ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 47 : PALI ROMAN Patisam.A.1 (saddhamma.1)

                    43. Padesaviharanananiddesavannana
     [94] Padesaviharanananiddese yenakarena uddittho padeso paccavekkhitabbo,
tam dassento micchaditthipaccayapi vedayitantiadimaha. Tattha micchaditthi-
paccayati ditthisampayuttavedanapi vattati ditthim upanissayam katva uppanna
kusalakusalavedanapi vipakavedanapi. Tattha micchaditthisampayutta akusalava honti,
ditthim pana upanissaya kusalapi uppajjanti akusalapi. Micchaditthika hi ditthim
upanissaya pakkhadivasesu yagubhattadini denti, andhakutthiadinam vattam
patthapenti, catumahapathe salam karonti, pokkharani khanapenti, puppharamam phalaramam
ropenti, nadividuggesu setum attharanti, visamam samam karonti. Iti tesam kusala
vedana uppajjati. Micchaditthim pana nissaya sammaditthike akkosanti
paribhasanti vadhabandhadini karonti,
Panam vadhitva devatanam upaharanti. Iti nesam akusala vedana uppajjati.
Vipakavedana pana bhavantaragatanam hoti. Sa pana micchaditthi sahajataya vedanaya
sahajataannamannanissayasampayuttaatthiavigatapaccayehi paccayo hoti, samanantara-
niruddha micchaditthi paccuppannamicchaditthisampayuttaya vedanaya anantarasamananta-
rupanissayaasevananatthivigatapaccayehi paccayo hoti, micchaditthim garum katva
abhinandantassa lobhasahagatavedanaya arammanaarammanadhipatiarammanupanissayapaccayehi
paccayo hoti, sabbakusalehipi micchaditthim arammanamattam karontassa sabba-
kusalavedanaya micchaditthim paccavekkhantassa vipassantassa kusalabyakatavedanaya
arammanapaccayena paccayo hoti, micchaditthipaccayena uppajjamananam kusalakusala-
vedananam bhavantare vipakavedanananca upanissayapaccayena paccayo hoti.
     Micchaditthivupasamapaccayati micchaditthivupasamo nama sammaditthi, tasma yam
sammaditthipaccaya vedayitam vuttam, tadeva "micchaditthivupasamapaccaya"ti veditabbam.
Keci pana "micchaditthivupasamo nama vipassanakkhane ca sotapattimaggakkhane ca"ti
vadanti.
     Sammaditthipaccayapi vedayitanti etthapi sammaditthisampayuttavedanapi vattati
sammaditthim upanissayam katva uppanna kusalakusalavedanapi vipakavedanapi. Tattha
sammaditthisampayutta kusalava hoti, sammaditthim pana upanissaya buddhapuja
dipamalaropanam mahadhammassavanam appatitthite disabhage cetiyapatitthapananti
evamadini punnani karonti. Iti nesam kusalavedana upajjati. Sammaditthimeva
nissaya micchaditthike akkosanti paribhasanti, attanam ukkamsanti, param
vambhenati. Iti nesam akusalavedana uppajjati. Vipakavedana pana bhavantaragatanamyeva hoti.
Sa pana sammaditthi sahajataya samantaraniruddhaya paccupannaya vedanaya miccha-
ditthiya vuttapaccayeheva paccayo hoti, lokikasammaditthi paccavekkhanasampayuttaya
Vipassanasampayuttaya nikantisampayuttaya ca vedanaya arammanapaccayena paccayo
hoti, micchaditthiya vuttanayeneva upanissayapaccayena paccayo hoti, maggaphala-
sammaditthi paccavekkhanasampayuttaya vedanaya arammanadhipatiarammanupanissayavasena
paccayo hoti.
     Sammaditthivupasamapaccayapi vedayitanti sammaditthivupasamo nama micchaditthi,
tasma yam micchaditthipaccaya vedayitam vuttam, tedava "sammaditthivupasamapaccaya"ti
veditabbam. Micchasankappapaccaya micchasankappavupasamapaccayatiadisupi eseva nayo.
Yassa yassa hi "vupasamapaccaya"ti vuccati, tassa tassa patipakkhadhammapaccayava tam
tam vedayitam adhippetam. Micchananadisu pana micchananam nama papakiriyasu
upayacinta. Atha va micchananam micchapaccavekkhanananam. Sammananam nama
vipassana sammaditthim lokuttarasammaditthinca thapetva avasesakusalabyakatam nanam.
Micchavimutti nama papavimuttita. Atha va ayathava vimutti aniyyanikavimutti
avimuttasseva sato vimuttisanniti. Sammavimutti nama kalyanadhimuttita
phalavimutti ca. Sammaditthiadayo hettha vuttatthayeva.
     Chandapaccayapitiadisu pana chando nama lobho, chandapaccaya atthalobha-
sahagatacittasampayuttavedana veditabba. Chandavupasamapaccaya pathamajjhanavedanava.
Vitakkapaccaya pathamajjhanavedana. Vitakkavupasamapaccaya dutiyajjhanavedana.
Sannapaccaya thapetva pathamajjhanam sesa cha samapattivedana. Sannavupasamapaccaya
nevasannanasannayatanavedana.
     Chando ca avupasanto hotitiadisu sace chandavitakkasanna avupasanta
hontiti attho. Tappaccayati so chandavitakkasannanam avupasamo eva paccayo
tappaccayo, tasma tappaccaya. Chandavitakkasannaavupasamapaccaya vedana hotiti
Attho. Sa atthalobhasahagatacittasampayuttavedana hoti. Sace chando vupasanto
vitakkasanna avupasanta. Tappaccayati so chandassa vupasamo vitakkasannanam avupasamo
eva paccayo tappaccayo, tasma tappaccaya. Sa pathamajjhanavedanava. Sace
chandavitakka vupasanta sanna avupasanta. Tappacyati so chandavitakkanam
vupasamo sannaya avupasamo eva paccayo tappaccayo, tasma tappaccaya. Sa
dutiyajjhanavedanava. Sace chandavitakkasanna vupasanta. Tappaccayati so
chandavitakkasannanam vupasamo eva paccayo tappaccayo, tasma tappaccaya. Sa
nevasannanasannayatanavedanava. Keci pana "../../bdpicture/chando nama appanam papunissamiti
pubbabhage dhammachando, appanappattassa so chando vupasanto hoti. Pathamajjhane
vitakko hoti, dutiyajjhanappattassa vitakko vupasanto hoti. Sattasu samapattisu
sanna hoti, nevasannanasannayatanam samapannassa ca nirodham samapannassa
ca sanna vupasanta hoti"ti evam vannayanti. Idha pana nirodhasamapatti
na yujjati. Appattassa pattiyati arahattaphalassa pattatthaya. Atthi ayavanti 1- atthi
viriyam. Ayavantipi 2- patho. Tasmimpi thane anuppatteti tassa viriyarambhassa
vasena tasmim arahattaphalassa karane ariyamagge anuppatte. Tappaccayapi
vedayitanti arahattassa thanapaccaya vedayitam. Etena catumaggasahajata nibbattita-
lokuttaravedana gahita. Keci pana "ayavanti patipatti. Tasmimpi thane anuppatteti
tassa bhumiya pattiya"ti vannayanti.
                  Padesaviharanananiddesavannana nitthita.
                          -------------
@Footnote: 1 Si. asavanti paliyampi asavantveva dissati 2 Si. asavantipi



             The Pali Atthakatha in Roman Book 47 page 346-349. http://84000.org/tipitaka/atthapali/read_rm.php?B=47&A=7732&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7732&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=31&i=245              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2677              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3118              The Pali Tipitaka in Roman Character :- http://84000.org/tipitaka/read/roman_read.php?B=31&A=3118              Contents of The Tipitaka Volume 31 http://84000.org/tipitaka/read/?index_31

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]