AtthaPali Vol.53

Asubhakatha [263] Idani ragacaritadinam sattanam ekantahitam nanarammanesu ekajjhanavaseneva ^1- pavattamanam rupavacarakusalam dassetum puna "katame dhamma kusala"tiadi araddham. Tattha uddhumatakasannasahagatantiadisu bhasta viya vayuna uddham jivitapariyadana yathanukkamam samuggatena sunabhavena dhumatatta uddhumatam, uddhumatameva uddhumatakam. Patikulatta va kucchitam uddhumatanti uddhumatakam, tatharupassa chavasarirassetam adhivacanam. Vinilam vuccati viparibhinnanilavannam, vinilameva vinilakam. Patikulatta va kucchitam vinilanti vinilakam, mamsussadatthanesu rattavannassa pubbasannicayatthanesu setavannassa yebhuyyena ca nilavannassa nilatthane nilasatakaparutasseva chavasarirassetam adhivacanam. Paribhinnatthanesu vissandamanam pubbam vipubbam, vipubbameva vipubbakam. Patikulatta va kucchitam vipubbanti vipubbakam, tatharupassa chavasarirassetam adhivacanam. Vichiddam vuccati dvidha chindanena avadharitam, ^2- vichiddameva vichiddakam. Patikulatta va kucchitam vichiddanti vichiddakam, vemajjhe chinnassa chavasarirassetam adhivacanam. Ito ca etto ca vividhakarena sonasingaladihi khayitam vikkhayitam, vikkhayitameva vikkhayitakam. Patikulatta va kucchitam vikkhayitanti vikkhayitakam, tatharupassa chavasarirassetam adhivacanam. Vividha khittam vikkhittam, vikkhattameva vikkhittakam. Patikulatta va kucchitam vikkhittanti vikkhittakam, annena hattham annena padam annena sisanti evam tato tato vikkhittassa chavasarirassetam adhivacanam. Hatanca tam purimanayeneva vikkhittakancati hatavikkhittakam, kakapadakarena angapaccangesu satthena hanitva vuttanayeneva vikkhittakassa chavasarirassetam adhivacanam. Lohitam kirati vikkhipati ito cito ca paggharatiti lohitakam, paggharitalohitamakkhitassa chavasarirassetam adhivacanam, pulava ^3- vuccanti kimayo, pulavehi ^4- @Footnote: ¹ cha.Ma. ekekajjhanavaseneva ² cha.Ma. apadharitam, Si. apavaritam (visuddhi. 1/227) @³ Ma. puluva ⁴ cha. pulave, Ma. puluvehi Vikiratiti pulavakam, kimiparipunnassa chavasarirassetam adhivacanam, atthiyeva atthikam. Patikulatta va kucchitam atthiti atthikam, atthisankhalikayapi ekatthikassapi etam adhivacanam. Imani ca pana uddhumatakadini nissaya uppannanimittanampi nimittesu patiladdhajjhananampi etaneva namani. Tattha uddhumatakanimitte appanavasena uppanna sanna uddhumatakasanna, taya uddhumatakasannaya sampayogatthena sahagatam uddhumatakasannasahagatam. Vinilakasannasahagatadisupi eseva nayo. Yam panettha bhavanavidhanam vattabbam bhaveyya, tam sabbakarenapi visuddhimagge ^1- vuttameva. Avasesa palivannana hettha vuttanayeneva veditabba. Kevalam hi idha catutthajjhanavasena upekkhabrahmavihare viya pathamajjhanavasena ekekasmim pancavisati ekaka honti. Asubharammanassa ca avaddhaniyatta paritte uddhumatakatthane uppannanimittarammanam parittarammanam, mahante appamanarammanam veditabbam. Sesesupi eseva nayoti. Iti asubhani subhaguno dasasatalocanena thutakitti yani avoca dasabalo ekekajjhanahetuni. Evam palinayeneva tava sabbani tani janitva tesveva ayam bhiyyo pakinnakakathapi vinneyya. ^2- Etesu hi yattha katthaci adhigatajjhano suvikkhambhitaragatta vigatarago ^3- viya nilolupacaro hoti. Evam santepi yvayam asubhappabhedo vutto, so sarirasabhavappattivasena ca ragacaritabhedavasena cati veditabbo. Chavasariram hi patikulabhavam apajjamanam uddhumatakasabhavappattam va siya, vinilakadinam va annatarasabhavappattam. Iti yadisam yadisam sakka hoti laddhum, @Footnote: ¹ visuddhi. 1/228 asubhakammatthananiddesa @² visudadhi. 1/247 ³ cha.Ma. vitarago Tadise tadise uddhumatakam patikulam, vinilakam patikulanti evam nimittam ganhitabbamevati sarirasabhavappattivasena dasadha asubhappabhedo vuttoti veditabbo. Visesato cettha uddhumatakam sarirasanthanavipattippakasanato sarirasanthanaragino sappayam, vinilakam chaviragavipattippakasanato sariravannaragino sappayam, vipubbam kayavannapatibaddhassa duggandhabhavassa pakasanato malagandhadivasena samutthapitasariragandharagino sappayam, vicchiddakam antosusirabhavappakasanato sarire ghanabhavaragino sappayam, vikkhayitakam mamsupacayasampattivinasappakasanato thanadisu sarirappadesesu mamsupacayaragino sappayam, vikkhittakam angapaccanganam vikkhepappakasanato angapaccangalilaragino sappayam, hatavikkhittakam sarirasanghatabhedavikarappakasanato sarirasanghatasampattiragino sappayam, lohitakam lohitamakkhitapatikulabhavappakasanato alankarajanitasobharagino sappayam, puluvakam kayassa anekakimikulasadharanabhavappakasanato kaye mamattaragino sappayam, atthikam sariratthinam patikulabhavappakasanato dantasampattiragino sappayanti evam ragacaritavasenapi dasadha asubhappabhedo vuttoti veditabbo. Yasma pana dasavidhepi etasmim asubhe seyyathapi nama aparisanthitajalaya sighasotaya nadiya arittabaleneva nava titthati, vina arittena na sakka thapetum, evameva patikulatta ^1- dubbalatta arammanassa vitakkabaleneva cittam ekaggam hutva titthati, vina vitakkena na sakka thapetum. Tasma pathamajjhanamevettha hoti, na dutiyadini. Patikulepi cetasmim arammane "addha imaya patipadaya jaramaranamha parimuccissami"ti evam anisamsadassavitaya ceva nivaranasantapappahanena ca pitisomanassam uppajjati, "bahumdani vetanam labhissami"ti anisamsadassavino pupphacchaddakassa gutharasimhi viya uppannabyadhidukkhassa ^2- roginova vamanavirecanappavattiyam viya ca. @Footnote: ¹ cha.Ma. ayam patho na dissati @² cha. ussannabyadhidukkhassa, Si.,Ma. upasantabyadhidukkhassa Dasavidhampi cetam asubham lakkhanato ekameva hoti, dasavidhassapi hi etassa asuciduggandhajegucchapatikulabhavoeva lakkhanam. Tadetam imina lakkhanena na kevalam matasarireyeva, dantatthikadassavino pana cetiyapabbatavasino mahatissattherassa viya, ^1- hatthikkhandhagatam rajanam olokentassa ^2- samgharakkhitattherupatthakassa samanerassa viya ca jivamanakasarirepi upatthati. Yatheva hi matasariram, evam jivamanakampi asubhameva. Asubhalakkhanam panettha agantukena alankarena paticchannatta na pannayatiti. Asubhakatha nitthita. ---------- Kim pana pathavikasinama dim katva atthikasannapariyosanapesa rupavacarappana, udahu annapi atthiti? atthi, anapanajjhananca ^3- kayagatasatibhavana ca idha na kathita. ^4- Kincapi na kathita, vayokasine pana gahite anapanajjhanampi gahitameva hoti, ^5- vannakasinesu ca gahitesu kesadisu catukkapancakajjhanavasena uppanna kayagatasati, dasasu asubhesu gahitesu davattimsakarapatikulamanasikarajjhanavasena ceva navasivathikavannajjhanavasena ca pavatta kayagatasati gahitavati sabbapi rupavacarappana idha kathitava hotiti. Rupavacarakatha nitthita. -------------

The Pali Atthakatha in Roman Book 53 page 252-255. http://84000.org/tipitaka/atthapali/read_rm.php?B=53&A=6309&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=6309&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=34&i=191 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=1980 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=1546 The Pali Tipitaka in Roman Character :- http://84000.org/tipitaka/read/roman_read.php?B=34&A=1546 Contents of The Tipitaka Volume 34 http://84000.org/tipitaka/read/?index_34