บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Vimokkhakatha [248] Idani yasma idam rupavacarakusalam nama na kevalam arammanasankhatanam ayatananam abhibhavanato abhibhayatanavaseneva uppajjati, athakho vimokkhavasenapi uppajjati, tasma tampi nayam dassetum puna "katame dhamma kusala"ti adi araddham. Kenatthena pana vimokkho veditabboti? adhimuccanatthena. Ko ayam Adhimuccanattho nama? paccanikadhammehi ca sutthu vimuccanattho arammane ca Abhirativasena sutthu vimuccanattho 2- pituanke vissatthangapaccangassa darakassa sayanam viya aniggahitabhavena nirasankataya arammane pavattiti vuttam hoti. Evamlakkhananhi vimokkhabhavappattam rupavacarakusalam dassetum ayam nayo araddho. @Footnote: 1 visuddhi. 1/220 sesakasinaniddesa 2 Si. adhimuccanattho Tattha rupiti ajjhattam kesadisu uppaditam rupajjhanam rupam, tadassa atthiti rupi. Ajjhattam hi nilaparikammam karonto kese va pitte va akkhitarakaya va karoti. Pitaparikammam karonto mede va chaviyam va akkhinam pitatthane va karoti. Lohitaparikammam karonto mamse va lohite va jivhaya va hatthatalapadatalesu va akkhinam rattatthane va karoti. Odataparikammam karonto atthimhi va dante va nakhe va akkhinam setatthane va karoti. Evam parikammam katva uppannajjhanasamanginam sandhayetam vuttam. Bahiddhani 1- rupani passatiti bahiddhapi nilakasinadirupani jhanacakkhuna passati. Imina ajjhattabahiddhavatthukesu kasinesu jhanapatilabho dassito. Ajjhattam arupasanniti ajjhattam na rupasanni, attano kesadisu anuppaditarupavacarajjhanoti attho. Imina bahiddha parikammam katva bahiddhava patiladdhajjhanata dassita. "subhan"ti imina suvisuddhesu niladisu vannakasinesu jhanani dassitani. Tattha kincapi antoappanaya `subhan'ti abhogo natthi, yo pana suvisuddham subhakasinam arammanam katva viharati, so yasma subhanti .pe. Pathamam jhanam upasampajja viharati. Tatha dutiyadini. Tasma evam desana kata. Patisambhidamagge pana "katham `subhan'tveva adhimutto hotiti vimokkho? idha bhikkhu mettasahagatena cetasa ekam disam .pe. Viharati, mettaya bhavitatta satta appatikula honti. Karunamuditaupekkhasahagatena cetasa ekam disam .pe. Viharati, upekkhaya bhavitatta satta appatikula honti. Evam `subhan'tveva adhimutto hotiti vimokkho"ti 2- vuttam. Idha pana upari paliyamyeva brahmaviharanam agatatta tam nayam patikkhipitva sunilakasupitakasulohitakasuodatakaparisuddhanilakaparisuddhapitaka- parisuddhalohitakaparisuddhaodatakavaseneva subhavimokkho anunnato. Iti "kasinan"ti @Footnote: 1 cha.Ma. ayam patho na dissati 2 khu. pati. 31/212/254-255 Va "abhibhayatanan"ti va "vimokkho"ti va rupavacarajjhanameva. Tanhi arammanassa sakalatthena kasinam nama, arammanam abhibhavanatthena abhibhayatanam nama, arammane adhimuccanatthena paccanikadhammehi ca vimuccanatthena vimokkho namati vuttam. Tattha kasinadesana abhidhammavasena, itara pana suttantadesanavasena vuttati veditabba. Ayamettha apubbapadavannana. Ekekasmim pana vimokkhe pathavikasine viya pancavisati pancavisatiti katva pancasattati navaka veditabba. Vimokkhakatha nitthita. -----------------The Pali Atthakatha in Roman Book 53 page 244-246. http://84000.org/tipitaka/atthapali/read_rm.php?B=53&A=6121&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=6121&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=34&i=189 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=1903 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=1484 The Pali Tipitaka in Roman Character :- http://84000.org/tipitaka/read/roman_read.php?B=34&A=1484 Contents of The Tipitaka Volume 34 http://84000.org/tipitaka/read/?index_34
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]