ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
previous bookdispage pageNumbernext pagelast page chage to ROMAN letter  
Atthakatha Book 53 : PALI ROMAN Sangani.A. (atthasalini)

                      Atthasalini nama abhidhammatthakatha
                          dhammasanganivannana
                           ----------
                namo tassa bhagavato arahato sammasambuddhassa.
                           Arambhakatha 1-
           [1] Karuna viya sattesu         panna yassa mahesino
               neyyadhammesu sabbesu       pavattittha yatharucim.
           [2] Dayaya taya sattesu        samussahitamanaso
               patiheravasanamhi         vasanto tidasalaye.
           [3] Paricchattakamulamhi          pandukambalanamake
               silasane sannisinno        adiccova yugandhare.
           [4] Cakkavalasahassehi          dasahagamma sabbaso
               sannisinnena devanam        ganena parivarito.
           [5] Mataram pamukham katva         tassa pannaya tejasa
               abhidhammakathamaggam           devanam sampavattayi.
           [6] Tassa pade namassitva      sambuddhassa sirimato
               saddhammancassa pujetva      katva samghassa canjalim.
           [7] Nipaccakarassetassa         katassa ratanattaye
               anubhavena sosetva      antaraye asesato.
           [8] Visuddhacarasilena          nipunamalabuddhina
               bhikkhuna buddhaghosena        sakkaccam abhiyacito.
@Footnote: 1 cha.Ma. gantharambhakatha
           [9] Yam devadevo devanam       desetva nayato puna
               therassa sariputtassa        samacikkhi vinayako.
          [10] Anotattadahe katva        upatthanam mahesino
               yanca sutvana so thero     aharitva mahitalam.
          [11] Bhikkhunam payirupahasi 1-      iti bhikkhuhi dharito
               sangitikale sangito        vedehamunina puna.
          [12] Tassa gambhirananehi 2-      ogalhassa abhinhaso
               nananayavicittassa          abhidhammassa adito.
          [13] Ya mahakassapadihi         vasihatthakatha pura
               sangita anusangita         pacchapi ca isihi ya.
          [14] Abhata puna therena        mahindenetamuttamam
               ya dipam dipavasinam          bhasaya abhisankhita. 3-
          [15] Apanetva tato bhasam       tambapanninivasinam
               aropayitva niddosam       bhasam tantinayanugam.
          [16] Nikayantaraladdhihi           asammissam anakulam
               mahaviharavasinam           dipayanto vinicchayam.
          [17] Attham pakasayissami         agamatthakathasupi
               gahetabbam gahetvana        tosayanto vicakkhane.
          [18] Kammatathanani sabbani       cariyabhinna vipassana
               visuddhimagge panidam          yasma sabbam pakasitam.
          [19] Tasma tam aggahetvana      sakalayapi tantiya
               padanukkamato eva         karissamatthavannanam.
@Footnote: 1 cha.Ma. payirudahasi       2 Si. gambhirannanena          3 cha.Ma. abhisankhata
          [20] Iti me bhasamanassa        abhidhammakatham imam
               avikkhitta nisametha        dullabha hi ayam kathati.
                             Nidanakatha
           tattha abhidhammoti 1- kenatthena abhidhammo? dhammatirekadhammavisesatthena.
Atirekavisesatthadipako hi ettha abhisaddo "balha me dukkha vedana abhikkamanti,
no patikkamanti 2- abhikkantavannena"tiadisu 3- viya. Tasma yatha samussitesu
bahusu chattesu ca dhajesu ca yam atirekappamanam visesavannasanthananca chattam, tam
aticchattanti vuccati. Yo atirekappamano nanaviragavannavisesasampannova dhajo, so
atidhajoti vuccati. Yatha ca ekato sannipatitesu bahusu rajakumaresu ceva devesu ca
yo jatibhogayasaissariyadisampattihi atirekataro ceva visesavannataro 4- ca rajakumaro,
so atirajakumaroti vuccati. Yo ayuvannaissariyayasasampattiadihi atirekataro ceva
visesavannataro ca devo, so atidevoti vuccati. Tatharupo brahmapi atibrahmati
vuccati. Evameva ayampi dhammo dhammatirekadhammavisesatthena abhidhammoti vuccati.
           Suttantam hi patva pancakkhandha ekadeseneva vibhatta, na nippadesena.
Abhidhammam patva pana suttantabhajaniyaabhidhammabhajaniyapanhapucchakanayanam vasena
nippadesato vibhatta. Tatha dvadasayatanani attharasa dhatuyo cattari saccani
bavisatindriyani dvadasangadipako 5- paccayakaro. Kevalam hi indriyavibhange
suttantabhajaniyam paccayakare ca panhapucchakam natthi. Suttantanhi patva cattaro
satipatthana ekadeseneva vibhatta, na nippadesena. Abhidhammam patva pana tinnampi
nayanam vasena nippadesato vibhatta. Tatha cattaro sammappadhana 6- cattaro
iddhipada satta sambojjhanga ariyo atthangiko maggo cattari jhanani catasso
appamannayo panca sikkhapadani catasso patisambhida. Kevalam hi ettha sikkhapadavibhange
suttantabhajaniyam natthi. Suttantam patva pana nanam ekadeseneva vibhattam, na
@Footnote: 1 cha.Ma. ayam patho na dissati        2 Ma.u. 14/384/330, sam.kha. 17/87/96
@3 cha.Ma. abhikkantavanna ti          4 cha.Ma. visesavantataro. evamuparipi
@5 cha.Ma. dvadasapadiko             6 cha.Ma. cattari sammappadhanani
Nippadesena. Tatha kilesa. Abhidhammam patva pana "ekavidhena nanavatthu"tiadina 1-
nayena  matikam thapetva nippadesato vibhattam. Tatha ekekato patthaya anekehi
nayehi kilesa vibhatta. Suttantam patva ca pana bhummantaraparicchedo 2- ekadeseneva
vibhatto, na nippadesena. Abhidhammam patva pana tinnampi nayanam vasena
bhummantaraparicchedo nippadesatova pannatto. 3- Evam dhammatirekadhammavisesatthena
abhidhammoti veditabbo.
           Pakaranaparicchedato panesa dhammasanganivibhangadhatukathapuggalapannattikathavatthu-
yamakapatthananam sattannam pakarananam vasena thitopi. Ayamettha acariyanam samanakatha.
Vitandavadi panaha "kathavatthu kasma gahitam, nanu sammasambuddhassa parinibbanato
attharasavassadhikani dve vassasatani atikkamitva moggalliputtatissattherena
etam thapitam? tasma savakabhasitatta chaddetha nan"ti. Kim pana chappakaranani
abhidhammoti. Evam na vadamiti. Atha kim  vadasiti. Sattappakarananiti. Kataram gahetva
satta karositi. Mahadhammahadayam nama atthi, etena saha sattati. Mahadhammahadaye
apubbam natthi, katipaya ca panhavara avasesa, kathavatthuna saddhim sattati. No
kathavatthuna mahadhatukatha nama atthi, taya saddhim sattati. 4- Mahadhammahadaye tava
katipaya ca panhavara avasesa, 4-  mahadhatukathayam apubbam natthi, appamattakava
tanti avasesa, kathavatthunava saddhim sattati.
      Sammasambuddho hi sattappakaranani desento kathavatthum patva yava esa
puggalavade 5-  tava catusu panhesu dvinnam  pancakanam vasena atthamukhavadayutti, tam
adikam katva sabbakathamaggesu asampunnabhanavaramattaya paliya matikam thapesi.
Sa panesa tanti "puggalo upalabbhati sacchikatthaparamatthenati 6-? amanta. Yo
Sacchikattho paramattho tato so puggalo  upalabbhati sacchikatthaparamatthenati? na
Hevam vattabbe. Ajanahi niggaham .pe. Puggalo nupalabbhati sacchikatthaparamatthenati?
@Footnote: 1 abhi. 35/751/377     2 cha.Ma. bhumantaraparicchedo. evamuparipi   3 cha.Ma. vibhatto
@4-4 cha.Ma. ime patha na dissanti          5 cha.Ma. puggalavare
@6 ka. sacchikatthaparamatthenati. evamuparipi, cha.Ma. saccikatthaparamatthenati. evamuparipi
Amanta. Yo sacchikattho paramattho tato so puggalo nupalabbhati sacchikatthaparamatthenati?
na hevam  vattabbe. Ajanahi niggaham .pe. Patikammam. Sabbattha puggalo upalabbhati
sacchikatthaparamatthenati? amanta. Yo sacchikattho paramattho tato so  puggalo
sabbattha  upalabbhati sacchikatthaparamatthenati? na hevam vattabbe. Ajanahi patikammam.
Sabbada puggalo upalabbhati sabbada puggalo nupalabbhati sabbesu puggalo upalabbhati
sabbesu puggalo nupalabbhati sacchikatthaparamatthenati? amanta. Yo sacchikattho
paramattho tato so puggalo nupalabbhati sacchikatthaparamatthenati? na hevam vattabbe.
Ajanahi patikamman"ti 1- evam pathamam vadam nissaya pathamam niggaham dutiyam nissaya
dutiyam niggaham .pe. Atthamam nissaya atthamam niggaham dassentena satthara
thapita. Imina nayena sabbattha matikathapanam  veditabbam. Tam panetam matikam  thapento
idam disvava thapesi:- "mama parinibbanato attharasavassadhikanam dvinnam  vassasatanam
matthake moggalliputtatissatthero nama bhikkhu bhikkhusahassamajjhe nisinno sakavade
panca suttasatani paravade pancati suttasahassam samodhanetva dighanikayappamanam
kathavatthuppakaranam bhajessati"ti.
        Moggalaliputtatissattheropi imam pakaranam desento na attano nanena
desesi, satthara pana dinnanayena thapitamatikaya desesi. Iti satthara dinnanayena
thapitamatikaya desitatta sakalampetam pakaranam buddhabhasitameva nama jatam. Yatha kim?
yatha madhupindikasuttantadini. Madhupindikasuttasmim hi bhagava "yatonidanam bhikkhu
purisam papancasannasankha samudacaranti, ettha ce natthi abhinanditabbam abhivaditabbam
ajjhositabbam, esevanto raganusayanan"ti 2- matikam thapetva utthayasana viharam
pavisi.
     Dhammapatiggahaka bhikkhu mahakaccanattheram 3- upasankamitva dasabalena thapitamatikaya
attham pucchimsu. Thero pucchitamatteneva 4- akathetva dasabalassa apacitim dassanattham
@Footnote: 1 abhi. 37/1-10/1-8   2 Ma.Ma. 12/202/170
@3 ka. mahakaccayanattheram. evamuparipi  4 cha.Ma. pucchitamattakeneva
"seyyathapi avuso puriso saratthiko saragavesi"ti 1- saropamam aharitva
sararukkho viya bhagava sakhapalasasadisa savaka. So havuso bhagava janam janati,
passam passati cakkhubhuto nanabhuto dhammabhuto brahmabhuto vatta pavatta atthassa
ninneta amatassa data dhammasami tathagatoti sattharam thometva punappunam therehi
yacito satthara thapitamatikaya attham vibhajitva "akankhamana ca pana tumhe ayasmanto
bhagavantamyeva upasankamitva etamattham  puccheyyatha, sace sabbannutananena saddhim
samsandiyamanam sameti, tam ganheyyatha. No ce ma ganhatha"ti imina adhippayena
"yatha ca vo bhagava byakaroti, tatha tam dhareyyatha"ti vatva uyyojesi.
        Te sattharam upasankamitva etamattham pucchimsu. Sattha "dukathitam kaccanena"ti
avatva suvannalingam 2- ussapento viya givam upanametva 3-
supupphitasatapattasassirikam viya mahamukham purento brahmassaram niccharetva "sadhu
sadhu"ti therassa sadhukaram datva "pandito bhikkhave mahakaccano, mahapanno bhikkhave
mahakaccano, mancepi tumhe bhikkhave etamattham patipuccheyyatha, ahampi mam evamevam
byakareyyam, yatha tam mahakaccanena byakatan"ti 4- aha.
        Evam  satthara anumoditakalato patthaya pana sakalam suttantam buddhabhasitam
nama jatam. Ananadattheradihi vittharitasuttantesvapi eseva nayo. Evameva
sammasambuddho sattappakaranani desento kathavatthum patva vuttanayena matikam
thapesi. Thapento ca idamaddasa:-
           "mama parinibbanato attharasavassadhikanam dvinnam vassasatanam
      matthake moggalliputtatissatthero nama bhikkhu bhikkhusahassamajjhe nisinno
      sakavade panca suttasatani paravade pancati suttasahassam samodhanetva
      dighanikayappamanam kathavatthuppakaranam bhajessati"ti.
      Moggalliputtatissattheropi imam pakaranam desento na attano nanena
desesi, satthara pana dinnanayena thapitamatikaya desesi. Iti satthara dinnanayena
@Footnote: 1 Ma.mu. 12/203/171      2 ka. suvannalingam
@3 cha.Ma. unnametva  4 Ma.mu. 12/205/175
Thapitamatikaya desitatta sakalametam pakaranam buddhabhasitameva nama jatam. Evam
kathavatthuna saddhim sattappakaranani abhidhammo nama.
        Tattha dhammasanganippakarane catasso vibhattiyo cittavibhatti rupavibhatti
nikkheparasi atthuddharoti. Tattha kamavacarakusalato attha akusalato dvadasa
kusalavipakato solasa akusalavipakato satta kiriyato ekadasa rupavacarakusalato panca
vipakato panca kiriyato panca arupavacarakusalato cattari vipakato cattari kiriyato
cattari lokuttarakusalato cattari vipakato cattariti ekunanavuti cittani
cittavibhatti nama. Cittuppadakandantipi etasseva namam. Tam vacanamaggato
atirekachabhanavaram, vitthariyamanam  pana anantamaparimanam hoti.
        Tadanantaram  "ekavidhena duvidhena"tiadina nayena matikam thapetva vittharena
vibhajitva dassita rupavibhatti nama. Rupakandantipi tasseva namam. Tam vacanamaggato
atirekadvebhanavaram, vitthariyamanam pana anantamaparimanam hoti.
        Tadanantaram mulato  khandhato dvarato bhumito atthato dhammato namato lingatoti
evam muladihi 1- nikkhipitva desito nikkheparasi nama. So:-
             mulato khandhato capi       dvarato capi bhumito
             atthato dhammato capi      namato capi lingato
             nikkhipitva desitatta      nikkhepoti pavuccati.
        Nikkhepakandantipi tasseva namam. Tam vacanamaggato timattabhanavaram,
vitthariyamanam pana anantamaparimanam hoti.
        Tadanantaram pana tepitakassa buddhavacanassa atthuddharabhutam yava saranaduka
nikkhittam atthakathakanadam nama, yato mahapakaraniya bhikkhu mahapakarane gananacaram
asallakkhenta gananam 2- samanenti. Tam vacanamaggato dvimattabhanavaram, vitthariyamanam
pana anantamaparimanam hoti.
@Footnote: 1 Ma., Si. muladini         2 cha.Ma. gananacaram, Si. gananavaram
        Iti sakalam dhammasanganippakaranam. Tam vacanamaggato atirekaterasamattabhanavaram,
vitthariyamanam pana anantamaparimanam hoti. Evametam:-
             cittavibhatti rupanca      nikkhepo   atthajotana
             gambhiram nipunam  thanam     tampi buddhena desitam.
     Tadanantaram vibhangappakaranam nama. Tam "khandhavibhango ayatanavibhango dhatuvibhango
saccavibhango indriyavibhango paccayakaravibhango satipatthanavibhango
sammappadhanavibhango iddhipadavibhango bojjhangavibhango  maggavibhango 1- jhanavibhango
appamannavibhango sikkhapadavibhango patisambhidavibhango nanavibhango
khuddakavatthuvibhango dhammahadayavibhango"ti attharasavidhena vibhattam.
        Tattha khandhavibhango suttantabhajaniyaabhidhammabhajaniyapanhapucchakanam vasena tidha
vibhatto. So vacanamaggato pancamattabhanavaro, vitthariyamano pana ananto
aparimano hoti. Tato param ayatanavibhangadayopi teheva tihi nayehi vibhatta.
Tesu ayatanavibhango vacanamaggato atirekabhanavaro. Dhatuvibhango dvimattabhanavaro.
Tatha saccavibhango. Indriyavibhange suttantabhajaniyam natthi. Vacanamaggato panesa
atirekabhanavaramatto. Paccayakaravibhango chamattabhanavaro. Panhapucchakam 2- panettha
natthi. Satipatthanavibhango atirekabhanavaramatto. Tatha sammappadhanaiddhipada-
bojjhangamaggavibhanga. Jhanavibhango dvibhanavaramatto. Appamannavibhango
atirekabhanavaramatto. Sikkhapadavibhangepi suttantabhajaniyam natthi. Vacanamaggato
panesa atirekabhanavaramatto. Tatha patisambhidavibhango. Nanavibhango dasavidhena vibhatto.
Vacanamaggato panesa timattabhanavaro. Khuddakavatthuvibhangopi dasavidhena vibhatto.
Vacanamaggato panesa timattabhanavaro. Dhammahadayavibhango tividhena vibhatto.
Vacanamaggato panesa atirekadvibhanavaramatto. Sabbepi vitthariyamana ananta
aparimana honti. Evametam vibhangappakaranam nama vacanamaggato pancatimsamattabhanavaram,
vitthariyamanam 3- pana anantamaparimanam hoti.
@Footnote: 1 cha.Ma. maggangavibhango      2 cha.Ma. panhapucchakam      3 cha.Ma. vittharato
     Tadanantaram dhatukathapakaranam nama. Tam "sangaho asangaho sangahitena asangahitam
asangahitena sangahitam sangahitena sangahitam asangahitena  asangahitam sampayogo
vippayogo sampayuttena vippayuttam vippayuttena sampayuttam sampayuttena
sampayuttam vippayuttena vippayuttam sangahitena sampayuttam vippayuttam
sampayuttena sangahitam asangahitam asangahitena sampayuttam vippayuttam vippayuttena
sangahitam asangahitan"ti cuddasavidhena vibhattam. Tam vacanamaggato
atirekachabhanavaramattam, vitthariyamanam pana anantamaparimanam hoti.
      Tadanantaram puggalapannatti nama. Sa "khandhapannatti ayatanapannatti
dhatupannatti saccapannatti indriyapannatti puggalapannatti"ti chabbidhena
vibhatta. Sa vacanamaggato atirekapancabhanavara, vitthariyamana pana ananta
aparimanaeva hoti.
        Tadanantaram kathavatthuppakaranam nama. Tam "sakavade panca suttasatani paravade
panca"ti suttasahassam samodhanetva vibhattam. Tam vacanamaggato idani potthake
likhitam aggahetva sangitiaropitanayena dighanikayappamanam, vitthariyamanam pana
anantamaparimanam hoti.
      Tadanantaram yamakam nama pakaranam. Tam "mulayamakam khandhayamakam ayatanayamakam dhatuyamakam saccayamakam
sankharayamakam anusayayamakam cittayamakam dhammayamakam indriyayamakan"ti dasavidhena vibhattam.
Tam vacanamaggato visatibhanavarasatamattam, 1- vittharato pana anantamaparimanam hoti.
        Tadanantaram mahapakaranam nama. Patthanantipi tasseva namam. Tam "hetupaccayo
arammanapaccayo adhipatipaccayo anantarapaccayo samanantarapaccayo sahajatapaccayo
annamannapaccayo nissayapaccayo upanissayapaccayo purejatapaccayo pacchajatapaccayo
asevanapaccayo kammapaccayo vipakapaccayo aharapaccayo indriyapaccayo jhanapaccayo
maggapaccayo sampayuttapaccayo vippayuttapaccayo atthipaccayo natthipaccayo vigatapaccayo
avigatapaccayo"ti paccayavasena tava catuvisatividhena vibhattam.
        Imasmim pana thane patthanam samanetabbam:- kusalattikadayo hi bavisatitika
nama. Hetu dhamma nahetu dhamma .pe. Sarana dhamma arana dhammati ime
@Footnote: 1 cha.Ma. visabhanavarasatam, Si. visam bhanavarasatam
Sataduka. Aparepi duka vijjabhagino dhamma avijjabhagino dhamma .pe. Khaye
nanam anuppade nananti dvacattalisasuttantikaduka nama. Tesu dvavisatitika
satadukati ayam ahacca bhasita jinavacanabhuta sabbannutananabuddhena 1- desita
sattannam pakarananam matika nama. Athapare dvacattalisasuttantikaduka kuto pabhava
kena thapita kena desitati. Dhammasenapati sariputtattherappabhava, tena thapita
tena desitati. Ime thapento pana thero na samukkamsikena attano nanena thapesi.
Ekuttariyam pana ekanipatadisangiti 2- dasuttarasuttantehi samodhanetva
abhidhammikattheranam suttantam patva akilamattham thapita. Tena 3- panete ekasmim
nikkhepakandeyeva matthakam papetva vibhatta, sesatthanesu yava saranaduka abhidhammo
vibhatto.
     Sammasambuddhena hi anulomapatthane dvavisatitike nissaya tikapatthanam nama
niddittham. Sataduke nissaya dukapatthanam nama niddittham. Tato param dvavisatitike
gahetva dukasate pakkhipitva dukatikapatthanam nama dassitam. 4- Tato param dukasatam
gahetva dvavisatiya tikesu pakkhipitva tikadukapatthanam nama dassitam. Tike pana
tikesuyeva pakkhipitva tikatikapatthanam nama dassitam. Duke pana dukesuyeva pakkhipitva
dukadukapatthanam nama dassitam. Evam:-
                     tikanca patthanavaram dukuttamam
                     dukatikanceva tikadukanca
                     tikatikanceva dukadukanca
                     cha anulomamhi naya sugambhirati. 5-
        Paccaniyapatthanepi dvavisatitike nissaya tikapatthanam nama, dukasatam nissaya
dukapatthanam nama, dvavisatitike dukasate pakkhipitva dukatikapatthanam nama, dukasatam
bavisatiya tikesu pakkhipitva tikadukapatthanam nama, tike tikesuyeva pakkhipitva
tikatikapatthanam nama, duke dukesu pakkhipitva dukadukapatthanam namati paccaniyepi
chahi nayehi patthanam niddittham. 6- Tena vuttam:-
@Footnote: 1 cha.Ma. sabbannubuddhena    2 cha.Ma. ekanipatadukanipatasangiti   3 cha.Ma. te
@4 ka. dasseti. evamuparipi  5 abhi. 40/44/20 (sya)     6 ka. nitthitam
                     Tikanca patthanavaram dukuttamam
                     dukatikanceva tikadukanca
                     tikatikanceva dukadukanca
                     cha paccaniyamhi naya sugambhirati. 1-
        Tato param anulomapaccaniyepi eteneva upayena cha naya dassita. Tenaha:-
                     tikanca patthanavaram dukuttamam
                     dukatikanceva tikadukanca
                     tikatikanceva dukadukanca
                     cha anulomapaccaniyamhi naya sugambhirati. 2-
        Tadanantaram paccaniyanulomepi eteheva chahi nayehi niddittham. Tenaha:-
                     tikanca patthanavaram dukuttamam
                     dukatikanceva tikadukanca
                     tikatikanceva dukadukanca
                     cha paccaniyanulomamhi naya sugambhirati. 3-
        Evam anulome cha patthanani patilome cha anulomapaccaniye cha paccaniyanulome
cha patthananiti idam catuvisatisamantapatthanassa samodhanapatthanam mahapakaranam nama.
        Idani imassa abhidhammassa gambhirabhavavijananattham cattaro sagara veditabba
samsarasagaro jalasagaro nayasagaro nanasagaroti. Tattha samsarasagaro nama:-
              khandhananca patipati      dhatuayatanana ca
              abbhocchinnam vattamana   samsaroti pavuccatiti
evam vuttam samsaravattam. Svayam  yasma imesam sattanam uppattiya purimakoti na
pannayati. Ettakanam hi vassasatanam va vassasahassanam va vassasatasahassanam va
kappasatanam va kappasahassanam va kappasatasahassanam va matthake satta uppanna,
@Footnote: 1 abhi. 40/47/21  (sya)   2 abhi. 40/51/23 (sya)  3 abhi. 40/55/24 (sya)
Tato pubbe nahesunti va asukassa ranno kale uppanna, asukassa buddhassa
kale uppanna, tato pubbe nahesunti va ayam paricchedo natthi. "purima
bhikkhave koti na pannayati avijjaya ito pubbe avijja nahosi, atha paccha
sambhavi"ti 1- imina pana nayena ayam samsarasagaro nama anamataggova.
        Mahasamuddo pana jalasagaro namati veditabbo. So caturasitiyojana-
sahassagambhiro. Tattha udakassa alhakasatehi va alhakasahassehi va alhakasatasahassehi
va pamanam nama natthi, atha kho asankheyyo appameyyo mahaudakakkhandhotveva
sankhyam 2- gacchati. Ayam jalasagaro nama.
        Katamo nayasagaro? tepitakam buddhavacanam. Dvepi hi tantiyo paccavekkhantanam
Saddhasampannanam pasadabahulanam nanuttaranam kulaputtanam anantam pitisomanassam
uppajjati. Katama dvepi? vinayanca abhidhammanca. Vinayadharanam bhikkhunam vinayatantim
paccavekkhantanam "dosanurupam sikkhapadapannapanam nama `imasmim dose imasmim
vitikkame idam nama hoti'ti sikkhapadapannapanam annesam avisayo, buddhanameva
visayo"ti uttarimanussadhammapeyyalam paccavekkhantanam nilapeyyalam paccavekkhantanam
sancarittapeyyalam paccavekkhantanam anantam pitisomanassam uppajjati. Abhidhammika-
bhikkhunampi "khandhantaram ayatanantaram dhatvantaram indriyabalabojjhangakammavipakantaram
ruparupaparicchedam sanhasukhumadhammam gaganatale tarakarupani ganento 3- viya ruparupadhamme
pabbapabbam kotthasakotthasam katva vibhajanto dassesi vata no sattha"ti abhidhammatantim
paccavekkhantanam anantam pitisomanassam uppajjati.
     Evam uppattiya panassa idam vatthumpi veditabbam:-
mahanagatimiyatissadattatthero 4- kira nama "mahabodhim vandissami"ti
paratiram gacchanto navaya uparitale nisinno mahasamuddam oloketi. 5-
Athassa tasmim samaye neva paratiram pannayittha, na orimatiram.
@Footnote: 1 an. dasaka. 24/61/90      2 Si. sankham
@3 cha.Ma. ganhanto
@4 cha.Ma. mahagatigamiyatissadattatthero, Si. mahagatimbayatissadattatthero
@5 cha.Ma. olokesi
Umivegappabhedasamuggatajalacunnavippakinno 1- pana pasaritarajatapatasumanapupphasantharasadiso
mahasamuddo pannayittha. So "kinnukho mahasamuddassa umivego balava, udahu
catuvisatippabhede samantapatthane nayamukham balavan"ti cintesi. Athassa mahasamudde
paricchedo pannayati. Ayam hi hettha pathaviya 2- paricchinno, upari akasena
ekato cakkavalapabbatena ekato velantena paricchinno. Samantapatthanassa pana
paricchedo na pannayatiti sanhasukhumadhammam paccavekkhantassa balavapiti uppanna,
so pitim vikkhambhetva vipassanam vaddhetva yathanisinno sabbakilese khepetva
aggaphale arahatte patitthaya udanam udanesi:-
                     attheva gambhiragatam sudubbudham
                     sayam abhinnaya sahetusambhavam
                     yathanupubbam nikhilena desitam
                     mahesina rupagatamva passatiti.
Ayam nayasagaro nama.
        Katamo nanasagaro? sabbannutananam nanasagaro nama. "ayam  samsarasagaro
Nama ayam jalasagaro nama ayam nayasagaro nama"ti tam 3- annena na sakka
janitum, sabbannutananeneva sakka janitunti sabbannutananam nanasagaro nama.
Imesu catusu sagaresu imasmim thane nayasagaro adhippeto. Imanhi sabbannu
buddhaeva pativijjhanti.
      Ayampi bhagava bodhimule nisinno imam pativijjhitva "imam vata me dhammam
esantassa gavesantassa kappasatasahassadhikani cattari  asankheyyani vitivattani, atha
me imasmim pallanke nisinnena diyaddhakilesasahassam khepetva ayam dhammo
patividdho"ti patividdhadhammam paccavekkhanto sattaham ekapallankena nisidi. Tato
tasma pallanka vutthaya "imasmim vata me pallanke sabbannutananam patividdhan"ti
animmisehi cakkhuhi sattaham pallankam olokento atthasi. Tato devatanam "ajjapi
nuna siddhatthassa kattabbakiccam atthi, pallankasminhi alayam na vijahati"ti
parivitakko udapadi.
@Footnote: 1 cha.Ma....parikinno      2 cha.Ma. mahapathaviya     3 cha.Ma. hi
     Sattha devatanam vitakkam natva tasam vitakkam vupasamattham vehasam abbhuggantva
yamakapatihariyam dassesi. Mahabodhipallankasmim hi katapatihariyanca natisamagame
katapatihariyanca pataliputtasamagame 1- katapatihariyanca sabbam gandambarukkhamule
katayamakapatihariyasadisameva ahosi. Evam yamakapatihariyam katva pallankassa thitatthanassa ca
antare akasato oruyha sattaham cankami. Imesu ca ekavisatiya divasesu
ekadivasepi satthu sarirato rasmiyo na nikkhanta.
     Catutthe pana sattahe pacchimuttaraya disaya ratanaghare nisidi. Ratanagharam nama na
ratanamayam 2- geham, sattannam pana pakarananam sammasitatthanam "ratanagharan"ti veditabbam.
Tattha dhammasanganim sammasantassapi sarirato rasmiyo na nikkhanta. Vibhangappakaranam,
dhatukatham, puggalapannattim, kathavatthuppakaranam, yamakappakaranam sammasantassapi sarirato
rasmiyo na nikkhanta. Yada pana mahapakaranam oruyha "hetupaccayo arammanapaccayo
.pe. Avigatapaccayo"ti sammasanam arabhi. Athassa catuvisatisamantapatthanam sammasantassa
ekantato sabbannutananam mahapakaraneyeva okasam labhati. 3- Yatha hi
timirapingalamahamaccho caturasitiyojanasahassagambhire mahasamuddeyeva ekantato
lokasam labhati, evameva sabbannutananam ekantato mahapakaraneyeva okasam labhati. 3-
        Satthu evam laddhokasena sabbannutananena yathasukham sanhasukhumadhammam sammasantassa
sarirato nilapitalohitodatamanjetthapabhassaravasena chabbannarasmiyo nikkhamimsu. Kesamassuhi
ceva akkhinanca nilatthanehi nilarasmiyo nikkhamimsu, yasam vasena gaganatalam
anjanacunnasamokinnam viya ummapupphaniluppaladalasanchannam viya vitipatantamanitalavantam
viya sampasaritamecakapatam viya ca ahosi.
        Chavito ceva akkhinanca pitatthanehi pitarasmiyo nikkhamimsu, yasam vasena
disabhaga suvannarasabhisincamana 4- viya suvannapatapasarita viya kunkumacunnaranjita
5- viya kannikarapupphasamparikinna viya ca virocimsu.
@Footnote: 1 cha.Ma. pathikaputtasamagame, Si. pathikaputtasamagame   2 cha.Ma. sattaratanamayam
@3 cha.Ma. labhi    4 cha. suvannarasadharabhisincamana,  Ma. suvannadharanisincamana,
@Si. suvannarasadharahi sincamana    5 ka. kukkutthacunnaranjita
        Mamsalohitehi ceva akkhinanca rattatthanehi lohitarasmiyo nikkhamimsu, yasam
vasena disabhaga cinapitthacunnaranjita viya supakkalakharasabhisincamana viya
rattakambalaparikkhitta viya jayasumanapalibhaddakabandhujivakakusumasamparikinna viya ca
virocimsu.
        Atthihi ceva dantehi ca akkhinanca setatthanehi odatarasmiyo nikkhamimsu,
yasam vasena disabhaga rajatakutehi 1- asincamanakhiradharasamparikinna viya
pasaritarajatapatavitana viya vitipatantarajatatalavanta viya kundakumudasinduvara-
sumanamallikadikusumasanchanna viya ca virocimsu.
        Manjetthapabhassara pana tamha tamha sarirappadesa nikkhamimsu. Iti ta
chabbannarasmiyo nikkhamitva ghanamahapathavim ganhimsu.
        Catunahutadhikadviyojanasatasahassabahala mahapathavi niddhantasuvannapindi viya ahosi.
Atha pathavim bhinditva hettha udakam ganhimsu. Pathavisandharakam atthanahutadhikacatuyojana-
satasahassabahalam udakam suvannakalalehi asincamanavilinasuvannam viya ahosi. Udakam
vinivijjhitva vatamaggahesum. Chanahutadhikanavayojanasatasahassabahalo vato
samussitasuvannakkhandho viya ahosi. Vatam vinivijjhitva hettha ajjatakasam
pakkhandimsu.
        Uparibhagena uggantvapi catumaharajike ganhimsu. Tepi vinivijjhitva
tavatimse, tato yame, tato tusite, tato nimmanarati, tato paranimmitavasavatti,
tato nava brahmaloke, tato vehapphale, tato pancasuddhavase vinivijjhitva
cattaro arupe 2- ganhimsu. Cattaro arupe vinivijjhitva ajjatakasam pakkhandimsu.
      Tiriyabhagehi ananta lokadhatuyo pakkhandimsu. Ettakesu thanesu candamhi
candappabha natthi. Suriye suriyappabha natthi, tarakarupesu tarakarupappabha natthi,
devatanam uyyanavimanakapparukkhesu sariresu abharanesuti sabbattha pabha natthi.
Tisahassimahasahassi lokadhatuyo 3- alokapharanasamattho mahabrahmapi suriyassuggamane
khajjopanako viya ahosi. Candimasuriyatarakarupanam devauyyanavimanakapparukkhanam
paricchedamattakameva pannayittha. Ettakanhi thanam buddharasmihiyeva ajjhotthatam
ahosi. Ayampi neva
@Footnote: 1 cha.Ma. rajataghatehi  2 cha.Ma. aruppe. evamuparipi  3 cha. lokadhatuya
Buddhanam adhitthanaiddhi na bhavanamaya iddhi. Sanhasukhumadhammam pana sammasato
lokanathassa lohitam pasidi, vatthurupam pasidi, chavivanno pasidi, cittasamutthana
vannadhatu samanta asitihatthamatte padese niccala atthasi. Imina niharena
sattaham sammasi.
        Sattarattindivam sammasitadhammo kittako ahositi? ananto aparimano ahosi.
Ayam tava manasa desana nama. Sattha pana evam sattaham manasa cintitam dhammam
vacibhedam katva desento vassasatenapi vassasahassenapi vassasatasahassenapi matthakam
papetva desetum na sakkotiti na vattabbam. Aparabhagasmim hi tathagato tavatimsabhavane
paricchattakamule pandukambalasilayam dasasahassacakkavaladevatanam majjhe nisinno mataram
kayasakkhim katva "kulasa dhamma akusala  dhamma abyakata dhamma"ti dhammam desento
satabhagena sahassabhagena satasahassabhagena dhammantara dhammantaram 1- sankhipitva
sankhipitva 1- desesi. Tayo mase nirantaram pavattadesana 2- vegena
pavattaakasaganga viya adhomukhathapitaudakaghata nikkhantaudakadhara viya ca hutva
ananta aparimana ahosi.
        Buddhanam hi bhattanumodanakalepi thokam vaddhetva anumodantanam desana
dighamajjhimanikayappamana ahosi. 3- Pacchabhattam pana sampattaparisaya dhammam desentanam
desana samyuttaanguttaranikayadvemahanikayappamana ahosi. Kasma? buddhanam hi
bhavangaparivaso lahuko, dantavaranam suphussitam, 4- mukhadanam silittham, jivha muduka,
saro madhuro, vacanam lahukaparivattam, tasma tam muhuttam desitadhammopi ettako ahosi.
Temasam desitadhammo pana ananto aparimanoyeva ahosi.
        Anandatthero hi bahussuto tipitakadharo pancadasagathasahassani
satthipadasahassani latapupphani akaddhanto viya thitappadeneva thatva ganhati va
vaceti va deseti va. Ettako therassa eko uddesamaggo nama hoti.
Therassa hi anupadam uddesam dadamano anno datum na sakkoti na sampapunati,
@Footnote: 1-1 cha.Ma. sankamitva sankamitva     2 cha.Ma. pavattitadesana
@3 cha.Ma. hoti. evamuparipi          4 Si. suphassitam
Sammasambuddhova sampapuneyya. Evam adhimattasatima adhimattagatima adhimattadhitima
savako satthara temasam imina niharena desitam desanam vassasatam vassasahassam
ugganhantopi matthakam papetum na sakkoti.
        Evam temasam nirantaram desentassa pana tathagatassa kabalinkaraharapatibaddham
upadinnakasariram katham yapesiti? patijagganeneva. Buddhanam hi so kalo suvavatthito
suparicchinno supaccavekkho. 1- Tasma bhagava dhammam desento manussaloke kalam
oloketi. So bhikkhacaravelam sallakkhetva nimmitabuddham mapetva "imassa
civaragahanam pattagahanam sarakutti akappo ca evarupo nama hotu, ettakam nama dhammam
desetu"ti adhitthaya pattacivaramadaya anotattadaham gacchati. Devata nagalatadantakattham
deti. Tam khaditva anotattadahe sariram patijaggitva manosilatale thito surattam dupatam
nivasetva civaram parupitva maharajadattiyam 2- selamayam pattam adaya uttarakurum
gacchati. Tato pindapatam aharitva anotattadahatire nisinno paribhunjitva
divaviharaya candanavanam gacchati.
        Dhammasenapati sariputtattheropi tattha gantva sammasambuddhassa vattam
katva ekamantam nisidi. 3- Athassa sattha nayam deti "sariputta ettako dhammo
desito"ti acikkhati. Evam sammasambuddhe nayam dente patisambhidapattassa
aggasavakassa velante thatva hattham pasaretva dassitasamuddasadisam nayadanam hoti.
Therassapi nayasatena nayasahassena nayasatasahassena bhagavata desitadhammo upatthatiyeva.
        Sattha divaviharam nisiditva dhammam desetva 4- kaya velaya gacchatiti?
Savatthivasinam sampattanam dhammadesanavela nama atthi, taya velaya gacchati.
Dhammam desetva gacchantam va agacchantam va ke jananti, ke na jananti?
Mahesakkha devata jananti, appesakkha na jananti. Kasma na janantiti?
Sammasambuddhassa va nimmitabuddhassa va rasmiadisu nanattabhava. Ubhinnampi hi
tesam rasmisu va saresu va vacanesu va nanattam natthiti. 5-
@Footnote: 1 cha.Ma. supaccakkho       2 cha.Ma. catumaharajadattiyam    3 cha.Ma. nisidati
@4 cha.Ma. desetum         5 cha.Ma. iti-saddo na dissati
        Sariputtattheropi satthara desitam desitam dhammam aharitva attano
saddhiviharikanam pancannam bhikkhusatanam desesi. Tesam ayam pubbayogo:- te kira
kassapadasabalassa kale khuddakavagguliyoniyam nibbatta pabbhare olambanta dvinnam
abhidhammikabhikkhunam abhidhammam sajjhayantanam sare nimittam gahetva kanhapakkham
sukkapakkham ajanitvapi sare nimittagahamattakeneva kalam katva devaloke nibbattimsu,
ekam buddhantaram devaloke vasitva tasmim kale manussaloke nibbattitva 1-
yamakapatihariye pasiditva therassa santike pabbajimsu. Thero satthara desitadesitadhammam
aharitva tesam desesi. Sammasambuddhassa abhidhammadesanapariyosananca tesam bhikkhunam
sattappakaranauggahananca ekappahareneva ahosi.
        Abhidhamme vacanamaggo nama sariputtattherappabhavo, mahapakarane gananavaropi
2- thereneva thapito. Thero hi "imina niharena dhammantaram amakkhetvava sukham
gahetum dharetum pariyapunitum vacetunca hoti"ti 3- gananavaram thapesi. Evam sante therova
pathamataram abhidhammiko hotiti? na hoti, sammasambuddhova pathamataram abhidhammiko
hoti. So hi tam mahabodhipallanke nisiditva pativijjhi. Buddho hutva ca pana
sattaham ekapallankena nisinno udanam udanesi:-
                   "yada have patubhavanti dhamma
                   atapino jhayato brahmanassa
                   athassa kankha vapayanti sabba
                   yato pajanati sahetudhammam.
                   Yada have patubhavanti dhamma
                   atapino jhayato brahamnassa
                   athassa kankha vapayanti sabba
                   yato khayam paccayanam avedi.
@Footnote: 1 cha.Ma. nibbatta       2 cha.Ma. gananacaropi. evamuparipi    3 cha.Ma. pahotiti
                   Yada have patubhavanti dhamma
                   atapino jhayato brahmanassa
                   vidhupayam titthati marasenam
                   surova 1- obhasayamantalikkhan"ti. 2-
Idam pathamabuddhavacanam nama. Dhammapadabhanaka pana:-
        "anekajatisamsaram             sandhavissam anibbisam
         gahakaram 3- gavesanto        dukkha jati punappunam
         gahakaraka ditthosi            puna geham na kahasi
         sabba te phasuka bhagga      gahakutam visankhatam 4-
         visankharagatam cittam            tanhanam khayamajjhaga"ti. 5-
Idam pathamabuddhavacanam namati vadanti.
        Yamakasalanamantare nipannena bhagavata parinibbanasamaye "handadani
bhikkhave amantayami vo, vayadhamma sankhara, appamadena sampadetha"ti 6- vuttavacanam
pacchimabuddhavacanam nama.
        Ubhinnamantare pancacattalisavassani pupphadamam ganthentena viya ratanavalim
avunantena viya ca kathito amatappakasano 7- saddhammo majjhimabuddhavacanam nama.
        Tam sabbampi sangayhamanam pitakato tini pitakani honti, nikayato panca
nikaya, angato nava angani dhammakkhandhato caturasiti dhammakkhandhasahassani. Katham?
sabbampi hetam pitakato vinayapitakam suttantapitakam abhidhammapitakanti tippabhedameva hoti.
Tattha ubhayani patimokkhani 8- dve vibhanga dvavisatikkhandhaka solasa parivarati 8-
idam vinayapitakam nama. Brahmajaladicatuttimsasuttasangaho dighanikayo,
mulapariyayasuttadidiyaddhasatadvesuttasangaho majjhimanikayo, oghataranasuttadi-
sattasuttasahassasattasatadvasatthisuttasangaho samyuttanikayo, cittapariyadana-
suttadinavasuttasahassapancasatasattapannasasuttasangaho anguttaranikayo,
@Footnote: 1 cha.Ma. luriyova  2 vinaYu. 4/1-3/2-3, khu.u. 25/1-3/94-96  3 Si.,i. gahakarakam
@4 Si. visankhitam  5 khu.dha. 25/153-154/44  6 di.Ma. 10/218/135
@7 Si. amatappakasako  8-8 ka. dve vibhangani dvavisatikkhandhakani solasa parivaraniti
Khuddakapathadhammapadaudanaitivuttakasuttanipatavimanavatthupetavatthutheragathatherigathajataka-
niddesapatisambhidaapadanabuddhavamsacariyapitakavasena pannarasappabhedo khuddakanikayoti idam
suttantapitakam nama. Dhammasanganiadini sattappakaranani abhidhammapitakam nama. Tattha:-
                vividhavisesanayatta vinayanato ceva kayavacanam
                vinayatthaviduhi ayam vinayo "vinayo"ti akkhato.
     Vividha hi ettha pancavidhapatimokkhuddesaparajikadisattaapattikkhandhamatika-
vibhangadippabhedanaya, visesabhuta ca dalhikammasithilakaranappayojana anupannattinaya,
kayikavacasikaajjhacaranam nisedhanato cesa kayam vacanca vineti. Tasma vividhanayatta
visesanayatta kayavacananca vinayanato ayam vinayo "vinayo"ti akkhato. Tenetametassa
vacanatthakosallattham vuttam:-
               "vividhavisesanayatta vinayanato ceva kayavacanam
                vinayatthaviduhi ayam vinayo `vinayo'ti akkhato"ti.
        Itaram pana:-
                atthanam sucanato suvuttato savanatotha sudanato
                suttana suttasabhagato ca suttam "suttan"ti akkhatam.
        Tanhi attatthaparatthadibhede atthe suceti, suvutta cettha attha
veneyyajjhasayanulomena vuttatta. Savati cetam atthe sassamiva phalam, pasavatiti vuttam
hoti. Sudati cetam dhenu viya khiram, paggharatiti vuttam hoti. Sutthu ca ne tayati,
rakkhatiti vuttam hoti. Suttasabhagam cetam, yatha hi tacchakanam suttam pamanam hoti,
evametampi vinnunam. Yatha ca suttena sangahitani pupphani  na vikiriyanti na
viddhamsiyanti, evametena sangahita attha. Tenetametassa vacanatthakosallattham vuttam:-
                   "atthanam sucanato suvuttato savanatotha sudanato
                    suttana suttasabhagato ca suttam `suttan'ti akkhatan"ti.
        Itaro pana:-
                   yam ettha vuddhimanto salakkhana pujita paricchinna
                   vuttadhika ca dhamma abhidhammo tena akkhato.
      Ayam hi abhisaddo vuddhisalakkhanapujitaparicchinnadhikesu 1- dissati. Tatha hesa
"balha me dukkha vedana abhikkamanti no patikkamanti"tiadisu 2- vuddhiyam agato.
"ya ta rattiyo abhinnata abhilakkhita"tiadisu 3- salakkhane. "rajabhiraja
manujindo"tiadisu 4- pujite. "patibalo vinetum abhidhamme abhivinaye "tiadisu 5-
paricchinne. Annamannasankaravirahite dhamme ca vinaye cati vuttam hoti. "abhikkantena
vannena"tiadisu 6- adhike.
     Ettha ca "rupupapattiya maggam bhaveti mettasahagatena cetasa ekam disam
pharitva viharati"tiadina 7- nayena vuddhimantopi dhamma vutta. "ruparammanam va
saddarammanam va"tiadina 8- nayena arammanadihi sallakkhaniyatta salakkhanapi. "sekkha
dhamma, asekkha dhamma, lokuttara dhamma"tiadina 9- nayena pujitapi, pujarahati
adhippayo. "phasso hoti, vedana hoti"tiadina 8- nayena sabhavaparicchinnatta
paricchinnapi. "mahaggata dhamma, appamana dhamma, anuttara dhamma"ti-
adina 10- nayena adhikapi dhamma vutta. Tenetametassa vacanatthakosallattham vuttam:-
           "yam ettha vuddhimanto salakkhana pujita paricchinna
           vuttadhika ca dhamma abhidhammo tena akkhato"ti.
      Yam panettha avisittham, tam:-
           pitakam pitakatthavidu pariyattibhajanatthato ahu
           idani tena samodhanetva tayopi vinayadayo neyya.
      Pariyattipi hi "ma pitakasampadanena"tiadisu 11- pitakanti vuccati. "atha
puriso agaccheyya kuddalapitakam adaya"tiadisu 12- yankinci bhajanampi. Tasma
pitakam pitakatthavidu pariyattibhajanatthato ahu.
@Footnote: 1 cha.Ma. vudadhilakkhanapujitaparicchinnadhikesu
@2 Ma.u. 14/384/329,14/389/336, sam.Ma. 19/195/72
@3 Ma.mu. 12/49/27    4 Ma.Ma. 13/399/384, khu.su. 25/559/447
@5 vinaYu. 4/84/95     6 khu.vi. 26/75/12
@7 abhi. 34/167/53    8 abhi. 34/1/21
@9 abhi. 34/11, 12/2,6  10 abhi. 34/12, 99/3,16
@11 an tika. 20/66/184    12 Ma.mu. 12/228/192, an tika. 20/70/199
        Idani tena samodhanetva tayopi vinayadayo neyyati te evam duvidhatthena
pitakasaddena saha samasam katva vinayo ca so pitakanca pariyattibhavato tassa tassa
atthassa bhajanato cati vinayapitakam. Yathavutteneva nayena suttantanca tam pitakancati
suttantapitakam. Abhidhammo ca so pitakancati abhidhammapitakanti evamete tayopi
vinayadayo neyya.
      Evam natva ca punapi tesveva pitakesu nanappakarakosallattham:-
                 desanasasanakatha-       bhedantesu yatharaham
                 sikkhapahanagambhira-       bhavanca paridipaye.
                 Pariyattibhedam sampattim      vipattincapi yam yahim
                 papunati yatha bhikkhu      tampi sabbam vibhavaye.
      Tatrayam paridipana vibhavana ca:- etani hi tini pitakani yathakkamam
anavoharaparamatthadesana yathaparadhayathanulomayathadhammasasanani
samvarasamvaraditthivinivethananamarupaparicchedakatha cati vuccanti.
     Ettha hi vinayapitakam anarahena bhagavata anabahullato desitatta
anadesana, suttantapitakam voharakusalena bhagavata voharabahullato desitatta
voharadesana, abhidhammapitakam paramatthakusalena bhagavata paramatthabahullato desitatta
paramatthadesanati vuccati.
     Tatha pathamam ye te pacuraparadha satta, te yathaparadham ettha sasitati
yathaparadhasasanam, dutiyam anekajjhasayanusayacariyadhimuttika satta yathanulomam ettha
sasitati yathanulomasasanam, tatiyam dhammapunjamatte "aham mama"ti sannino satta
yathadhammam ettha sasitati yathadhammasasananti vuccati.
     Tatha pathamam ajjhacarapatipakkhabhuto samvarasamvaro ettha kathitoti samvarasamvarakatha,
samvarasamvaroti khuddako ceva mahanto ca samvarasamvaro kammakammam viya phalaphalam viya ca,
dutiyam dvasatthiditthipatipakkhabhuta ditthivinivethana ettha kathitati
ditthivinivethanakatha, tatiyam ragadipatipakkhabhuto namarupaparicchedo ettha
kathitoti namarupaparicchedakathati vuccati.
     Tisupi cetesu tisso sikkha, tini pahanani, catubbidho ca gambhirabhavo
veditabbo. Tathahi vinayapitake visesena adhisilasikkha vutta, suttantapitake
adhicittasikkha, abhidhammapitake adhipannasikkha.
     Vinayapitake ca vitikkamappahanam kilesanam vitikkamapatipakkhatta silassa,
suttantapitake pariyutthanappahanam pariyutthanapatipakkhatta samadhissa, abhidhammapitake
anusayappahanam anusayapatipakkhatta pannaya.
     Pathame ca tadangappahanam kilesanam, itaresu vikkhambhanasamucchedappahanani.
Pathame ca duccaritasankilesanam pahanam, itaresu tanhaditthisankilesanam pahanam.
     Ekamekasmim cettha catubbidhopi dhammatthadesanapativedhagambhirabhavo veditabbo.
Tattha dhammoti tanti, atthoti tassayeva attho, desanati tassa manasa
suvavatthapitaya tantiya 1- desana, pativedhoti tantiya, tantiatthassa ca
yathabhutavabodho. Tisupi cetesu ete dhammatthadesanapativedha yasma sasadihi
viya mahasamuddo mandabuddhihi dukkhogalha, 2- alabbhaneyyapatittha ca, tasma
gambhiRa. Evam ekamekasmim ettha catubbidhopi gambhirabhavo veditabbo.
     Aparo nayo. Dhammoti hetu, vuttam hetam "hetumhi nanam dhammapatisambhida"ti. 3-
Atthoti hetuphalam, vuttam hetam "hetuphale nanam atthapatisambhida"ti. 3- Desanati
pannatti, yathadhammam dhammabhilapoti adhippayo. Anulomapatilomasankhepavittharadivasena
va kathanam. Pativedhoti abhisamayo. So ca lokiyalokuttaro visayato asammohato
ca atthanurupam dhammesu, dhammanurupam atthesu, pannattiyathanurupam pannattisu
avabodho. Tesam tesam va tattha tattha vuttadhammanam pativijjhitabbo salakkhanasankhato
aviparitasabhavo.
     Idani yasma etesu pitakesu yam yam dhammajatam va atthajatam va, yo
cayam yatha yatha napetabbo attho sotunam nanassa abhimukho hoti, tatha tatha
tadatthajotika desana, yo cettha aviparitavabodhasankhato pativedho tesam tesam va
@Footnote: 1 Ma. paliya. evamuparipi     2 cha. dukkhogaha     3 abhi. 35/718/359
Dhammanam pativijjhitabbo salakkhanasankhato aviparitasabhavo, sabbametam
anupacitakusalasambharehi duppannehi sasadihi viya mahasamuddo dukkhogalham
alabbhaneyyapatitthanca, tasma gambhiram. Evampi ekamekasmim ettha catubbidhopi
gambhirabhavo veditabbo. Ettavata ca:-
               desanasasanakatha-       bhedantesu yatharaham
               sikkhapahanagambhira-       bhavanca paridipayeti
iti ayam gatha vuttattha hoti.
               Pariyattibhedam sampattim      vipattincapi yam yahim
               papunati yatha bhikkhu      tampi sabbam vibhavayeti
ettha pana tisu pitakesu tividho pariyattibhedo datthabbo. Tisso hi pariyattiyo
alagaddupama nissaranattha bhandagarikapariyattiti.
        Tattha ya duggahita uparambhadihetupariyaputa, ayam alagaddupama. Yam sandhaya
vuttam:- "seyyathapi bhikkhave puriso alagaddatthiko alagaddagavesi alagaddapariyesanam
caramano, so passeyya mahantam alagaddam, tamenam bhoge va nangutthe va ganheyya,
tassa so alagaddo patiparivattitva 1- hatthe va bahaya va annatarasmim va
angapaccange damseyya. So tatonidanam maranam va nigaccheyya maranamattam va dukkham.
Tam kissa hetu? duggahitatta bhikkhave alagaddassa. Evameva kho bhikkhave idhekacce
Moghapurisa dhammam pariyapunanti suttam .pe. Vedallam. Te tam dhammam pariyapunitva
tesam dhammanam pannaya attham na upaparikkhanti, tesam te dhamma pannaya attham
anupaparikkhatam na nijjhanam khamanti, te uparambhanisamsa ceva dhammam pariyapunanti
itivadappamokkhanisamsa ca. Yassa catthaya dhammam pariyapunanti, tancassa attham
nanubhonti. Tesam te dhamma duggahita digharattam ahitaya dukkhaya samvattanti. Tam
kissa hetu? duggahitatta bhikkhave dhammanan"ti. 2-
@Footnote: 1 ka.,Ma. parivattitva      2 Ma.mu. 12/238/200-201
     Ya pana sugahita silakkhandhadiparipurimyeva akankhamanena pariyaputa, na
uparambhadihetu, ayam nissaranattha. Yam sandhaya vuttam:- "tesam te dhamma sugahita
digharattam hitaya sukhaya samvattanti. Tam kissa hetu? sugahitatta bhikkhave
dhammanan"ti. 1-
     Yam pana parinnatakkhandho pahinakileso bhavitamaggo patividdhakuppo
sacchikatanirodho khinasavo kevalam pavenipalanatthaya vamsanurakkhanatthaya pariyapunati, ayam
bhandagarikapariyattiti. 2- Evameva tesu pitakesu tividho pariyattibhedo veditabbo. 2-
     Vinaye pana supatipanno bhikkhu silasampadam nissaya tisso vijja papunati
tasamyeva ca tattha pabhedavacanato. Sutte supatipanno samadhisampadam nissaya chalabhinna
papunati tasamyeva ca tattha pabhedavacanato. Abhidhamme supatipanno pannasampadam nissaya
catasso patisambhida papunati tasamyeva ca tattha pabhedavacanato. Evametesu supatipanno
yathakkamena imam vijjattayachalabhinnacatupatisambhidapabhedasampattim papunati.
     Vinaye pana duppatipanno anunnatasukhasamphassaattharanapapuranadisamphassasamannato
patikkhittesu upadinnakaphassadisu anavajjasanni hoti. Vuttampi hetam:- "tathaham
bhagavata dhammam desitam ajanami, yatha yeme antarayika dhamma vutta bhagavata, te
patisevato nalam antarayaya"ti. 3- Tato dussilabhavam papunati. Sutte duppatipanno
"cattarome bhikkhave puggala santo samvijjamana lokasmin"tiadisu 4- adhippayam
ajananto duggahitam ganhati. Yam sandhaya vuttam:- "attana duggahitena amhe ceva
abbhacikkhati, attananca khanati, bahunca apunnam pasavati"ti. 5- Tato micchaditthitam
papunati. Abhidhamme duppatipanno dhammacinatam atidhavanto acinteyyanipi cinteti,
tato cittavikkhepam papunati. Vuttam hetam:- "cattarimani bhikkhave acinteyyani na
cintetabbani, yani cintento ummadassa vighatassa bhagi assa"ti. 6- Evametesu
duppatipanno yathakkamena imam dussilabhavamicchaditthitacittavikkhepapabhedavipattim
papunati. Ettavata ca:-
@Footnote: 1 Ma.mu. 12/239/201              2-2 cha.Ma. ime patha na dissanti
@3 vinaYu. 2/417/305, Ma.mu. 12/234/196   4 ana. catukka. 21/5/6
@5 vinaYu. 2/417/307, Ma.mu. 12/236/199   6 an. catukka. 21/77/91
            Pariyattibhedam sampattim           vipattincapi yam yahim
            papunati yatha bhikkhu           tampi sabbam vibhavaye
iti ayampi gatha vuttattha hoti. Evam nanappakarato pitakani natva tesam
vasena sabbampetam sangayhamanam tini pitakani hontiti. 1-
        Katham nikayato panca nikayati? sabbameva hetam dighanikayo majjhimanikayo
samyuttanikayo anguttaranikayo khuddakanikayoti pancappabhedam hoti.
     Tattha katamo dighanikayo? tivaggasangahani brahmajaladini catuttimsa suttani.
            Catuttimseva suttanta           tivaggo yassa sangaho
            esa dighanikayoti             pathamo anulomiko.
     Kasma panesa dighanikayoti vuccati? dighappamananam suttanam samuhato ca
Nivasato ca. Samuhanivasa hi nikayoti pavuccanti. "naham bhikkhave annam ekanikayampi
samanupassami evam cittam, yathayidam bhikkhave tiracchanagata pana. 2- Ponikanikayo
cikkhallikanikayo"ti evamadini cettha sadhakani sasanato ca lokato ca. Evam
sesanampi nikayabhave vacanattho veditabbo.
     Katamo majjhimanikayo? majjhimappamanani pancadasavaggasangahani mulapariyaya-
suttadini diyaddhasatam dve ca suttani.
           Diyaddhasatasuttanta              dve ca suttani yattha so
           nikayo majjhimo panca-          dasavaggapariggaho.
     Katamo samyuttanikayo? devatasamyuttadivasena thitani oghataranadini 3-
Satta suttasahassani satta ca suttasatani dvasatthi ca suttani.
           Satta suttasahassani             satta suttasatani ca
           dvasatthi ceva suttanta         eso samyuttasangaho.
        Katamo anguttaranikayo? ekekaangatirekavasena thitani cittapariyadanadini
Nava suttasahassani panca suttasatani sattapannasa ca suttani.
@Footnote: 1 cha.Ma. iti-saddo na dissati    2 sam.kha. 17/100/119   3 Si. oghataranasuttadini
           Nava suttasahassani                panca suttasatani ca
           sattapannasa suttani              sankhya anguttare ayam.
     Katamo khuddakanikayo? sakalam vinayapitakam abhidhammapitakam khuddakapathadhammapadadayo
Ca pubbe dassita pancadasappabheda thapetva cattaro nikaye avasesam buddhavacananti.
           Thapetva caturopete             nikaye dighaadike
           tadannam buddhavacanam                 nikayo khuddako matoti.
     Evam nikayavasena 1- panca nikaya honti.
     Katham angavasena nava anganiti? sabbameva hidam suttam geyyam veyyakaranam
Gatha udanam itivuttakam jatakam abbhutadhammam vedallanti navappabhedam hoti. Tattha
ubhatovibhanganiddesakhandhakaparivara suttanipate mangalasuttaratanasuttanalakasuttatuvataka-
suttadini annampi ca suttantanamakam tathagatavacanam "suttan"ti veditabbam. Sabbampi
sagathakasuttam "geyyan"ti veditabbam, visesena samyuttake sakalopi sagathakavaggo. 2-
Sakalampi abhidhammapitakam niggathakasuttam yanca annam atthahi angehi asangahitam
buddhavacanam, tam "veyyakaranan"ti veditabbam. Dhammapadatheragathatherigatha suttanipate
nosuttanamika suddhikagatha ca "gatha"ti veditabba. Somanassananamayikagatha-
patisamyutta dveasitisuttanta "udanan"ti veditabba. "vuttam hetam 3-
bhagavata"ti 4-  adinayappavatta dasuttarasatasuttanta "itivuttakan"ti veditabba.
Apannakajatakadini pannasadhikani panca jatakasatani "jatakan"ti veditabbani.
"cattarome bhikkhave acchariya abbhuta dhamma anande"ti 5- adinayappavatta
sabbepi acchariyabbhutadhammapatisamyutta suttanta "abbhutadhamman"ti veditabba.
Culavedallamahavedallasammaditthisakkapanhasankharabhajaniyamahapunnamasuttadayo sabbepi
vedanca tutthinca laddha laddha pucchitasuttanta "vedallan"ti veditabba.
Evameva angato nava angani.
@Footnote: 1 cha.Ma. nikayato        2 cha.Ma. sagathavaggo
@3 ka. vuttamidam     4 khu.iti. 25/1/233
@5 di.maha. 10/209/127, ana. catukka. 21/129/149
     Katham dhammakkhandhato caturasiti dhammakkhandhasahassaniti? sabbameva hidam buddhavacanam:-
           "dvasiti buddhato ganhi 1-    dve sahassani bhikkhuto
            caturasitisahassani          ye me dhamma pavattino"ti 2-
evam paridipitadhammakkhandhavasena caturasitisahassappabhedam hoti. Tattha ekanusandhikam
suttam eko dhammakkhandho. Yam anekanusandhikam, tattha anusandhivasena dhammakkhandhaganana.
Gathabandhesu panhapucchanam eko dhammakkhandho, vissajjanam eko. Abhidhamme
ekamekantikadukabhajanam ekamekanca cittavarabhajanam eko 3- dhammakkhandho. Vinaye
atthi vatthu, atthi matika, atthi padabhajaniyam, atthi apatti, atthi anapatti,
atthi antarapatti, atthi tikacchedo, 4- atthi atekiccho, atthi satekiccho. 4-
Tattha ekameko kotthaso ekameko dhammakkhandhoti veditabbo. Evam dhammakkhandhato
caturasiti dhammakkhandhasahassani.
        Evameva tam sabbampi buddhavacanam pancasatikasangitikale sangayantena
mahakassapappamukhena vasiganena "ayam dhammo ayam vinayo, idam pathamabuddhavacanam idam
majjhimabuddhavacanam idam pacchimabuddhavacanam, idam vinayapitakam idam suttantapitakam idam
abhidhammapitakam, ayam dighanikayo .pe. Ayam khuddakanikayo, imani  suttadini
navangani, imani caturasitidhammakkhandhasahassani"ti imam pabhedam vavatthapetvava
sangitam. Na kevalanca imameva, annampi udanasangahavaggasangahapeyyalasangahaekakanipata-
dukanipatadinipatasangahasamyuttasangahapannasakasangahadimanekavidham tisu pitakesu
sandissamanam sangahappabhedam vavatthapetvava sattahi masehi sangitam.
     Sangitipariyosane cassa "idam mahakassapattherena dasabalassa sasanam
pancavassasahassapparimanakalappavattanasamattham katan"ti sanjatappamoda sadhukaram viya
dadamana ayam mahapathavi udakapariyantam katva anekappakaram kampi sankampi sampakampi
sampavedhi, anekani ca acchariyani paturahesum.
@Footnote: 1 cha.Ma. ganhim       2 khu. thera. 26/1027/399
@3 Ma. ekameko     4-4 cha.Ma. ime patha na dissanti
     Evam sangite panettha ayam abhidhammo pitakato abhidhammapitakam, nikayato
khuddakanikayo, angato veyyakaranam, dhammakkhandhato katipayani dhammakkhandhasahassani
honti.
     Tam dharayantesu bhikkhusu pubbe eko bhikkhu sabbasamayikaparisaya nisiditva
abhidhammato suttam aharitva dhammam kathento "rupakkhandho abyakato, cattaro
khandha siya kusala siya akusala siya abyakata. Dasayatanani abyakata, dve
ayatanani siya kusala siya akusala siya abyakata. Solasa dhatuyo abyakata,
dve dhatuyo siya kusala siya akusala siya abyakata. Samudayasaccam akusalam,
maggasaccam kusalam, nirodhasaccam abyakatam, dukkhasaccam siya kusalam siya akusalam siya
abyakatam. Dasindriya abyakata, domanassindriyam akusalam,
anannatannassamitindriyam kusalam, cattari indriyani siya kusala siya
abyakata, cha indriyani siya kusala siya akusala siya abyakata"ti dhammakatham
kathesi.
     Tasmim thane eko bhikkhu nisinno "dhammakathika tvam sinerum parikkhipanto
viya dighasuttam aharasi, kim suttam nametan"ti aha. Abhidhammasuttam nama
avusoti. Abhidhammasuttam kasma aharasi, kim annam buddhabhasitam suttam aharitum
na vattatiti? abhidhammo kena bhasitoti? na eso buddhabhasitoti. Kim pana te
avuso vinayapitakam uggahitanti? na uggahitam avusoti. Avinayadharitaya manne tvam
ajananto evam vadasiti. 1- Vinayamattameva avuso uggahitanti. Tampi te duggahitam,
parisapariyante nisiditva niddayantena uggahitam bhavissati, tumhadise hi
pabbajento va upasampadento va satisaro hoti. Kimkarana? vinayamattassapi
duggahitatta. Vuttam hetam tattha "anapatti na vivannetukamo `ingha tava suttantam
va gathayo va abhidhammam va pariyapunassu, pacchapi vinayam pariyapunissasi'ti 2-
bhanati. `suttante Okasam karapetva abhidhammam va vinayam va pucchati, abhidhamme
okasam karapetva suttantam va vinayam va pucchati, vinaye okasam karapetva
suttantam va abhidhammam va pucchati"ti. 3- Tvam pana ettakampi na janasiti.
Ettakenapi paravadi niggahito hoti.
@Footnote: 1 cha.Ma. vadesiti      2 vinaYu. 2/442/321
@3 vinaYu. 3/1221/220
     Mahagosingasuttam pana itopi buddhabhasitabhavakaranato 1- balavataram. Tatra hi
dhammasenapati sariputtatthero 2- annamannam pucchitapanhanca vissajjananca arocetum
satthu santikam gantva mahamoggallanattherassa vissajjanam arocento 3- "idhavuso
sariputta dve bhikkhu abhidhammakatham kathenti, te annamannam panham pucchanti,
annamannassa panham puttha vissajjenti, no ca samsadenti, 4- dhammi 5- ca nesam
katha pavattini hoti. Evarupena kho avuso sariputta bhikkhuna gosingasalavanam
sobheyya"ti 6- aha. Sattha "abhidhammika nama mama sasane paribahira"ti avatva
suvannalingasadisam givam unnametva punnacandasassirikam mahamukham puretva
brahmaghosam niccharento  "sadhu sadhu sariputta"ti mahamoggallanattherassa
sadhukaram datva "yatha tam moggallanova samma byakaramano byakareyya, moggallano
hi sariputta dhammakathiko"ti 7- aha. Abhidhammikabhikkhuyeva kira dhammakathika nama,
avasesa dhammam 8- kathentapi na dhammakathika. Kasma? te hi dhammam kathenta kammantaram
vipakantaram ruparupaparicchedam dhammantaram aloletva kathenti, abhidhammika pana
dhammantaram na alolenti. Tasma abhidhammiko bhikkhu dhammam kathetu va ma va,
pucchitakale pana panham kathessatiti ayameva 9- ekantadhammakathiko nama hoti. Idam
sandhaya sattha sadhukaram datva "sukathitam moggallanena"ti aha.
     Abhidhammam patibahanto imasmim jinacakke paharandeti, sabbannutananam patibahati,
satthu vesarajjananam patinivatteti, sotukamam parisam visamvadeti, ariyamagge
avaranam bandhati, attharasasu bhedakaravatthusu ekekasmim sandissati,
ukkhepaniyakammaniyasakammatajjaniyakammaraho 10- hoti, tam tam kammam katva
uyyojetabbo "gaccha vighasado hutva jivissasi"ti.
@Footnote: 1 cha.Ma. ayam patho na dissati   2 Ma. dhammasenapatimhi sariputtatthere
@3 Ma. arocente     4 Ma. samsarenti    5 ka. dhammika
@6 Ma. mu. 12/343/304  7 Ma.mu. 12/343/304
@8 cha.Ma. dhammakatham  9 Si. ayameva kira
@10 cha.Ma. ukkhepaniyakammatajjaniyakammaraho
     Athapi evam vadeyya "sace abhidhammo buddhabhasito, yatha anekesu suttasahassesu
`ekam samayam bhagava rajagahe viharati'tiadina nayena nidanam sajjitam, evamassapi
nidanam sajjitam bhaveyya"ti. So "jatakasuttanipatadhammapadadinam evarupam nidanam
natthi, na  cetani na buddhabhasitani"ti patikkhipitva uttarimpi evam vattabbo
"pandita abhidhammo namesa sabbannubuddhanamyeva visayo, na annesam visayo. Buddhanam
hi okkanti pakata, abhijati pakata, abhisambodhi pakata, dhammacakkappavattanam
pakatam, yamakapatihariyam pakatam, tidivakkamo 1- pakato, devaloke desitabhavo
pakato, devorohanam pakatam. Yatha nama cakkavattiranno hatthiratanam va assaratanam va
thenetva yanake yojetva vicaranam nama atthanam akaranam, cakkaratanam va pana
thenetva palalasakate olambetva vicaranam nama atthanam akaranam, yojanappamanam
obhasanasamattham maniratanam va pana thenetva kappasapacchiyam pakkhipitva valanjanam
nama atthanam akaranam. Kasma? rajarahabhandataya. Evameva abhidhammo nama
annesam na visayo, sabbannubuddhanamyeva visayo, tesam vasena desitabbadesana.
Buddhanam hi okkanti pakata .pe. Devorohanam pakatam, abhidhammassa nidanakiccam
nama natthi pandita"ti. Na hi sakka evam vutte paravadina sahadhammikam
udaharanam udaharitum.
     Mandalaramavasi tissaguttatthero 2- pana "mahabodhinidano esa abhidhammo nama"ti
dassetum "yena svaham bhikkhave viharena pathamabhisambuddho viharami, tassa padesena
vihasin"ti 3- imam  padesaviharasuttantam aharitva kathesi. Dasavidho hi padeso nama
khandhapadeso ayatanapadeso  dhatupadeso saccapadeso indriyapadeso paccayakarapadeso
satipatthanapadeso jhanapadeso namapadeso dhammapadesoti. Tesu sattha mahabodhimande
pancakkhandhe nippadesato pativijjhi, imam temasam vedanakkhandhavaseneva vihasi.
Dvadasayatanani attharasa dhatuyo nippadesena pativijjhi, imam temasam
dhammayatane vedanavasena,
@Footnote: 1 cha. tivikkamo, Ma. divikkamo  2 cha.Ma. tissabhutitthero  3 sam.Ma. 19/11/10
Dhammadhatuyanca vedanavaseneva vihasi. Cattari saccani nippadesena pativijjhi, imam
temasam dukkhasacce vedanavaseneva vihasi. Bavisatindriyani nippadesena pativijjhi,
imam temasam vedanapancake 1- indriyavaseneva vihasi. Dvadasapadikam paccayakaravattam
nippadesena pativijjhi, imam temasam phassapaccayavedanavaseneva vihasi. Cattaro
satipatthane nippadesena pativijjhi, imam temasam vedanasatipatthanavaseneva vihasi.
Cattari jhanani nippadesena pativijjhi, imam temasam jhanangesu vedanavaseneva
vihasi. Namam nippadesena pativijjhi, imam temasam tattha vedanavaseneva vihasi.
Dhamme nippadesena pativijjhi, imam temasam vedanatikavaseneva vihasiti evam thero
padesaviharasuttantavasena abhidhammassa nidanam kathesi.
     Gamavasi sudhammadevatthero 2- pana hetthalohapasade dhammam parivattento
"ayam paravadi baha paggayha aranne kandanto viya asakkhikam attam 3- karonto
viya ca abhidhamme nidanassa atthibhavampi na janati"ti vatva nidanam kathento
evamaha "ekam samayam bhagava devesu viharati tavatimsesu paricchattakamule
pandukambalasilayam. Tatra kho bhagava devanam tavatimsanam abhidhammakatham kathesi
`kusala dhamma akusala dhamma abyakata dhamma"ti.
     Annesu pana suttesu ekameva nidanam, abhidhamme dve nidanani
adhigamanidananca desananidananca. Tattha adhigamanidanam dipankaradasabalato patthaya
yava mahabodhipallanka veditabbam. Desananidanam yava dhammacakkappavattana. Evam
ubhayanidanasampannassa abhidhammassa nidanakosallattham idam tava panhakammam
veditabbam "ayam abhidhammo nama kena pabhavito, kattha paripacito, kattha
adhigato, kada adhigato, kena adhigato, kattha vicito, kada vicito, kena
vicito, kattha desito, kassatthaya desito, kimattham desito, kehi patiggahito, ke
sikkhanti, ke sikkhitasikkha, ke dharenti, kassa vacanam, kenabhato"ti.
     Tatridam vissajjanam:- kena pabhavitoti bodhiabhiniharasaddhaya pabhavito. Kattha
paripacitoti addhachakkesu jatakasatesu. Kattha adhigatoti bodhimule. Kada adhigatoti
@Footnote: 1 cha.Ma. vedanapancaka...  2 cha.Ma. sumanadevatthero    3 cha.Ma. addam
Visakhapunnamayam. 1- Kena adhigatoti sabbannubuddhena. Kattha vicitoti  bodhimande.
Kada vicitoti ratanagharasattahe. Kena vicitoti sabbannubuddhena. Kattha desitoti
devesu tavatimsesu. Kassatthaya desitoti devatanam atthaya. Kimattham desitoti
caturoghanittharanattham. Kehi patiggahitoti devehi. Ke sikkhantiti sekha
puthujjanakalyanaka ca. Ke sikkhitasikkhati arahanto khinasava. Ke dharentiti yesam
vattanti, te dharenti. Kassa vacananti bhagavato vacanam arahato sammasambuddhassa.
Kenabhatoti acariyaparamparaya.
     Ayam hi sariputtatthero bhaddaji sobhito piyajali piyapalo piyadassi kosiyaputto
siggavo sandeho moggaliputto tissadatto 2- dhammiyo dasako sonako revatoti
evamadihi yava tatiyasangitikala abhato, tato uddham tesamyeva sissanusissehiti
evam tava jambudipatale acariyaparamparaya abhato. Imam pana dipam:-
            tato mahindo attiyo       uttiyo ceva sambalo 3-
                     bhaddanamo ca pandito.
            Ete naga mahapanna     jambudipa idhagatati. 4-
        Imehi mahanagehi abhato, tato uddham tesamyeva sissanusissasankhataya
acariyaparamparaya yavajjatanakala abhato.
                         Sumedhakatha
        evam abhatassa panassa yantam dipankaradasabalato patthaya yava mahabodhipallanka
adhigamanidanam yava dhammacakkappavattana desananidananca vuttam, tassa avibhavattham
ayamanupubbikatha veditabba.
        Ito kira kappasatasahassadhikanam catunnam asankheyyanam matthake amaravati nama
nagaram ahosi, tattha sumedho nama brahmano pativasati ubhato sujato matito
ca pitito ca samsuddhagahaniko yava sattama kulaparivatta akkhitto anupakuttho
jativadena abhirupo dassaniyo pasadiko paramaya vannapokkharataya samannagato.
@Footnote: 1 cha.Ma. visakhapunnamasiyam     2 cha.Ma. sudatto
@3 cha.Ma. uttiyo sambalo tatha  4 vinaYu. 8/3/3
So annam kammam akatva brahmanasippameva ugganhi. Tassa daharakaleyeva
matapitaro kalamakamsu. Athassa rasivaddhako amacco ayapotthakam aharitva
suvannarajatamanimuttadibharite 1- gabbhe vivaritva "ettakante kumara matu santakam,
ettakam pitu santakam, 2- ettakam ayyakaayyikanan"ti 2- yava sattama
kulaparivatta dhanam acikkhitva "etam patipajjahi"ti aha. Sumedhapandito
cintesi "imam dhanam samharitva mayham pitupitamahadayo paralokam gacchanta ekam
kahapanampi gahetva na gata, maya pana gahetva gamanakaranam katum vattati"ti ranno
arocetva nagare bherim carapetva mahajanassa danam datva tapasapabbajjam pabbaji.
Imasmim pana thane sumedhakatha kathetabba. Vuttam hetam buddhavamse 3-:-
        "kappe ca satasahasse          caturo ca asankhiye
        amaram nama nagaram              dassaneyyam manoramam.
        Dasahi saddehi avivittam          annapanasamayutam
        hatthisaddam assasaddam            bherisankharathani ca.
        Vinamudingasaddanca             talasaddam tatheva ca
        khadatha pivatha ceva             annapanena ghositam.
        Nagaram sabbangasampannam           sabbakammamupagatam
        sattaratanasampannam              nanajanasamakulam.
        Samiddham devanagaramva             avasam punnakamminam
        nagare amaravatiya             sumedho nama brahmano.
        Anekakotisanniccayo           pahutadhanadhannava
        ajjhayiko 4- mantadharo        tinnam vedanaparagu.
@Footnote: 1 cha.Ma. suvannarajatamanimuttadipurite   2-2 cha.Ma. ettaka ayyakapayyakanam santakati
@3 khu. buddha. 33/2/416 (sya)      4 cha.Ma. ajjhayako
        Lakkhane itihase ca           saddhamme paramim gato
        rahogato nisiditva            evam cintesiham 1- tada.
        Dukkho punabbhavo nama          sarirassa pabhedanam 2-
        sammohamaranam dukkham             jaraya abhimaddanam.
        Jatidhammo jaradhammo          byadhidhammo caham 3- tada
        ajaram amaram khemam              pariyesissami nibbutim.
        Yannunimam putikayam              nanakunapapuritam
        chaddayitvana gaccheyyam          anapekkho anatthiko.
        Atthi hehiti so maggo         na so sakka na hetuye
        pariyesissami tam maggam          bhavato parimuttiya.
        Yathapi dukkhe vijjante         sukham namapi vijjati
        evam bhave vijjamane          vibhavo icchitabbako.
        Yathapi  unhe vijjante        aparam 4- vijjati sitalam
        evam tividhaggi vijjante         nibbanam icchitabbakam.
        Yathapi pape vijjante         kalyanamapi vijjati
        evameva jati vijjante        ajati icchitabbaka.
        Yatha guthagato puriso           talakam disvana puritam
        na gavesati tam talakam           na doso talakassa so.
        Evam kilesamaladhove           vijjante amatantale
        na gavesati  tam talakam          na doso amatantale.
@Footnote: 1 cha.Ma. cintesaham        2 cha.Ma. sarirassa ca bhedanam
@3 cha.Ma. saham    4 Ma. aparampi
        Yatha arihi pariruddho           vijjante gamanampathe
        na palayati so puriso          na doso anjasassa so.
        Evam kilesapariruddho           vijjamane sive pathe
        na gavesati tam maggam            na doso sivamanjase.
        Yathapi byadhiko puriso         vijjamane tikicchake
        na tikicchapeti tam byadhim        na so doso tikicchake.
        Evam kilesabyadhihi            dukkhito paripilito
        na gavesati tam acariyam          na so doso vinayake.
        Yathapi kunapam puriso            kanthe bandham 1- jigucchiyam
        mocayitvana gaccheyya          sukhi seri sayam  vaSi.
        Tathevimam putikayam              nanakunapasancayam
        chaddayitvana gaccheyyam          anapekkho anatthiko.
        Yatha uccaratthanamhi          karisam naranariyo
        chaddayitvana gacchanti           anapekkho anatthika.
        Evamevaham imam kayam          nanakunapapuritam
        chaddayitvana gacchissam           vaccam katva yatha kutim.
        Yathapi  jajjaram navam           paluggam udakagahinim
        samika chaddayitvana 2-        anapekkha anatthika.
        Evamevaham imam kayam          navacchiddam dhuvassavam
        chaddayitvana gacchissam           jinnanavamva samika.
@Footnote: 1 cha.Ma. baddham           2 cha.Ma. sami chaddetva gacchanti
        Yathapi puriso corehi           gacchanto bhandamadiya
        bhandacchedabhayam disva            chaddayitvana gacchati.
        Evameva ayam kayo            mahacorasamo viya
        pahayimam gamissami              kusalacchedana bhaya.
        Evaham cintayitvana            nekakotisatam dhanam
        nathanathanam datvana           himavantam upagamim.
        Himavantassavidure              dhammiko 1- nama pabbato
        assamo sukato mayham            pannasala sumapita.
        Cankamam tattha mapesim            pancadosavivajjitam
        atthagunasamupetam                abhinnabalamaharim.
        Satakam pajahim tattha              navadosamupagatam
        vakaciram nivasesim              dvadasagunamupagatam.
        Atthadosasamakinnam              pajahim pannasalakam
        upagamim rukkhamulam               gunehi 2- dasahupagatam.
        Vapitam ropitam dhannam             pajahim niravasesato
        anekagunasampannam               pavattaphalamadiyim.
        Tatthappadhanam padahim              nisajjatthanacankame
        abbhantaramhi sattahe           abhinnabala papunin"ti.
    Tattha assamo sukato mayham, pannasala sumapitati imaya paliya
sumedhapanditena 3- pabbajissamiti nikkhamantena 3- assamapannasala cankama sahattha
@Footnote: 1 Si. dhammako       2 cha.Ma. gune    3-3 cha.Ma. ime patha na dissanti
Mapita viya vutta, ayam panettha attho:- mahasattanhi  "himavantam ajjhogahetva
ajja dhammikam pabbatam pavisissami"ti nikkhantam disva sakko devanamindo
vissukammam devaputtam amantesi "ayam sumedhapandito `pabbajissami'ti nikkhanto,
gaccha tata mahasattassa vasanatthanam mapehi"ti. So tassa vacanam sampaticchitva
ramaniyam assamapadam suguttam pannasalam manoramam cankamam ca mapesi. Bhagava pana
tada attano punnanubhavena nipphannam tam assamapadam sandhaya "sariputta tasmim
dhammikapabbate:-
        assamo sukato mayham          pannasala sumapita
        cankamam tattha mapesim          pancadosavivajjitan"ti
aha. Tattha assamo sukato mayhanti sukato maya. Pannasala sumapitati
pannacchadana 1- salapi me sumapita ahosi.
        Pancadosavivajjitanti pancime cankamadosa nama thaddhavisamata antorukkhata
gahanacchannata atisambadhata ativisalatati. Thaddhavisamabhumibhagasmim hi cankame
cankamantassa pada rujjanti, phota utthahanti, cittam ekaggatam na labhati,
kammatthanam vipajjati. Mudusamatale pana phasuviharam agamma kammatthanam sampajjati.
Tasma thaddhavisamabhumibhagata 2- cankame pathamo dosoti veditabba. 2- Cankamanassa anto
va majjhe va kotiyam va rukkhe sati pamadamagamma cankamantassa nalatam va sisam va
patihannatiti antorukkhata dutiyo doso. Tinalatadigahanacchanne cankame cankamanto
andhakaravelayam uragadike pane akkamitva va mareti, tehi va dattho dukkham
apajjatiti gahanacchannata tatiyo doso. Atisambadhe cankame vittharato ratanike va
addharatanike va cankamantassa paricchede pakkhalitva nakhapi anguliyopi bhijjantiti
atisambadhata catuttho doso. Ativisale cankame cankamantassa cittam vidhavati,
ekaggatam na labhatiti ativisalata pancamo doso. Puthulato pana diyaddharatanam dvisu
passesu ratanamattam anucankamanam dighato satthihattham mudutalam samavipkinnavalukam cankamanam
@Footnote: 1 cha. pannacchadana, Ma. pannacchanna  2-2 cha.Ma. eko dosoti veditabbo
Vattati cetiyagirimhi dipappasadakamahamahindattherassa cankamanam viya, tadisantam ahosi.
Tenaha "cankamam tattha mapesim, pancadosavivajjitan"ti.
        Atthagunasamupetanti atthahi samanasukhehi upetam. Atthimani samanasukhani nama
dhanadhannadipariggahabhavo, anavajjapindapariyesanabhavo, 1- nibbutapindaparibhunjanabhavo,
rattham piletva dhanasaram va dasidasakahapanadini 2- va ganhantesu rajakulesu
ratthapilanakilesabhavo, upakaranesu nicchandaragabhavo, coravilope nibbhayabhavo,
rajarajamahamattehi asamsatthabhavo, catusu disasu appatihatabhavoti. Idam vuttam
hoti "yatha tasmim assame vasantena sakka honti 3- imani attha samanasukhani vinditum,
evam atthagunasamupetam tam assamam mapesin"ti.
        Abhinnabalamaharinti paccha tasmim assame vasanto kasinaparikammam katva
abhinnananca samapattinanca uppadanatthaya aniccato dukkhato vipassanam arabhitva
thamappattam vipassanabalamaharim. Yatha tasmim vasanto tam balam aharitum sakkomi,
evantam assamantassa abhinnatthaya vipassanabalassa anucchavikam katva mapesinti
attho.
              Satakam pajahim tattha     navadosamupagatam
              vakaciram nivasesim     dvadasagunamupagatanti.
        Satakam pajahim tattha, navadosamupagatanti etthayam anupubbikatha:- tada kira
kutilenacankamadipatimanditam pupphupagaphalupagarukkhasanchannam ramaniyam madhurasalilasayam
apagatabalamigabhimsanakasakunam pavivekakkhamam assamam mapetva alankatacankamassa ubhosu
antesu alambanaphalakam samvidhaya nisidanatthaya cankamanavemajjhe samatalam muggavannam
silam mapetva antopannasalaya jatamandalavakaciratidandakundikadike tapasaparikkhare
mandape paniyaghatapaniyasankhapaniyasaravakani 4- aggisalaya angarakapalladaruadiniti
evam yam yam pabbajitanam upakaranaya 5- sampavattati, tam tam sabbam mapetva
@Footnote: 1 Si. anavajjapindapatapariyesanabhavo     2 cha.Ma. sisakahapanadini  3 Ma. hoti
@4 Si. paniyakuta....  5 cha.Ma. upakaraya
Pannasalaya bhittiyam "ye keci pabbajitukama ime parikkhare gahetva pabbajantu"ti
akkharani chinditva devalokameva gate vissukammadevaputte sumedhapandito himavantapade
girikandaranusarena attano nivasanurupam phasukatthanam vicinanto 1- nadinivattane
vissukammanimmitam sakkadattiyam ramaniyam assamapadam disva cankamakotiyam gantva
padavalanjam apassanto "dhuvapabbajita dhuragame bhikkham pariyesitva kilantarupa
agantva pannasalam pavisitva nisinna bhavissanti"ti cintetva thokam agametva
"ativiya cirayanti, janissami"ti pannasaladvaram 2- vivaritva anto pavisitva
ito cito ca olokento mahabhittiyam akkharani vacetva "mayham kappiyaparikkhara
ete, ime gahetva pabbajissami"ti attana nivatthaparupanasatakayugalam pajahi. Tenaha
"satakam pajahim tattha"ti. Evam pavitthoham sariputta tassam pannasalayam satakam pajahim.
        Navadosamupagatanti satakam pajahanto nava dose disva pajahinti dipeti.
Tapasapabbajjam pabbajitanam hi satakasmim nava dosa upatthahanti. Tesu tassa
mahagghabhavo eko doso, parapatibaddhataya uppajjanabhavo eko, paribhogena
lahukakilissanabhavo eko, kilittho hi 3- dhovitabbo ca rajitabbo ca hoti, paribhogena
jinnabhavo 4- eko, jinnassa hi tunnam va aggaladanam va kattabbam hoti. Puna
pariyesanaya durabhisambhavabhavo eko, tapasapabbajjaya asaruppabhavo eko,
paccatthikanam sadharanabhavo eko, lahukabhavena  5- yatha hi tam paccatthika na ganhanti,
evam gopetabbo hoti. Paribhunjantassa vibhusanatthanabhavo eko, gahetva carantassa
khandhabharamahicchabhavo ekoti.
        Vakaciram nivasesinti tada aham sariputta ime nava dose disva satakam
pahaya vakaciram nivasesim, munjatinam hiram hiram katva ganthitva katam vakaciram
nivasanaparupanatthaya adiyinti attho.
@Footnote: 1 cha.Ma. olokento      2 cha.Ma. pannasalakutidvaram      3 Si. kilitthe ca
@4 cha.Ma. jiranabhavo        5 cha.Ma. ayam patho na dissati
        Dvadasagunamupagatanti dvadasahi anisamsehi samannagatam, vakacirasmim hi
dvadasa anisamsa:- appaggham sundaram kappiyanti ayam tava eko anisamso, sahattha
katum sakkati ayam dutiyo, paribhogena sanikam kilissati, dhoviyamanepi papanco
natthiti ayam tatiyo, paribhogena jinnepi sibbitabbabhavo catuttho, puna pariyesantassa
sukhena karanabhavo pancamo, tapasapabbajjaya saruppabhavo chattho, paccatthikanam
nipparibhogabhavo 1- sattamo, paribhunjantassa vibhusanatthanabhavo atthamo,  dharane
sallahukabhavo navamo, civarapaccaye appicchabhavo dasamo, vakuppattiya
dhammikanavajjabhavo ekadasamo, vakacire natthepi anapekkhabhavo dvadasamoti.
               Atthadosasamakinnam      pajahim pannasalakam
               upagamim rukkhamulam      gunehi dasahupagatanti.
     Atthadosasamakinnam, pajahim pannasalakanti katham pajahim? so kira tam varasatakayugam
Omuncanto civaravamse laggitam anojapupphadamasadisam rattavakaciram gahetva nivasetva
tassa upari aparam suvannavannam vakaciram paridahitva punnagapupphasantharasadisam sakhuram
ajinacammam ekamsam katva jatamandalam patimuncitva culaya saddhim niccalabhavakaranattham
sarasucim pavesetva muttajalasadisaya sikkaya pavalavannakundikam odahitva
tisu thanesu vankakajam adaya ekissa kajakotiya kundikam, ekissa
ankusakapacchitidandakadini 2- olaggetva kharikajam 3- amse katva dakkhinena hatthena
kattaradandam gahetva pannasalato nikkhamitva satthihatthe mahacankame aparaparam
cankamanto attano vesam oloketva "mayham manoratho matthakam patto, sobhati vata me
pabbajja, buddhapaccekabuddhadihi sabbehi virapurisehi 4- vannita thomita ayam
pabbajja nama, pahinam me gihibandhanam, nikkhantosmi nekkhammam, laddha me
uttamapabbajja, karissami samanadhammam, labhissami maggaphalasukhan"ti ussahajato
kharikajam otaretva cankamavemajjhe muggavannasilapatte suvannapatima
viya nisinno divasabhagam vitinametva sayanhasamaye pannasalam
pavisitva vidalamancakapasse 5- katthattharikaya nipanno sariram
@Footnote: 1 cha.Ma. nirupabhogabhavo       2 Si. ankusapacchitidandakadini
@3 Si. kharibharam. evamuparipi    4 cha.Ma. dhirapurisehi     5 Ma. birala...
Utum gahapetva balavapaccusasamaye pabujjhitva attano agamanam avajjesi "soham
gharavase adinavam disva amitabhogam anantayasam pahaya arannam pavisitva
nekkhammagavesako 1- hutva pabbajito, ito patthaya pamadacaram caritum na vattati,
pavivekam hi pahaya vicarantam micchavitakkamakkhika khadanti, idani maya
pavivekamanubruhitum vattati, aham hi gharavasapalibodham 2- disva nikkhanto, ayanca
manapa pannasala, beluvapakkavanna paribhandakata bhumi, rajatavanna setabhittiyo,
kapotapadavannam pannacchadanam, vicittattharanavanno vidalamancako, nivasaphasukam vasanatthanam,
na ito atirekatara viya me gehasampada pannayati"ti pannasalaya dose vicinanto
attha dose passi. Pannasalaparibhogasmim hi attha adinava:- mahasamarambhena 3-
dabbasambhare samodhanetva karanapariyesanabhavo eko adinavo, tinapannamattikasu
patitasu tasam punappunam thapetabbataya nibaddham patijagganabhavo dutiyo, senasanam
nama mahallakassa papunati, avelaya vutthapiyamanassa cittekaggata na hotiti
utthapaniyabhavo tatiyo, situnhapatighatena kayassa sukhumalakaranabhavo catuttho, geham
pavitthena yankinci papam katum sakkati garahapaticchadanabhavo pancamo, "mayham
gehan"ti pariggahakaranabhavo chattho, gehassa atthibhavo namesa dutiyikavaso
viyati sattamo, okamankunagharagolikadinam 4- sadharanataya bahusadharanabhavo atthamoti
ime attha adinave disva mahasatto pannasalam pajahi. Tenaha "atthadosasamakinnam,
pajahim pannasalakan"ti.
     Upagamim rukkhamulam, gunehi dasahupagatanti channam patikkhipitva dasahi gunehi
upetam rukkhamulam upagatosmiti vadati.
     Tatrime dasa guna:- appasarambhata 5- eko guno, upagamanamattameva hi
tattha hotiti. Appatijagganata dutiyo, tam hi sammatthampi asammatthampi paribhogaphasukam
hotiyeva. Anutthapaniyabhavo tatiyo, garaham na paticchadeti, tattha hi papam karonto
@Footnote: 1 Si. nekkhammam gavesanto   2 cha. gharavasam palibodhato, Ma. gharavasapalibodhato adinavam
@3 Ma. mahasambharena       4 cha.Ma. ukamangulagharagolikadinam, Si.
@ukamankunagharagolikadinam      5 cha. appasamarambhata, Ma. appasambharata
Lajjatiti garahaya appaticchadanabhavo catuttho, abbhokasavaso viya kayam na
santhambhetiti kayassa asanthambhanabhavo pancamo, pariggahakaranabhavo chattho,
gehalayapatikkhepo sattamo, bahusadharane gehe viya "patijaggissami nam, nikkhamatha"ti
niharanabhavo atthamo, vasantassa sappitikabhavo navamo, rukkhamulasenasanassa
gatagatatthane sulabhataya anapekkhabhavo dasamoti, ime dasa gune disva rukkhamulam
upagatosmiti vadati.
     Imani ettakani karanani sallakkhetva mahasatto punadivase bhikkhaya
gamam pavisi. Athassa sampattagame manussa mahantena ussahena bhikkham adamsu. So
bhattakiccam nitthapetva assamam agamma nisiditva cintesi "naham `aharam na
labhami'ti pabbajitosmi, siniddhaharo namesa manamadapurisamade vaddheti,
aharamulakassa ca dukkhassa anto natthi, yannunaham vapitaropitadhannanibbattam aharam
pajahitva 1- niravasesato anekagunasampannam pavattaphalamadiyinti
vapitaropitadhannanibbattam aharam pajahitva  1- pavattaphalabhojano 2-
bhaveyyan"ti. So tato patthaya tatha katva ghatento vayamanto
sattahabbhantare attha  samapattiyo panca ca abhinnayo nibbattesi.
Tena vuttam:-
        "vapitam ropitam dhannam           pajahim niravasesato
        anekagunasampannam              pavattaphalamadiyim.
        Tatthappadhanam padahim             nisajjatthanacankame
        abbhantaramhi sattahe          abhinnabala papunin"ti.
        Evam me siddhipattassa          vasibhutassa sasane
        dipankaro nama jino           uppajji lokanayako.
        Uppajjante ca jayante        bujjhante dhammadesane
        caturo nimitte nadakkhim 3-      jhanaratisamappito.
@Footnote: 1-1 cha.Ma. ime patha na dissanti    2 Si. pavattaphalabhoji   3 cha.Ma.  naddasam
        Paccantadesavisaye             nimantetva tathagatam
        tassa agamanam maggam            sodhenti tutthamanasa.
        Ahantena samayena             nikkhamitva sakassama
        dhunanto vakacirani            gacchami ambare tada.
        Vedajatam janam disva           tutthahattham pamoditam
        orohitvana gagana           manusse pucchi tavade.
        Tutthahattho pamudito            vedajato mahajano
        kassa sodhiyate 1- maggo 2-    anjasam vatumayanam.
        Te me puttha viyakamsu 3-      buddho loke anuttaro
        dipankaro nama jino           uppajji lokanayako
        tassa sodhiyate maggo          anjasam vatumayanam.
        Buddhoti mama 4- sutvana        piti uppajji tavade
        buddho buddhoti kathayanto        somanassam pavedayim.
        Tattha thatva vicintesim          tuttho samviggamanaso
        idha bijani ropissam            khano ve ma upaccaga.
        Yadi buddhassa sodhetha           ekokasam dadatha me
        ahampi sodhayissami            anjasam vatumayanam.
        Adamsu te mamokase 5-        sodhetum anjasam tada
        buddho buddhoti cintento       maggam sodhemahantada.
        Anitthite mamokase           dipankaro mahamuni
        catuhi satasahassehi             chalabhinnehi tadihi
        khinasavehi vimalehi            patipajji anjasam jino.
@Footnote: 1 cha.Ma. sodhiyati      2 ka. maggam       3 ka. byakarimsu
@4 ka. namam, cha.Ma. vacanam       5 ka., cha.Ma., i. mamokasam
        Paccuggamana vattanti           vajjanti bheriyo bahu
        amodita naramaru             sadhukaram pavattayum.
        Deva manusse passanti         1- manussa passanti devata 1-
        ubhopi te panjalika           anuyanti tathagatam.
        Deva dibbehi turiyehi         manussa manussakehi 2- ca
        ubhopi te vajjayanta          anuyanti tathagatam.
        Dibbam mandaravam puppham           padumam parichattakam
        disodisam okiranti             3- akase nabhaga 3- maru.
        Dibbam candanacunnanca            varagandhanca kevalam
        disodisam okiranti 4-          akase nabhaga maru.
        Campakam salalam nipam              nagapunnagaketakam
        disodisam ukkhipanti             bhumitalagata  naRa.
        Kese muncitvaham tattha         vakaciranca cammakam
        kalale pattharitvana            avakujjo nipajjaham.
        Akkamitvana mam buddho          saha sissehi gacchatu
        ma nam kalalam 5- akkamittha 6-    hitaya me bhavissati.
        Pathaviyam nipannassa              evam me asi cetaso
        icchamano aham ajja           kilese jhapaye mama. 7-
        Kim me annatavesena          dhammam sacchikatenidha
        sabbannutam papunitva           buddho hessam  sadevake.
@Footnote: 1-1 cha.Ma., i.,ka. manussapi ca devata
@2 cha. manusehi    3-3 cha. akasanabhagata. evamuparipi
@4 ka. okkhipanti   5 ka., cha.Ma., i. kalale   6 Si. akkamittho
@7 ka. ghatissamaham
        Kim me ekena tinnena         purisena thamadassina
        sabbannutam papunitva           santaressam sadevake. 1-
        Imina me adhikarena          2- katena purisuttame 2-
        sabbannutam papunami 3-         taremi janatam bahum.
        Samsarasotam chinditva           viddhamsetva tayo bhave
        dhammanavam samaruyha            santaressam sadevake.
        Dipankaro lokavidu             ahutinam patiggaho
        ussisake mam thatvana           idam vacanamabravi.
        Passatha imam tapasam             jatilam uggatapanam
        aparimeyye ito kappe        buddho loke bhavissati.
        Ahu kapilavhaya ramma          nikkhamitva tathagato
        padhanam padahitvana             katva dukkarakarikam.
        Ajapalarukkhamulasmim             nisiditva tathagato
        tattha payasam paggayha          neranjaramupehiti.
        Neranjaraya tiramhi            payasam ada so jino
        patiyattavaramaggena             bodhimulamupehiti.
        Tato padakkhinam katva           bodhimandam anuttaram 4-
        assattharukkhamulamhi 5-          bujjhissati mahayaso.
        Imassa janika mata           maya nama bhavissati
        pita suddhodano nama          ayam hessati gotamo.
@Footnote: 1 cha.Ma. sadevakam. evamuparipi  2-2 ka. purisena thamadassina  3  ka.,cha.Ma. papunitva
@4 cha. anuttaro    5 ka. assatthamule sambuddho
        Anasava vitaraga             santacitta samahita
        kolito upatisso ca            agga hessanti savaka
        anando namupatthako          upatthissatimam jinam.
        Khema uppalavanna ca           agga hessanti savika
        anasava vitaraga             santacitta samahita
        bodhi tassa bhagavato             assatthoti pavuccati.
        Citto ca hatthalavako           agga hessantupatthaka
        nandamata ca uttara           agga hessantupatthika
        1- ayu vassasatam tassa          gotamassa yasassino. 1-
        Idam sutvana vacanam              asamassa mahesino
        amodita naramaru              buddhavijankuro 2- ayam.
        Ukkutthisadda vattanti           apphotenti hasanti ca
        katanjali namassanti              dasasahassi sadevaka.
        Yadimassa lokanathassa            virajjhissama sasanam
        anagatamhi addhane            hessama sammukha imam.
        Yatha manussa nadim taranta        patitittham virajjhiya
        hettha tittham 3- gahetvana      uttaranti mahanadim.
        Evameva mayam sabbe            yadi muncamimam jinam
        anagatamhi addhane            hessama sammukha imam.
        Dipankaro lokavidu              ahutinam patiggaho
        mama kammam pakittetva           dakkhinapadamuddhari.
@Footnote: 1-1 cha.Ma. ime patha na dissanti   2 cha.Ma. buddhabijam kira   3 cha.Ma. titthe
        Ye tattha asum jinaputta         sabbe padakkhinamakamsu mam
        1- nara naga ca gandhabba 1-   abhivadetvana pakkamum.
        Dassanam me atikkante           sasamghe lokanayake
        2- tutthahatthena cittena         asana vutthahim tada. 2-
        Sukhena sukhito homi             pamojjena pamodito
        pitiya ca abhissanno            pallankam abhujim tada.
        Pallankena nisiditva            evam cintesaham tada
        vasibhuto aham jhane             abhinnaparamim gato.
        Sahassiyamhi lokamhi 3-          isayo natthi me sama
        asamo iddhidhammesu             alabhim idisam sukham.
        Pallankabhujane mayham            dasasahassadhivasino 4-
        mahanadam pavattesum             dhuvam buddho bhavissasi.
        Ya pubbe bodhisattanam          pallankavaramabhuje
        nimittani padissanti             tani ajja padissare.
        Sitam byapagatam 5- hoti          unhanca upasammati
        tani ajja padissanti            dhuvam buddho bhavissasi.
        Dasasahassi lokadhatu             nissadda honti nirakula
        tani ajja padissanti            dhuvam buddho bhavissasi.
@Footnote: 1-1 deva manussa asura yakkha (khu.buddha. 33/76/455)
@2-2 sayana vutathahitvana pallankam abhujim tada (khu.buddha. 33/77/455)
@3 cha.Ma. dasasahassilokamhi       4 ka. dasasahassivasino     5 cha.Ma. byapagatam
        Mahavata na vayanti           na sandanti savantiyo
        tani ajja padissanti            dhuvam buddho bhavissasi.
        Thalaja jalaja 1- puppha         sabbe pupphanti tavade
        tepajja pupphita sabbe          dhuvam buddho bhavissasi.
        Lata va yadi va rukkha         phalabhara 2- honti tavade
        tepajja phalita sabbe           dhuvam buddho bhavissasi.
        Akasattha ca bhummattha         ratana jotanti tavade
        tepajja ratana jotanti          dhuvam buddho bhavissasi.
        Manussaka 3- ca dibba ca       turiya vajjanti tavade
        tepajjubho abhiravanti            dhuvam buddho bhavissasi.
        Vicittapuppha gagana             abhivassanti tavade
        tepi ajja pavassanti            dhuvam buddho bhavissasi.
        Mahasamuddo abhujati            dasasahassi pakampati
        tepajjubho abhiravanti            dhuvam buddho bhavissasi.
        Nirayepi dasasahasse             aggi nibbanti tavade
        tepajja nibbuta aggi           dhuvam buddho bhavissasi.
        Vimalo hoti suriyo             sabba dissanti taraka
        tepi ajja padissanti            dhuvam buddho bhavissasi.
        Anovutthena 4- udakam           mahiya ubbhijji tavade
        tam pajjubbhijjate mahiya          dhuvam buddho bhavissasi.
@Footnote: 1 cha.Ma., i. dakaja    2 ka. phaladhara   3 Si. manusaka    4 cha.Ma. anovatthena
        Taragana virocanti            nakkhatta gaganamandale
        visakha candimayutta           dhuvam buddho bhavissasi.
        Bilasaya darisaya              nikkhamanti sakasaya
        tepajja asaya  chuddha 1-      dhuvam buddho  bhavissasi.
        Na hoti arati sattanam           santuttha honti tavade
        tepajja sabbe santuttha         dhuvam  buddho bhavissasi.
        Roga tadupasammanti             jighaccha ca vinassati
        tanipajja padissanti             dhuvam buddho bhavissasi.
        Rago tada tanu hoti           doso moho vinassati
        tepajja vigata sabbe           dhuvam buddho bhavissasi.
        Bhayam tada na bhavati              ajjapetam padissati
        tena lingena janama           dhuvam buddho bhavissasi.
        Rajonuddhamsati uddham              ajjapetam padissati
        tena lingena janama           dhuvam buddho  bhavissasi.
        Anitthagandho pakkamati            dibbagandho pavayati
        sopajja vayati gandho           dhuvam buddho bhavissasi.
        Sabbe deva padissanti          thapayitva arupino
        tepajja sabbe dissanti          dhuvam buddho bhavissasi.
        Yavata niraya nama            sabbe dissanti tavade
        tepajja sabbe dissanti          dhuvam buddho bhavissasi.
@Footnote: 1 ka. vuttha
        Kudda 1- kavata sela ca      na hontavarana tada
        akasabhuta tepajja            dhuvam buddho bhavissasi.
        Cuti ca upapatti ca              khane tasmim na vijjati
        tani ajja padissanti            dhuvam buddho bhavissasi.
        2- Ime nimitta dissanti        sambodhatthaya paninam 2-
        dalham pagganha viriyam             ma nivatta abhikkama
        mayampetam vijanama             dhuvam buddho bhavissasi.
        Buddhassa vacanam sutva            dasasahassina cubhayam
        tutthahattho pamudito             evam cintesaham tada.
        Advejjhavacana buddha           amoghavacana jina
        vitatham natthi buddhanam             dhuvam buddho bhavamaham.
        Yatha khittam nabhe leddu          dhuvam patati bhumiyam
        tatheva buddhasetthanam            vacanam dhuvasassatam.
        Yathapi sabbasattanam             maranam dhuvasassatam
        tatheva buddhasetthanam            vacanam  dhuvasassatam.
        Yatha rattikkhaye patte          suriyuggamanam 3- dhuvam
        tatheva buddhasetthanam            vacanam dhuvasassatam.
        Yatha nikkhantasayanassa            sihassa nadanam dhuvam
        tatheva buddhasetthanam            vacanam dhuvasassatam.
        Yatha apannasattanam            bharamoropanam dhuvam
        tatheva buddhasetthanam            vacanam dhuvasassatam.
@Footnote: 1 cha.Ma. kutta   2-2 cha.Ma. ime patha na dissanti   3 Si. suriyassuggamanam
        Handa buddhakare dhamme           vicinami ito cito
        uddham adho dasadisa             yavata dhammadhatuya.
        Vicinanto tada dakkhim            pathamam danaparamim
        pubbakehi mahesihi              anucinnam mahapatham.
        Imam tvam pathamam tava             dalham katva samadiya
        danaparamitam gaccha              yadi bodhim pattumicchasi.
        Yathapi kumbho sampunno          yassa kassaci adhokato
        vamatevudakam nissesam             na tattha parirakkhati.
        Tatheva yacake disva           hinamukkatthamajjhime
        dadahi danam nissesam            kumbho viya adhokato.
        Na hete ettakayeva          buddhadhamma bhavissare
        annepi vicinissami             ye dhamma bodhipacana.
        Vicinanto tada dakkhim            dutiyam silaparamim
        pubbakehi mahesihi              asevitam nisevitam.
        Imam tvam dutiyam tava             dalham katva samadiya
        silaparamitam gaccha               yadi bodhim pattumicchasi.
        Yathapi camari valam 1-          kisminci patilaggitam
        upeti maranam tattha              na vikopeti valadhim.
        Tatheva catusu bhumisu              silani paripuraya
        parirakkha sada silam              camari viya valadhim.
@Footnote: 1 cha.Ma. camari valam, ka. camaribalam
        Na hete ettakayeva          buddhadhamma bhavissare
        annepi vicinissami             ye dhamma bodhipacana.
        Vicinanto tada dakkhim            tatiyam nekkhammaparamim
        pubbakehi mahesihi              asevitam nisevitam.
        Imam tvam tatiyam tava             dalham katva samadiya
        nekkhammaparamitam 1- gaccha        yadi bodhim pattumicchasi.
        Yatha andughare puriso           2- ciravuttho dukkhattito 2-
        na tattha ragam janeti            muttimyeva gavesati.
        Tatheva tvam sabbabhave            passa andugharam viya
        nekkhammabhimukho hohi           bhavato parimuttiya.
        Na hete ettakayeva          buddhadhamma bhavissare
        annepi vicinissami             ye dhamma bodhipacana.
        Vicinanto tada dakkhim            catuttham pannaparamim
        pubbakehi mahesihi              asevitam nisevitam.
        Imam tvam catuttham tava            dalham katva samadiya
        pannaparamitam gaccha             yadi bodhim pattumicchasi.
        Yathapi bhikkhu bhikkhanto           hinamukkatthamajjhime
        kulani na vivajjento           evam labhati yapanam.
        Tatheva tvam sabbakalam            paripucchanto 3- budham janam
        pannaparamitam gantva           sambodhim papunissasi.
@Footnote: 1 Si. nekkhammaparamim    2-2 ka. ciravuttho dukkhatthito   3 cha.Ma. paripuccham
        Na hete ettakayeva          buddhadhamma bhavissare
        annepi vicinissami             ye dhamma bodhipacana.
        Vicinanto tada dakkhim            pancamam viriyaparamim
        pubbakehi mahesihi              asevitam nisevitam.
        Imam tvam pancamam tava            dalham katva samadiya
        viriyaparamitam gaccha              yadi bodhim pattumicchasi.
        Yathapi siho migaraja           nisajjatthanacankame
        alinaviriyo hoti               paggahitamano sada.
        Tatheva tvam sabbabhave            pagganha viriyam dalham
        viriyaparamitam gantva            sambodhim papunissasi.
        Na hete ettakayeva          buddhadhamma bhavissare
        annepi vicinissami             ye dhamma bodhipacana.
        Vicinanto tada dakkhim            chatthamam khantiparamim
        pubbakehi mahesihi              asevitam nisevitam.
        Imam tvam chatthamam tava            dalham katva samadiya
        tattha advejjhamanaso 1-        sambodhim papunissasi.
        Yathapi pathavi nama              sucimpi asucimpi ca
        sabbam sahati nikkhepam             na karoti patighaddayam. 2-
        Tatheva tvampi sabbesam           sammanavamanakkhamo 3-
        khantiparamitam gantva            sambodhim papunissasi.
@Footnote: 1 ka. advejjhapanaso  2 ka. patighadvayam, cha.Ma. patigham taya  3 Ma. sammanavimanakkhamo
        Na hete ettakayeva           buddhadhamma bhavissare
        annepi vicinissami              ye dhamma bodhipacana.
        Vicinanto tada dakkhim             sattamam saccaparamim
        pubbakehi mahesihi               asevitam nisevitam.
        Imam tvam sattamam tava             dalham katva samadiya
        tattha advejjhavacano             sambodhim papunissasi.
        Yathapi osadhi nama              tulabhuta sadevake
        samaye utuvasse va             na vokkamati 1- vithito.
        Tatheva tvampi saccesu            ma vokkamasi 2- vithito
        saccaparamitam gantva             sambodhim papunissasi.
        Na hete ettakayeva           buddhadhamma bhavissare
        annepi vicinissami              ye dhamma bodhipacana.
        Vicinanto tada dakkhim             atthamam adhitthanaparamim
        pubbakehi mahesihi               asevitam nisevitam.
        Imam tvam atthamam tava             dalham katva samadiya
        tattha tvam niccalo 3- hutva       sambodhim papunissasi.
        Yathapi pabbato selo            acalo supatitthito
        na kampati bhusavatehi             sakatthaneva titthati.
        Tatheva tvampi adhitthane          sabbada acalo bhava
        adhitthanaparamitam gantva          sambodhim papunissasi.
        Na hete ettakayeva           buddhadhamma bhavissare
        annepi vicinissami              ye dhamma bodhipacana.
@Footnote: 1 Si. na okkamati      2 Si. ma okkami hi     3 ka., cha.Ma. acalo
        Vicinanto tada dakkhim             navamam mettaparamim
        pubbakehi mahesihi               asevitam nisevitam.
        Imam tvam navamam tava              dalham katva samadiya
        mettaya asamo hohi            yadi bodhim pattumicchasi.
        Yathapi udakam nama               kalyane papake jane
        samam pharati sitena                pavaheti rajomalam.
        1- Tatheva tvam ahite hite 1-     samam mettaya bhavaya
        mettaparamitam gantva           sambodhim papunissasi.
        Na hete ettakayeva           buddhadhamma bhavissare
        annepi vicinissami              ye dhamma bodhipacana.
        Vicinanto tada dakkhim             dasamam upekkhaparamim
        pubbakehi mahesihi               asevitam nisevitam.
        Imam tvam dasamam tava              dalham katva samadiya
        tulabhuto dalho hutva           sambodhim papunissasi.
        Yathapi pathavi nama               nikkhittam asucim sucim
        upekkhati ubhopete             kopanunayavajjita.
        Tatheva tvampi sukhadukkhe           tulabhuto sada bhava
        upekkhaparamitam gantva          sambodhim papunissasi.
        Ettakayeva te loke          ye dhamma bodhipacana
        tatuddham 2- natthi annatra          dalham tattha patitthahi. 3-
@Footnote: 1-1 cha.Ma. tatheva tvampi hitahite    2 Si. taduddham     3 cha.Ma. patitthaha
        Ime dhamme sammasato            sabhavasarasalakkhane
        dhammatejena vasudha              dasasahassi pakampatha.
        Calati ravati pathavi 1-             ucchuyyantamva pilitam
        telayantam 2- yatha cakkam          evam kampati medani. 3-
        4- Samkhubhimsu samudda ca            girindo tattha onami
        onamitva sinerumhi             himhimsaddo pavattati. 4-
        Yavata parisa asi             buddhassa parivesane
        pavedhamana sa  tattha           mucchita seti bhumiyam.
        Ghatanekasahassani               kumbhinanca sata bahu
        sancunnamathita tattha              annamannam paghattita. 5-
        Ubbhigga tasita bhita            bhanta byathitamanasa 6-
        mahajana samagamma              dipankaramupagamum.
        Kim bhavissati lokassa              kalyanamatha papakam
        sabbo upadduto 7- loko        tam vinodehi cakkhuma.
        Tesam tada sannapesi            dipankaro mahamuni
        visattha hotha ma bhatha           imasmim pathavikampane.
        Yamaham ajja byakasim             buddho loke  bhavissati
        eso sammasati dhammam             pubbakam jinasevitam.
        Tassa sammasato dhammam             buddhabhumim asesato
        tenayam kampita pathavi            dasasahassi sadevake.
@Footnote: 1 cha.Ma. calata ravati pathavi      2 cha.Ma. telayante     3 cha. medini
@4-4 cha.Ma. ime patha na dissanti    5 Si. annamannupaghattita
@6 ka. byatthitamanasa, Ma. byadhitamanasa    7 ka. upaddavo
        Buddhassa vacanam sutva             mano nibbayi tavade
        sabbe mam upasankamma             punapi abhivandisum. 1-
        Samadayitva buddhagunam             dalham katvana manasam
        dipankaram namassitva              asana vutthahim tada.
        Dibbam manussikam 2- puppham          deva manusaka ubho
        samokiranti pupphehi              vutthahantassa asana.
        Vedayanti ca te sotthim           deva manusaka ubho
        mahantam patthitam tuyham              tam labhassu yathicchitam.
        Sabbitiyo vivajjantu              soko rogo vivajjatu 3-
        ma te bhavatvantarayo 4-        phussa khippam bodhimuttamam.
        Yathapi samaye sampatte           pupphanti pupphino duma
        tatheva tvam mahavira              buddhananena pupphasi. 5-
        Yatha ye keci sambuddha          purayum dasaparami
        tatheva tvam mahavira              purehi dasaparami.
        Yatha ye keci sambuddha          bodhimandamhi bujjhare
        tatheva tvam mahavira              bujjhassu jinabodhiyam.
        Yatha ye keci sambuddha          dhammacakkam pavattayum
        tatheva tvam mahavira              dhammacakkam pavattaya. 6-
        Punnamayam 7- yatha cando         parisuddho virocati
        tatheva tvam punnamano             viroca dasasahassiyam.
@Footnote: 1 Si. abhivadayum            2 cha.Ma. manusakam          3 cha.Ma. vinassatu
@4 cha.Ma. bhavantvantaraya     5 cha.Ma. pupphasu           6 Ma. pavattasu
@7 cha.Ma. punnamaye
        Rahumutto yatha suriyo            tapena atirocati
        tatheva loka muncitva            viroca siriya tuvam.
        Yatha ya kaci nadiyo             osaranti mahodadhim
        evam sadevaka loka             osarantu tavantike.
        Tehi thutippasattho 1- so          dasa dhamme samadiya
        te dhamme paripurento            pavanam pavisi tada.
                       Sumedhakatha nitthita.
        Tada te bhojayitvana             sasamgham lokanayakam
        upaganchum 2- saranam tassa            dipankarassa satthuno.
        Saranagamane kanci                nivesesi tathagato
        kanci pancasu silesu               sile dasavidhe param. 3-
        Kassaci deti samannam              caturo phalamuttame
        kassaci asame dhamme              deti so patisambhida.
        Kassaci varasamapattiyo             attha deti narasabho
        tisso kassaci vijjayo            chalabhinna pavecchati.
        Tena yogena janakayam             ovadati mahamuni
        tena vittharitam 4- asi           lokanathassa sasanam.
        Mahahanusabhakkhandho                dipankarassa namako
        bahu jane tarayati                parimoceti duggatim.
@Footnote: 1 cha.Ma. thutappasattho               2 cha.Ma. upagacchum
@3 ka. varam                       4 cha. vittharikam. evamuparipi
        Bodhaneyyajanam disva              satasahassepi yojane
        khanena upagantvana               bodheti tam mahamuni.
        Pathamabhisamaye buddho              kotisatamabodhayi
        dutiyabhisamaye natho              navutikotimabodhayi. 1-
        Yada ca devabhavanamhi              buddho dhammamadesayi
        navutikotisahassanam                tatiyabhisamayo ahu.
        Sannipata tayo asum             dipankarassa satthuno
        kotisatasahassanam                 pathamo asi samagamo.
        Puna naradakutamhi                 pavivekagate jine
        khinasava vitamala                samimsu satakotiyo.
        Yamhi kale 2- mahaviro          sudassanasiluccaye
        navutikotisahassehi                pavaresi mahamuni. 3-
        Ahantena samayena                jatilo uggatapano
        antalikkhamhi carano               pancabhinnasu paragu.
        Dasavisasahassanam                  dhammabhisamayo ahu
        ekadvinnam abhisamayo 4-           gananato asankhiyo. 5-
        Vittharitam bahujannam                iddham phitam ahu tada
        dipankarassa bhagavato               sasanam suvisodhitam.
        Cattari satasahassani              chalabhinna mahiddhika
        dipankaram lokavidum                 parivarenti sabbada.
@Footnote: 1 ka. satasahasasam abodhayi      2 ka.,Si. yada vasi     3 ka.,Si. tada muni
@4 cha.Ma. abhisamaya          5 cha.Ma. asankhiya
        Ye keci tena samayena           jahanti manusambhavam
        appattamanasa sekha            garahita bhavanti te.
        Supupphitam pavacanam                arahantehi tadihi
        khinasavehi vimalehi              upasobhati sadevake.
        Nagaram rammavati nama              sudevo nama khattiyo
        sumedha nama janika             dipankarassa satthuno.
        Sumangalo ca tisso ca            ahesum aggasavaka
        sagato 1- namupatthako         dipankarassa satthuno.
        Nanda ceva sunanda ca           ahesum aggasavika
        bodhi tassa bhagavato              pipphaliti pavuccati.
        Asitihattham ubbedho              dipankaramahamuni
        sobhati diparukkhova               salarajava pupphito
        pabha vidhavati tassa              samanta dvadasayojane.
        Satasahassavassani                ayu tassa mahesino
        tavata titthamano so           taresi janatam bahum.
        Jotayitvana saddhammam             santaretva mahajanam
        jaletva aggikkhandhova           nibbuto so sasavako.
        Sa ca iddhi so ca yaso          tani ca padesu cakkaratanani
        sabbam samantarahitam 2-             nanu ritta sabbasankharati.
                      Dipankaravatthuka pathama
@Footnote: 1 Ma. sobhito       2 cha.Ma. tamantarahitam
     Dipankarassa pana bhagavato aparabhage ekam asankheyyam atikkamitva kondanno
nama sattha udapadi. Tassapi tayo savakasannipata ahesum. Pathamasannipate
kotisatasahassam, dutiye kotisahassam, tatiye navutikotiyo.
     Tada bodhisatto vijitavi nama cakkavatti hutva kotisatasahassasankhayassa 1-
buddhappamukhassa bhikkhusamghassa mahadanam adasi. Sattha bodhisattam "buddho bhavissati"ti
byakaritva dhammam desesi. So satthu dhammakatham sutva rajjam niyyadetva pabbaji.
So tini pitakani uggahetva attha samapattiyo panca ca abhinnayo uppadetva
aparihinajjhano brahmaloke nibbatti. Kondannabuddhassa pana rammavati
nama nagaram, sunando nama khattiyo pita, sujata nama mata, bhaddo ca
subhaddo ca dve aggasavaka, anuruddho namupatthako, tissa ca upatissa ca
dve aggasavika,  salakalyani nama bodhi, atthasitihatthubbedham sariram,
vassasatasahassam ayuppamanam ahosi.
     Tassa aparabhage ekam asankheyyam atikkamitva ekasmimyeva kappe cattaro
buddha nibbattimsu mangalo sumano revato sobhitoti. Mangalassa pana bhagavato
tisu savakasannipatesu pathamasannipate kotisatasahassabhikkhu ahesum. Dutiye kotisahassam.
Tatiye navutikotiyo. Vematikabhata kirassa 2- anandakumaro nama navutikotisankhyaya
parisaya saddhim dhammassavanatthaya satthu santikam agamasi, sattha tassa anupubbikatham
kathesi. So saddhim parisaya saha patisambhidahi arahattam papuni. Sattha tesam kulaputtanam
pubbacaritam 3- olokento iddhimayapattacivarassa upanissayam disva dakkhinahattham
pasaretva "etha bhikkhavo"ti aha. Sabbe tamkhananneva iddhimayapattacivaradhara
satthivassikatthero 4- viya akappasampanna hutva sattharam vanditva parivarayimsu.
Ayamassa tatiyo savakasannipato ahosi.
     Yatha pana annesam buddhanam samanta asitihatthappamanayeva sarirappabha
ahosi, 5- na evam tassa. Tassa  pana bhagavato sarirappabha niccakalam dasasahassilokadhatum
@Footnote: 1 cha.Ma. kotisatasahassasankhassa     2 cha. panassa     3 cha.Ma. pubbacariyakam
@4 cha.Ma. satathivassikatthera, Si. satthivassathera       5 cha.Ma. hoti
Pharitva atthasi. Rukkhapathavipabbatasamuddadayo antamaso ukkhaliyadini upadaya
suvannapatapariyonaddha viya ahesum. Ayuppamanam panassa navutivassasahassani ahesum. 1-
Ettakam kalam candimasuriyadayo attano pabhaya virocitum nasakkhimsu, rattindivap-
paricchedo na pannayittha. Diva suriyalokena viya satta niccam buddhalokeneva
vicarimsu. Sayam pupphitanam kusumanam pato ravanasakunananca 2- vasena loko
rattindivapparicchedam sallakkhesi. Kim pana annesam buddhanam ayamanubhavo natthiti?
no natthiti. Tepi hi akankhamana dasasahassilokadhatum tato va bhiyyo abhaya phareyyum.
Mangalassa pana bhagavato pubbapatthanavasena annesam byamappabha viya sarirappabha
niccameva dasasahassilokadhatum pharitva atthasi.
     So kira bodhisattacariyakale vessantarasadise attabhave thito saputtadaro
vankatapabbatasadise 3- pabbate vasi. Atheko kharadathiko nama yakkho mahapurisassa
danajjhasayatam sutva brahmanavannena upasankamitva mahasattam dve darake yaci.
Mahasatto "dadami brahmanassa puttake"ti hatthapahattho udakapariyantam pathavim
kampetva 4- dve darake adasi. Yakkho cankamanakotiyam alambanaphalakam nissaya thatva
passantasseva mahasattassa mulakalapam 5- viya dve darake khadi. Mahapurisassa yakkham
oloketva mukhe vivatamatte aggijalam viya lohitadharam ugghiramanam  tassa mukham
disvapi kesaggamattampi domanassam na uppajji, "sudinnam vata me danan"ti
cintayato panassa sarire mahantam pitisomanassam udapadi. So "imassa me nissandena
anagate imina niharena sarirato rasmiyo nikkhamantu"ti patthanamakasi. Tassa tam
nissaya buddhabhutassa sarirato rasmiyo nikkhamitva ettakam thanam pharimsu.
     Aparampissa pubbacaritam atthi. So kira bodhisattakale ekassa buddhassa cetiyam
disva "imassa buddhassa maya jivitam pariccajitum vattati"ti dandakadipikavethananiyamena
sakalasariram vethapetva ratanamattamakutasatasahassaghatikam 6- suvannapatim sappissa purapetva
@Footnote: 1 cha.Ma. ahosi         2 cha.Ma. ravanakasakunananca, Si. ravanasakunadinanca
@3 cha.Ma. vankapabbatasadise   4 cha.Ma. kampento
@5 cha. mulalakalapam  6 cha.Ma. ratanamattamakulam satasahassagghanikam
Tattha sahassavattiyo jalapetva tam sisenadaya sakalasariram jalapetva cetiyam padakkhinam
karonto sakalarattim vitinamesi. Evam yava arunuggamana vayamantassapissa
lomakupamattampi usumam na ganhi, padumagabbhapavitthakalo viya ahosi. Dhammo hi namesa
attanam rakkhantam rakkhati. Tenaha bhagava:-
                   dhammo have rakkhati dhammacarim
                   dhammo sucinno sukhamavahati
                   esanisamso dhamme sucinne
                   na duggatim gacchati dhammacariti. 1-
     Imassapi kammassa nissandena tassa bhagavato sarirobhaso dasasahassilokadhatum
pharitva atthasi.
    Tada amhakam bodhisatto suruci nama brahmano hutva "sattharam nimantessami"ti
upasankamitva madhuradhammakatham sutva "sve mayham bhikkham ganhatha bhante"ti
aha. Brahmana kittakehi te bhikkhuhi atthoti, kittaka pana vo bhante parivara
bhikkhuti. Tada satthu pathamasannipatoyeva hoti. Tasma "kotisatasahassan"ti aha.
"bhante sabbehipi saddhim mayham bhikkham ganhatha"ti aha. Sattha adhivasesi. Brahmano
svatanaya nimantetva geham gacchanto cintesi "aham ettakanam bhikkhunam
yagubhattavatthadini datum no na sakkomi, nisidanatthanam pana katham bhavissati"ti. Tassa sa
cinta caturasitiyojanasahassamatthake thitassa devaranno pandukambalasilasanassa
unhabhavam janeti. 2- Sakko "ko nu kho mam imamha thana cavetukamo"ti
dibbacakkhuna olokento mahapurisam disva "ayam surucibrahmano buddhappamukham
bhikkhusamgham nimantetva nisidanatthaya cintesi, mayapi tattha gantva punnakotthasam
gahetum vattati"ti vaddhakivannam nimminitva vasipharasuhattho mahapurisassa purato
paturahosi. So "atthi nu kho kassaci bhatiya kattabbakiccan"ti aha. Mahapuriso
tam disva "kim kammam karissasi"ti aha. Mama ajananasippam nama natthi, geham va
@Footnote: 1 khu.thera. 26/303/318, khu.ja. 27/102/226, 27/385/378  2 cha.Ma. janesi
Mandapam va yo yam kareti, tassa tam katum janamiti. Tenahi mayham kammam atthiti.
Kim pana te ayyati. Svatanaya me kotisatasahassabhikkhu nimantita, tesam nisidanatthanam
mandapam 1- karissasiti. Aham nama kareyyam, sace me bhatim datum sakkhissathati.
Sakkhissami tatati. "sadhu karissami"ti gantva ekam padesam olokesi.
     Dvadasaterasayojanappamano padeso kasinamandalam viya samatalo ahosi. So
"ettake thane sattaratanamayo mandapo utthahatu"ti cintetva olokesi. Tavadeva
pathavim bhinditva mandapo utthahi. Tassa sovannamayesu thambhesu rajatamaya ghatika 2-
ahesum, rajatamayesu thambhesu sovannamaya, manimayesu pabalamaya ghatika, pabalathambhesu
manimaya, sattaratanamayesu sattaratanamaya ghatika ahesum. Tato "mandapassa antarantare 3-
kinkinikajalam olambatu"ti olokesi. Saha olokaneneva kinkinikajalam olambi,
yassa mandavateritassa pancangikasseva turiyassa madhurasaddo niccharati. 4-
Dibbasangitivattanakalo viya ahosi. "antarantara gandhadamamaladamani olambantu"ti
cintesi. Tavadeva damani olambimsu. "kotisatasahassasankhyanam bhikkhunam asanani ca
adharakani ca pathavim bhinditva utthahantu"ti cintesi. Tavadeva utthahimsu. "kone
kone 5- ekeka udakacatiyo utthahantu"ti cintesi, tavadeva udakacatiyopi
utthahimsu. Sakko ettakam mapetva brahmanassa santikam gantva "ehi
brahmana 6- tava mandapam oloketva mayham bhatim dehi"ti aha. Mahapuriso gantva
mandapam olokesi. Olokentassevassa sakalasariram pancavannaya pitiya nirantaram phuttham
ahosi, athassa mandapam oloketva etadahosi "nayam mandapo manussabhutena
kato, mayham pana ajjhasayagunam agamma addha sakkassa bhavanam unhamahosi, tato sakkena
devaranna ayam mandapo karito bhavissati"ti. "na kho pana me yuttam evarupe
mandape ekadivasamyeva danam datum, sattaham dassami"ti cintesi.
     Bahirakadanam hi kittakampi 7- samanam bodhisattanam tutthim katum na sakkoti.
Alankatasisam pana chinditva anjitaakkhini uppatetva hadayamamsam ubbattetva 8-
@Footnote: 1 cha.Ma. nisidanamandapam     2 cha.Ma. ghataka. evamuparipi     3 ka., Ma. antantena
@4 cha.Ma. niggacchati       5 Ma. konesu konesu         6 cha.Ma. ayya
@7 cha.Ma. tattakampi       8 cha.Ma. hadayamamsam va uppatetva
Dinnakale bodhisattanam cagam nissaya  tutthi nama hoti. Amhakampi hi bodhisattassa
sivirajajatake devasikam pancasatasahassakahapanani vissajjetva catusu nagaradvaresu majjhe
nagare ca danam 1- dentassa tam danacagam 1- tutthim uppadetum nasakkhi. Yada
panassa brahmanavannena agantva sakko devaraja akkhini yaci, tada tani
uppatetva dadamanasseva haso uppajji, kesaggamattam cittassa annathattam nahosi.
Evam danam nissaya bodhisattanam titti nama natthi. Tasma sopi mahapuriso
"sattaham maya kotisatasahassasankhyanam bhikkhunam danam datum vattati"ti cintetva
tasmim mandape buddhappamukham bhikkhusamgham nisidapetva sattaham gavapanam nama adasi.
Gavapananti mahante mahante kolumbe 2- khirassa puretva uddhanesu aropetva
ghanapakapakke khire thoke tandule pakkhipitva pakkamadhusakkaracunnasappihi abhisankhatam
bhojanam vuccati. Manussayeva pana parivisitum nasakkhimsu, devapi ekantarika hutva
parivisimsu. Dvadasaterasayojanappamanam thanam bhikkhu ganhitum nappahotiyeva. Te pana bhikkhu
attano anubhavena nisidimsu. Pariyosanadivase sabbesam bhikkhunam pattani dhovapetva
bhesajjatthaya sappinavanitatelamadhuphanitanam puretva ticivarehi saddhim adasi.
Samghanavakabhikkhuna laddhacivarasataka satasahassagghanika ahesum. Sattha anumodanam karonto
"ayam puriso evarupam mahadanam adasi, ko nu kho bhavissati"ti upadharento
"anagate kappasatasahassadhikanam dvinnam asankheyyanam matthake gotamo nama buddho
bhavissati"ti disva mahapurisam amantetva "tvam ettakam nama kalam atikkamitva
gotamo nama buddho bhavissasi"ti byakasi.
     Mahapuriso byakaranam sutva "aham kira buddho bhavissami, ko me
     gharavasena attho, pabbajissami"ti cintetva tatharupam sampattim khelapindam viya
pahaya satthu santike pabbaji. Pabbajitva ca buddhavacanam ugganhitva
abhinna ca samapattiyo ca nibbattetva ayuhapariyosane 3- brahmaloke nibbatti.
@Footnote: 1-1 cha.Ma. dadantassa tam danam   2 cha.Ma. kolambe    3 cha. ayupariyosane
     Mangalassa pana bhagavato nagaram uttaram nama ahosi, pitapi uttaro nama
khattiyo, matapi uttara nama, sudevo ca dhammaseno ca dve aggasavaka,
palito namupatthako, sivali 1- ca asoka ca dve aggasavika, nagarukkho bodhi,
atthasitihatthubbedham sariram ahosi. Navutivassasahassani thatva parinibbute pana tasmim
ekappahareneva dasasahassacakkavalani ekandhakarani ahesum. Sabbesu cakkavalesu
manussanam mahantam arodanaparidevanam ahosi.
     Evam dasasahassilokadhatum andhakaram katva parinibbutassa tassa bhagavato aparabhage
sumano nama sattha udapadi. Tassapi tayo savakasannipata. Pathamasannipate
kotisatasahassabhikkhu ahesum. Dutiye kancanapabbatamhi 2- navutikotisatasahassani, 3-
tatiye asitikotisatasahassani. Tada bodhisatto 4- atulo nama nagaraja ahosi mahiddhiko
mahanubhavo, so "buddho uppanno"ti sutva natisanghaparivuto nagabhavana
nikkhamitva kotisatasahassabhikkhuparivarassa tassa bhagavato dibbaturiyehi upaharam
karapetva mahadanam pavattetva paccekam dussayugani datva saranesu patitthasi.
Sopi nam sattha "anagate buddho bhavissasi"ti byakasi.
     Tassa bhagavato nagaram mekhalam nama ahosi, sudatto nama raja pita, sirima
nama mata, sarano ca bhavitatto ca dve aggasavaka, udeno namupatthako,
sona ca upasona ca dve aggasavika, nagarukkhova bodhi, navutihatthubbedham sariram,
navutiyeva vassasahassani ayuppamanam ahosi.
     Tassa aparabhage revato nama sattha udapadi. Tassapi tayo savakasannipata
ahesum, pathamasannipate ganana  nama natthi, dutiye kotisatasahassabhikkhu ahesum,
tatha tatiye. Tada bodhisatto atidevo nama brahmano hutva satthu dhammadesanam
sutva saranesu patitthaya sirasi anjalim patitthapetva tassa satthuno kilesappahane
vannam vatva uttarasangena pujam akasi. Sopi nam "buddho bhavissasi"ti byakasi.
     Tassa pana bhagavato nagaram sudhannavati nama ahosi, pita vipulo nama
khattiyo, mata vipula nama, varuno ca brahmadevo ca dve aggasavaka,
@Footnote: 1 cha.Ma. sivala        2 cha.Ma. kancanapabbatamhi
@3 cha.Ma. navutikotisahassani  4 cha.Ma. mahasatto
Sambhavo namupatthako, bhadda ca subhadda ca dve aggasavika, nagarukkho bodhi,
asitihatthubbedham sariram ahosi, ayu satthivassasahassaniti.
     Tassa aparabhage sobhito nama sattha udapadi. Tassapi tayo savakasannipata.
Pathamasannipate kotisatabhikkhu ahesum, dutiye navutikotiyo, tatiye asitikotiyo. Tada
bodhisatto ajito nama brahmano hutva satthu dhammadesanam sutva saranesu
patitthaya buddhappamukhassa bhikkhusamghassa mahadanam adasi. Sopi nam "buddho
bhavissasi"ti byakasi.
     Tassa pana bhagavato nagaram sudhammam nama ahosi, pita sudhammo nama raja,
mata sudhamma nama, asamo ca sunetto ca dve aggasavaka, anomo namupatthako,
nakula ca sujata ca dve aggasavika, nagarukkho bodhi, atthapannasahatthubbedham
sariram ahosi, navutivassasahassani ayuppamananti.
     Tassa aparabhage ekam asankheyyam atikkamitva ekasmim kappe tayo buddha
nibbattimsu anomadassi padumo naradoti. Anomadassissa pana bhagavato tayo
savakasannipata, pathame attha bhikkhusatasahassani ahesum, dutiye satta, tatiye cha. Tada
bodhisatto eko yakkhasenapati ahosi mahiddhiko mahanubhavo anekakotisatasahassanam
yakkhanam adhipati. So "buddho uppanno"ti sutva agantva buddhappamukhassa
bhikkhusamghassa mahadanam adasi. Satthapi nam "anagate buddho bhavissasi"ti byakasi.
     Anomadassissa pana bhagavato nagaram candavati nama ahosi, yasava nama raja
pita, yasodhara nama mata, nisabho ca anomo ca dve aggasavaka, varuno
namupatthako, sundari ca sumana ca dve aggasavika, ajjunarukkho bodhi,
atthapannasahatthubbedham sariram ahosi, vassasatasahassam ayuti.
     Tassa aparabhage padumo nama sattha udapadi. Tassapi tayo
savakasannipata, pathamasannipate kotisatasahassabhikkhu ahesum, dutiye
tini satasahassani, tatiye agamake aranne mahavanasandavasinam bhikkhunam
dve satasahassani. 1- Tada tathagate tasmimyeva vanasande
@Footnote: 1 ka. sahassani
Vasante bodhisatto siho hutva sattharam nirodhasamapattim samapannam disva pasannacitto
vanditva padakkhinam katva pitisomanassajato tikkhattum sihanadam naditva sattaham
buddharammanam pitim avijahitva pitisukheneva gocaraya apakkamitva jivitapariccagam
katva payirupasamano atthasi. Sattha sattahaccayena nirodha vutthito siham
oloketva "bhikkhusamghepi cittam pasadetva samgham vandissati"ti "bhikkhusamgho
agacchatu"ti cintesi. Bhikkhu tavadeva agamimsu. Siho samghe cittam pasadesi. 1-
Sattha tassamanasam oloketva "anagate buddho bhavissasi"ti byakasi.
     Padumassa pana bhagavato campakam nama nagaram ahosi, asamo nama raja
pita, matapi  asama nama, salo ca upasalo ca dve aggasavaka, varuno
namupatthako, rama ca surama  ca dve aggasavika, sonarukkho bodhi,
atthapannasahatthubbedham sariram ahosi, ayu vassasatasahassaniti.
     Tassa aparabhage narado nama sattha udapadi. Tassapi tayo savakasannipata,
pathamasannipate kotisatasahassabhikkhu ahesum, dutiye navutikotisatasahassani, tatiye
asitikotisatasahassani. Tada bodhisatto isipabbajjam pabbajitva pancasu abhinnasu
atthasu ca samapattisu cinnavasi hutva buddhappamukhassa bhikkhusamghassa mahadanam datva
lohitacandanena pujam akasi, sopi nam "anagate buddho bhavissasi"ti byakasi.
     Tassa pana bhagavato dhannavati nama nagaram ahosi, sudevo nama khattiyo
pita, anoma nama mata, bhaddasalo ca jitamitto ca dve aggasavaka,
vasittho namupatthako, uttara ca phaggani 2- ca dve aggasavika, mahasonarukkho
nama bodhi, sariram atthasitihatthubbedham ahosi, navutivassasahassani ayuti.
     Naradassa buddhassa aparabhage ekam asankheyyam atikkamitva ito
kappasatasahassamatthake ekasmim kappe ekoeva padumuttaro nama buddho udapadi.
@Footnote: 1 cha.Ma. pasadeti          2 cha.Ma. phagguni
Tassapi tayo savakasannipata, pathamasannipate kotisatasahassabhikkhu ahesum, dutiye
vebharapabbate navutikotisatasahassani, 1- tatiye asitikotisatasahassani. 2- Tada
bodhisatto jatilo nama maharatthiyo hutva buddhappamukhassa bhikkhusamghassa sacivaram danam
adasi. Sopi nam "anagate buddho bhavissasi"ti byakasi. Padumuttarassa pana bhagavato
kale titthiya nama nahesum, sabbe devamanussa buddhameva saranamagamamsu. 3-
     Tassa nagaram hamsavati nama ahosi, pita anando nama khattiyo, mata
sujata nama, devilo 4- ca sujato ca dve aggasavaka, sumano namupatthako,
amitta ca asama ca dve aggasavika, salarukkho 5- bodhi, sariram
atthasitihatthubbedham ahosi, sarirappabha samantato dvadasayojanani ganhi,
vassasatasahassam ayuti.
     Tassa aparabhage timsakappasatasahassani 6- atikkamitva (ito timsakappasahassamatthake)
sumedho ca sujato cati ekasmim kappe dve buddha nibbattimsu. Sumedhassapi
tayo savakasannipata, pathamasannipate sudassananagare kotisatakhinasava ahesum,
dutiye navutikotiyo, tatiye asitikotiyo. Tada bodhisatto uttaro nama manavo 7-
hutva nidahitva thapitamyeva asitikotidhanam vissajjetva buddhappamukhassa
bhikkhusamghassa mahadanam datva dhammam sutva saranesu patitthaya nikkhamitva pabbaji.
Sopi nam "anagate buddho bhavissasi"ti byakasi.
     Sumedhassa bhagavato sudassanam nama nagaram ahosi, sudatto nama raja pita, mata
sudatta nama, sarano ca sabbakamo ca dve aggasavaka, sagaro namupatthako,
rama ca surama ca dve aggasavika, mahanimbarukkho 8- bodhi, sariram
atthasitihatthubbedham ahosi, ayu navutivassasahassaniti.
@Footnote: 1 cha.Ma. navutikotisahassani     2 cha.Ma. asitikotisahassani     3 cha.Ma. saranamakamsu
@4 cha. devalo              5 cha.Ma. salalarukkho       6 cha.Ma. sattatikappasahassani
@7 cha.Ma. brahmanamanavo      8 cha.Ma. mahaniparukkho
     Tassa aparabhage sujato nama sattha udapadi. Tassapi  tayo savakasannipata,
pathamasannipate satthi bhikkhusatasahassani ahesum, dutiye pannasam, tatiye cattalisam.
Tada bodhisatto cakkavattiraja hutva "buddho uppanno"ti sutva upasankamitva
dhammam sutva buddhappamukhassa bhikkhusamghassa saddhim sattaratanehi catumahadiparajjam datva
tassa 1- santike pabbaji. Sakalaratthavasino ratthuppadam gahetva aramikakiccam
sadhenta buddhappamukhassa bhikkhusamghassa niccam mahadanam adamsu. Sopi nam
sattha byakasi.
     Tassa pana bhagavato nagaram sumangalam nama ahosi, uggato nama raja pita,
pabhavati nama mata, sudassano ca sudevo ca dve aggasavaka, narado namupatthako,
naga ca nagasumala 2- ca dve aggasavika, mahavelurukkho 3- bodhi, so kira
4- mandalo chindo 4- ghanakhandho upariniggatahi mahasakhahi morapinchakalapo viya
virocittha. Tassa bhagavato sariram pannasahatthubbedham ahosi, ayu navutivassasahassaniti.
     Tassa aparabhage ito attharasakappasatamatthake ekasmim kappe piyadassi atthadassi
dhammadassiti tayo buddha nibbattimsu. Piyadassissapi tayo savakasannipata.
Pathame kotisatasahassabhikkhu ahesum, dutiye navutikotiyo, tatiye asitikotiyo. Tada
bodhisatto kassapo nama manavo tinnam vedanam paragato hutva satthu
dhammadesanam sutva kotisatasahassadhanapariccagena samgharamam karetva saranesu silesu
ca patitthati. 5- Atha nam sattha "attharasakappasataccayena buddho bhavissasi"ti byakasi.
     Tassa bhagavato anomam nama nagaram ahosi, pita sudinno nama raja, mata
canda nama, palito ca sabbadassi ca dve aggasavaka, sobhito namupatthako,
sujata ca dhammadinna ca dve aggasavika, piyangurukkho 6- bodhi, sariram
asitihatthubbedham ahosi, navutivassasahassani ayuti.
     Tassa aparabhage atthadassi nama bhagava udapadi. Tassapi tayo savakasannipata.
Pathame atthanavuti bhikkhusatasahassani ahesum, dutiye atthasitisatasahassani, 7-
@Footnote: 1 cha.Ma. satthu             2 cha.Ma. nagasamala         3 Si. mahavenurukkho
@4-4 cha.Ma. mandacchiddo      5 cha.Ma. patitthasi           6 cha.Ma. kakudharukkho
@7 cha.Ma. atthasitisahassani
Tatha tatiye. Tada bodhisatto susimo nama mahiddhiko tapaso hutva devalokato
mandaravapupphacchattam aharitva sattharam pujayi. 1- Sopi nam sattha byakasi.
     Tassa bhagavato sobhanam nama nagaram ahosi,  sagaro nama raja pita,
sudassana nama mata, santo ca upasanto ca dve aggasavaka, abhayo namupatthako,
dhamma ca sudhamma ca dve aggasavika, campakarukkho bodhi, sariram asitihatthubbedham
ahosi, sarirappabha samantato sabbakalam yojanamattam pharitva atthasi, ayu
vassasatasahassanti.
     Tassa aparabhage dhammadassi nama sattha udapadi. Tassapi tayo savakasannipata.
Pathamasannipate kotisatabhikkhu ahesum, dutiye sattatikotiyo, 2- tatiye
asitikotiyo. Tada bodhisatto sakko devaraja hutva dibbagandhapupphehi ca
dibbaturiyehi ca pujamakasi. Sopi nam sattha byakasi.
     Tassa bhagavato saranam nama nagaram ahosi, pita sarano nama raja, mata
sunanda nama, padumo ca pussadevo ca dve aggasavaka, sunetto namupatthako,
khema ca saccanama 3- ca dve aggasavika, rattankururavakarukkho 4- bodhi.
Timbajalotipi 5- vuccati, sariram panassa asitihatthubbedham ahosi, vassasatasahassam
ayuti.
     Tassa aparabhage ito catunavutikappamatthake ekasmim kappe ekova siddhattho
nama buddho udapadi. Tassapi tayo savakasannipata. Pathamasannipate
kotisatasahassabhikkhu ahesum, dutiye navutikotiyo, tatiye asitikotiyo. Tada bodhisatto
uggatejo abhinnabalasampanno mangalo nama tapaso hutva mahajambuphalam aharitva
tathagatassa adasi. Sattha tam phalam paribhunjitva "catunavutikappamatthake buddho
bhavissasi"ti bodhisattam byakasi.
     Tassa bhagavato nagaram vebharam nama ahosi, pita jeyyaseno 6- nama raja,
mata suphassa nama, sambalo ca sumitto ca dve aggasavaka, revato namupatthako,
@Footnote: 1 cha.Ma. pujesi      2 cha.Ma. navutikotiyo    3 cha.Ma. sabbanama
@4 Si. rattakuravakarukkho, cha.Ma. rattankurarukkho
@5 cha.Ma. kakudharukkhotipi, bimbijalotipi Ma. bimbajalotipi
@6 cha.Ma. jayaseno
Sivala ca surama ca dve aggasavika, kannikararukkho bodhi, sariram satthihatthubbedham
ahosi, vassasatasahassam ayuti.
     Tassa aparabhage ito dvenavutikappamatthake tisso pussoti 1- ekasmim
kappe dve buddha nibbattimsu. Tissassa pana bhagavato tayo savakasannipata.
Pathamasannipate bhikkhunam kotisatam ahosi, dutiye navutikotiyo, tatiye asitikotiyo.
Tada bodhisatto mahabhogo mahayaso sujato nama khattiyo hutva
isipabbajjam pabbajitva mahiddhikabhavam patva "buddho uppanno"ti sutva
dibbamandaravapadumaparicchattakapupphani adaya catuparisamajjhe gacchantam tathagatam
pujesi, akase pupphavitanam hutva atthasi. Sopi nam sattha "ito
dvenavutikappamatthake 2- buddho bhavissasi"ti byakasi.
     Tassa bhagavato khemam nama nagaram ahosi, pita janasattho 3- nama khattiyo,
mata paduma nama, brahmadevo ca udayo ca dve aggasavaka, sumangalo 4-
namupatthako, pussa ca sudatta ca dve aggasavika, asanarukkho bodhi, sariram
asitihatthubbedham 5- ahosi, vassasatasahassam ayuti.
     Tassa aparabhage pusso nama sattha udapadi. Tassapi tayo savakasannipata,
pathamasannipate satthi bhikkhusatasahassani ahesum, dutiye pannasa, tatiye dvattimsa.
Tada bodhisatto vijitavi nama khattiyo hutva maharajjam pahaya satthu santike
pabbajitva tini pitakani uggahetva mahajanassa dhammakatham kathesi. Silaparaminca
puresi. Sopi nam "buddho bhavissasi"ti byakasi.
     Tassa bhagavato kasi nama nagaram ahosi, jayaseno nama raja pita,
sirima nama mata, surakkhito ca dhammaseno ca dve aggasavaka, sabhiyo
namupatthako, cala ca upacala ca dve aggasavika, amalakarukkho bodhi,
sariram atthapannasahatthubbedham ahosi, navutivassasahassani ayuti.
@Footnote: 1 cha.Ma. phusso. evamuparipi       2 Si. dvinavutikappe
@3 cha.Ma. janasandho  4 cha. samango  5 cha.Ma. satthihatthubbedham
     Tassa aparabhage ito ekanavutikappe vipassi bhagava udapadi. Tassapi
tayo savakasannipata, pathamasannipate atthasatthi bhikkhusatasahassani ahesum, dutiye
ekasatasahassam, tatiye ekaasitisahassani. 1- Tada bodhisatto mahiddhiko mahanubhavo
atulo nama nagaraja hutva sattaratanakhacitam suvannamahapitham bhagavato adasi.
Sopi nam sattha "ito ekanavutikappe buddho bhavissasi"ti byakasi.
     Tassa bhagavato bandhumati nama nagaram ahosi, bandhuma nama raja pita,
bandhumati nama mata, khando ca tisso ca dve aggasavaka, asoko namupatthako,
canda ca candamitta ca dve aggasavika, patalirukkho bodhi, sariram asitihatthubbedham
ahosi, sarirappabha samanta 2- sattayojanani pharitva atthasi, asitivassasahassani
ayuti.
     Tassa aparabhage ito ekatimsakappe sikhi ca vessabhu cati dve buddha
nibbattimsu. 3- Sikhissapi bhagavato tayo savakasannipata, pathamasannipate 4-
bhikkhusatasahassani ahesum, 4- dutiye asitisahassani, tatiye sattati. Tada bodhisatto
arindamo nama raja hutva buddhappamukhassa bhikkhusamghassa sacivaram mahadanam pavattetva
sattaratanapatimanditam hatthiratanam datva hatthippamanam katva kappiyabhandam adasi.
Sopi nam "ito ekatimse kappe buddho bhavissasi"ti byakasi.
     Tassa pana bhagavato arunavati nama nagaram ahosi, aruno nama khattiyo
pita, pabhavati nama mata, abhibhu ca sambhavo ca dve aggasavaka, khemankaro
namupatthako, sakhila ca paduma ca dve aggasavika, pundarikarukkho bodhi,
sariram sattatihatthubbedham ahosi, sarirappabha yojanattayam pharitva atthasi,
sattativassasahassani ayuti.
     Tassa aparabhage vessabhu nama sattha udapadi. Tassapi tayo savakasannipata,
pathamasannipate asiti bhikkhusahassani ahesum, dutiye sattati, tatiye satthi.
Tada bodhisatto sudassano nama raja hutva buddhappamukhassa bhikkhusamghassa sacivaram
@Footnote: 1 cha.Ma. asitisahassani         2 cha.Ma. sada
@3 cha.Ma. ahesum   4-4 cha.Ma. bhikakhusatasahassam ahosi
Mahadanam datva satthu santike pabbajitva acaragunasampanno buddharatane
cittikarapitibahulo ahosi. Sopi nam bhagava "ito ekatimsakappe buddho bhavissasi"ti
byakasi.
     Tassa pana bhagavato anomam nama nagaram ahosi, suppatito nama raja pita, yasavati
nama mata, sono 1- ca uttaro ca dve aggasavaka, upasanto namupatthako,
rama 2- ca supala 3- ca dve aggasavika, salarukkho bodhi, sariram satthihatthubbedham
ahosi, satthi vassasahassani ayuti.
     Tassa aparabhage imasmim kappe cattaro buddha nibbattimsu 4- kakusandho
konagamano kassapo amhakam bhagavati. Kakusandhassa bhagavato eko savakasannipato,
tattha cattalisa bhikkhusahassani ahesum. Tada bodhisatto khemo nama raja hutva
buddhappamukhassa bhikkhusamghassa sapattacivaram mahadananceva anjanadibhesajjani 5- ca
datva satthu dhammadesanam sutva pabbaji. Sopi nam sattha byakasi.
     Kakusandhassa bhagavato khemam nama nagaram ahosi, aggidatto nama brahmano
pita, visakha nama brahmani mata, vidhuro ca sanjivo ca dve aggasavaka,
vuddhijo 6- namupatthako, sama ca sarabbha 7- ca dve aggasavika, mahasirisarukkho
bodhi, sariram cattalisahatthubbedham ahosi, cattalisa vassasahassani ayuti.
     Tassa aparabhage konagamano 8- nama sattha udapadi. Tassapi eko
savakasannipato, tattha  timsa bhikkhusahassani ahesum. Tada bodhisatto pabbato nama
raja hutva amaccaganaparivuto satthu santikam gantva dhammadesanam sutva buddhappamukham
bhikkhusamgham nimantetva mahadanam pavattetva pagunacinapatakoseyyakambaladukulani 9- ceva
suvannapatakanca 10-  datva satthu santike pabbaji. Sopi nam sattha byakasi.
@Footnote: 1 ka. sono          2 cha.Ma. dama             3 cha.Ma. samala
@4 cha.Ma. nibbatta      5 ka. anjanani bhesajjani     6 cha.Ma. buddhijo
@7 cha. campa, Ma. rambha 8 cha.Ma. konagamano         9 cha.Ma. pattunna.......
@10 cha.Ma. suvannapadukanca
     Tassa bhagavato sobhanam 1- nama nagaram ahosi, yannadatto nama brahmano
pita, uttara nama brahmani mata, bhiyyaso 2- ca uttaro ca dve aggasavaka,
sotthijo namupatthako, samudda ca uttara ca dve aggasavika, udumbararukkho
bodhi, sariram timsahatthubbedham ahosi, timsa vassasahassani ayuti.
     Tassa aparabhage kassapo nama sattha udapadi. Tassapi ekova savakasannipato,
tattha visati bhikkhusahassani ahesum. Tada  bodhisatto jotipalo nama manavo
tinnam vedanam paragu bhumiyanceva antalikkhe ca pakato ghatikarassa kumbhakarassa
mitto ahosi, so tena saddhim sattharam upasankamitva dhammakatham sutva pabbajitva 3-
araddhaviriyo tini pitakani uggahetva vattasampattiya 4- buddhasasanam sodheti. 5-
Sopi nam sattha byakasi.
     Tassa bhagavato jatanagaram baranasi nama ahosi, brahmadatto nama brahmano
pita, dhanavati 6- nama brahmani mata, tisso ca bharadvajo ca dve aggasavaka,
sabbamitto namupatthako, aruna 7- ca uruvela ca dve aggasavika, nigrodharukkho
bodhi, sariram visatihatthubbedham ahosi, visativassasahassani ayuti.
     Tassa pana bhagavato orabhage thapetva imam amhakam sammasambuddham
anno buddho nama natthiti. Iti dipankaradinam catuvisatiya buddhanam santike
laddhabyakarano pana bodhisatto ye tena:-
        "manussattam lingasampatti          hetu sattharadassanam
        pabbajja gunasampatti            adhikaro ca chandata
        atthadhammasamodhana             abhiniharo samijjhati"ti 8-
ime attha dhamme samodhanetva dipankarapadamule katabhiniharena "handa buddhakare
dhamme vicinami ito cito"ti ussaham katva "vicinanto tada dakkhim,
@Footnote: 1 cha.Ma. sobhavati          2 ka. bhiyyoso       3 Si. pasiditva pabbajitva
@4 cha.Ma. vattavattasampattiya  5 cha.Ma. sobhesi     6 Si. candavati
@7 cha.Ma. anula            8 khu. buddha. 33/59/453
Pathamam danaparamin"ti danaparamitadayo buddhakarakadhamma 1- dittha, te purento
yava vessantarattabhava agami. Agacchanto ca ye te katabhiniharanam bodhisattanam
anisamsa samvannita:-
        "evam sabbangasampanna          bodhiya niyata nara
        samsaram dighamaddhanam               kappakotisatehipi.
        Avicimhi na uppajjanti           tatha lokantaresu ca
        nijjhamatanhakhuppipasa          na honti kalakanjika. 2-
        Na honti khuddaka pana         uppajjantapi duggatim
        jayamana manussesu            jaccandha na bhavanti te.
        Sotavekallata natthi            na bhavanti mugapakkhika
        itthibhavam na gacchanti            ubhatobyanjanapandaka.
        Na bhavanti pariyapanna           bodhiya niyata nara
        mutta anantarikehi            sabbattha suddhagocaRa.
        Micchaditthim na sevanti           kammakiriyadassana
        vasamanapi saggesu             asannim 3- nupapajjare.
        Suddhavasesu devesu           hetu nama na vijjati
        nikkhamaninna 4- sappurisa        visamyutta bhavabhave
        caranti lokatthacariya 5-         purenti sabbaparamin"ti,
te anisamse adhigantvava agato. Paramiyo purenatassa ca tassa akittikabrahmana-
kale 6- sankhabrahmanakale dhananjayarajakale 7- mahasudassanarajakale
mahagovindakale nimimaharajakale candakumarakale visayhasetthikale sasapanditakale 8-
@Footnote: 1 cha.Ma. buddhakara dhamma  2 Ma. kalakancika, Si. kalakanjaka  3 cha.Ma. asannam
@4 cha.Ma. nekkhammaninna       5 cha.Ma. lokatthacariyayo, Si. lokatthacariyaya
@6 cha.Ma. akittibrahmanakale   7 cha.Ma. dhanancayarajakale
@8 cha.Ma. ayam patho na dissati
Sivirajakale vessantarakaleti danaparamitaya puritattabhavanam parimanam nama natthi.
Ekantena panassa sasapanditajatake:-
      "bhikkhaya upagatam disva           sakattanam pariccajim
       danena me samo natthi          esa me danaparami"ti 1-
evam attapariccagam karontassa danaparamita paramatthaparamita 2- nama jata.
     Tatha silavarajakale 3- campeyyanagarajakale bhuridattanagarajakale
chaddantakale 4- jayadisarajaputtakale alinacittakumarakaleti 5- silaparamitaya
puritattabhavanam pamanam 6- nama natthi. Ekantena panassa sankhapalajatake:-
       "sulehi vijjhayantepi            kottayantepi sattibhi
       bhojaputte na kuppami           esa me silaparami"ti 7-
evam attapariccagam karontassa silaparamita paramatthaparamita nama jata.
        Tatha somanassakumarakale hatthipalakumarakale ayogharapanditakaleti maharajjam
pahaya nekkhammaparamitaya puritattabhavanam pamanam nama natthi. Ekantena panassa
culasuttasomajatake:-
        "maharajjam hatthagatam            khelapindamva chaddayim
        cajato na hoti lagganam          esa me nekkhammaparami"ti
evam nissaggataya 8- rajjam chaddetva nikkhantassa nekkhammaparamita paramatthaparamita
nama jata.
     Tatha vidhurapanditakale mahagovindapanditakale kuddalapanditakale arakapanditakale
bodhiparibbajakakale mahosadhapanditakaleti pannaparamitaya puritattabhavanam
pamanam nama natthi. Ekantena panassa sattubhastujatake 9- senakapanditakale:-
@Footnote: 1 khu.cariya. 33/143 (sasapanditacariya)  2 cha.Ma. paramatthaparami. evamuparipi
@3 cha.Ma. silavanagarajakale          4 cha.Ma. chaddantanagarajakale
@5 cha.Ma. alinasattukumarakale         6 cha.Ma. parimanam. evamuparipi
@7 khu.cariya. 33/91 (sankhapalacariya)   8 cha.Ma. nissangataya  9 cha.Ma. sattubhastajatake
        "pannaya vicinantoham           brahmanam mocayim dukkha
         pannaya me samo natthi        esa me pannaparami"ti
evam antobhastugatam sappam dassentassa pannaparamita paramatthaparamita nama jata.
        Tatha viriyaparamitadinampi puritattabhavanam pamanam nama natthi. Ekantena
panassa mahajanakajatake:-
        "atiradassi jalamajjhe           mata 1- sabbe ca manusa
         cittassa annatha natthi         esa me viriyaparami"ti
evam mahasamuddam tarantassa viriyaparamita paramatthaparamita nama jata.
      Khantivadijatake:-
        "acetanamva kotento          tinhena 2- pharasuna mamam
         kasiraje na kuppami         esa me khantiparami"ti
evam acetanabhavena viya mahadukkham adhivasentassa khantiparamita paramatthaparamita
nama jata.
      Mahasutasomajatake:-
        "saccavacam anurakkhanto         cajitva mama jivitam
         mocemi 3- ekasatakkhatye     esa me saccaparami"ti
evam jivitam cajitva saccamanurakkhantassa saccaparamita paramatthaparamita nama jata.
      Mugapakkhajatake:-
        "matapita na me dessa      atta me na ca dessiyo 4-
         sabbannutam piyam mayham           tasma vattamadhitthahin"ti 5-
evam jivitampi pariccajitva vattam adhitthahantassa adhitthanaparamita paramatthaparamita
nama jata.
@Footnote: 1 cha.Ma. hata     2 Ma. tikkhena     3 cha.Ma. mocesim
@4 ka. na me dessam mahayasam   5 khu.cariya. 33/65 (mugaphakkhacariya)
     Ekarajajatake:-
        "na mam koci uttasati           napi bhayami kassaci
         mettabalenupatthaddho         ramami pavane tada"ti 1-
evam jivitampi anavaloketva 2- mettayantassa mettaparamita paramatthaparamita nama
jata.
      Lomahamsajatake:-
        "susane seyyam kappemi        upanidhaya chavatthikam 3-
         gamamandala 4- upagantva     rupam dassenti anappakan"ti
evam gamadarakesu nitthubhanadihi ceva malagandhupaharadihi ca sukhadukkham
uppadentesupi upekkham anativattantassa upekkhaparamita paramatthaparamita nama
jata. Ayamettha sankhepo, vittharato panesa attho cariyapitake gahetabbo.
      Evam paramiyo puretva vessantarattabhave  thito:-
         "acetanayam pathavi            avinnaya sukhadukkham
          sapi danabala mayham         sattakkhattum pakampatha"ti 5-
evam mahapathavikampanani 6- mahapunnani katva ayuhapariyosane ito cuto
tusitabhavane nibbatti, tattha anne deve dasahi thanehi adhiganhitva "yavatayukam
dibbasampattim anubhavanto manussagananaya satthivassasatasahassadhikani
sattapannasavassakotiyo idani sattahi divasehi ayukkhayam papunissati"ti vatthani
kilissanti, mala milayanti, kacchehi seda muncanti, 7- kaye vevanniyam
okkamati, devo devasane na santhahatiti imesu pancasu pubbanimittesu uppannesu
tani disva "sunna vata bho sagga bhavissanti"ti samvegajatahi devatahi
mahasattassa puritaparamibhavam natva "imasmim idani annam devalokam anupagantva
manussaloke uppajjitva buddhabhavam patte punnani katva cuta cuta
manussa devalokam paripuressanti"ti cintetva:-
@Footnote: 1 khu.cariya. 33/113 (suvannasamacariya)     2 cha.Ma. anapaloketva
@3 cha.Ma. chavatthikam upanidhayaham     4 cha.Ma. gamandala, Si. gomandala
@5 khu.cariya. 33/124 (vessantaracariya)  6 Ma. mahapathavikampanadikaranani
@7 cha.Ma. muccanti
         "yadaham tusite kaye            santusito namaham tada
          dasasahassi samagantva           yacanti anjali 1- mamam.
          Kaloyam te 2- mahavira         uppajja matukucchiyam
          sadevakam tarayanto             bujjhassu amatam padan"ti. 3-
    Evam buddhabhavatthaya ayacito kalam dipam desam kulam janettiya ayuparimananti 4-
imani panca mahavilokanani viloketva katasannitthano tato cuto sakyarajakule
patisandhim gahetva tattha mahasampattiya paricariyamano 5- anukkamena bhadrayobbanam
anupapuni. Imasmim antare "sato sampajano ananda bodhisatto tusitakaya
cavitva matukucchim okkami"tiadinam 6- suttapadananceva tesam atthakathaya ca vasena
vittharo veditabbo.
    So tinnam utunam anucchavikesu tisu pasadesu devalokasadisarajjasirim 7- anubhavamano
uyyanakilaya gamanasamaye anukkamena jinnabyadhimatasankhate tayo devadute disva
sanjatasamvego tato nivattitva catutthavare pabbajitam disva "sadhu pabbajja"ti
pabbajjaya rucim uppadetva uyyanam gantva tattha divasabhagam khepetva
mangalapokkharanitire nisinno kappakavesam gahetva agatena vissukammadevaputtena
alankatapatiyatto rahulakumarassa 8- jatasasanam sutva puttasinehassa balavabhavam natva
"yava idam bandhanam na vaddhati, tavadeva nam chindissami"ti cintetva sayam nagaram
pavisanto:-
         "nibbuta nuna sa mata           nibbuto nuna so pita
          nibbuta nuna sa nari            yassayam idiso pati"ti
kisagotamiya nama pitucchadhitaya bhasitam imam gatham sutva "aham imaya
nibbutapadam savito"ti givato satasahassagghanikam muttaharam muncitva tassa pesetva
attano bhavanam pavisitva sirisayane nisinno niddavasena natakanam vippakaram disva
@Footnote: 1 cha.Ma. panjali         2 cha. kalo kho te, Ma. kalo deva
@3 khu.buddha. 33/66-67/445   4 cha.Ma. ayuppamanam
@5 cha.Ma. parihariyamano  6 Ma.u. 14/200/169
@7 cha.Ma. devalokasirim viya rajjasirim  8 cha.Ma. rahulabhaddassa
Nibbinnahadayo channam utthapetva kanthakam 1- aharapetva kanthakam aruyha
channasahayo dasasahassilokadhatuhi devatahi kataparivaro mahabhinikkhamanam nikkhamitva
teneva rattavasesena tini maharajjani atikkamitva anomanaditire pabbajitva
anukkamena rajagaham gantva tattha pindaya caritva pandavapabbatapabbhare nisinno
magadharajena rajjena nimantiyamano tam patikkhipitva sabbannutam patva tassa vijitam
agamanatthaya tena gahitapatinno alaranca uddakanca  upasankamitva tesam santike
adhigatavisesena aparituttho chabbassani mahapadhanam padahitva visakhapunnamidivase
patova senanigame 2- sujataya dinnam payasam paribhunjitva neranjaraya nadiya
suvannapatim pavahetva neranjaraya tire mahavanasande nanasamapattihi divasabhagam
vitinametva sayanhasamaye sotthiyena 3- dinnam tinamutthim 4- gahetva kalanagarajena
abhitthutaguno bodhimandam aruyha tinani santharitva "na tavimam pallankam
bhindissami, yava me anupadaya asavehi cittam na muccissati"ti 5- patinnam katva
bodhipallanke pacinadisabhimukho nisiditva suriye anatthangamiteyeva 6- marabalam
vidhamitva pathamayame pubbenivasananam majjhimayame cutupapatananam patva
pacchimayamavasane dasabalacatuvesarajjadisabbabuddhagunapatimanditam sabbannutananam
pativijjhantoyeva imam abhidhammanayasamuddam adhigacchi. Evamassa adhigamanidanam veditabbam.
    Evam adhigatabhidhammo ekapallankena nisinnasattaham, animmissasattaham,
cankamanasattaham atikkamitva catutthe sattahe sayambhunanadhigamena adhigatam abhidhammam
vicinitva aparanipi ajapalamuccalindarajayatanesu tini sattahani vitinametva
atthame sattahe ajapalanigrodharukkhamule nisinno dhammagambhiratapaccavekkhanena
appossukkatam apajjamano dasasahassamahabrahmaparivarena 7- sahampatibrahmuna
ayacitam dhammam desento 8- buddhacakkhuna lokam voloketva brahmuno ajjhesanam
@Footnote: 1 Si. kanthakam              2 Si. senaninigame         3 cha.Ma. sottiyena
@4 cha.Ma. atthatinamutthim        5 cha.Ma. vimuccissatiti        6 Si. anatthamiteyeva
@7 cha.Ma. dasasahassimahabrahmaparivarena    8 cha.Ma. ayacitadhammadesano
Adaya "kassa nu kho aham pathamam dhammam deseyyan"ti olokento alaruddakanam
kalakatabhavam natva pancavaggiyanam bhikkhunam bahupakaratam anussaritva utthayasana
kasikapuram 1- gacchanto antaramagge upakena saddhim mantetva asalhapunnamidivase
2- isipatane migadaye pancavaggiyanam bhikkhunam vasanatthanam patva te ananucchavikena
samudacarena samudacarante sannapetva dhammacakkam pavattento
annakondannattherappamukha 3- attharasa brahmakotiyo amatapanam payesi. Evam yava
dhammacakkappavattana desananidanam veditabbam. Ayameva 4- sankhePo. Vittharo
pana satthakathanam ariyapariyesanapabbajjasuttadinam 5- vasena veditabbo.
    Evam adhigamanidanadesananidanasampannassa abhidhammassa aparanipi durenidanam,
avidurenidanam, santikenidananti tini nidanani. Tattha dipankarapadamulato patthaya
yava tusitapura durenidanam veditababam. Tusitapurato patthaya yava bodhimanda
avidurenidanam. "ekam samayam bhagava devesu viharati tavatimsesu paricchattakamulamhi
pandukambalasilayam. Tatra kho bhagava devanam tavatimsanam abhidhammam kathesi"ti idamassa
santikenidanam. Ayam tava nidanakatha.
                         Nidanakatha nitthita.
@Footnote: 1 cha.Ma. kasipuram               2 cha.Ma. asalhipunnamadivase
@3 cha.Ma. annasikondannattherappamukha     4 cha.Ma. ayamettha
@5 Ma.mu. 12/274/235, khu.su. 25/404/412
                          1. Cittuppadakanda
                         tikamatikapadavannana
                           ----------
      idani
          "iti me bhasamanassa        abhidhammakatham imam
           avikkhitta nisametha        dullabha hi ayam katha"ti.
      Evam patinnataya abhidhammakathaya kathanokaso sampatto. Tattha yasma abhidhammo
nama abhidhammasanganiadini sattappakaranani, dhammasanganiyapi 1- cittuppadakandadinam
vasena cattari kandani, cittuppadakandampi matikapadabhajaniyavasena duvidham, tattha
matika adi, sapi tikamatika dukamatikati duvidha, tattha tikamatika adi,
tikamatikayapi kusalattikam adi, 2- kusalattikepi "kusala dhamma"ti idam padam,
tasma:-
           ito patthaya gambhiram          abhidhammakatham imam
           vuccamanam nisametha           ekagga sadhu sadhavoti.
     [1] "kusala dhamma, akusala dhamma, abyakata dhamma"ti ayam tava
adipadena laddhanamo kusalattiko nama. "sukhaya vedanaya sampayutta dhamma,
dukkhaya vedanaya sampayutta dhamma, adukkhamasukhaya vedanaya sampayutta dhamma"ti
ayam sabbapadehi laddhanamo vedanattiko nama. Evam adipadavasena va sabbapadavasena
va sabbesampi tikadukanam namam veditabbam. Sabbepete 3- pancadasahi paricchedehi
vavatthita. Tikanam hi eko paricchedo, dukanam cuddasa pariccheda. "hetu dhamma
na hetu dhamma"tiadayo cha duka ganthato ca atthato ca annamannasambandhena
pupphakannikaya 4- ghata viya hutva thitatta "hetugocchako"ti vuccati. Tato apare
"sappaccaya dhamma, appaccaya dhamma"tiadayo satta duka annamannam
asambandha kevalam dukasamannato uccinitva uccinitva visum visum gocchakantare
@Footnote: 1 cha.Ma. dhammasanganipi          2 cha.Ma. ayam patho na dissati
@3 cha.Ma. sabbeva cete        4 cha.Ma. kannika viya
Thapitatta annehi ca antaradukehi 1- culakatta "culantaraduka"ti veditabba.
Tato param asavadukadinam channam vasena asavagocchako, tatha sannojanadukadinam channam
vasena sannojanagocchako, tatha ganthaoghayoganivaranadukadinam vasena ganthaoghayoga-
nivaranagocchaka. 2- Paramasadukadinam pancannam vasena paramasagocchakoti sabbepi satta
gocchakati 3- veditabba. Tato param "sarammana dhamma"tiadayo cuddasa duka
mahantaraduka nama. Tato upadanadukadayo cha duka upadanagocchako nama. Tato
kilesadukadayo attha duka kilesagocchako nama. Tato param dassanena pahatabba-
dukadayo attharasa duka abhidhammamatikaya pariyosane thapitatta pitthiduka nama.
"vijjabhagino dhamma, avijjabhagino dhamma"tiadayo pana dvacattalisaduka
suttantikaduka nama. Evam sabbepete pancadasahi paricchedehi vavatthitati veditabba.
     Evam vavatthita panete sappadesavasena 4- dveva kotthasa honti. Etesu
hi nava tika ekasattati ca duka sappadesanam ruparupadhammanam pariggahitatta
sappadesa nama. Avasesa terasa tika ekasattati ca duka nippadesa nama.
Tattha tikesu tava vedanattiko vitakkattiko pitittiko uppannattiko atitattiko
cattaro arammanattikati ime nava tika sappadesa nama. Dukesu hetugocchakadinam
upadanagocchakapariyosananam navannam gocchakanam pariyosane tayo tayo duka,
kilesagocchakapariyosane cattaro cattaro duka, cittasampayutta dhamma
cittavippayutta dhamma, cittasamsattha dhamma cittavisamsattha dhammati dve dve
mahantaraduka, suttantikadukesu adhivacanadukam niruttidukam pannattidukam
namarupadukanti ime cattaro duke thapetva avasesa atthatimsa duka cati ete
sappadesa nama. Vuttavasesa tikaduka sabbepi nippadesati veditabba.
     Idani "kusala dhamma"tiadinam matikapadanam ayam anupubbapadavannana. Kusalasaddo
tava arogyanavajjachekasukhavipakesu dissati. Ayanhi "kacci nu bhoto kusalam,
@Footnote: 1 cha.Ma. mahantaradukehi             2 ka. ganthaoghayoganivaranagocchako
@3 cha.Ma. iti-saddo na dissati        4 cha.Ma. sappadesanippadesavasena
Kacci bhoto anamayan"tiadisu 1- arogye dissati. "katamo pana bhante kayasamacaro
kusalo? yo kho maharaja kayasamacaro anavajjo"ti 2- ca "puna caparam bhante
etadanuttariyam, 3- yatha bhagava dhammam deseti kusalesu dhammesu"ti 4- ca evamadisu
anavajje. "kusalo tvam rathassa angapaccanganam, 4- kusala naccagitassa, susikkhita
caturitthiyo"tiadisu 5- cheke. "kusalanam bhikkhave dhammanam samadanahetu kusalassa
kammassa katatta"tiadisu 6- sukhavipake. Svayamidha arogyepi anavajjepi
sukhavipakepi vattati.
     Dhammasaddo panayam pariyattihetugunanissattanijjivatadisu dissati. Ayanhi
"dhammam pariyapunati suttam geyyan"tiadisu 7- pariyattiyam dissati. "hetumhi
nanam dhammapatisambhida"tiadisu 8- hetumhi.
          "na hi dhammo adhammo ca       ubho samavipakino
           adhammo nirayam neti          dhammo papeti suggatin"ti 9-
adisu gune. "tasmim kho pana samaye dhamma honti, 10- dhammesu dhammanupassi
viharati"tiadisu 11- nissattanijjivataya. Svayamidhapi nissattanijjivatayameva
vattati.
     Vacanattho panettha kucchite papake dhamme salayanti calayanti kampenti
viddhamsentiti kusala. Kucchitena va akarena sayantiti kusa, te akusalasankhate
kuse lunanti chindantiti kusala. Kucchitanam va sanato tanukaranato osanakaranato nanam
kusam nama, tena kusena va latabbati kusala, gahetabba pavattetabbati attho. Yatha
va kusa ubhayabhagagatam hatthappadesam lunanti, evamimepi uppannanuppannabhavena
ubhayabhagagatam sankilesapakkham lunanti, tasma kusa viya  lunanti chindantitipi
kusala. Attano pana sabhavam dharentiti dhamma. Dhariyanti 12- va paccayehi dharayanti
va yathasabhavatoti dhamma. Na kusala akusala, mittapatipakkha amitta viya
@Footnote: 1 khu.ja. 27/146/345, khu.ja. 28/129/51   2 di.Ma. 13/631/348
@3 Si. etadanuttariyam    4 di.Ma. 13/87/64   5 khu.ja. 28/94 (mugapakkhajataka)
@6 abhi. 34/431/120  7 an. catukka. 21/102/117  8 abhi. 35/720/360
@9 khu.thera. 26/304/318    10 abhi. 34/121/41
@11 di.Ma. 10/373/248     12 cha.Ma. dhariyanti
Lobhadipatipakkha alobhadayo viya ca kusalapatipakkhati attho. Na byakatati abyakata,
kusalakusalabhavena akathitati attho. Tesu anavajjasukhavipakalakkhana kusala,
savajjadukkhavipakalakkhana akusala, avipakalakkhana abyakata.
     Kim panetani "kusalati va dhammati va"tiadini ekatthani, udahu
nanatthaniti? kincettha yadi tava etani ekatthani, "kusala dhamma"ti idam
"kusala kusala"ti vuttasadisam ahosi. 1- Atha nanatthani, tikadukanam chakkacatukkabhavo
apajjati, padananca asambandho.
     Yatha hi "kusala rupam cakkhuma"ti vutte atthavasena annamannam anolokentanam
padanam na koci sambandho, evamidhapi padanam asambandho apajjati,
pubbaparasambandharahitani ca padani nippayojanani nama honti. Yapi cesa parato
"katame dhamma kusala"ti puccha, tayapi saddhim virodho apajjati. Neva hi dhamma
kusala, atha ca panidam vuccati "katame dhamma kusala"ti. Aparo nayo, yadi etani
ekatthani tinnam dhammanam ekatta kusaladinampi ekattam apajjati.
Kusaladipadanam 2- hi tinnam dhammanam dhammabhavena ekattam. Tasma dhammattayena saddhim
atthato ninnanatthanam kusaladinampi ekattam apajjati "yadeva kusalam, tam akusalam, tam
abyakatan"ti. Athapi tinnam dhammanam ekattam na sampaticchatha, "anno ca kusalaparo
dhammo, anno ca akusalaparo dhammo, anno ca abyakataparo dhammo"ti vadatha.
Evam sante dhammo nama bhavo, bhavato ca anno abhavoti kusalapara bhavasankhata
dhamma anno akusalaparo dhammo abhavo siya, tatha abyakataparopi, tehi ca
anno kusalaparopi. Evam abhavattam apannehi dhammehi anne 3- kusaladayopi
abhavayeva siyunti.
     Sabbametam akaranam. Kasma? yathanumativoharasiddhito. Voharo hi yatha yatha
Atthesu anumato sampaticchito, tatha tatheva siddho. Na cayam "kusala dhamma"tiadisu
kusalapubbo dhammabhilapo dhammaparo ca kusalabhilapo yatha "kusala kusala"ti,
@Footnote: 1 cha.Ma. hoti        2 cha.Ma. kusaladiparanam     3 cha.Ma. ananne
Evam attano atthavisesabhavena panditehi sampaticchito, na ca kusalarupamcakkhumasadda
viya annamannam anolokitatthabhavena. Kusalasaddo panettha anavajjasukhavipakasankhatassa
atthassa jotakabhavena 1- sampaticchito, akusalasaddo savajjadukkhavipakatthajotakattena,
abyakatasaddo avipakatthajotakattena, dhammasaddo sabhavadharanadiatthajotakattena.
So etesam annataranantare vuccamano attano atthasamannam dipeti.
Sabbeva hi ete sabhavadharanadina lakkhanena dhamma. Kusaladisadda capi
dhammasaddassa purato vuccamana attano attano atthavisesam tassa dipenti. Dhammo hi
kusalo va hoti akusalo va abyakato va. Evamete visum visum vuccamana attano
attano atthamattadipakattena sampaticchita. Dhammasaddena saha vuccamana attano
attano atthasamannaatthavisesadipakattena loke panditehi sampaticchita. Tasma
yadetamettha ekatthananatthatam vikappetva dosaropanakaranam vuttam, sabbametam akaranam.
Ayantava kusalattikassa anupubbapadavannana. Iminava nayena sesatikadukanampi
nayo veditabbo. Ito param pana visesamattameva vakkhami. 2-
     [2] Sukhaya vedanayatiadisu sukhasaddo tava sukhavedanasukhamulasukharammana-
sukhahetusukhapaccayatthanaabyapajjhanibbanadisu dissati. Ayanhi "sukhassa ca pahana"ti-
adisu 3- sukhavedanaya dissati. Sukho buddhanam uppado. 4- Sukha viragata loke"ti-
adisu 5- sukhamule. "yasma ca kho mahali rupam sukham sukhanupatitam sukhavakkantan"ti-
adisu 6- sukharammane. "sukhassetam bhikkhave adhivacanam yadidam punnani"tiadisu 7-
sukhahetumhi. "yavancidam bhikkhave na sukaram akkhanena papunitum, yava sukha sagga. 8-
Na te sukham pajananti, ye na passanti nandanan"tiadisu 9- sukhapaccayatthane.
"ditthadhammasukhavihara ete dhamma"tiadisu 10- abyapajjhe. "nibbanam paramam
@Footnote: 1 ka. jotanabhavena                       2 cha.Ma. vakkhama
@3 Ma.mu. 12/173/134, abhi. 34/165/52     4 khu.dha. 25/194/52
@5 vinaYu. 4/5/5, khu.u. 25/11/105         6 sam.kha. 17/60/57
@7 an. sattaka. 23/62/73                 8 Ma.u. 14/255/223
@9 sam.sa. 15/11/6                      10 Ma.mu. 12/82/54
Sukhan"tiadisu 1- nibbane. Idha panayam sukhavedanayameva datthabbo. Vedanasaddo
"vidita vedana uppajjanti"tiadisu 2- vedayitasmimyeva vattati.
     Dukkhasaddo dukkhavedanadukkhavatthudukkharammanadukkhapaccayadukkhapaccayatthanadisu
dissati. Ayanhi "dukkhassa ca pahana"tiadisu dukkhavedanayam dissati. "jatipi
dukkha"tiadisu 3- dukkhavatthusmim. "yasma ca kho mahali rupam dukkham dukkhanupatitam
dukkhavakkantan"tiadisu dukkharammane. "dukkho papassa uccayo"tiadisu 4-
dukkhapaccaye. "yavancidam bhikkhave na sukaram akkhanena papunitum, yava dukkha
niraya"tiadisu 5- dukkhapaccayatthane. Idha panayam dukkhavedanayameva datthabbo.
     Vacanattho panettha sukhayatiti sukha, dukkhayatiti dukkha, na dukkha ca na sukha
cati adukkhamasukha. Makaro padasandhivasena vutto. Sabbapi arammanassa rasam vedayanti 6-
anubhavantiti vedana. Tasu itthanubhavanalakkhana sukha. Anitthanubhavanalakkhana dukkha.
Ubhayaviparitanubhavanalakkhana adukkhamasukha. Yo panayam tisu padesu sampayuttasaddo,
tassattho samam pakarehi yuttati sampayutta. Katarehi  pakarehiti? ekuppadadihi.
7- "natthi keci dhamma kehici dhammehi sampayuttati? amanta"ti 8-
hi imassa panhassa patikkhepe "nanu atthi keci dhamma kehici dhammehi sahagata
sahajata samsattha ekuppada ekanirodha ekavatthuka ekarammana"ti 8- evam
ekuppadadinam vasena sampayogattho vutto. Iti imehi ekuppadadihi samam
pakarehi yuttati sampayutta.
     [3] Vipakattike annamannam visitthanam kusalakusalanam pakati vipaka,
vipakkabhavamapannanam arupadhammanametam adhivacanam. Vipakadhammadhammati 9- vipakadhammanam
dhamma, vipakajanaka dhamma, 9- yatha jatijarasabhava jatijarapakatika satta
"jatidhamma jaradhamma"ti vuccanti, evam vipakajanakattena 10- vipakasabhava
vipakapakatika dhammati attho. Tatiyapadam ubhayasabhavapatikkhepavasena vuttam.
@Footnote: 1 khu.dha. 25/203/52      2 Ma.u. 14/208/174       3 di.Ma. 10/387/260
@4 khu.dha. 25/117/37      5 Ma.u. 14/250/218       6 Si. vediyanti
@7 cha.Ma. ekuppadatadihi. evamuparipi     8 abhi. 37/473/285
@9-9 cha.Ma. vipakasabhavadhamma           10 cha.Ma. vipakajanakatthena
     [4] Upadinnupadaniyattike arammanakaranavasena tanhadihi 1- upetena
kammuna adinna phalabhavena gahitati upadinna, arammanabhavam upagantva
upadanasambandhanena upadananam hitati upadaniya, upadanassa arammanapaccayabhutanam
etam adhivacanam. Upadinna ca te upadaniya cati upadinnupadaniya,
sasavakammanibbattanam ruparupadhammanametam adhivacanam. Iti imina nayena sesapadadvaye
patisedhasahito attho veditabbo.
     [5] Sankilitthasankilesikattike sankilesetiti sankileso, vibadhati
upatapetiti atatho. Sankilesena samannagatati sankilittha. Attanam arammanam katva
pavattanena sankilesam arahanti, sankilese va niyutta tassa arammanabhavanatikkamanatoti
sankilesika, sankilesassa arammanapaccayabhutanam etam adhivacanam. Sankilittha ca te
sankilesika cati sankilitthasankilesika. Sesapadadvayam purimattike vuttanayeneva
veditabbam.
     [6] Vitakkattike sampayogavasena vattamanena saha vitakkena savitakka.
Saha vicarena savicaRa. Savitakka ca te savicara cati savitakkasavicaRa. Ubhayarahita
avitakkaavicaRa. Vitakkavicaresu vicarova matta pamanam etesanti vicaramatta,
vicarato uttarim vitakkena saddhim sampayogam na gacchantiti attho. Avitakka ca te
vicaramatta cati avitakkavicaramatta.
     [7] Pitittike pitiya saha ekuppadadibhavam gatati pitisahagata,
pitisampayuttati attho. Sesapadadvayepi eseva nayo. Upekkhati cettha adukkhamasukha
vedana vutta, sa hi sukhadukkhakarappavattim upekkhati, majjhattakarasanthitatta
tenakarena pavattatiti upekkha. Iti vedanattikato padadvayameva gahetva
nippitikassa sukhassa sappitikasukhato visesadassanavasena ayam tiko vutto.
     [8] Dassanattike dassanenati sotapattimaggena. So hi pathamam nibbanam
dassanato "dassanan"ti vutto. Gotrabhu pana kincapi pathamataram passati, yatha
pana ranno santikam kenacideva karaniyena agato 2- puriso duratova rathikaya carantam
@Footnote: 1 cha.Ma. tanhaditthihi      2 Ma. duragato
Hatthikkhandhagatam rajanam disvapi "dittho te raja"ti puttho disvapi
kattabbakiccassa akatatta "na passami"ti  aha, evameva nibbanam disvapi
kattabbassa kilesappahanassabhava na "dassanan"ti vuccati, tanhi nanam maggassa
avajjanatthane titthati. Bhavanayati sesamaggattayena, sesamaggattayanhi pathamamaggena
ditthasmimyeva dhamme bhavanavasena uppajjati, aditthapubbam kinci na passati, tasma
"bhavana"ti vuccati. Tatiyapadam ubhayapatikkhepavasena vuttam.
    [9] Tadanantarattike dassanena pahatabbo hetu etesanti dassanena
pahatabbahetuka. Dutiyapadepi eseva nayo. Tatiyapade 1- "neva dassanena ca bhavanaya
ca 1- pahatabbo hetu etesan"ti evamattham aggahetva "neva dassanena na
bhavanaya pahatabbo hetu etesam atthi"ti evamattho gahetabbo. Itaratha hi
ahetukanam aggahanam bhaveyya, hetuyeva hi etesam natthi, yo dassanabhavanahi pahatabbo
siya. Sahetukesupi hetuvajjanam pahanam apajjati, na hetunam. Hetuyeva hi etesam
neva dassanena na bhavanaya pahatabboti vutto, na te dhamma. Na ubhayampi
cetam adhippetam. Tasma neva dassanena na bhavanaya pahatabbo hetu etesam atthiti
nevadassanena nabhavanaya pahatabbahetukati ayamattho gahetabbo.
    [10] Acayagamittike kammakilesehi aciyatiti acayo, patisandhicutigatippavattanam
etam namam. Tassa karanam hutva nipphadanakabhavena tam acayam gacchanti,
yassa va pavattanti, tam puggalam yathavuttameva acayam gamentitipi acayagamino,
sasavakusalakusalanam etam adhivacanam. Tatoeva acayasankhata caya apetatta
nibbanam apetam cayati apacayo, tam arammanam katva pavattanato apacayam gacchantiti
apacayagamino, ariyamagganametam adhivacanam. Apica pakaram itthakavaddhaki viya pavattam
acinanta gacchantiti acayagamino. Tena citam citam itthakam viddhamsayamano puriso viya
tadeva pavattam apacinanta gacchantiti apacayagamino. Tatiyapadam ubhayapatikkhepena vttam.
@Footnote: 1-1 cha.Ma. neva dassanena na bhavanaya
     [11] Sekkhattike tisu sikkhasu jatati sekkha, sattannam sekkhanam etetipi
sekkha, apariyositasikkhataya sayameva sikkhantitipi sekkha. Upari sikkhitabbabhavato
na sekkhati asekkha, vuddhippatta va sekkhatipi asekkha, arahattaphaladhammanam
etam adhivacanam. Tatiyapadam ubhayapatikkhepena vuttam.
     [12] Parittattike samantato khanditatta appamattakam parittanti vuccati
"parittam gomayapindan"tiadisu 1- viya, imepi appanubhavataya paritta viyati
paritta, kamavacaradhammanametam adhivacanam. Kilesavikkhambhanasamatthataya vipulaphalataya
dighasantanataya ca mahantabhavam gata, mahantehi va olaracchandaviriyacittapannehi
gata patipannatipi mahaggata. Pamanakara dhamma ragadayo pamanam nama, arammanato
va sampayogato va natthi etesam pamanam pamanassa ca patipakkhati appamana.
     [13] Parittarammanattike parittam arammanam etesanti parittarammana.
Sesapadadvayepi eseva nayo.
     [14] Hinattike hinati lamaka akusala dhamma. Hinappanitanam majjhe bhavati
majjhima, avasesa tebhumika dhamma. Uttamatthena atippakatthena ca panita, lokuttara
dhamma.
     [15] Micchattattike "hitasukhavaha me bhavissanti"ti evam asimsitapi tatha
abhavato "asubhadisuyeva subhan"tiadiviparitappavattito ca micchasabhavati micchatta,
vipakadane sati khandhabhedanantarameva vipakadanato niyata, micchatta ca te niyata
cati micchattaniyata. Vuttaviparitena atthena samma sabhavati sammatta, sammatta
ca te niyata ca anantarameva phaladanenati 2- sammattaniyata. Ubhayathapi na niyatati
aniyata.
     [16] Maggarammanattike nibbanam maggati gavesati, kilese va marento
gacchatiti maggo, maggo arammanam etesanti maggarammana. Atthangikopi maggo
paccayatthena etesam hetuti maggahetuka. Maggasampayutta va hetu, magge va hetuti
maggahetu, te etesam hetutipi maggahetuka. Sammaditthi sayam maggo ceva hetu ca,
@Footnote: 1 sam.kha. 17/96/114       2 Ma. phaladananiyamenati
Iti maggo hetu etesantipi maggahetuka. Abhibhavitva pavattanatthena maggo
adhipati etesanti maggadhipatino.
     [17] Uppannattike uppadato patthaya yava bhanga uddham panna gata
pavattati uppanna. Na uppannati anuppanna. Parinitthitakaranekadesatta avassam
uppajjissantiti uppadino.
     [18] Atitattike attano sabhavam uppadadikkhanam va patva atikkantati atita.
Tadubhayampi na agatati anagata. Tantam karanam paticca uppannati paccuppanna.
     [19] Anantarattike atitam arammanam etesanti atitarammana. Sesapadadvayepi
eseva nayo.
     [20] Ajjhattattike "evam pavattamana mayam attati gahanam gamissama"ti
imina viya adhippayena attanam adhikaram katva pavattati ajjhatta. Ajjhattasaddo
panayam gocarajjhatte niyakajjhatte ajjhattajjhatte visayajjhatteti catusu atthesu
dissati. "tenananda bhikkhuna tasmimyeva purimasmim samadhinimitte ajjhattameva cittam
santhapetabbam 1- ajjhattarato samahito"tiadisu 2- hi ayam gocarajjhatte dissati.
"ajjhattam sampasadanam, 3- ajjhattam va dhammesu dhammanupassi viharati"tiadisu 4-
niyakajjhatte. "../../bdpicture/cha ajjhattikani ayatanani"tiadisu 5- ajjhattajjhatte. "ayam kho
panananda viharo tathagatena abhisambuddho yadidam sabbanimittanam amanasikara ajjhattam
sunnatam upasampajja viharati"tiadisu 6- visayajjhatte, issariyatthaneti attho.
Phalasamapatti hi buddhanam issariyatthanam nama. Idha pana niyakajjhatte adhippeto.
Tasma attano santane pavatta patipuggalika dhamma ajjhattati veditabba.
Tato bahibhuta 7- pana indriyabaddha va anindriyabaddha vati bahiddha nama.
Tatiyapadam tadubhayavasena vuttam.
@Footnote: 1 Ma.u. 14/188/161    2 khu.dha. 25/362/80
@3 di.Si. 9/468/205, abhi. 34/161/50  4 di.Ma. 10/383/257
@5 Ma.u. 14/304/279   6 Ma.u. 14/187/160  7 cha.Ma. bahirabhuta
     [21] Anantarattiko pana teyeva tippakarepi dhamme arammanam katva
pavattanavasena vutto.
     [22] Sanidassanattike datthabbabhavasankhatena saha nidassanenati sanidassana,
patihananabhavasankhatena saha patighenati sappatigha, sanidassana ca te sappatigha
cati sanidassanasappatigha. Natthi etesam datthabbabhavasankhatam nidassananti anidassana,
anidassana ca te vuttanayeneva sappatigha cati anidassanasappatigha. Tatiyapadam
ubhayapatikkhepena vuttam. Ayam tava tikamatikaya anupubbapadavannana.
                      Tikamatikapadavannana nitthita.
                          -------------



             The Pali Atthakatha in Roman Book 53 page 1-94. http://84000.org/tipitaka/atthapali/read_rm.php?B=53&A=1&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=1&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=34&i=1              เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=1              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=1              The Pali Tipitaka in Roman Character :- http://84000.org/tipitaka/read/roman_read.php?B=34&A=1              Contents of The Tipitaka Volume 34 http://84000.org/tipitaka/read/?index_34

previous bookdispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]