AtthaPali Vol.49

9. Khadiravaniyattherapadanavannana ganga bhagirathi namatiadikam ayasmato khadiravaniyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare titthanavikakule nibbattitva mahagangaya payagatitthe titthanavaya kammam karonto ekadivasam sasavakasamgham bhagavantam gangatiram upagatam disva pasannamanaso navasanghatam yojetva mahantena pujasakkarena paratiram papetva annataram bhikkhum satthara arannakanam bhikkhunam aggatthane thapiyamanam disva tam thanantaram patthetva bhagavato bhikkhusamghassa ca mahadanam pavattetva panidhanam akasi. Bhagava tassa patthanaya avanjhabhavam byakasi. So tato patthaya punnani upacinanto devamanussesu samsaranto ubhayasampattiyo anubhavitva imasmim buddhuppade magadharatthe nalakagame rupasariya nama brahmaniya kucchimhi nibbatti. Tam vayappattam matapitaro gharabandhanena bandhitukama hutva tassa arocesum. So sariputtattherassa pabbajitabhavam sutva "mayham jetthabhata ayyo upatisso imam vibhavam chaddetva pabbajito, tena vantam khelapindam kathaham anubhavissami"ti jatasamvego pasam anupagacchamanamigo viya natake vancetva hetusampattiya codiyamano bhikkhunam santikam gantva dhammadesanapatino kanitthabhavam nivedetva attano pabbajjaya @Footnote: ¹ cha.Ma. samatta. evamuparipi.

--------------------------------------------------------------------------------------------- page367.

Chandam arocesi. Bhikkhu tam pabbajetva paripunnavisativassam upasampadetva kammatthane niyojesum. So kammatthanam gahetva khadiravanam pavisitva vissamanto ghattento vayamanto nanassa paripakam gatatta nacirasseva chalabhinno araha ahosi. So araha hutva sattharam dhammasenapatim ca vanditum senasanam samsametva pattacivaramadaya nikkhamitva anupubbena savatthim patva jetavanam pavisitva sattharam dhammasenapatim ca vanditva katipaham jetavane vihasi. Atha nam sattha ariyaganamajjhe nisinno arannakanam bhikkhunam aggatthane thapesi "etadaggam bhikkhave mama savakanam bhikkhunam arannakanam yadidam revato"ti. ^1- [628] Evam etadaggatthanam patva attano pubbakammam saritva pitisomanassavasena pubbacaritapadanam pakasento ganga bhagirathitiadimaha. Tattha gangati gayamana ghosam kurumana gacchatiti ganga. Atha va go vuccati pathavi, tasmim gata pavattati ganga. Anotattadaham tikkhattum padakkhinam katva gatatthane avattagangati ca pabbatamatthakena gatatthane bahalagangati ca tiracchanapabbatam vijjhitva gatatthane umangagangati ca tato bahalapabbatam paharitva pancayojanam akasena gatatthane akasagangati ca tassa patitatthanam chinditva jatam panca yojanam pokkharanikulam chinditva tattha pana pancanaguli viya panca dhara hutva ganga yamuna sarabhu mahi aciravatiti panca nama hutva jambudipam panca bhagam panca kotthasam katva panca bhage panca kotthase ito gata pavattati bhagirathi. Ganga ca sa bhagirathi ceti ganga bhagirathi. "bhagirathi ganaga"ti vattabbe gathabandhasukhattham pubbacariyavasena ^2- vuttanti datthabbam. Himavanta pabhavitati satte himsati sitena hanati matheti aloletiti himo, himo assa atthiti himava, tato himavantato patthaya pabhavita pavatta sandamanati himavantapabhavita. Kutitthe naviko asinti tassa gangaya candasotasamapanne visamatitthe kevattakule uppanno naviko asim ahosinti attho. Orime ce tarim ^3- ahanti sampattasampattamanusse parima tira orimam tiram aham tarim taresinti attho. @Footnote: ¹ an. ekaka. 20/203/24. ² Si. pubbaparicayavasena. ³ pali. orimam ca tare.

--------------------------------------------------------------------------------------------- page368.

[629] Padumuttaro nayakoti ^1- dvipadanam uttamo satte nibbanam nayako papanako padumuttarabuddho mama punnasampattim nipphadento. Vasisatasahassehi khinasavasatasahassehi gangasotam taritum tittham pattoti sambandho. [630] Bahu nava samanetvati sampattam tam sammasambuddham disva vaddhakihi sutthu sankhatam katam nipphaditam bahu navayo samanetva dve dve navayo ekato katva tassa navaya upari mandapachadanam katva narasabham padumuttarasambuddham patimanim pujesinti attho. [631] Agantvana ca sambuddhoti evam sanghatitaya navaya tattha agantvana tanca navakam navamuttamam aruhiti sambandho. Varimajjhe thito satthati navamarulho sattha gangajalamajjhe thito samano ima somanassapatisamyuttagatha abhasatha kathesiti sambandho. [632] Yo so taresi sambuddhanti yo so naviko gangasotaya sambuddham ataresi. Samghancapi anasavanti na kevalameva sambuddham taresi, anasavam nikkilesam samghancapi taresiti attho. Tena cittapasadenati tena navapajanakale uppannena somanassasahagatacittapasadena devaloke chasu kamasaggesu ramissati dibbasampattim anubhavissatiti attho. [633] Nibbattissati te byamhanti devaloke uppannassa te tuyham byamham vimanam sukatam sutthu nibbattam navasanthitam navasanthanam nibbattissati patubhavissatiti attho. Akase pupphachadananti navaya uparimandapakatakammassa nissandena sabbada gatagatatthane akase pupphachadanam dharayissatiti sambandho. [634] Atthapannasakappamhiti ito punnakaranakalato patthaya atthapannasakappam atikkamitva namena tarako nama cakkavatti khattiyo @Footnote: ¹ pali. padumuttaranayako.

--------------------------------------------------------------------------------------------- page369.

Caturanto catusu dipesu issaro vijitavi jitavanto ^1- bhavissatiti sambandho. Sesagatha uttanatthava. [637] Revato nama namenati revatinakkhattena jatatta "revato"ti laddhanamo brahmabandhu brahmanaputtabhuto bhavissati brahmanakule uppajjissatiti attho. [639] Nibbayissatinasavoti nikkileso khandhaparinibbanena nibbayissati. [640] Viriyam me dhuradhorayhanti evam padumuttarena bhagavato byakato aham kamena paramitakotim patva me mayham viriyam asithilaviriyam dhuradhorayham dhuravaham dhuradharam yogehi khemassa nibbhayassa nibbanassa adhivahanam avahanam ahositi attho. Dharemi antimam dehanti idanaham sammasambuddhasasane pariyosanasariram dharemiti sambandho. So aparabhage attano jatagamam gantva "cala upacala sisupacala"ti tissannam bhagininam putte "cala upacala sisupacala"ti tayo bhagineyye anetva pabbajetva kammatthane niyojesi. Te kammatthanam anuyutta viharimsu. Tasmim ca samaye therassa kocideva abadho uppanno, tam sutva sariputtatthero "revatassa gilanapucchanam adhigamapucchananca karissami"ti upaganchi. Revatatthero dhammasenapatim duratova agacchantam disva tesam samaneranam satuppadavasena ovadiyamano caleti gatham abhasittha. Tattha cale upacale sisupacaleti tesam alapanam. Cala upacala sisupacalati hi itthilingavasena ^2- laddhanama tayo daraka pabbajitapi tatha vohariyyanti, "cali upacali sisupacaliti tesam namani"ti ca vadanti. Yadattham "cale"tiadina amantanam katam, tam dassento "patissata nu kho viharatha"ti vatva tattha karanam aha @Footnote: ¹ Ma. vijitavanto. ² Si. nibbattilingavasena.

--------------------------------------------------------------------------------------------- page370.

"agato vo valam viya vedhi"ti. Patissatati patissatika. ^1- Khoti avadharane. Agatoti aganchi. Voti tumhakam. Valam viya vedhiti valavedhi viya. Ayanhettha sankhepattho:- tikkhajavananibbedhikapannataya valavedhirupo satthukappo tumhakam matulatthero agato, tasma samanasannam upatthapetva satisampajannayutta eva hutva viharatha, yathadhigate vihare appamatta bhavathati. Tam sutva te samanera dhammasenapatissa paccuggamanadivattam katva ubhinnam matulattheranam patisantharavelayam natidure samadhim samapajjitva nisidimsu. Dhammasenapati revatattherena saddhim patisantharam katva utthayasana te samanere upasankami, te tatha kalaparicchedassa katatta there upasankamante utthahitva vanditva atthamsu. Thero "katarakataraviharena viharatha"ti pucchitva tehi "imaya imaya"ti vutte darakepi evam vinento "mayham bhatiko saccavadi ^2- vata dhammassa anudhammacarin"ti theram pasamsanto pakkami. Sesamettha uttanatthamevati. Khadiravaniyattherapadanavannana nitthita. ------------

The Pali Atthakatha in Roman Book 49 page 366-370. http://84000.org/tipitaka/atthapali/read_rm.php?B=49&A=9152&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=49&A=9152&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=11 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1137 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1522 The Pali Tipitaka in Roman Character :- http://84000.org/tipitaka/read/roman_read.php?B=32&A=1522 Contents of The Tipitaka Volume 32 http://84000.org/tipitaka/read/?index_32