|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
15. Mahalomahamsacariyavannana [119] Susane seyyam kappemi chavatthikam upanidhaya gamamandala upagantva rupam dassentinappakanti. 1- #[119] Pannarasame "susane seyyam kappemi"ti etthayam anupubbikatha:- mahasatto hi tada mahati ularabhoge kule nibbattitva vuddhimanvaya disapamokkhassa acariyassa santike garuvasam vasanto sabbasippanam nipphattim patva kulagharam agantva matapitunam accayena natakehi "kutumbam santhapehi"ti yaciyamanopi aniccatamanasikaramukhena sabbabhavesu abhivaddhamanasamvego kaye ca asubhasannam patilabhitva gharavasapalibodhadhibhutam kilesagahanam anogahetvava cirakalasamparicitam nekkhammajjhasayam upabruhayamano mahantam bhogakkhandham pahaya pabbajitukamo hutva puna cintesi "sacaham pabbajissami, gunasambhavanapakato 2- bhavissami"ti. So labhasakkaram jigucchanto pabbajjam anupagantva "pahomi caham labhalabhadisu nibbikaro hotun"ti attanam takkento "visesato paraparibhavasahanadipatipadam upekkhaparamim matthakam papessami"ti nivatthavattheneva gehato nikkhamitva paramasallekhavuttikopi abalabalo amandamando viya paresam acittakarupena hilitaparibhuto hutva gamanigamarajadhanisu ekarattivaseneva vicarati. Yattha pana mahantam paribhavam patilabhati, tattha cirampi vasati. So nivatthavatthe jinne pilotikakhandena tasmimpi jinne kenaci dinnam agganhanto hirikopinapaticchadanamatteneva carati. Evam gacchante kale ekam nigamagamam agamasi. Tattha gamadaraka dhuttajatika vedhavera keci 3- rajavallabhanam puttanattudasadayo ca uddhata unnala capala mukhara vikinnavaca kalena kalam @Footnote: 1 cha.Ma. upanidhayaham, i. nidhayaham 2 Si. gunabhavasakkato 3 Si. ye--------------------------------------------------------------------------------------------- page313.
Kilabahula vicaranti. Duggate mahallake purise ca itthiyo ca gacchante disva bhasmaputena pitthiyam akiranti, ketakipannam kacchantare olambenti, tena vippakarena parivattetva olokente yathavajjakilitam dassetva upahasanti. Mahapuriso tasmim nigame te evam vicarante dhuttadarake disva "laddho vata dani me upekkhaparamiya paripuranupayo"ti cintetva tattha vihasi. Tam te dhuttadaraka passitva vippakaram katum arabhanti. Mahasatto tam asahanto viya ca tehi bhayanto viya ca utthahitva gacchati. Tam te anubandhanti. So tehi anubandhiyamano "ettha natthi koci pativatta"ti susanam gantva atthikam sisupadhanam katva sayati. Dhuttadarakapi tattha gantva otthubhanadikam nanappakaram katva pakkamanti. Evam te divase divase karonti eva. Ye pana vinnu purisa, te evam karonte passanti, te te patibahitva "ayam mahanubhavo tapassi mahayogi"ti ca natva ularam sakkarasammanam karonti. Mahasatto pana sabbattha ekasadisova hoti majjhattabhuto. Tena vuttam:- "susane seyyam kappemi chavatthikam upanidhaya gamamandala upagantva rupam dassentinappakam. [120] Apare gandhanca malanca bhojanam vividham bahum upayanani upanenti hattha samviggamanasa. [121] Ye me dukkham upaharanti ye ca denti sukham mama sabbesam samako homi daya kopo na vijjati"ti- adi. Tattha susane seyyam kappemi, chavatthikam upanidhayati amakasusane chadditakalevarato sonasingaladihi tahim tahim vikkhittesu atthikesu ekam atthikam sisupadhanam--------------------------------------------------------------------------------------------- page314.
Katva sucimhi ca asucimhi ca samanacittataya tasmim susane seyyam kappemi, sayamiti attho. Gamamandalati 1- gamadaraka. Rupam dassentinappakanti yathavajjakilitaya otthubhanaupahasanaummihanadihi kannasote salakappavesanadihi ca atikakkhalam anappakam nanappakaram rupam vikaram karonti. #[120] Apareti tesu eva gamadarakesu ekacce. Upayanani upanentiti "ayam imesu paribhavavasena evarupam vippakaram karontesu na kinci vikaram dasseti, sammanane nu kho kidiso"ti parigganhanta vividham bahum gandhamalam bhojanam annani ca upayanani pannakarani upanenti upaharanti. Aparehi va tehi anacaragamadarakehi anne vinnu manussa "ayam imesam evam vividhampi vippakaram karontanam na kuppati, annadatthu khantimettanuddayamyeva tesu upatthapeti, aho acchariyapuriso"ti hattha "bahu vatimehi etasmim vippatipajjantehi apunnam pasutan"ti samviggamanasava hutva bahum gandhamalam vividham bhojanam annani ca upayanani upanenti upaharanti. #[121] Ye me dukkham upaharantiti ye gamadaraka mayham sariradukkham upaharanti upanenti. "upadahanti"tipi patho, uppadentiti attho. Ye ca denti sukham mamati ye ca vinnu manussa mama mayham sukham denti, malagandhabhojanadisukhupakaranehi mama sukham upaharanti. Sabbesam samako homiti katthacipi vikaranuppattiya samanacittataya vividhanampi tesam jananam samako ekasadiso homi bhavami. Daya kopo na vijjatiti yasma mayham upakarake mettacittatasankhata daya, apakarake manopadosasankhato kopopi na vijjati, tasma sabbesam samako homiti dasseti. [122] Idani bhagava tada upakarisu apakarisu ca sattesu samupacitananasambharassa attano samanacittata vikarabhavo ya ca lokadhammesu anupalittata ahosi, tam dassetum:- @Footnote: 1 Si., ka. gomandalati, cha.Ma. gamandalati--------------------------------------------------------------------------------------------- page315.
"sukhadukkhe tulabhuto yasesu ayasesu ca sabbattha samako homi esa me upekkhaparami"ti osanagathamaha. Tattha sukhadukkheti sukhe ca dukkhe ca. Tulabhutoti samakam gahitatula viya onatiunnatiapanatim vajjetva majjhattabhuto, sukhadukkhaggahaneneva cettha tamnimittabhavato labhalabhapi gahitati veditabbam. Yasesuti kittisu. Ayasesuti nindasu. Sabbatthati sabbesu sukhadisu lokadhammesu. Iti bhagava tada sabbasattesu sabbalokadhammesu ca anannasadharanam attano majjhattabhavam kittetva tena tasmim attabhave attano upekkhaparamiya sikhappattabhavam vibhavento "esa me upekkhaparami"ti desanam nitthapesi. Idhapi mahasattassa pathamam danaparami nama visesato sabbavibhavapariccago "ye keci imam sariram gahetva yam kinci attano icchitam karontu"ti anapekkhabhavena attano attabhavapariccago ca danaparami, hinadikassa sabbassa akattabbassa akaranam silaparami, kamassadavimukhassa gehato nikkhantassa sato kaye asubhasannanubruhana nekkhammaparami, sambodhisambharanam upakaradhammapariggahane tappatipakkhappahane ca kosallam aviparitato dhammasabhavacintana ca pannaparami, kamavitakkadivinodanam dukkhadhivasanaviriyanca viriyaparami, sabbapi adhivasanakhanti khantiparami, vacisaccam samadanavisamvadanena viratisaccanca saccaparami, anavajjadhamme acalasamadanadhitthanam adhitthanaparami, anodhiso sabbasattesu mettanuddayabhavo mettaparami, upekkhaparami panassa yathavuttavaseneva veditabbati dasa paramiyo labbhanti, upekkhaparami cettha atisayavatiti katva sayeva desanam arulha. Tatha idha mahasattassa mahantam bhogakkhandham mahantanca natiparivattam pahaya mahabhinikkhamanasadisam gehato nikkhamanam, tatha nikkhamitva labhasakkaram jigucchato paresam sambhavanam--------------------------------------------------------------------------------------------- page316.
Pariharitukamassa pabbajjalingam aggahetva citteneva anavasesam pabbajjagune adhitthahitva paramasukhaviharo, paramappicchata, pavivekabhirati, upekkhanadhippayena attano kayajivitanirapekkha, parehi attano upari katavippakaradhivasanam, ukkamsagatasallekhavutti, bodhisambharapatipakkhanam kilesanam tanubhavena khinasavanam viya paresam upakarapakaresu nibbikarabhavahetubhutena sabbattha majjhattabhavena samutthapito lokadhammehi anupalepo, sabbaparaminam muddhabhutaya 1- upekkhaparamiya sikhappattiti evamadayo gunanubhava vibhavetabbati. Mahalomahamsacariyavannana nitthita. Upekkhaparami nitthita. Tatiyavaggassa atthavannana nitthita. ---------------The Pali Atthakatha in Roman Book 52 page 312-316. http://84000.org/tipitaka/atthapali/read_rm.php?B=52&A=6926&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=52&A=6926&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=33&i=243 เนื้อความพระไตรปิฎกฉบับหลวง :- http://84000.org/tipitaka/read/r.php?B=33&A=9436 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=33&A=12215 The Pali Tipitaka in Roman Character :- http://84000.org/tipitaka/read/roman_read.php?B=33&A=12215 Contents of The Tipitaka Volume 33 http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]