AtthaPali Vol.47

37. Sallekhatthanananiddesavannana [88] Sallekhatthanananiddese rago puthuti rago visum, lokuttarehi asammissoti attho. Esa nayo sesesu. Ragoti ranjanatthena. Dosoti dussanatthena. Mohoti muyhanatthena. Ranjanalakkhano rago, dussanalakkhano doso, muyhanalakkhano mohoti. Ime tayo sisakilese vatva idani pabhedato dassento kodhotiadimaha. Tattha kujjhanalakkhano kodhoti idha sattavatthuko adhippeto. Upanandhanalakkhano upanaho, dalhabhavappatto kodhoyeva. Paragunamakkhanalakkhano makkho, paragunapunchananti attho. Yugaggahalakkhano palaso, yugaggahavasena paragunadussananti attho. Parasampattikhiyanalakkhana issa, usuyanati attho. Attasampattiniguhanalakkhanam macchariyam. "mayham acchariyam ma parassa hotu"ti attho. Attana katapapapaticchadanalakkhana maya, paticchadanatthena maya viyati attho. Attano avijjamanagunappakasanalakkhanam satheyyam, sathabhavoti attho. Cittassa uddhumatabhavalakkhano thambho, thaddhabhavoti attho. Karanuttariyalakkhano sarambho. Unnatilakkhano mano. Abbhunnatilakkhano atimano. Mattabhavalakkhano mado. Pancasu kamagunesu cittavossaggalakkhano pamado. Evam visum visum kilesavasena puthu dassetva vuttakilese ca avutte anne ca sabbasangahikavasena dassetum sabbe kilesatiadimaha. Tattha ditthadhammasamparayesu satte kilesanti upatapenti vibadhentiti kilesa. Akusalakammapathasangahita asangahita ca. Dutthu va carita, duttha va caritati duccarita. Te pana kayaduccaritam vaci- duccaritam manoduccaritanti tippakaRa. Vipakam abhisankharontiti abhisankhaRa. Tepi punnabhisankharo apunnabhisankhato anenjabhisankharoti tippakaRa. Vipakavasena bhavam gacchantiti bhavagamino, bhavagamino kamma bhavagamikamma. Imina abhisankhara- bhavepi sati avedaniyani kammani patikkhittani hontiti ayam viseso. "duccarita"ti ca "kamma"ti ca lingavipallaso kato. Nanattekattanti ettha uddese ekatta- saddassa abhavepi nanattekattanam annamannapekkhatta ekattampi niddisitu- kamena "nanattekattan"ti uddeso kato. Nanattasallekhake ekatte dassite sallekhananam sukhena dassiyatiti. Nanattanti anavatthitatta saparipphandatta ca nanasabhavo. Ekattanti avatthitatta aparipphandatta ca ekasabhavo. Caranatejoti caranti tena agatam disam nibbanam gacchantiti caranam. Kim tam? silam. Tadeva patipakkhatapanatthena tejo. Gunatejoti silena laddhapatittho samadhitejo. Pannatejoti samadhina laddhapatittho vipassanatejo. Punna- tejoti vipassanahi laddhapatittho ariyamaggakusalatejo. Dhammatejoti catunnam tejanam patitthabhuto buddhavacanatejo. Caranatejena tejitattati silatejena tikhinikatatta. Dussilyatejanti dussilyabhavasankhatam tejam. Tampi hi santanam tapanato tejo nama. Pariyadiyatiti khepeti. Agunatejanti samadhissa patipakkham vikkhepatejam. Duppannatejanti vipassanananapatipakkham mohatejam. Apunnatejanti tamtammaggavajjha- kilesappahanena kilesasahayam akusalakammatejam. Na kevalam hetam apunnameva khepeti, "atthi bhikkhave kammam akanham asukkam akanhaasukkavipakam kammam kammakkhayaya samvattati"ti ^1- vacanato kusalakammampi khepetiyeva. Punnatejappatipakkhavasena apunna- tejameva vuttam. Adhammatejanti nanatitthiyanam samayavacanatejam. Imassa nanassa uddesa- vannanayam vutte dutiye atthavikappe ragadayo ekunavisati puthu dussilyateja honti. "abhisankhara, bhavagamikamma"ti ettha apunnabhisankhara akusalakammanca apunnateja honti, anenjabhisankharani lokiyakusalakammani punnatejeneva khepaniyato apunnatejapakkhikava honti. Kamacchandadayo pancadasa nanatta agunateja honti, niccasannadayo attharasa nanatta duppannateja honti, catumaggavajjha cattaro nanatta apunnateja honti. Sotapattimaggavajjhananattena adhammatejo sangahetabbo. Niddese sallekhappatipakkhena asallekhena sallekham dassetukamena asallekha- pubbako sallekho niddittho. Nekkhammadayo sattatimsa ekattadhammava paccanikanam sallikhanato "sallekho"ti vutta. Tasmim nekkhammadike sattatimsapabhede sallekhe nanam sallekhatthe nananti. Sallekhatthanananiddesavannana nitthita. ------------ @Footnote: ¹ di.pa. 11/312/205, Ma.Ma. 13/81/57, an.catukka. 21/234/260

The Pali Atthakatha in Roman Book 47 page 339-341. http://84000.org/tipitaka/atthapali/read_rm.php?B=47&A=7579&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7579&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=233 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2564 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3001 The Pali Tipitaka in Roman Character :- http://84000.org/tipitaka/read/roman_read.php?B=31&A=3001 Contents of The Tipitaka Volume 31 http://84000.org/tipitaka/read/?index_31