AtthaPali Vol.48

4. Vivekakathavannana [22] Idani pahanavasanaya abhisamayakathaya anantaram pahanakaram dassentena kathitaya suttantapubbangamaya vivekakathaya apubbatthanuvannana. Tattha suttante ^1- tava ye keciti anavasesapariyadanam. Balakaraniyati urubalena bahubalena kattabba. Kammantati dhavanalanghanakasanavapanadini kammani. Kariyantiti balavantehi kariyanti. Silam nissayati catuparisuddhisilam nissayam katva. Bhavetiti bhinnasilassa bhavanabhavato idha pana lokiyalokuttara maggabhavana adhippetati. Vivekanissitanti tadangavivekam samucchedavivekam nissaranavivekam nissitam. Vivekoti vivittata. Ayam hi ariyamaggabhavananuyutto yogi vipassanakkhane kiccato tadangavivekanissitam, ajjhasayato nissaranavivekanissitam, maggakkhane kiccato samucchedavivekanissitam, arammanato nissaranavivekanissitam bhaveti. Esa nayo viraganissitadisu. Vivekoyeva hi virajjanatthena virago, nirodhatthena nirodho, vossajjanatthena vossaggo. Atha va kilesehi vivittatta viveko, kilesehi virattatta virago, kilesanam niruddhatta nirodho, kilesananca pariccattatta vissatthatta, nibbane cittassa ca vissatthatta vossaggo. Vossaggo pana duvidho pariccagavossaggo ca pakkhandanavossaggo ca. @Footnote: ¹ sam.maha. 19/264-5/68 Tattha pariccagavossaggoti vipassanakkhane tadangavasena, maggakkhane samucchedavasena kilesappahanam. Pakkhandanavossaggoti vipassanakkhane tanninnabhavena, maggakkhane arammanakaranena nibbanapakkhandanam. Tadubhayampi imasmim lokiyalokuttaramissake atthavannananaye vattati. Tatha hi ayam sammaditthiadisu ekeko dhammo yathavuttena pakarena kilese ca pariccajati, nibbananca pakkhandati. Vossaggaparinaminti imina pana sakalena vacanena vossaggattham parinamitam ^1- parinatanca 2-, paripaccitam ^3- paripakkancati vuttam hoti. Ayampi ariyamaggabhavananuyutto bhikkhu yatha sammaditthiadisu ekeko dhammo kilesapariccagavossaggatthanca nibbanapakkhandanavossaggatthanca paripaccati, yatha ca paripakko hoti, tatha nam bhaveti. [23] Bijagamabhutagamati ettha mulabijam khandhabijam aggabijam phalubijam bijabijanti ^4- pancavidham bijam, bijagamo nama bijasamuhoti attho. Tadeva pana sampannanilankurapatubhavato patthaya bhutagamo nama, bhutanam jatanam nibbattamulanilankuranam samuhoti attho. Devatapariggahe sati nilankurakalato pabhuti hotiti tesam devatasankhatanam bhutanam gamotipi bhutagamoti vadanti. Vuddhinti ^5- ankuradivasena. Virulhinti khandhadivasena. Vepullanti pupphadivasena. Dhammesu pana vuddhinti apubbadhammapavattivasena. Virulhinti sakiccakaranasadhanavena ^6-. Vepullanti kiccanipphattivasena vipulabhavanti attho. Vipulattantipi patho. Atha va etani tini padani silasamadhipannahipi yojenti. -------------------- @Footnote: ¹ ka. parinamantam ² cha.Ma. ca-saddo na dissati @³ ka. paripaccantam, abhi.A. 2/339, Ma.A. 1/94, sam.A. 1/151 ⁴ vi.mahavi. 2/91/160 @⁵ cha.Ma.,i. vuddhinti evamuparipi ⁶ Si. kicca... Magganganiddesavannana [24] Suttantaniddese sammaditthiyati samivacanam. Jhanavipassanamagga- phalanibbanesu lokiyaviratisampayuttacitte ca yathayogam sampayogato ca arammanato ca vattamanaya sammaditthiya samannalakkhanato ekibhutaya sammaditthiya. Vikkhambhanavivekoti vikkhambhanavasena durikaranavasena viveko. Kesam? nivarananam. Tassa pathamajjhanam bhavayatotiadi vikkhambhanavasena pathamajjhanameva vuttam. Tasmim vutte sesajjhananipi vuttaneva honti. Jhanesupi sammaditthiya vijjamanatta sammaditthiya viveko nama hoti. Tadangavivekoti tena tena vipassanajhanangena ^1- viveko. Ditthigatananti ditthivivekassa dukkaratta padhanatta ca ditthivivekova vutto. Tasmim vutte niccasannadivivekopi vuttova hoti. Nibbedhabhagiyam samadhinti vipassanasampayuttasamadhim. Samucchedavivekoti kilesanam samucchedena viveko. Lokuttaram khayagamim magganti ^2- khayasankhatanibbanagamilokuttaramaggam. Patippassaddhivivekoti kilesanam patippassaddhiya ^3- viveko. Nissaranavivekoti sabbasankhatanissaranabhuto sankharaviveko. Chandajato hotiti pubbabhage jatadhammachando hoti. Saddhadhimuttoti pubbabhageyeva saddhaya adhimutto hoti. Cittam cassa svadhitthitanti pubbabhageyeva cittanca assa yogissa suadhitthitam sutthu patitthitam hoti. Iti chando saddha cittanti ime tayo dhamma pubbabhage uppannavivekanam upanissayatta nissaya nama. Keci pana "cittam cassa svadhitthitanti samadhi vutto"ti vadanti. Viragadisupi eseva nayo. Nirodhavare pana nirodhasaddato annam pariyayavacanam dassentena amata dhatuti vuttam, sesaseu nirodho nibbananti. Ubhayatthapi nibbanameva. Dvadasa @Footnote: ¹ cha.Ma. vipassanananangena ² cha.Ma. khayagamimagganti ³ i. patippassaddhiyam Nissayati chandasaddhacittaniyeva vivekadisu catusu ekekasmim tayo tayo katva dvadasa nissaya honti. [25] Sammasankappavayamasatisamadhinampi iminava nayena atthayojana veditabba. Sammavacakammantajivanam pana jhanakkhane vipassanakkhane ca abhava jhanavipassananam pubbabhagaparabhagavasena vattamana viratiyo jhanavipassana sannissita katva vuttati veditabbam. Nivarananam ditthigatananca vivekaviraga- nirodhapatinissagga tatha pavattamananam viratinam vivekadayo namati veditabbam. Yatha atthakanipate "tato tvam bhikkhu imam samadhim savitakkam savicarampi bhaveyyasi, avitakkam vicaramattampi bhaveyyasi, avitakkam avicarampi bhaveyyasi, sappitikampi bhaveyyasi, nippitikampi bhaveyyasi, satasahagatampi bhaveyyasi. Upekkhasahagatampi bhaveyyasi"ti. ^1- Mettadayo kayanupassanadayo ca niyakajjhattamulasamadhivasena catukkapancakajjhanika viya vutta, evamidhapi pubbabhagaparabhagavasena viratiyo vuttati veditabbam. Byanjanacchayamattam gahetva na bhagava abbhacikkhitabbo. Gambhiram hi buddhavacanam, acariye payirupasitva adhippayato gahetabbam. [26-27] Bojjhangabalaindriyavaresupi iminava nayena attho veditabboti. Vivekakathavannana nitthita. ----------------

The Pali Atthakatha in Roman Book 48 page 356-359. http://84000.org/tipitaka/atthapali/read_rm.php?B=48&A=8050&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=8050&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=701 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=10432 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=12213 The Pali Tipitaka in Roman Character :- http://84000.org/tipitaka/read/roman_read.php?B=31&A=12213 Contents of The Tipitaka Volume 31 http://84000.org/tipitaka/read/?index_31