AtthaPali Vol.48

6. Patihariyakathavannana [30] Idani lokatthacariyapariyosanaya cariyakathaya anantaram lokatthanusasanapariyosanam patihariyam dassentena kathitaya suttantapubbangamaya patihariyakathaya apubbatthanuvannana. Tattha suttante ^1- tava patihariyaniti paccanikapatiharanavasena patihariyani. Iddhipatihariyanti ijjhanavasena iddhi, patiharanavasena patihariyam, iddhi eva patihariyam iddhipatihariyam. Itaresu pana adissanavasena adesanam, anusasanavasena ^2- anusasani. Sesam vuttanayameva. Idhati imasmim loke. Ekaccoti eko poso. Iddhipatihariyaniddeso hettha vuttatthoyeva. Nimittena adisatiti agatanimittena va gatanimittena va thitanimittena va katheti. Evampi te manoti evampi tava mano somanassito va domanassito va kamavitakkadisampayutto va. Apisaddo sampindanattho. Itthampi te manoti somanassitadito ekekavidhepi citte nanappakaraparidipanam. Itipi te cittanti itipi tava cittam, imanca imanca attham cintayamanam pavattatiti ^3- attho. Bahuncepi adisatiti cittato annam va idanca idanca nama ahosi bhavati bhavissatiti bahukampi katheti. Tatheva tam hoti, no annathati tam sabbampi yatha kathitam, tatheva hoti, annatha na hoti. @Footnote: ¹ an.tika. 20/61/165 ² Ma. anusasanivasena ³ Ma. pavattanti Na heva kho nimittena adisatiti nimittam janantopi kevalam nimitteneva na katheti. Apicati aparapariyayadassanam. Manussananti cittam jananakamanussanam. Amanussananti savitanam va assavitanam va yakkhapisacadinam. Devatananti catumaharajikadinam. Saddam sutvati annassa cittam natva kathentanam saddam sunitva. Panati nipato puna arambhe. Vitakkayatoti yam va tam va vitakkena vitakkentassa. Vicarayatoti vitakkasampayutteneva vicarena vicarentassa. Vitakkavippharasaddam sutvati vitakkavegavasena uppannam vippalapantanam suttappamattadinam kujanasaddam sutva. Yam vitakkayato so saddo uppanno, tassa vasena "evampi te mano"tiadini adisati. Avitakkam avicaram samadhinti vitakkavicarakkhobhavirahitasantacittassapi jananasamattham ^1- dassentena vuttam, sese cittajanane pana vattabbameva natthi. Cetasa ceto paricca pajanatiti cetopariyananalabhi. Bhototi bhavantassa. Manosankhara panihitati cittasankhara thapita. Amukam nama vitakkam vitakkayissatiti ^2- kusaladivitakkam vitakkayissati pavattayissatiti pajanati. Pajananto ca agamanena janati, pubbabhagena janati, antosamapattiyam cittam oloketva ^3- janati. Agamanena janati nama kasinaparikammakaleyeva "yenakarena esa kasinabhavanam araddho pathamajjhanam va dutiyadijjhanam va attha samapattiyo va uppadessati"ti janati. Pubbabhagena janati nama pathamavipassanaya araddhaya evam janati, "yenakarena esa vipassanam araddho sotapattimaggam va uppadessati .pe. Arahattamaggam va uppadessati"ti janati. Antosamapattiyam cittam oloketva janati nama "yenakarena imassa manosankhara thapita, imassa nama cittassa anantara imam nama vitakkam vitakkessati, ito vutthitassa etassa hanabhagiyo @Footnote: ¹ cha.Ma. jananasamatthatam ² ka. amunnama vitakkam vitakkessatiti ³ an.A. 2/171 Va samadhi bhavissati, thitibhagiyo va visesabhagiyo va nibbedhabhagiyo va, abhinnayo va uppadessati"ti janati. Bahuncepi adisatiti cetopariyananassa cittacetasikanamyeva arammanakaranato saragadisolasapabhedavaseneva bahuncepi katheti, na annavasenati veditabbam. Tatheva tam hotiti idam ekamsena tatheva hoti. Cetopariyananavasena natam hi ^1- annathabhavi nama natthi. Evam vitakkethati evam nekkhammavitakkadayo pavattenta vitakketha. Ma evam vitakkayitthati evam kamavitakkadayo pavattenta ma vitakkayittha. Evam manasi karothati evam aniccasannameva, dukkhasannadisu va annataram manasi karotha. Ma evam manasakatthati ^2- evam niccantiadina nayena ma manasi akattha. Idam pajahathati idam pancakamagunaragadim pajahatha. Idam upasampajja viharathati idam catumaggaphalappabhedam lokuttaradhammameva papunitva nipphadetva viharatha. [31] Idani iddhipatihariye aparam pariyayam visesena dassento nekkhammam ijjhatiti iddhitiadimaha. Tattha kamacchandam patiharatiti attano patipakkhabhutam kamacchandam patibalam hutva harati pajahatiti tadeva nekkhammam patihariyam namati attho. Ye tena nekkhammena samannagatati evam kamacchandapatiharakena tena ^3- nekkhammena ye puggala patilabhavasena samannagata. Visuddhacittati kamacchandabhavato visuddhacitta. Anavilasankappati kamasankappena analulitanekkhammasankappa. Iti adesanapatihariyanti paracittakusalena va annena va sammasambuddhena va buddhasavakehi va evam adesana patihariyanti attho. Atha va iti evam adisanam adesanapatihariyanti adesanasaddo pathasesam katva payujjitabbo. Evam asevitabbanti imina ca pakarena imina ca pakarena ca adito sevitabbam. Sesattayepi eseva nayo. Tadanudhammata sati @Footnote: ¹ ka. hoti ² ka. manasakaritthati ³ i. tena tena Upatthapetabbati tassa nekkhammassa anukulabhuta sati bhusam thapetabba. Iti anusasanipatihariyanti ettha adesanapatihariyayojanaya viya yojana katabba. Abyapadadisupi ^1- eseva nayo. Patho pana jhanadini sankhipitva ante arahattamaggameva dassetva likhito. Tattha catusupi maggesu "evam asevitabbo"tiadi ekacittakkhanikatta maggassa pubbabhagavasena vuttanti veditabbam. Maggassa hi pubbabhagabhutaya lokiyamaggasankhataya vutthanagaminiya vipassanaya magguppadanattham asevanadisu katesu taya uppanno maggopi asevito bhavito bahulikato nama hotiti veditabbam. Sabbatthikavadacariya pana "ekekamaggo solasakkhaniko"ti vadanti. Tadanudhammatasatiupatthapanam pana pubbabhage yujjatiyevati. [32] Puna nekkhammam ijjhatiti iddhitiadini "iddhipatihariyan"ti padassa kammadharayasamasattadipanattham vuttani. Suttante vuttesu tisu iddhipatihariyasseva samasatte ^2- vutte sesanam dvinnampi vuttova hotiti imasmim pariyaye mulabhutassa iddhipatihariyasseva samasattho vuttoti veditabbanti. Patihariyakathavannana nitthita. -----------------

The Pali Atthakatha in Roman Book 48 page 360-363. http://84000.org/tipitaka/atthapali/read_rm.php?B=48&A=8137&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=8137&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=718 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=10593 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=12399 The Pali Tipitaka in Roman Character :- http://84000.org/tipitaka/read/roman_read.php?B=31&A=12399 Contents of The Tipitaka Volume 31 http://84000.org/tipitaka/read/?index_31