|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Mahakassapattherapadanavannana
padumuttarassa bhagavatotyadikam ayasmato mahakassapattherassa apadanam.
Ayampi purimabuddhesu katadhikaro tattha tattha bhave vivattupanissayani
punnasambharani upacinanto padumuttarabhagavato kale hamsavatinagare vedeho
nama asitikotivibhavo kutumbiko ahosi. So buddhamamako dhammamamako
samghamamako upasako hutva viharanto ekasmim uposathadivase patova subhojanam
bhunjitva uposathangani adhitthaya gandhapupphadini gahetva viharam gantva
sattharam pujetva vanditva ekamantam nisidi.
Tasmim ca khane sattha mahanisabhattheram nama tatiyasavakam "etadaggam
bhikkhave mama savakanam bhikkhunam dhutavadanam yadidam nisabho"ti etadagge thapesi.
Upasako tam sutva pasanno dhammakathavasane mahajane utthaya gate sattharam
vanditva "sve bhante mayham bhikkham adhivasetha"ti nimantesi. Maha kho
upasaka bhikkhusamghoti. Kittako bhanteti. Atthasatthibhikkhusatasahassanti. Bhante
ekam samanerampi vihare asesetva mayham bhikkham ganhathati. Sattha adhivasesi.
Upasako satthu adhivasanam natva geham gantva mahadanam sajjetva
punadivase satthu kalam arocapesi. Sattha pattacivaramadaya bhikkhusamghaparivuto
upasakassa gharam gantva pannattasane nisinno dakkhinodakavasane
yaguadini sampaticchanto bhattavissaggam akasi. Upasakopi satthu santike nisidi.
Tasmim antare mahanisabhatthero pindaya caranto tameva vithim
patipajji. Upasako disva utthaya gantva theram vanditva "pattam bhante
---------------------------------------------------------------------------------------------
page304.
Detha"ti aha. Thero pattam adasi. Bhante idheva pavisatha, satthapi gehe
nisinnoti. Na vattissati upasakati. So therassa pattam gahetva
pindapatassa puretva adasi. Tato theram anugantva nivatto satthu santike
nisiditva evamaha "mahanisabhatthero bhante `satthapi gehe nisinno'ti vuttepi
pavisitum na icchi, atthi nu kho etassa tumhakam gunehi atirekaguno"ti.
Buddhananca vannamaccheram nama natthi, tasma sattha evamaha "upasaka mayam
bhikkham agamayamana gehe nisidama, so bhikkhu na evam nisiditva bhikkham
udikkhati. Mayam gamantasenasane vasama, so aranneyeva vasati. Mayam channe
vasama, so abbhokaseyeva vasati"ti bhagava "ayanca ayancetassa guno"ti
mahasamuddam purayamano viya tassa gunam kathesi.
Upasakopi pakatiya jalamanadipo telena asitto viya sutthutaram
pasanno hutva cintesi "kim mayham annaya sampattiya, yannunaham anagate
ekassa buddhassa santike dhutavadanam aggabhavatthaya patthanam karissami"ti. So
punapi sattharam nimantetva teneva niyamena satta divase mahadanam datva
sattame divase buddhappamukhassa mahabhikkhusamghassa ticivarani datva satthu padamule
nipajjitva evamaha "yam me bhante satta divase danam dentassa mettam
kayakammam mettam vacikammam mettam manokammam paccupatthitam, iminaham na annam
devasampattim va sakkamarabrahmasampattim va patthemi, idam pana me kammam
anagate ekassa buddhassa santike mahanisabhattherena pattatthanantaram
papunanatthaya terasadhutangadharanam aggabhavassa adhikaro hotu"ti. Sattha
"mahantam thanam imina patthitam, samijjhissati nu kho, no"ti olokento
samijjhanabhavam disva aha "manapam te thanam patthitam, anagate
satasahassakappavasane gotamo nama buddho uppajjissati, tassa tvam tatiyasavako
mahakassapatthero nama bhavissasi"ti byakasi. Tam sutva upasako "buddhanam
dve katha nama natthi"ti punadivase pattabbam viya tam sampattim amannittha.
So yavatayukam danam datva silam samadaya rakkhitva nanappakaram punnakammam
---------------------------------------------------------------------------------------------
page305.
Katva kalam katva sagge nibbatti. Tato patthaya devamanussesu sampattim
anubhavanto ito ekanavutikappe vipassisammasambuddhe bandhumatinagaram upanissaya
kheme migadaye viharante devaloka cavitva annatarasmim parijinnabrahmanakule
nibbatti. Tasminca kale vipassi bhagava sattame samvacchare dhammam kathesi,
mahantam kolahalam ahosi. Sakalajambudipe devata "sattha dhammam kathessati"ti
arocesum. Brahmano tam sasanam assosi. Tassa nivasanasatako ekoyeva,
tatha brahmaniya. Parupanam pana dvinnampi ekameva. So sakalanagare
"ekasatakabrahmano"ti pannayi. So brahmano kenacideva kiccena
brahmananam sannipate sati brahmanim gehe thapetva sayam tam vattham
parupitva gacchati, brahmaninam sannipate sati sayam gehe acchati, brahmani
tam vattham parupitva gacchati. Tasamim pana divase so brahmanim aha "bhoti
kim tvam rattim dhammam sunissasi, udahu diva"ti. "sami aham matugamo
bhirukajatika rattim sotum na sakkomi, diva sossami"ti tam brahmanam gehe
thapetva tam vattham parupitva upasikahi saddhim viharam gantva sattharam
vanditva ekamantam nisinna dhammam sutva upasikahi saddhim agamasi. Atha
brahmano tam gehe thapetva tam vattham parupitva viharam gato.
Tasmim ca samaye sattha parisamajjhe alankatadhammasane nisinno
cittavijanim gahetva akasagangam otarento viya sinerum mantham 1- katva sagaram
nimmanthento viya ca dhammakatham kathesi. Brahmanassa parisapariyantena
nisinnassa dhammam sunantassa pathamayameyeva sakalasariram purayamana pancavanna
piti uppajji. So parutavattham sangharitva 2- "dasabalassa dassami"ti cintesi.
Athassa adinavasahassam dassayamanam 3- maccheram uppajji. So "brahmaniya
tuyhanca ekameva vattham, annam kinci parupanam nama natthi, aparupitva
bahi vicaritum na sakkomi"ti sabbathapi adatukamo ahosi. Athassa
nikkhante pathame majjhimayameti tatheva piti uppajji. So tatheva cintetva
@Footnote: 1 Si. mattham. 2 Si. samharitva. 3 Ma. maddayamanam.
---------------------------------------------------------------------------------------------
page306.
Tatheva adatukamo ahosi. Athassa majjhime yame nikkhante majjhimayamepi
tatheva piti uppajji. Tada so maccheram jinitva vattham sangharitva satthu
padamule thapesi. Tato vamahattham abhujitva dakkhinena hatthena apphotetva
"jitam me jitam me"ti tikkhattum nadi.
Tasmim samaye bandhuma raja dhammasanassa pacchato antosaniyam
nisinno dhammam sunati. Ranno ca nama "jitam me"ti saddo amanapo hoti.
Raja purisam anapesi "gaccha bhane etam puccha `kim so vadati'ti. "brahmano
tenagantva pucchito "avasesa hatthiyanadini aruyha asicammadini gahetva
parasenam jinanti, na tam acchariyam. Aham pana pacchato agacchantassa kutagonassa
muggarena sisam bhinditva tam palapento viya maccheracittam jinitva parutavattham
dasabalassa adasim, tam me jitam maccheram acchariyan"ti aha. So agantva tam
pavattim ranno arocesi. Raja "amhe bhane dasabalassa anurupam na janama,
brahmano janati"ti tassa pasiditva vatthayugam pesesi. Tam disva brahmano
cintesi "raja mayham tunhi nisinnassa pathamam kinci adatva satthu gune
kathentassa adasi satthu gune paticca idam uppannam, satthuyeva anucchavikan"ti
tampi vatthayugam dasabalassa adasi. Raja "kim brahmanena katan"ti pucchitva
"tampi tena vatthayugam tathagatasseva dinnan"ti sutva annanipi dve
vatthayugani pesesi, so tanipi satthu adasi. 1- Puna raja annanipi cattariti
evam vatva yava evam dvattimsa vatthayugani pesesi. Atha brahmano
"idamvaddhetva vaddhetva gahanam viya hoti"ti attano atthaya ekam, brahmaniya
ekanti dve vatthayugani gahetva timsa yugani tathagatasseva adasi. Tato
patthaya ca so satthu vissasiko jato.
Atha tam raja ekadivasam sitasamaye satthu santike dhammam sunantam disva
satasahassagghanakam attano parutam rattakambalam datva aha "ito patthaya imam
parupitva dhammam sunahi"ti. So "kim me imina kambalena imasmim putikaye
@Footnote: 1 cha.Ma. adasi.
---------------------------------------------------------------------------------------------
page307.
Upanitena"ti cintetva antogandhakutiyam tathagatassa mancassa upari vitanam
katva agamasi. Athekadivasam raja patova viharam gantva antogandhakutiyam satthu
santike nisidi. Tasmim khane chabbanna buddharasmiyo kambale patihannanti,
kambalo ativiya virocittha. Raja ullokento sanjanitva aha "amhakam
bhante esa kambalo, amhehi ekasatakabrahmanassa dinno"ti. "tumhehi
maharaja brahmano pujito, brahmanena mayam pujitati. Raja "brahmano
yuttam annasi, na mayan"ti pasiditva yam manussanam upakarabhutam, tam sabbam
atthatthakam katva sabbatthakam nama danam datva purohitatthane thapesi. Sopi
"atthatthakam nama catusatthi hoti"ti catusatthisalakabhattani upatthapetva yavajivam
danam datva silam rakkhitva tato cuto sagge nibbatti.
Puna tato cuto imasmim kappe bhagavato konagamanassa, bhagavato
kassapassa cati dvinnam antare baranasiyam kutumbikakule nibbatto, so
vaddhimanvaya gharavasam vasanto ekadivasam aranne janghaviharam vicarati. Tasmim ca
samaye paccekabuddho naditire civarakammam karonto anuvate appahonte
sangharitva thapetumaraddho. So tam disva "kasma bhante sangharitva thapetha"ti
aha. Anuvato nappahotiti. "imina bhante karotha"ti uttarisatakam datva
"nibbattanibbattatthane me kaci 1- hani ma hotu"ti patthanam akasi.
Gharepissa bhaginiya saddhim bhariyaya kalaham karontiya paccekabuddho
pindaya pavisi. Athassa bhagini paccekabuddhassa pindapatam datva tassa bhariyam
sandhaya "evarupam balam yojanasate parivajjeyyan"ti patthanam thapesi. Sa
gehangane thita sutva "imaya dinnabhattam esa ma bhunjatu"ti pattam gahetva
bhattam chaddetva kalalassa puretva adasi. Itara disva "bale mam tava
akkosa va pahara va, evarupassa pana dve asankhyeyyani puritaparamissa
paccekabuddhassa pattato bhattam chaddetva kalalam datum na yuttan"ti aha.
Athassa bhariyaya patisankhanam uppajji. Sa "titthatha bhante"ti kalalam chaddetva
@Footnote: 1 ka. koci.
---------------------------------------------------------------------------------------------
page308.
Pattam dhovitva gandhacunnena ubbattetva panitabhattassa catumadhurassa ca
puretva upari asittena padumagabbhavannena sappina vijjotamanam pattam
paccekabuddhassa hatthe thapetva "yatha ayam pindapato obhasajato, evam
obhasajatam me sariram hotu"ti patthanam akasi. Paccekabuddho anumoditva
akasam pakkhandi. Tepi dve jayampatika 1- yavatayukam thatva tato cuta sagge
nibbattimsu, puna tato cavitva upasako kassapasammasambuddhakale baranasiyam
asitikotivibhavasampanne kule nibbatti, itarapi tadisasseva setthino dhita
hutva nibbatti, tassa vayappattassa tameva setthidhitaram anayimsu. Tassa pubbe
anitthavipakassa papakammassa anubhavena patikulam pavitthamattaya ummarantarato
patthaya sakalam geham ugghatitavaccakupo viya duggandham jatam. Kumaro "kassayam
gandho"ti pucchitva "setthikannaya"ti sutva "niharatha nan"ti tassayeva
kulagharam pesesi. Sa teneva niharena sattasu thanesu patinivatti.
Tena samayena kassapadasabalo parinibbayi, tassa satasahassagghanikahi
suvannitthakahi yojanubbedham cetiyam arabhimsu. Tasmim cetiye kariyamane sa setthidhita
cintesi "aham sattasu thanesu patinivatta, kim me jivitena"ti attano
abharanabhandam bhanjapetva suvannitthakam karesi ratanayatam vidatthivitthinnam
caturangulubbedham. Tato haritalamanosilapindam gahetva attha uppalapupphahatthake
adaya cetiyakaranatthanam gata. Tasmim ca khane eka itthakapanti parikkhipitva
agacchamana ghatanitthakaya una hoti. Setthidhita vaddhakim aha "imam me
itthakam ettha thapetha"ti. Amma bhaddake kale agatasi, sayameva thapehiti.
Sa aruyha telena haritalamanosilapindam yojetva tena bandhanena itthakam
patitthapetva upari atthahi uppalapupphahatthehi 2- pujam katva vanditva
"nibbattanibbattatthane me kayato candanagandho vayatu, mukhato uppalagandho"ti
patthanam katva cetiyam vanditva padakkhinam katva geham agamasi.
@Footnote: 1 ka. jayapatika. 2 cha.Ma. upalapupphahatthakehi.
---------------------------------------------------------------------------------------------
page309.
Tasmimyeva khane sa yassa setthiputtassa pathamam geham nita, tassa tam
arabbha sati udapadi. Nagarepi nakkhattam sanghuttham hoti. So upatthake aha
"idha anita setthidhita kuhin"ti. Kulagehe samiti. Anetha nam, nakkhattam
kilissamiti. Te gantva tam vanditva thita. "kim tata agatattha"ti taya
puttha tassa tam pavattim acikkhimsu. Tata maya abharanabhandehi cetiyam pujitam,
abharanam me natthiti. Te gantva setthiputtassa arocesum. Anetha nam,
pilandhanam labhissatiti. Te tam anayimsu. Tassa saha gehapavesanena sakalageham
candanagandho ceva uppalagandho ca vayi. Setthiputto tam pucchi "bhadde tava
sarirato pathamam duggandho vayi, idani pana te sarirato candanagandho, mukhato
uppalagandho vayati, kimetan"ti. Sa adito patthaya attano katakammam
arocesi. Setthiputto "niyyanikam vata buddhasasanan"ti pasiditva yojanikam
suvannacetiyam kambalakancukena paticchadetva tattha tattha rathacakkapamanehi
suvannapadumehi alankari. Tesam dvadasahattha olambaka honti.
So tattha yavatayukam thatva tato cuto sagge nibbattitva puna tato
cavitva baranasito yojanamatte thane annatarasmim amaccakule nibbatti,
bhariya panassa devalokato cavitva rajakule jettharajadhita hutva nibbatti,
tesu vayappattesu kumarassa vasanagame nakkhattam sanghuttham. So mataram aha
"amma satakam me dehi, nakkhattam kilissami"ti. Sa dhotavattham 1- niharitva
adasi. "amma thulamidan"ti aha. Sa annam niharitva adasi. So tampi
patikkhipi. Atha nam mata aha "tata yadise gehe mayam jata, natthi no
ito sukhumatarassa patilabhaya punnan"ti. Tena hi labhanatthanam gacchami ammati.
Putta aham ajjeva tuyham baranasinagararajjapatilabham icchamiti so mataram
vanditva gacchami ammati. Gaccha tatati. So pana punnaniyamena nikkhamitva
baranasim gantva uyyane mangalasilapatte sasisam parupitva nipajji. So ca
baranasiranno kalankatassa sattamo divaso hoti.
@Footnote: 1 ka. dhotavannam.
---------------------------------------------------------------------------------------------
page310.
Amacca ranno sarirakiccam katva rajangane nisiditva mantayimsu "ranno
eka dhitava atthi, putto natthi, arajakam rajjam nassissati, ko raja bhavitum
arahati"ti tvam hohi, tvam hohiti. Purohito aha "bahum oloketum na vattati,
phussaratham vissajjessama"ti. Te kumudavanne cattaro sindhave yojetva
pancavidharajakakudhabhandam setacchattanca tasmim thapetva ratham vissajjetva
pacchato turiyani pagganhapesum. Ratho pacinadvarena nikkhamitva uyyanabhimukho
agamasi. "paricayena uyyanabhimukho gacchati, nivattema"ti keci ahamsu.
Purohito "ma nivattayittha"ti aha. Ratho gantva kumaram padakkhinam katva
aruhanasajjo hutva atthasi. Purohito parupanakannam apanetva padatalani
olokento "titthatu ayam dipo dvisahassaparittadipavaresu catusu mahadipesu
esa rajjam karetum yutto"ti vatva "turiyani pagganhatha"ti tikkhattum turiyani
pagganhapeti.
Atha kumaro mukham vivaritva olokento "kena kammena agatattha"ti
aha. Deva tumhakam rajjam papunatiti. Raja vo kahanti, devattam gato
samiti. Kati divasa atikkantati. Ajja sattamo divasoti. Putto va dhita va
natthiti. Dhita atthi deva, putto natthiti. Tenahi karissami rajjanti. Te
tavadeva abhisekamandapam karetva rajadhitaram sabbalankarehi alankaritva
uyyanam anetva kumarassa abhisekam akamsu. Athassa katabhisekassa satasahassagghanakam
vattham upanayimsu. So "kimidam tata"ti aha. Nivasanavattham devati. Nanu tata
thulanti, manussaparibhogavatthesu ito mudutaram natthi devati. Tummakam raja
evarupam nivasesiti. Ama devati. "na manne punnava tumhakam raja"ti
"suvannabhingaram aharatha, labhissami vatthan"ti suvannabhingaram aharapetva
utthaya hatthe dhovitva mukham vikkhaletva hatthena udakam gahetva puratthimadisayam
abbhukkiri. Ghanapathavim bhinditva attha kapparukkha utthahimsu. Puna udakam gahetva
dakkhinapacchimauttaradisayanti evam catusu disasu abbhukkiri, sabbadisasu
atthatthakam katva dvattimsa kapparukkha utthahimsu. So ekam dibbadussam
nivasetva ekam
---------------------------------------------------------------------------------------------
page311.
Parupitva "nandaranno 1- vijite suttakantika itthiyo ma suttam kantimsuti evam
bherim carapetha"ti vatva chattam ussapetva alankatapatiyatto hatthikkhandhavaragato
nagaram pavisitva pasadam abhiruyha mahasampattim anubhavi.
Evam gacchante kale devi ranno sampattim disva "aho vata tapassi"ti
karunnakaram dassesi. "kimidam devi"ti puttha "atimahati deva te sampatti,
atite buddhanam saddahitva katakalyanassa phalam, idani anagatassa paccayam
punnam na karotha"ti aha. Kassa massama, silavanto natthiti. "asunno
devajambudipo arahantehi, tumhe deva danam sajjetha, aham arahante lacchami"ti
aha. Punadivase raja pacinadvare danam sajjapesi. Devi patova uposathangani
adhitthaya uparipasade puratthabhimukha urena nipajjitva "sace etissaya
disaya arahanto atthi, sve agantva amhakam bhikkham ganhantu"ti aha.
Tassam disayam arahanto nahesum, tam sakkaram kapanayacakanam adamsu.
Punadivase dakkhinadvare sajjetva tatheva dakkhineyyam nalattha, punadivasepi
pacchimadvare tatheva. Uttaradvare sajjitadivase pana deviya tatheva nimantentiya
himavante vasantanam padumavati puttanam pancasatanam paccekabuddhanam jetthako
mahapadumapaccekabuddho bhatike amantesi "marisa nandaraja 2- tumhe
nimanteti, adhivasetha tassa"ti. Te adhivasetva punadivase anotattadahe mukham
dhovitva akasenagantva uttaradvare otarimsu. Manussa disva
gantva"pancasata deva paccekabuddha agata"ti ranno arocesum. Raja saddhim
deviya gantva vanditva paccekabuddhe pasadam aropetva tatra nesam danam
datva bhattakiccavasane raja samghattherassa, devi samghanavakassa padamule nipatitva
"ayya bhante paccayehi na kilamissanti, mayanca punnena na parihayissama,
amhakam yavajivam idha nivasaya patinnam dethati patinnam karetva uyyane
panca pannasalasatani panca cankamanasataniti sabbakarena nivasanatthanani
sampadetva tattha vasapesum.
@Footnote: 1 Si., i. nandiyaranno. 2 Si., i. nandiyaraja.
---------------------------------------------------------------------------------------------
page312.
Evam kale gacchante ranno paccante kupite raja "aham paccantam
vupasametum gacchami, tvam paccekabuddhesu ma pamajja"ti 1- devim ovaditva gato.
Tasmim anagateyeva paccekabuddhanam ayusankhara khina. Mahapadumapaccekabuddho
tiyamarattim jhanakilam kilitva arunuggamanasamaye alambanaphalakam alambitva
thitakova anupadisesaya nibbanadhatuya parinibbayi, etenupayena sesapiti
sabbeva parinibbuta. Punadivase devi paccekabuddhanam nisidanatthanani
sajjetva pupphani vikiritva dhupam vasetva tesam agamanam olokenti
nisinna agamanam adisva purise pesesi "gacchatha tata, janatha kim ayuyanam
aphasukan"ti. Te gantva mahapadumassa pannasalaya dvaram vivaritva tattha
tam apassanta cankamanam gantva alambanaphalakam nissaya thitam disva vanditva
"kalo bhante"ti ahamsu. Parinibbutasariram kim kathessati, te "niddayati
manne"ti vatva pitthipade hatthena paramasitva padanam sitalataya ceva
thaddhataya ca parinibbutabhavam natva dutiyassa santikam gantva tatheva natva
puna tatiyassati evam sabbepi parinibbutabhavam natva rajakulam agamimsu. "kaham
tata paccekabuddha"ti puttha "parinibbuta devi"ti ahamsu. Devi kandanti
rodanti nikkhamitva nagarehi saddhim tattha gantva sadhukilitam karetva
paccekabuddhanam sarirakiccam karetva dhatuyo gahapetva cetiyam patitthapesi.
Raja paccantam vupasametva agato paccuggamanam agatam devim pucchi
"kim bhadde tvam paccekabuddhesu na pamajjasi, niroga ca ayya"ti.
Parinibbuta devati. Tam sutva raja cintesi "evarupanampi panditanam
maranam uppajjati, amhakam kuto mokkho"ti. So nagaram apavisitva
uyyanameva gantva jetthaputtam pakkosapetva tassa rajjam niyyatetva 2-
sayam samanapabbajjam pabbaji, devipi "ranne pabbajite aham kim karissami"ti
tatheva uyyane pabbaji. Dvepi jhanam bhavetva tato cuta brahmaloke
nibbattimsu.
@Footnote: 1 Ma. mapajjiti. 2 Si., Ma. patiyadetva.
---------------------------------------------------------------------------------------------
page313.
Tesu tattheva vasantesu amhakam sattha loke uppajjitva
pavattitavaradhammacakko anupubbena rajagaham papuni, satthari tattha pativasante ayam
pipphalimanavo 1- magadharatthe mahatitthabrahmanagame kapilabrahmanassa bhariyaya
kucchimhi nibbatto, ayam bhaddakapilani maddaratthe sagalanagare
kosiyagottabrahmanassa bhariyaya kucchimhi nibbatta. Tesam anukkamena vaddhamananam
pipphalimanavassa visatime, bhaddaya solasame vaye sampatte matapitaro puttam
oloketva "tata tvam vayappatto, kulavamsam patitthapetum yutto"ti ativiya
nippiliyimsu. Manavo aha "mayham sotapathe evarupam katham ma kathayittha, aham
yava tumhe dharatha, tava patijaggissami, tumhakam accayena 2- nikkhamitva
pabbajissami"ti. Te katipaham atikkamitva puna kathayimsu. Sopi puna patikkhipi.
Tato patthaya mata nirantaram kathetiyeva.
Manavo "mataram sannapessami"ti rattasuvannassa nikkhasahassam datva
suvannakarehi itthirupakam karetva tassa majjanaghattanadikammapariyosane tam
rattavattham nivasetva suvannasampannehi pupphehi ceva nanalankarehi ca
alankarapetva "amma evarupam arammanam labhanto gehe vasissami, alabhanto
na vasissami"ti. Pandita brahmani cintesi "mayham putto punnava
dinnadano katabhiniharo pubbe punnani karonto na ekakova akasi,
addha etena saha katapunna suvannarupakapatibhaga bhavissati"ti. Attha
brahmane pakkosapetva sabbabhogehi santappetva suvannarupakam rathe
aropetva "gacchatha tata, yattha amhehi jatigottabhogadisamanakule evarupam
darikam passatha, tattha idameva suvannarupakam saccakaram 3- katva detha"ti
uyyojesi.
Te "amhakam nama etam kamman"ti nikkhamitva kattha labhissama,
maddarattham nama itthagaram, maddarattham gamissamati maddaratthe sagalanagaram
agamamsu. Tattha tam suvannarupakam nhanatitthe thapetva ekamantam nisidimsu. Atha
@Footnote: 1 cha.Ma. pippali... 2 Si., i., Ma. pacchato. 3 i., Ma. pannakaram.
---------------------------------------------------------------------------------------------
page314.
Bhaddaya 1- dhati bhaddam nhapetva alankaritva sayam nhayitum udakatittham
gantva suvannarupakam disva "kissayam avinita idhagantva thita"ti
pitthipasse paharitva suvannarupakam natva "ayyadhita meti sannam uppadesi,
ayam pana ayyadhitaya nivasanapatiggahitayapi asadisa"ti aha. Atha nam te
brahmana "evarupa kira te samidhita"ti pucchimsu. Sa imaya suvannapatimaya
satagunena sahassagunena mayham ayyadhita abhirupatara, tatha hi "appadipepi
dvadasahatthe gabbhe nisinna sarirobhasena tamam vidhamati"ti aha. "tena
hi tassa matapitunam santikam gacchama"ti suvannarupakam rathe aropetva
tam dhatim anugantva kosiyagottassa gharadvare thatva agamanam arocayimsu.
Brahmano 2- patisantharam katva "kuto agatattha"ti pucchi. Te
"magadharatthe mahatitthagame kapilabrahmanassa gharato imina nama karanena
agatamha"ti ahamsu. "sadhu tata, amhehi samajatigottavibhavo so brahmano,
dassama darikan"ti pannakaram ganhi. Te kapilabrahmanassa sasanam
pahinimsu "laddha no bhadda nama darika, kattabbam janatha"ti. Tam sasanam
sutva pipphalimanavassa arocayimsu "laddha darika"ti. Pipphalimanavo "aham
`na labhissanti'ti cintesim, ime `laddha'ti pesenti, anatthiko hutva pannam
pesessami"ti rahogato pannam likhi "bhadda attano jatigottabhoganurupam
patim labhatu, aham nikkhamitva pabbajissami, ma paccha vippatisarini ahosi"ti.
Bhaddapi "asukassa kira mam datukama"ti sutva 3- rahogata pannam likhi
"ayyaputto attano jatigottabhoganurupam darikam labhatu, aham pabbajissami,
ma paccha vippatisari bhavahi"ti. Dvepi pannani antaramagge samagacchimsu.
Idam kassa pannanti. Pipphalimanavena bhaddaya pahitanti. Idam kassati.
"bhaddaya pipphalimanavassa pahitan"ti ca vutte te dvepi vacetva "passatha
darakanam kamman"ti phaletva aranne chaddetva annam tamsamanam pannam
@Footnote: 1 Si., i. bhaddayapi. 2 Si. brahmanena. 3 Si. natva.
---------------------------------------------------------------------------------------------
page315.
Likhitva ito cito ca 1- pesesum. Iti kumarassa kumarikaya ca sadisam pannam
lokassadarahitamevati anicchamananampi tesam dvinnam samagamo ahosi.
Tamdivasameva pipphalimanavopi bhaddam ekam pupphadanam ganhapesi. Bhaddapi
tani sayanamajjhe thapesi. Ubhopi bhuttasayamasa sayanam aruhitum arabhimsu. Tesu
manavo dakkhinapassena sayanam aruhi, bhadda vamapassena abhiruhitva aha
"yassa passe pupphani milayanti, tassa ragacittam uppannanti vijanissama,
imam pupphadamam na alliyitabban"ti. Te pana annamannam sarirasamphassabhayena
sakalarattim niddam anokkamantava vitinamesum. Diva pana hasitamattampi nakamsum. 2-
Te lokamisena asamsattha yava matapitaro dharanti, tava kutumbam avicaretva
tesu kalankatesu vicarayimsu. Mahati manavassa sampatti. Ekadivasam sariram
ubbattetva chaddetabbam suvannacunnam eva magadhanaliya dvadasanalimattam
laddhum vattati. Yantabaddhani satthi mahatalakani, kammanto dvadasayojaniko,
anuradhapurappamana cuddasa gama, cuddasa hatthanikani, cuddasa assanikani,
cuddasa rathanikani.
So ekadivasam alankataassam aruyha mahajanaparivuto kammantatthanam
gantva khettakotiyam thito nangalehi chinnatthanato kakadayo sakune
ganduppadadike panake uddharitva khadante disva "tata ime kim
khadanti"ti pucchi. Ganduppade ayyati. Etehi katapapam kassa hotiti.
Tumhakam ayyati. So cintesi "sace etehi katapapam mayham hoti, kim me
karissati sattaasitikotidhanam dvadasayojanakammanto kim karissati, kim yantabaddhani
talakani, kim cuddasa gamani, sabbametam bhaddaya kapilaniya niyyatetva
nikkhamma pabbajissami"ti.
Bhadda kapilani tasmim khane antaravatthusmim tayo tilakumbhe pattharitva
dhatihi parivuta nisinna kake tilapanake khadamane disva "amma kim ime
khadanti"ti pucchi. Panake ayyeti. Akusalam kassa hotiti. Tumhakam ayyeti.
@Footnote: 1 cha.Ma. ito etto ca. 2 i., Ma. divapi hasitamattam nakamsu.
---------------------------------------------------------------------------------------------
page316.
Sa cintesi "mayham catuhattham vattham nalikodanamattanca laddhum vattati, yadi
panetam etehi katam akusalam mayham hoti, bhavasahassenapi vattato sisam ukkhipitum
na sakka, ayyaputte agatamatteyeva sabbam tassa niyyatetva nikkhamma
pabbajissami"ti.
Manavo agantva nhatva pasadam aruyha maharahe pallanke
nisidi, athassa cakkavattino anucchavikabhojanam upanayimsu. Dvepi bhunjitva
parijane nikkhante rahogata phasukatthane nisidimsu. Tato manavo bhaddam aha
"bhadde imam gharam agacchanti kittakam dhanamaharasi"ti. Pancapannasa
sakatasahassani ayyati. Sabbam tam, ya ca imasmim ghare sattasiti kotiyo
yantabaddhani satthi talakaniti evamadibheda sampatti atthi, tam sabbam
tuyheva niyyatemiti. Tumhe pana kuhim gacchatha ayyati. Aham pabbajissamiti.
Ayya ahampi tumhakam agamanam olokayamana nisinna, ahampi pabbajissamiti.
Tesam adittapannakuti viya tayo bhava upatthahanti. Te "pabbajissama"ti
vatva antarapanato kasayarasapitani civarani mattikapatte ca aharapetva
annamannam kese oharetva "ye loke arahanto atthi, te uddissa
amhakam pabbajja"ti pabbajitva thavikasu patte pakkhipitva amse laggetva
pasadato otarimsu. Gehe dasesu ca kammakaresu ca na koci sanjani.
Atha ne brahmanagamato nikkhamitva dasagamadvarena gacchante
akappakuttavasena dasagamavasino sanjanimsu. Te rodanta padesu patitva
"kim amhe anathe karotha ayya"ti ahamsu "mayam `bhane tayo bhava
adittapannasala viya'ti pabbajimha, sace tumhesu ekekam bhujissam karoma,
vassasatampi nappahoti. Tumheva tumhakam sisam dhovitva bhujissa hutva
jivatha"ti vatva tesam rodantanamyeva pakkamimsu.
Thero purato gacchanto nivattitva olokento cintesi "ayam bhadda
kapilani sakalajambudipagghanika itthi mayham pacchato agacchati, thanam kho
panetam vijjati, yam kocideva evam cinteyya `ime pabbajitapi vina bhavitum na
---------------------------------------------------------------------------------------------
page317.
Sakkonti, ananucchavikam karonti'ti. Evam koci papakena manasa padusetva
apayapurako bhaveyya, imam pahaya maya gantum vattati"ti cittam uppadetva
purato gacchanto dvedhapatham disva tassa matthake atthasi. Bhaddapi agantva
vanditva atthasi. Atha nam aha "bhadde tadisim itthim mama pacchato
agacchantim disva `ime pabbajitapi vina bhavitum na sakkonti'ti amhesu
padutthacitto mahajano apayapurako bhaveyya, imasmim dvedhapathe tvam ekam
ganha, aham ekena gamissami"ti. "ama ayya matugamo pabbajitanam
palibodho `pabbajitapi vina na bhavanti'ti amhakam dosam dasseyyun"ti
tikkhattum padakkhinam katva catusu thanesu pancapatitthitena vanditva
dasanakhasamodhanasamujjalam anjalim paggayha "satasahassakappapamane addhane kato
mittasanthavo ajja bhijjati, tumheva dakkhina nama, tumhakam dakkhinamaggo
vattati, mayam matugama nama vamajatika, amhakam vamamaggo vattati"ti
vanditva maggam patipajji. Tesam dvedhabhutakale ayam mahapathavi "aham
cakkavalasinerupabbatadayo dharetum sakkontipi tumhakam gune dharetum na
sakkomi"ti vadanti viya viravamana akampittha. Akase asanisaddo viya pavatti,
cakkavalapabbato unnadi.
Sammasambuddhopi veluvanamahavihare kutiyam nisinno pathavikampanasaddam
sutva "kissa nu kho pathavi kampati"ti avajjento "pipphalimanavo ca
bhadda ca kapilani mam uddissa appameyyam sampattim pahaya pabbajita,
tesam viyogatthane ubhinnam gunabalena ayam pathavikampo jato, mayapi etesam
sangaham katum vattati"ti gandhakutito nikkhamma sayameva pattacivaramadaya
asitimahatheresu kanci anapuccha tigavutamaggam paccuggamanam katva rajagahassa
ca nalandaya ca antare bahuputtanigrodhamule pallankam abhujitva nisidi.
Nisinno pana annatarapamsukuliko viya anisiditva buddhavesam gahetva
asitihattha buddharamsiyo vissajjento nisidi. Iti tasmim khane
pannacchattasakatacakkakutagaradippamana buddharamsiyo ito cito ca vippharantiyo
---------------------------------------------------------------------------------------------
page318.
Vidhavantiyo candasahassasuriyasahassauggamanakalam viya 1- kurumana tam vanantaram
ekobhasam akamsu. Dvattimsamahapurisalakkhanasiriya samujjalataraganena viya gaganam,
supupphitakamalakuvalayena viya salilam vanantaram virocittha. Nigrodharukkhassa khandho
pakatiya seto hoti, pattani nilani pakkani rattani. Tasmim pana divase
sabbo nigrodho suvannavannova ahosi.
Mahakassapatthero tam disva "ayam amhakam sattha bhavissati, imam aham
uddissa pabbajito"ti ditthatthanato patthaya onato gantva tisu thanesu
vanditva "sattha me bhante bhagava, savakohamasmi, sattha me bhante bhagava,
savakohamasmi"ti 2- aha. Atha nam bhagava aha "kassapa sace tvam imam
nipaccakaram mahapathaviya kareyyasi, sapi dharetum na sakkuneyya, tathagatassa
pana evam gunamahantatam janata taya kato nipaccakaro mayham lomampi caletum
na sakkoti, nisida kassapa, dayajjam te dassami"ti. Athassa bhagava tihi
ovadehi upasampadam adasi. Datva ca bahuputtanigrodhamulato nikkhamitva theram
pacchasamanam katva maggam patipajji. Satthu sariram dvattimsamahapurisalakkhanavicittam,
mahakassapassa sattamahapurisalakkhanapatimanditam, so kancananavaya pacchabaddho
viya satthu padanupadikam anugacchi. Sattha thokam maggam gantva magga okkamma
annatarasmim rukkhamule nisajjakaram dassesi. Thero "sattha nisiditukamo"ti
natva attano patapilotikam sanghatim catuggunam katva pannapesi.
Sattha tattha nisiditva hatthena civaram parimajjanto "muduka kho
tyayam kassapa patapilotika sanghati"ti 3- aha. So "sattha me sanghatiya
mudubhavam kathesi, parupitukamo bhavissati"ti natva "parupatu bhante bhagava
sanghatin"ti aha. Kim tvam parupissasi kassapati. Tumhakam nivasanam labhanto
parupissami bhanteti. Kim pana tvam kassapa imam paribhogajinnam pamsukulam dharetum
sakkhissasi, maya hi imassa pamsukulassa gahitadivase udakapariyantam katva mahapathavi
kampi, imam buddhaparibhogajinnacivaram nama na sakka parittagunena dharetum,
@Footnote: 1 Ma.... kalo viYu. 2 sam. ni. 16/154/210. 3 sam. ni. 16/154/211.
---------------------------------------------------------------------------------------------
page319.
Patibalenevidam patipatti puranasamatthena jatipamsukulikena dharetum vattati"ti
vatva therena saddhim civaram parivattesi.
Evam civaram parivattetva therassa civaram bhagava parupi, satthu civaram
thero. Tasmim khane acetanapi ayam mahapathavi "dukkaram bhante akattha, attano
parutacivaram savakena parivattitapubbam nama nahosi, aham tumhakam gunam dharetum
na sakkomi"ti vadanti viya udakapariyantam katva kampi. Theropi "laddham me
buddhanam paribhogacivaram, kim me idani uttari kattabban"ti unnatim akatva
satthu santikeyeva terasa dhutagune samadaya sattadivasamattam puthujjano ahosi.
Atthame divase saha patisambhidahi arahattam papuni. Atha nam sattha "kassapo
bhikkhave candupamo kulani upasankamati, apakasseva kayam apakassa cittam
niccanavako kulesu appagabbho"ti 1- evamadina pasamsitva aparabhage
ariyaganamajjhe nisinno "etadaggam bhikkhave mama savakanam bhikkhunam dhutavadanam
yadidam mahakassapo"ti 2- dhutavadanam aggatthane thapesi.
[398] Evam bhagavata etadaggatthane thapito ayasma mahakassapo
mahasavakabhavam patto attano pubbakammam saritva somanassavasena buddhacaritapadanam
pakasento padumuttarassa bhagavatotiadimaha. Tattha padumuttarassati tassa
kira bhagavato matukucchito nikkhantakalato patthaya padanam nikkhepanasamaye
akkantakkantapade satasahassapatta paduma pathavim bhinditva utthahimsu,
tasmassa tam namam ahosi. Sakalasattanikayesu ekekena satasatapunne 3- kate
tassa punnassa satagunapunnanam 4- katatta bhagavatoti attho. Lokajetthassa
tadinoti sattalokassa padhanabhutassa itthanitthesu akampiyabhavam pattatta
tadino. Nibbute lokanathamhiti sattalokassa patisaranabhute bhagavati
khandhaparinibbanena parinibbute, adassanam gateti attho. Pujam kubbanti satthunoti
sadevakassa lokassa sasanato "sattha"ti laddhanamassa bhagavato sadhukilam
kilanta pujam karontiti sambandho.
@Footnote: 1 sam. ni. 16/146/190. 2 an. ekaka. 20/191/23. 3 Ma. ekena satapunne.
@ 4 Ma. satadvigunapunnanam.
---------------------------------------------------------------------------------------------
page320.
[399] Aggim cinanti 1- janatati janasamuha alahanatthaya aggim
cinanta rasim karonta a samantato modita 2- santuttha pakarena modita
santuttha pujam karontiti sambandho. Tesu samvegajatesuti tesu janasamuhesu
samvegappattesu utrasam labhantesu me mayham piti haso udapajjatha patubhaviti
attho.
[400] Natimitte samanetvati mama bandhusahaye samanetva rasim
katva. Mahaviro bhagava parinibbuto adassanam agamasiti idam vacanam abravim
kathesinti sambandho. Handa pujam karomaseti handati vossaggatthe 3- nipato,
tena karanena mayam sabbe samagata pujam karomati attho seti nipato.
[401] Sadhuti te patissutvati te mama natimitta sadhu iti
sunadaram bhaddakam iti patisunitva mama vacanam sampaticchitva me mayham bhiyyo
atirekam hasam piti janimsu uppadesunti attho. (4)- Tato attano
katapunnasancayam dassento buddhasmim lokanathamhitiadimaha. 5-
[402] Satahattham uggatam ubbiddham diyaddhahatthasatam vitthatam vimanam
nabhasi akase uggatam agghiyam sukatam sundarakarena katam katva karetva ca
punnasancayam punnarasim kahasim akasinti sambandho.
[403] Katvana agghiyam tatthati tasmim cetiyapujanatthane talapantihi
talapalihi cittitam sobhitam agghiyam katvana karetva ca sakam cittam attano
cittam pasadetva cetiyam pujayuttamanti uttamam buddhadhatunidhapitam cetiyam
pujayinti sambandho.
[404] Tassa cetiyassa mahimam 6- dassento aggikkhandhovatiadimaha.
Tattha aggikkhandhovati akase jalamano aggikkhandhova aggirasi iva tam
cetiyam sattahi ratanehi jalati phullito vikasitapuppho salarukkharaja iva
@Footnote: 1 pali. udaggacitta. 2 Si.,i. amoditapamodita. 3 Si., Ma. vavassaggatthe.
@4 () cha.Ma. 402. 5 pali. lokanathasmim. 6 Ma. patimam.
---------------------------------------------------------------------------------------------
page321.
Akase indalatthiva indadhanu iva ca catuddisa catusu disasu obhasati
vijjotatiti sambandho.
[405] Tattha cittam pasadetvati tasmim jotamanadhatugabbhamhi cittam
manam pasadetva somanassam katva tena cittappasadena bahum anekappakaram
kusalam punnam katvana "dhatugabbhe ca sasane ca ettakani punnani maya
katani"ti evam punnakammam saritvana kalam katva tidasam tavatimsabhavanam
suttappabuddho viya aham upapajjim 1- jatoti sambandho.
[406] Attano uppannadevaloke laddhasampattim dassento
sahassayuttantiadimaha. Tattha hayavahim sindhavasahassayojitam dibbaratham adhitthito.
Sattahi bhumihi sam sutthu uggatam ubbiddham uccam mayham bhavanam vimanam ahositi
attho.
[407] Tasmim vimane sabbasovannamaya 2- sakalasovannamayani
kutagarasahassani ahum ahesunti attho. Sakatejena attano anubhavena sabba dasa
disa pabhasayam obhasentani jalanti vijjotantiti sambandho.
[408] Tasmim mayham patubhutavimane annepi niyyuha pamukhasalayo
santi vijjanti. Kim bhuta? lohitangamaya rattamanimaya tada tepi niyyuha
catasso disa abhaya pabhaya jotantiti sambandho.
[410] Sabbe deve sakalachadevaloke deve abhibhomi abhibhavami. Kassa
phalanti ce? maya katassa punnakammassa idam phalanti attho.
[411] Tato manussasampattim dassento satthikappasahassamhitiadimaha.
Tattha ito kappato hettha satthisahassakappamatthake caturanto catumahadipavanto
vijitavi sabbam paccatthikam vijitavanto aham ubbiddho 3- nama cakkavatti raja
hutva pathavim avasim rajjam karesinti sambandho.
@Footnote: 1 pali. upapajjaham. 2 pali. sabbasonnamaya. 3 Si., i. utthiyo.
---------------------------------------------------------------------------------------------
page322.
[412-3] Tatheva bhaddake kappeti pancabuddhapatimanditatta bhaddake
nama kappe. Timsakkhattum timsajatiya catudipamhi issaro padhano cakkaratanadihi
sattahi ratanehi sampanno samangibhuto sakakammabhiraddho attano kamme dasa
rajadhamme abhiraddho allino cakkavatti raja amhi ahosinti sambandho. Attano
cakkavattikale anubhutasampattim dassento "tatthapi bhavanam mayhan"tiadimaha.
Tattha tasmim cakkavattirajjamhi mayham bhavanam mama pasadam indalatthiva uggatam
akase thitavijjotamana vijjullata iva uggatam sattabhumikadibhedehi uccam
ayamato dighato ca uccato ca catuvisatiyojanam vittharato dvadasayojanam ahositi
sambandho. Sabbesam jananam manam allinabhavena rammanam nama nagaram ahositi
attho. Dalhehi dvadasahatthehi va timsahatthehi va uccehi pakaratoranehi
sampannanti dasseti.
[415-20] Tadaddhakam tato addhakam addhatiyasatayojananti attho.
Pakkhitta pannavisatiti visatiapanapakkhittam nirantaram vithiparicchedanti
attho. Brahmannakulasambhutoti brahmanakule sujato. Sesam vuttanayatta
suvinneyyamevati.
Mahakassapattherapadanavannana nitthita.
------------------
The Pali Atthakatha in Roman Book 49 page 303-322.
http://84000.org/tipitaka/atthapali/read_rm.php?B=49&A=7562&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=49&A=7562&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=32&i=5
เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=718
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=998
The Pali Tipitaka in Roman Character :-
http://84000.org/tipitaka/read/roman_read.php?B=32&A=998
Contents of The Tipitaka Volume 32
http://84000.org/tipitaka/read/?index_32
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]