnote: 1 khu.dha. 25/189/50 2 abhi.sam. 34/7/6
Pancala"tiadisu viya bahunnam ekadesepi bahuvacanam katanti veditabbam. Khemam sukham
niramisam nibbananti nibbanameva vuttakaranam patipakkhavasena catudha vuttam. Dasa
nane pajanatiti adinave nanam pajananto uppadadivatthukani panca,
anuppadadivatthukani pancati dasa nane pajanati pativijjhati sacchikaroti. Dvinnam
nananam kusalatati adinavananassa ceva santipadananassa cati imesam dvinnam
nananam kusalataya. Nanaditthisu na kampatiti paramaditthadhammanibbanadivasena
pavattasu ditthisu na vedhatiti.
                    Adinavanananiddesavannana nitthita.
                           -----------



             The Pali Atthakatha in Roman Book 47 page 281-283. http://84000.org/tipitaka/atthapali/read_rm.php?B=47&A=6281&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=6281&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=31&i=115              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1394              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1665              The Pali Tipitaka in Roman Character :- http://84000.org/tipitaka/read/roman_read.php?B=31&A=1665              Contents of The Tipitaka Volume 31 http://84000.org/tipitaka/read/?index_31

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]