AtthaPali Vol.49

7. Annasikondannattherapadanavannana padumuttarasambuddhantiadikam ayasamto annasikondannattherassa apadanam. Ayam kira purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare gahapatimahasalakule nibbattitva vinnutam patva ekadivasam satthu santike dhammam sunanto sattharam ekam bhikkhum attano sasane pathamam patividdhadhammarattannunam aggatthane thapentam disva sayampi tam thanantaram patthento satasahassabhikkhuparivarassa bhagavato sattaham mahadanam pavattetva panidhanam akasi. Satthapissa anantarayatam disva bhavinim sampattim byakasi. So yavajivam punnani karonto satthari parinibbute cetiye patitthapiyamane anto cetiye ratanagharam karapesi, cetiyam parivaretva sahassaratanagghikani ca karesi. So evam punnani katva tato cavitva devamanussesu samsaranto vipassissa bhagavato kale mahakalo nama kutumbiko hutva atthakarisamatte khette saligabbham phaletva gahitasalitandulehi asambhinnakhirapayasam sampadetva tattha madhusappisakkaradayo pakkhipitva buddhappamukhassa samghassa adasi. Saligabbham phaletva gahitagahitatthanam puna purati. Puthukakale puthukaggam nama adasi. Layane layanaggam, venikarane venaggam, kalapadikarane kalapaggam, khalaggam, minaggam, bhandaggam, kotthagganti evam ekasasse nava vare aggadanam adasi, tampi sassam atirekataram sampannam ahosi. Evam yavajivam punnani katva tato cuto devaloke nibbattitva devesu ca manussesu ca samsaranto amhakam bhagavato uppattito puretarameva kapilavatthunagarassa avidure donavatthunamake brahmanagame brahmanamahasalakule nibbatti, tassa kondannoti gottato agatam namam ahosi. So vayappatto tayo vede uggahetva lakkhanamantesu ca param agamasi. Tena samayena amhakam bodhisatto tusitapurato cavitva kapilavatthupure suddhodanamaharajassa gehe nibbatti, tassa namaggahanadivase atthuttarasatesu brahmanesu upanitesu ye attha brahmana lakkhanapariggahanattham mahatalam ^1- upanita. So tesu sabbanavako hutva mahapurisassa lakkhananipphattim disva "ekamsena ayam buddho bhavissati"ti nittham gantva mahasattassa abhinikkhamanam udikkhanto vicarati. Bodhisattopi kho mahata parivarena vaddhamano anukkamena vuddhippatto nanaparipakam gantva ekunatimsatime vasse mahabhinikkhamanam nikkhamanto anomanaditire pabbajitva anukkamena uruvelam gantva padhanam padahi. Tada kondanno manavo mahasattassa pabbajitabhavam sutva lakkhanapariggahaka- brahmananam puttehi vappamanavadihi saddhim attapancamo pabbajitva anukkamena bodhisattassa santikam upasankamitva chabbassani tam upatthahanto tassa olarikaharaparibhogena nibbinno apakkamitva isipatanam agamasi. Atha kho bodhisatto olarikaharaparibhogena laddhakayabalo visakhapunnamayam ^2- bodhirukkhamule aparajitapallanke nisinno tinnam maranam matkakam madditva abhisambuddho hutva sattasattaham bodhimandeyeva vitinametva pancavaggiyanam nanaparipakam natva asalhipunnamayam isipatanam gantva tesam dhammacakkappavattana- suttantam ^3- kathesi. Desanapariyosane kondannatthero attharasahi brahmakotihi saddhim sotapattiphale patitthasi. Atha pancamiyam pakkhassa anattalakkhanasuttantadesanaya ^4- arahattam sacchakasi. @Footnote: ¹ Ma. mahatale. ² cha.Ma. vesakha..., evamuparipi. @³ vi. maha. 4/13/13, sam. maha. 19/1081/367. ⁴ vi. maha. 4/20/17, sam. kha. @17/59/55. [596] Evam so arahattam patva "kim kammam katva aham lokuttarasukham adhigatomhi"ti upadharento attano pubbakammam paccakkhato natva somanassavasena pubbacaritapadanam udanavasena dassento padumuttarasambuddhantiadimaha. Tassattho hettha vuttoyeva. Lokajettham vinayakanti sakalassa sattalokassa jettham padhananti attho. Visesena veneyyasatte samsarasagarassa paratiram amatamahanibbanam neti sampapetiti vinayako, tam vinayakam. Buddhabhumimanuppattanti buddhassa bhumi patitthanatthananti buddhabhumi, sabbannutannanam, tam anuppatto patividdhoti buddhabhumimanuppatto, tam buddhabhumimanuppattam, sabbannutappattam buddhabhutanti attho. Pathamam addasam ahanti pathamam visakhapunnamiya rattiya paccusasamaye buddhabhutam padumuttarasambuddham aham addakkhinti attho. [597] Yavata bodhiya muleti yattaka bodhirukkhasamipe yakkha samagata rasibhuta sambuddham buddhabhutam tam buddham panjalikata dasangulisamodhanam anjaliputam sirasi thapetva vandanti namassantiti sambandho. [598] Sabbe deva tutthamanati buddhabhutatthanam agata te sabbe deva tutthacitta akase sancarantiti sambandho. Andhakaratamonudoti ativiya andhakaram moham nudo khepano ayam buddho anuppattoti attho. [599] Tesam hasaparetananti hasehi pitisomanassehi samannagatanam tesam devanam mahanado mahaghoso avattatha pavattati, ^1- sammasambuddhasasane kilese sankilese dhamme jhapayissamati sambandho. [600] Devanam giramannayati vacaya thutivacanena saha udiritam devanam saddam janitva hattho hatthena cittena somanassasahagatena cittena adibhikkham pathamam aharam buddhabhutassa aham adasinti sambandho. [602] Sattaham abhinikkhammati mahabhinikkhamanam nikkhamitva sattaham padhanam katva sabbannutannanapadatthanam arahattamaggananasankhatam bodhim @Footnote: ¹ Si. pavattathati pavattati, i. pavattatha pavattati. Ajjhagamam adhiganchim ^1- ahanti attho. Idam me pathamam bhattanti idam bhattam sarirayapanam brahmacarissa uttamacarissa me mayham imina devaputtena pathamam dinnam ahositi attho. [603] Tusita hi idhagantvati tusitabhavanato idha manussaloke agantva yo devaputto me mama bhikkham upanayi adasi, tam devaputtam kittayissami kathessami pakatam karissami. Bhasato bhasantassa mama vacanam sunathati sambandho. Ito param anuttanapadameva vannayissama. [607] Tidasati tavatimsabhavana. Agarati attano uppannabrahmanagehato nikkhamitva pabbajitva cha samvaccharani dukkarakarikam karontena bodhisattena saha vasissatiti sambandho. [608] Tato sattamake vasseti tato pabbajitakalato patthaya sattame samvacchare. Buddho saccam kathessatiti chabbassani dukkarakarikam katva sattamasamvacchare buddho hutva baranasiyam isipatane migadaye dhammacakkappavattana- suttantadesanaya dukkhasamudayanirodhamaggasaccasankhatam catusaccam kathessatiti attho. Kondanno nama namenati namena gottanamavasena kondanno nama. Pathamam sacchikahititi pancavaggiyanamantare pathamam adito eva sotapattimaggananam sacchikahiti paccakkham karissatiti attho. [609] Nikkhantenanupabbajinti nikkhantena bodhisattena saha nikkhamitva anupabbajinti attho. Tatha anupabbajitva maya padhanam viriyam sukatam sutthu katam dalham katva katanti attho. Kilese jhapanatthayati kilese sosanatthaya viddhamsanatthaya anagariyam agarassa ahitam kasivanijjadikammavirahitam sasanam pabbajim patipajjinti attho. [610] Abhigantvana ^2- sabbannuti sabbam atitanagatapaccuppannam va sankharavikaralakkhananibbanapannattisankhatam neyyam va jananto devehi saha @Footnote: ¹ i. adhigacchim. ² pali. adhigantvana. Vattamane satta loke buddho migarannam ^1- migadaya viharam abhigantva upasankamitva me maya sacchikatena imina sotapattimaggananena amatabherim amatamahanibbanabherim ahani pahari dassesiti attho. [611] So daniti so aham pathamam sotapanno idani arahattamaggananena amatam santam vupasantasabhavam padam pajjitabbam papunitabbam anuttaram uttaravirahitam nibbanam patto adhigatoti attho. Sabbasave parinnayati kamasavadayo sabbe asave parinnaya pahanaparinnaya pajahitva anasavo nikkileso viharami iriyapathaviharena vasam kappemi. Patisambhida catassotyadayo gathayo vuttatthayeva. Atha nam sattha aparabhage jetavanamahavihare bhikkhusamghamajjhe pannattavarabuddhasane nisinno pathamam patividdhadhammabhavam dipento "etadaggam bhikkhave mama savakanam bhikkhunam rattannunam yadidam annasikondanno"ti ^2- etadagge thapesi. So dvihi aggasavakehi attani kariyamanam paramanipaccakaram, gamantasenasane akinnaviharanca pariharitukamo, vivekabhiratiya viharitukamo ca attano santikam upagatanam gahatthapabbajitanam patisantharakaranampi papancam mannamano sattharam apucchitva himavantam pavisitva chaddantehi nagehi upatthiyamano chaddantadahatire dvadasa vassani vasi. Evam tattha vasantam theram ekadivasam sakko devaraja upasankamitva vanditva thito evamaha "sadhu me bhante ayyo dhammam desetu"ti. Thero tassa catusaccagabbham tilakkhanahatam sunnatapatisamyuttam nananayavicittam amatogadham buddhalilaya dhammam desesi. Tam sutva sakko attano pasadam pavedento:- "esa bhiyyo pasidami sutva dhammam maharasam ^3- virago desito dhammo anupadaya sabbaso"ti ^4- @Footnote: ¹ pali. maharannam. ² an. ekaka. 20/188/23. ³ i. maharaham. @ ⁴ khu. thera. 26/673/364. Thutim akasi. Thero chaddantadahatire dvadasa vassani vasitva upakatthe parinibbane sattharam upasankamitva parinibbanam anujanapetva tattheva gantva parinibbayiti. Annasikondannattherapadanavannana nitthita. ^1- ----------

The Pali Atthakatha in Roman Book 49 page 358-363. http://84000.org/tipitaka/atthapali/read_rm.php?B=49&A=8953&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=49&A=8953&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=9 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1075 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1446 The Pali Tipitaka in Roman Character :- http://84000.org/tipitaka/read/roman_read.php?B=32&A=1446 Contents of The Tipitaka Volume 32 http://84000.org/tipitaka/read/?index_32