AtthaPali Vol.47

55. Asavakkhayanananiddesavannana [107] Asavakkhayanananiddese anannatannassamitindriyadini vuttatthani. Kati thanani gacchatiti ekekassa uppattitthananiyamanattham puccha. Ekam thanam gacchatiti ekasmim thane uppajjatiti vuttam hoti. Uppattiokasatthanam hi titthati etthati thananti vuccati. Cha thananiti cha maggaphalakkhane. Indriyanam anannatannassamitindriyadisu tisu ekekameva adhikam hotiti dassanattham saddhindriyam adhimokkhaparivaram hotitiadi vuttam. Yatha "saddhindriyassa adhimokkhattho"tiadisu ^1- adhimokkhadayo saddhindriyadinam kiccavasena vutta, avamidhapi "adhimokkhaparivaram @Footnote: ¹ khu. pati. 31/12/18

--------------------------------------------------------------------------------------------- page396.

Hoti"ti saddhindriyam adhimokkhatthena parivaram hotiti vuttam hoti. Esa nayo sesesupi. Parivaranti ca lingavipallaso kato. Pannindriyanti anannatannassami- tindriyameva pajananasabhavadassanattham visum katva vuttam. Abhidhammepi ^1- hi pannaya kiccavisesadassanattham maggakkhane phalakkhane ca ekava panna atthadha vibhatta. Abhisandanaparivaranti nhaniyacunnanam udakam viya cittacetasikanam sinehanakiccena parivaram hoti. Idam somanassasampayuttamaggavaseneva vuttam. Upekkhasampayuttamagge pana somanassindriyatthane upekkhindriyam datthabbam. Tampana sampayuttanam natiupabruhanaparivaranti gahetabbam. Pavattasantatadhipateyyaparivaranti pavatta santati pavattasantati, vattamanasantananti attho. Adhipatibhavo adhipateyyam, pavattasantatiya adhipateyyam pavattasantatadhipateyyam. Vattamanajivitindriyassa upari pavattiya ca paccayatta pubbaparavasena pavattasantatiya adhipatibhavena anannatannassamitindriyassa parivaram hoti. Sotapattimaggakkhane jata dhammatiadi sabbesam maggasampayuttanam vannabhananattham vuttam. Tattha maggakkhane jatati maggasamutthita eva. Na anne. Yasma pana maggasamutthitampi rupam kusaladinamam na labhati, tasma tam apanento thapetva cittasamutthanam rupanti aha. Sabbeva hi te dhamma kucchitanam salanadihi atthehi kusala. Te arammanam katva pavattamana. Natthi etesam asavati anasava. Vattamulam chindanta nibbanam arammanam katva vattato niyyantiti niyyanika. Kusalakusalasankhata ca ya apetatta apacayasankhatam nibbanam arammanam katva pavattanato apacayam gacchantiti apacayagamino, pavattam apacinanta viddhamsenta gacchantitipi apacayagamino. Loke apariyapannabhavena lokato uttara uttinnati lokuttaRa. Nibbanam arammanam etesanti nibbanarammana. @Footnote: ¹ abhi.vi. 35/219,220/145

--------------------------------------------------------------------------------------------- page397.

Imani atthindriyanitiadi pubbe vuttaparivarabhavassa ca tena sahagatadi- bhavassa ca adivuttaakarananca dipanattham vuttam. Tattha atthindriyaniti pubbe vuttanayena pannindriyena saha attha sahajataparivarati atthasu ekena saha itare itare satta sahajata hutva tassa sahajataparivara honti. Tatheva annam annassa annam annassati evam annamannaparivara honti. Tatheva annamannam nissayaparivara sampayuttaparivara ca honti. Sahagatati tena anannatannassamitindriyena saha ekuppadadibhavam gata. Sahajatati tena sahajata. Samsatthati teneva saha missita. Sampayuttati teneva samam ekuppadadippakarehi yutta. Tevati te eva attha indriyadhamma. Tassati anannatannassamitindriyassa. Akarati parivara kotthasa. Phalakkhane jata dhamma sabbeva abyakata hontiti rupassapi abyakatatta cittasamutthanarupena saha vutta. Maggasseva kusalatta niyyanikatta apacayagamitta ca phalakkhane "kusala"ti ca "niyyanika"ti ca "apacayagamino"ti ca na vuttam. Ititiadi vuttappakaranigamanam. Tattha atthatthakaniti atthasu maggaphalesu ekekassa atthakassa vasena attha indriyaatthakani. Catusatthi hontiti catusatthi akara honti. Asavati adi hettha vuttatthameva. Idha arahattamaggavajjheyeva asave avatva sesamaggattayavajjhanampi vacanam asavakkhayavacanasamannamattena vuttanti veditabbam. Arahattamaggananameva hi keci asave asesetva asavanam khepanato "khaye nanan"ti vuccati. Tasmayeva ca arahayeva khinasavoti vuccatiti. Asavakkhayanananiddesavannana nitthita. ---------------

The Pali Atthakatha in Roman Book 47 page 395-397. http://84000.org/tipitaka/atthapali/read_rm.php?B=47&A=8828&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=8828&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=258 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2907 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3377 The Pali Tipitaka in Roman Character :- http://84000.org/tipitaka/read/roman_read.php?B=31&A=3377 Contents of The Tipitaka Volume 31 http://84000.org/tipitaka/read/?index_31