ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 53 : PALI ROMAN Sangani.A. (atthasalini)

                         Arammanacatukkavannana
     [181] Idani yasma etam jhanam nama yatha patipadabhedena, evam
arammanabhedenapi catubbidham hoti. Tasmassa tam pabhedam dassetum puna "katame
dhamma kusala"tiadi araddham. Tattha parittam parittarammanantiadisu yam appagunam
hoti, uparijjhanassa paccayo bhavitum na sakkoti, idam parittam nama. Yam pana
avaddhite suppamatte va saravamatte va arammane pavattam, tam parittam arammanam
assati parittarammanam. Yam pagunam subhavitam, uparijjhanassa paccayo bhavitum
sakkoti, idam appamanam nama. Yam vipule arammane  pavattam, tam vuddhippamanatta
appamanam arammanam assati appamanarammanam. Vuttalakkhanavomissataya pana
vomissakanayo veditabbo. Iti arammanavasenapi cattaro navaka vutta honti,
cittaganana cettha purimasadisaevati.
                         Arammanacatukkam nitthitam.
                           -----------
                      Arammanapatipadamissakavannana
     [186] Idani arammanapatipadamissakam solasakkhattukanayam dassetum puna
"katame dhamma kusala"tiadi araddham. Tattha pathamanaye vuttajjhanam dukkhapatipadatta
dandhabhinnatta parittatta parittarammanattati catuhi karanehi hinam. Solasamanaye
vuttajjhanam sukhapatipadatta khippabhinnatta appamanatta appamanarammanattati
catuhi karanehi panitam. Sesesu cuddasasu ekena dvihi tihi ca karanehi
hinappanitata veditabba.
     Kasma panayam nayo desitoti? jhanuppattikaranatta. Sammasambuddhena
hi pathavikasine suddhikajjhanam catukkanayavasena pancakanayavasena ca dassitam, tatha
suddhikapatipada, tatha suddhikarammanam. Tattha ya devata pathavikasine suddhikajjhanam
catukkanayavasena desiyamanam bujjhitum sakkonti, tasam sappayavasena suddhikajjhane
catukkanayo desito. Ya pancakanayavasena desiyamanam bujjhitum sakkonti, tasam
sappayavasena pancakanayo desito. Ya suddhikapatipadaya suddhikarammane
catukkanayavasena desiyamanam bujjhitum sakkonti, tasam sappayavasena suddhikapatipadaya
suddhikarammane catukkanayo desito. Ya pancakanayavasena desiyamanam bujjhitum
sakkonti, tasam sappayavasena pancakanayo desito. Iti hettha
puggalajjhasayavasena desana kata.
     Desanavilasappatto cesa pabhinnapatisambhido dasabalacatuvesarajjavisadannano
dhammanam yathavasarasalakkhanassa supatividdhatta dhammapannattikusalataya
yo yo nayo labbhati, tassa tassa vasena desanam niyametum sakkoti. Tasma
imaya desanavilasappattiyapi tena esa pathavikasine suddhikacatukkanayadivasena
desana kata.
     Yasma pana ye keci jhanam uppadenti nama, na te arammanapatipadahi
vina uppadetum sakkonti, tasma niyamato jhanuppattikaranatta ayam
solasakkhattukanayo kathito.
     Ettavata eko 1- suddhikanavako, cattaro patipadanavaka, cattaro
arammananavaka, ime ca solasa navakati pancavisatinavaka kathita honti. Tattha
ekekasmim navake catukkapancakavasena dve dve nayati pannasanaya. Tattha
pancavisatiya catukkanayesu satam, pancakanayesu pancavisasatanti pathato pancavisadhikani
dve jhanacittasatani honti. Pancakanaye pana catukkanayassa pavitthatta atthato
pancavisadhikameva cittasatam hoti. Yani cetani pathe pancavisadhikani dve
@Footnote: 1 cha.Ma. ayam patho na dissati
Cittasatani, tesu ekekassa niddese dhammavavatthanadayo tayo tayo mahavara
honti, te pana tattha tattha nayamattameva dassetva sankhittati.
                          Pathavikasinam nitathitam.
                          -------------
     [203] Idani yasma apokasinadisupi etani jhanani uppajjanti,
tasma tesam dassanattham puna "katame dhamma kusala"tiadi araddham. Tesu
sabbo palinayo ca atthavibhavana ca cittaganana ca varasankhepo ca pathavikasine
vuttanayeneva veditabbo. Bhavananayo pana kasinaparikammam adim katva sabbopi
visuddhimagge 1- pakasitoyeva. Mahasakuludayisutte ca pana dasa kasinani 2- vuttani.
Tesu vinnanakasinam akase pavattitamahaggatavinnanampi tattha parikammam katva
nibbattavinnanancayatanasamapattipi hotiti sabbappakarena aruppadesanameva
bhajati. Tasma imasmim thane na kathitam.
     Akasakasinanti pana kasinugghatimakasampi tam arammanam katva
pavattakkhandhapi bhitticchiddadisu annatarasmim gahetabbanimittaparicchedakasampi tam
arammanam katva uppannacatukkapancakajjhanampi vuccati. Tattha purimanayo
aruppadesanam bhajati, pacchimanayo rupavacaradesanam. Iti missakatta imam rupavacaradesanam
na arulham, paricchedakase nibbattajjhanam pana rupupapattiya maggo
hoti, tasma tam gahetabbam. Tasmim pana catukkapancakajjhanameva uppajjati,
arupajjhanam nuppajjati. Kasma? kasinugghatanassa alabhato. Tanhi punappunam
ugghatiyamanampi akasameva hotiti na tattha kasinugghatanam labbhati. Tasma
tattha uppannam jhanam ditthadhammasukhaviharaya sampavattati, abhinnapadakam hoti,
vipassanapadakam hoti, nirodhapadakam na hoti, anupubbanirodho panettha yava
pancamajjhana labbhati, vattapadakam hotiyeva. Yatha cetam, evam purimakasinesu
@Footnote: 1 visuddhi. 1/217 adi        2 Ma.Ma. 13/250/226
Uppannajjhananipi. 1- Nirodhapadakabhavo panettha viseso. Sesamettha akasakasine
yam vattabbam siya, tam sabbam visuddhimagge 2- vuttameva.
     "ekopi hutva bahudha hoti"tiadinayam 3- pana iddhivikubbanam icchantena
purimesu atthasu kasinesu attha samapattiyo nibbattetva kasinanulomato,
kasinapatilomato, kasinanulomapatilomato, jhananulomato, jhanapatilomato,
jhananulomapatilomato, jhanukkantikato, kasinukkantikato, jhanakasinukkantikato,
angasankantito, arammanasankantito, angarammanasankantito, angavavatthanato,
arammanavavatthanatoti imehi cuddasahi akarehi cittam paridametabbam. Tesam
vittharakatha visuddhimagge 4- vuttayeva.
     Evam pana cuddasahi akarehi cittam aparidametva pubbe abhavitabhavano
adikammiko yogavacaro iddhivikubbanam sampadessatiti netam thanam vijjati.
Adikammikassa hi kasinaparikammampi bharo, satesu sahassesu va ekova sakkoti.
Katakasinaparikammassa nimittuppadanam bharo, satesu sahassesu va ekova sakkoti.
Uppanne nimitte tam vaddhetva appanadhigamo bharo, satesu sahassesu va
ekova sakkoti. Adhigatappanassapi cuddasahakarehi cittaparidamanam bharo, satesu
sahassesu va ekova sakkoti. Cuddasahi akarehi paridamitacittassapi
iddhivikubbanannama bharo, satesu sahassesu va ekova sakkoti.
Vikubbanappattassapi khippanisantibhavo nama bharo, satesu sahassesu va ekova
khippanisanti hotiti. Therambatthale maharohanaguttattherassa gilanupatthanam agatesu
timsamattesu iddhimantasahassesu upasampadaya atthavassiko rakkhitatthero viya.
Sabbam vatthu visuddhimagge 5- vittharitamevati.
                          Kasinakatha nitthita.
                           ----------
@Footnote: 1 cha.Ma. uppannam jhanampi                 2 visuddhi. 1/223 sesakasinaniddesa
@3 di.Si. 9/474/209, khu. pati. 31/102/115   4 visuddhi. 2/200 iddhividhaniddesa
@5 visuddhi. 2/202 iddhividhaniddesa



             The Pali Atthakatha in Roman Book 53 page 238-241. http://84000.org/tipitaka/atthapali/read_rm.php?B=53&A=5963&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=5963&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=34&i=167              เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=1450              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=1080              The Pali Tipitaka in Roman Character :- http://84000.org/tipitaka/read/roman_read.php?B=34&A=1080              Contents of The Tipitaka Volume 34 http://84000.org/tipitaka/read/?index_34

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]