AtthaPali Vol.48

8. Lokuttarakathavannana [43] Idani lokuttaradhammavatiya dhammacakkakathaya anantaram kathitaya lokuttarakathaya apubbatthanuvannana. Tattha lokuttarapadassa attho niddesavare avi bhavissati. Cattaro satipatthanatiadayo sattatimsa bodhipakkhiyadhamma yathayogam maggaphalasampayutta. Te bujjhanatthena bodhiti evamladdhanamassa ariyassa pakkhe bhavatta bodhipakkhiya nama. Pakkhe bhavattati upakarabhave thitatta. Tesu arammanesu okkantitva pakkhanditva upatthanato upatthanam, satiyeva upatthanam satipatthanam. Kayavedanacittadhammesu panassa asubhadukkhaniccanattakaraggahanavasena subhasukhaniccaattasannapahanakiccasadhanavasena ca pavattito catudha bhedo hoti. Tasma cattaro satipatthanati vuccati. Padahanti etenati padhanam, sobhanam padhanam sammappadhanam, samma va padahanti etenati sammappadhanam, sobhanam va tam kilesavirupapavattavirahitato ^2- padhananca hitasukhanipphadakatthena setthabhavavahanato padhanabhavakaranato vati sammappadhanam. Viriyassetam adhivacanam. Tayidam uppannanuppannanam akusalanam pahananuppatti- kiccam, anuppannuppannananca kusalanam uppattitthitikiccam sadhayatiti catubbidham hoti. Tasma cattaro sammappadhanati vuccati. Nipphattipariyayena ijjhanatthena, ijjhanti etaya satta iddha vuddha ukkamsagata hontiti imina va pariyayena iddhi, tassa sampayuttaya pubbangamatthena phalabhutaya pubbabhagakaranatthena ca iddhiya padoti iddhipado. So chandaviriyacittavimamsavasena catubbidhova hoti. Tasma cattaro iddhipadati vuccati. Assaddhiyakosajjapamadavikkhepasammohanam abhibhavanato abhibhavanasankhatena adhipatiyatthena indriyam. Assaddhiyadihi anabhibhavaniyato akampiyatthena balam. Tadubhayampi saddhaviriyasatisamadhipannavasena pancavidham hoti. Tasma pancindriyani panca balaniti vuccati. Bujjhanakassa ^3- pana @Footnote: ¹ i. lokuttaradhammappavatikaya ² kilesavirupattavirahato (visuddhi. 3/28-sya) @³ cha.Ma. bujjhanakasattassa Angabhavena satiadayo satta dhamma bojjhanga, niyyanatthena ca sammaditthiadayo attha magganga honti. Tena ca vuccati satta bojjhanga ariyo atthangiko maggoti. Iti ime sattimsa bodhipakkhiya dhamma pubbabhage lokiyavipassanaya vattamanaya cuddasavidhena kayam parigganhato ca kayanupassanasatipatthanam, navavidhena vedanam parigganhato ca vedananupassanasatipatthanam, solasavidhena cittam parigganhato ca cittanupassanasatipatthanam, pancavidhena dhamme parigganhato ca dhammanupassana- satipatthanam. Iti imasmim attabhave anuppannapubbam parassa uppannam akusalam disva "yatha patipannassa tassa tam uppannam, na tatha patipajjissami, evam me etam nuppajjissati"ti tassa anuppadaya vayamanakale pathamam sammappadhanam, attano samudacarappattamakusalam disva tassa pahanaya vayamanakale dutiyam, imasmim attabhave anuppannapubbam jhanam va vipassanam va uppadetum vayamantassa tatiyam, uppannam yatha na parihayati, evam punappunam uppadentassa catuttham sammappadhanam. Chandam dhuram katva kusaluppadanakale chandiddhipado, viriyam, cittam, vimamsam dhuram katva kusaluppadanakale vimamsiddhipado. Micchavacaya viramanakale sammavaca, micchakammanta, micchajiva, viramanakale sammajivoti evam nanacittesu labbhanti. Catumaggakkhane pana ekacitte labbhanti, phalakkhane thapetva cattaro sammappadhane avasesa tettimsa labbhanti. Evam ekacitte labbhamanesu cetesu ekava nibbanarammana sati kayadisu subhasannadippahanakiccasadhanavasena "cattaro satipatthanati vuccati. Ekameva ca viriyam anuppannuppannanam anuppadadikiccasadhanavasena "cattaro sammappadhana"ti vuccati. Sesesu hapanavaddhanam natthi. Apica tesu:- nava ekavidha eko dvedhatha catupancadha atthadha navadha ceva iti chaddha bhavanti te. Nava ekavidhati chando cittam piti passaddhi upekkha sankappo vaca kammanto ajivoti ime nava chandiddhipadadivasena ekavidhava honti, annakotthasam na bhajanti. ^1- Eko dvedhati saddha indriyabalavasena dvedha thita. Atha catupancadhati athanno eko catudha, anno pancadha thitoti attho. Tattha samadhi eko indriyabalabojjhangamaggangavasena catudha thito, panna tesam catunnam iddhipadakotthasassa ca vasena pancadha. Atthadha navadha cevati aparo eko atthadha, eko navadha thitoti attho. Catusatipatthanaindriyabalabojjhangamaggangavasena sati atthadha thita, catusammappadhanaiddhipadaindriyabalabojjhangamaggangavasena viriyam navadhati. Evam:- cuddaseva asambhinna hontete bodhipakkhiya kotthasato sattavidha sattatimsa pabhedato. Sakiccanipphadanato sarupena ca vuttito sabbeva ariyamaggassa sambhave sambhavanti te. Evam maggaphalasampayutte sattatimsa bodhipakkhiyadhamme dassetva puna te maggaphalesu sankhipitva cattaro ariyamagga cattari ca samannaphalaniti aha. Samanabhavo samannam, catunnam ariyamagganametam namam. Samannanam phalani samannaphalani. Nibbanam pana sabbehi asammissameva. Iti vittharato sattatimsabodhipakkhiyacatumagga- catuphalanibbananam vasena chacattalisa lokuttaradhamma, tato sankhepena catumaggacatuphala- nibbananam vasena nava lokuttaradhamma, tatopi sankhepena maggaphalanibbananam vasena @Footnote: ¹ i. gacchanti Tayo lokuttaradhammati veditabbam. Satipatthanadinam maggaphalananca lokuttaratte vutte tamsampayuttanam phassadinampi lokuttarattam vuttameva hoti. Padhanadhammavasena pana satipatthanadayova vutta. Abhidhamme ^1- ca lokuttaradhammaniddese maggaphalasampayuttanam phassadinam lokuttarattam vuttamevati. Lokam tarantiti lokam atikkamanti. Sabbamidha idisam vattamanakalavacanam cattaro ariyamagge sandhaya vuttam. Sotapattimaggo hi apayalokam tarati, sakadagamimaggo kamavacaralokekadesam tarati, anagamimaggo kamavacaralokam tarati, arahattamaggo ruparupavacaralokam tarati. Loka uttarantiti loka uggacchanti. Lokatoti ca lokamhati ca tadeva nissakkavacanam visesetva dassitam. Lokam samatikkamantiti pathamam vuttatthameva. Tattha upasaggattham anapekkhitva vuttam, idha saha upasaggatthena vuttam. Lokam samatikkantati yathavuttam lokam samma atikkanta. Sabbamidha idisam atitakalavacanam phalanibbanani sandhaya vuttam, sotapattiphaladini hi yathavuttam lokam atikkamitva thitani, sada nibbanam sabbalokam atikkamitva thitam. Lokena atirekati lokato adhikabhuta. Idam sabbepi lokuttaradhamme sandhaya vuttam. Nissarantiti niggacchanti. Nissatati niggata. Loke na titthantitiadini attharasa vacanani sabbalokuttaresupi yujjanti. Na titthantiti loke apariyapannatta vuttam. Loke ^2- na limpantiti khandhasantane vattamanapi tasmim na limpantiti attho. Lokena na limpantiti akatapativedhanam kenaci cittena, katapativedhanam akusalena asamatthena ^3- ca cittena na limpantiti attho. Asamlitta anupalittati upasaggena veditabbam. Vippamuttati alittattameva nanabyanjanena visesitam. Ye keci hi yattha yena va alitta, te tattha tena va vippamutta honti. Loka @Footnote: ¹ abhi.san. 34/277,505/84,136 pabbapitthadisu ² pu. lokamhi ³ cha.Ma. @appamattenapi Vippamuttatiadini tini nissakkavasena vuttani. Visannuttati vippamuttattavisesanam. Ye keci hi yattha yena yato vippamutta, te tattha tena tato visannutta nama honti. Loka sujjhantiti lokamalam dhovitva loka sujjhanti. Visujjhantiti tadeva upasaggena visesitam. Vutthahantiti ^1- utthita honti. Vivattantiti nivattanti. Na sajjantiti ^2- na lagganti. Na gayhantiti na ganhiyanti. Na bajjhantiti na badhiyanti. Samucchindantiti appavattim karonti. Yatha ca lokam samucchinnattati, tatheva "loka visuddhatta"tiadi vuttameva hoti. Patippassambhentiti nirodhenti. Apathatiadini cattari sabbesupi lokuttaresu yujjanti. Apathati amagga. Agatiti appatittha. Avisayati anayatta. Asadharanati asamana. Vamantiti uggilanti. Na paccavamantiti vuttapatipakkhanayena vuttam, vantam puna na adantiti attho. Etena vantassa suvantabhavo vutto hoti. Anantaradukattayepi eseva nayo. Visinentiti vikiranti vimuccanti, na bandhantiti attho. Na ussinentiti na vikiranti na vimuccanti. "visinenti"ti "na ussinenti"ti rassam katva patho sundaro. Vidhupentiti nibbapenti. Na samdhupentiti na ujjalanti. Lokam samatikkamma abhibhuyya titthantiti sabbehipi lokuttara dhamma lokam samma atikkamitva abhibhavitva ca titthantiti lokuttaRa. Sabbepi imehi yathavuttehi pakarehi lokuttaranam lokato uttarabhavo adhikabhavo ca vutto hotiti. Lokuttarakathavannana nitthita. ----------------

The Pali Atthakatha in Roman Book 48 page 261-265. http://84000.org/tipitaka/atthapali/read_rm.php?B=48&A=5878&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=5878&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=620 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=9277 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=10754 The Pali Tipitaka in Roman Character :- http://84000.org/tipitaka/read/roman_read.php?B=31&A=10754 Contents of The Tipitaka Volume 31 http://84000.org/tipitaka/read/?index_31