ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 54 : PALI ROMAN Vibhanga.A. (sammoha.)

                        3. Panhapucchakavannana
     [150] Idani panhapucchakam hoti.  tattha panhapucchane "pancannam
khandhanam kati kusala kati akasula kati abyakata"tiadina nayena yam labbhati,
yanca na labbhati, tam sabbam pucchitva vissajjane "rupakkhandho abyakato"tiadina
nayena yam labbhati, tadeva uddhatanti veditabbam. Yattha yattha ca "eko
khandho"ti va "dve khandha"ti va paricchedam akatva "siya uppanna siya
@Footnote: 1 cha.Ma. dukesu ca
Anuppanna"tiadina nayena tanti thapita, tattha tattha pancannampi khandhanam
gahanam veditabbam. Seso tesam tesam khandhanam kusaladivibhago hettha
dhammasangahatthakathaya 1- vuttoyeva.
     Arammanattikesu pana cattaro khandha pancapannasa kamavacaradhamme
arabbha rajjantassa dussantassa muyhantassa samvarantassa sammasantassa
paccavekkhantassa ca parittarammana honti, sattavisati ruparupavacaradhamme arabbha
rajjantassa dussantassa muyhantassa samvarantassa pariggaham patthapentassa
mahaggatarammana, maggaphalanibbanani paccavekkhantassa appamanarammana, pannattim
paccavekkhanakale navattabbarammanati.
     Teyeva sekhasekhanam maggapaccavekkhanakale maggarammana honti, maggakale
sahajatahetuna maggahetuka, magga garum katva paccavekkhanakale arammanadhipatina
maggadhipatino, viriyajetthakam va vimamsajetthakam va maggam bhaventassa
sahajatadhipatina maggadhipatino. Chandajetthakam pana cittajetthakam va bhaventassa
navattabbarammana nama honti.
     Atitani pana khandhadhatuayatanani arabbha rajjantassa dussantassa
muyhantassa samvarantassa pariggaham patthapentassa atitarammana honti, anagatani
arabbha anagatarammana honti, paccuppannani arabbha paccuppannarammana
honti. Pannattim va nibbanam va paccavekkhantassa navattabbarammana
honti.
     Tatha attano khandhadhatuayatanani arabbha rajjantassa dussantassa
muyhantassa samvarantassa pariggaham patthapentassa ajjhattarammana honti,
paresam khandhadhatuayatanani arabbha evam pavattentassa bahiddharammana,
@Footnote: 1 sangani. A. 1/985/403
Pannattinibbanapaccavekkhanakalepi bahiddharammanayeva, kalena ajjhattam kalena
bahiddha dhammesu evam pavattentassa ajjhattabahiddharammana. Akincannayatanakale
navattabbarammanati veditabba.
     Iti bhagava imam khandhavibhangam suttantabhajaniyadivasena tayo parivatte
niharitva bhajento dassesi. Tisupi hi parivattesu ekoeva 1- paricchedo.
Rupakkhandho hi sabbattha kamavacaroyeva, cattaro khandha catubhumika
lokiyalokuttaramissaka kathitati.
                  Panhapucchakavannana   nitthita.
                  Sammohavinodaniya    vibhangatthakathaya
                  khandhavibhangavannana    nitthita.
                        -----------------
@Footnote: 1 cha.Ma. ekova



             The Pali Atthakatha in Roman Book 54 page 47-49. http://84000.org/tipitaka/atthapali/read_rm.php?B=54&A=1092&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=1092&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=35&i=84              เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=1499              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=1444              The Pali Tipitaka in Roman Character :- http://84000.org/tipitaka/read/roman_read.php?B=35&A=1444              Contents of The Tipitaka Volume 35 http://84000.org/tipitaka/read/?index_35

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]