AtthaPali Vol.54

2. Ayatanavibhanga 1. Suttantabhajaniyavannana [154] Idani tadanantaram ^1- ayatanavibhanganiddese suttantabhajaniyam tava dassento dvadasayatanani cakkhvayatanam rupayatanantiadimaha. Tattha palimuttakena tava nayena:- atthalakkhanatavattha ^2- kamasankhepavitthara tatha datthabbato ceva vinnatabbo vinicchayo. Tattha visesato tava cakkhatiti cakkhu, rupam assadeti vibhaveti cati attho. Rupayatiti rupam, vannavikaram apajjamanam hadayagatabhavam pakasetiti attho. Sunatiti sotam. Sappatiti saddo, udahariyatiti attho. Ghayatiti ghanam. Gandhayatiti gandho, attano vatthum sucayatiti attho. Jivitam avahayatiti jivha. Rasanti tam sattati raso, assadentiti attho. Kucchitanam sasavadhammanam ayoti kayo. Ayoti uppattideso. Phussiyatiti ^3- photthabbam. Manuyatiti ^4- mano. Attano lakkhanam dharayantiti dhamma. Avisesato pana ayatanato ayanam tananato ayatassa ca nayanato ayatananti veditabbam. Cakkhurupadisu hi tamtamdvararammana cittacetasika dhamma sena sena anubhavanadina kiccena ayatanti utthahanti ghatenti vayamantiti vuttam hoti. Te ca pana ayabhute dhamme etani tananti, ^5- vittharentiti vuttam hoti. Idam ca anamatagge samsare pavattam ativattam atitaayatam ^6- samsaradukkham yava na nivattati, tava nayanteva, pavattayantiti vuttam hoti. Iti sabbepime dhamma ayatanato ayanam tananato ayatassa ca nayanato ayatanam ayatananti vuccanti. @Footnote: ¹ cha.Ma. tadanantare ² cha.Ma. atthalakkhanatavatva @³ cha.Ma. phusiyatiti ⁴ cha.Ma. manatiti @⁵ cha.Ma. tanonti ⁶ cha. ativa ayatam Apica nivasanatthanatthena ^1- akaratthena samosaranatthanatthena sanjatidesatthena karanatthena ca ayatananti ^2- veditabbam. Tatha hi loke "issarayatanam vasudevayatanan"tiadisu nivasanatthanam ayatananti vuccati. "suvannayatanam ratanayatanan"tiadisu ^3- akaro. Sasane pana "manorame ayatane, sevanti nam vihangama"tiadisu ^4- samosaranatthanam. "dakkhinapatho gunnam ayatanan"tiadisu sanjatideso. "tatra tatreva sakkhibhabbatam papunati sati satiayatane"tiadisu ^5- karanam. Cakkhuadisu capi te te cittacetasika dhamma nivasanti tadayattavuttitayati cakkhvadayo nesam nivasanatthanam. Cakkhvadisu ca te akinna tannisitatta tadarammanatta cati cakkhvadayo nesam akaro. Cakkhvadayo ca nesam samosaranatthanam tattha tattha vatthudvararammanavasena samosaranato. Cakkhvadayo ca nesam sanjatideso tannissayarammanabhavena tattheva uppattito. Cakkhvadayo ca nesam karanam tesam abhave abhavatoti. Iti nivasanatthanatthena akaratthena samosaranatthanatthena sanjatidesatthena karanatthenati imehipi ^6- karanehi ete dhamma ayatananti vuccanti. Tasma yathavuttenatthena cakkhunca tam ayatanancati cakkhvayatanam .pe. Dhamma ca te ayatanancati dhammayatananti evam tavettha atthato vinnatabbo vinicchayo. Lakkhanatoti cakkhvadinam lakkhanatopettha vinnatabbo vinicchayo. Tani ca pana tesam lakkhanani hettha rupakandaniddese vuttanayeneva veditabbani. @Footnote: ¹ cha. nivasatthanatthena ² cha.Ma. ayatanam @³ cha.Ma. rajatayatananti.... ⁴ an. pancaka. 22/38/46 (sya) @⁵ an. pancaka. 22/23/20 (sya) ⁶ cha.Ma. imehi Tavatthatoti ^1- tavabhavato. Idam vuttam hoti:- cakkhvadayopi hi dhammaeva. Evam sati dhammayatanamicceva avatva kasma dvadasayatanani vuttaniti ce. Chavinnanakayuppattidvararammanavavatthanato. Idha hi channam vinnanakayanam dvarabhavena arammanabhavena ca vavatthanato ayameva tesam bhedo hotiti dvadasa vuttani. Cakkhuvinnanavithipariyapannassa hi vinnanakayassa cakkhvayatanameva uppattidvaram, rupayatanameva carammanam. Tatha itarani itaresam. Chatthassa pana bhavangamanasankhato manayatanekadesova uppattidvaram asadharananca dhammayatanam arammananti. Iti channam vinnanakayanam uppattidvararammanavavatthanato dvadasa vuttaniti evamettha tavavatthato ^1- vinnatabbo vinicchayo. Kamatoti idhapi pubbe vuttesu uppattikkamadisu desanakkamova yujjati. Ajjhattikesu hi ayatanesu sanidassanasappatighavisayatta cakkhvayatanam pakatanti pathamam desitam. Tato anidassanasappatighavisayani sotayatanadini. Athava dassananuttariyasavananuttariyahetubhavena bahupakaratta ajjhattikesu cakkhvayatanasotayatanani pathamam desitani, tato ghanayatanadini tini, pancannampi gocaravisayatta ante manayatanam. Cakkhvayatanadinam pana gocaratta tassa tassa anantarani bahiresu rupayatanadini. Apica vinnanuppattikaranavavatthanatopi ayameva tesam kamo veditabbo. Vuttam hetam "cakkhunca paticca rupe ca uppajjati cakkhuvinnanam .pe. Mananca paticca dhamme ca uppajjati manovinnanan"ti. ^2- Evam kamatopettha vinnatabbo vinicchayo. Sankhepavittharati sankhepato hi manayatanassa ceva dhammayatanekadesassa ca namena tadavasesananca ayatananam rupena sangahitatta dvadasapi ayatanani namarupamattameva honti. Vittharato pana ajjhattikesu tava cakkhvayatanam @Footnote: ¹ cha.Ma. tavatvato ² Ma.u. 14/421/361 Jativasena cakkhupasadamattameva, paccayagatinikayapuggalabhedato pana anantappabhedam. Tatha sotayatanadini cattari. Manayatanam tebhumikakusalakusalavipakakiriyavinnanabhedena ekasitippabhedam, vatthupatipadadibhedato pana anantappabhedam. Rupagandharasayatanani samutthanabhedato catuppabhedani, saddayatanam dvippabhedam. Sabhagavisabhagabhedato pana sabbanipi anantappabhedani. Photthabbayatanam pathavidhatutejodhatuvayodhatuvasena tippabhedam, samutthanato catuppabhedam, sabhagavisabhagato anekappabhedam. Dhammayatanam tebhumikadhammarammanavasena anekappabhedanti evam sankhepavitthara vinnatabbo vinicchayo. Datthabbatoti ettha pana sabbaneva tani ayatanani anagamanato aniggamanato ca datthabbani. Na hi tani pubbe udaya kutoci agacchanti, napi uddham vaya kuhinci gacchanti. Athakho pubbe udaya appatiladdhasabhavani, uddham vaya paribhinnasabhavani. Pubbantaparantavemajjhe paccayayattavuttitaya avasani pavattanti. Tasma anagamanato ca aniggamanato ca datthabbani. Tatha nirihato abyaparato ca. Na hi cakkhurupadinam evam hoti "aho vata amhakam samaggiyam vinnanam nama uppajjeyya"ti, na ca tani vinnanuppadanattham dvarabhavena vatthubhavena arammanabhavena va ihanti, na byaparamapajjanti. Athakho dhammatavesa, yam cakkhurupadinam samaggiyam cakkhuvinnanadini sambhavanti. Tasma nirihato abyaparato ca datthabbani. Apica ajjhattikani sunnagamo viya datthabbani dhuvasubhasukhattabhavavirahitatta, bahirani gamaghatakacora viya ajjhattikanam abhighatakatta. Vuttam hetam "cakkhum bhikkhave hannati manapamanapehi rupehi"ti ^1- vittharo. Apica ajjhattikani cha panaka viya datthabbani, bahirani tesam gocaravisayani ^2- viyati evamettha ^3- datthabbato vinnatabbo vinicchayoti. @Footnote: ¹ pali. manapamanapesu rupesu, sam.sala. 18/316/219 (sya) ² cha.Ma. gocara @³ cha.Ma. evampettha Idani tesam vipassitabbakaram dassetum cakkhum aniccantiadi araddham. Tattha cakkhu tava hutva abhavatthena aniccanti veditabbam. Aparehipi catuhi karanehi aniccam uppadavayavantato viparinamato tavakalikato niccapatikkhepatoti. Tadeva patipilanatthena dukkham. Yasma va etam uppannam thitim papunati, thitiyam jaraya kilamati, jaram patva avassam bhijjati, tasma abhinhasampatipilanato dukkhamato dukkhavatthuto sukhapatikkhepatoti imehi catuhi karanehi dukkham. Avasavattanatthena pana anatta. Yasma va etam uppannam thitim ma papunatu, thanappattam ma jiratu, jarappattam ma bhijjatuti imesu tisu thanesu kassaci vasavattibhavo natthi, sunnam tena vasavattanakarena. Tasma sunnato assamikato akamakariyato attapatikkhepatoti imehi catuhi karanehi anatta. Vibhavagatikato pubbaparavasena bhavasankantigamanato pakatibhavavijahanato ca viparinamadhammam. Idam aniccavevacanameva. Rupa aniccatiadisupi eseva nayo. Apicettha thapetva cakkhum tebhumikadhamma anicca, no cakkhu. Cakkhu pana cakkhu ceva aniccanca. Tatha sesadhamma dukkha, no cakkhu. Cakkhu pana cakkhu ceva dukkhanca. Sesadhamma anatta, no cakkhu. Cakkhu pana cakkhu ceva anatta cati. Rupadisupi eseva nayo. Imasmim pana suttantabhajaniye tathagatena kim dassitanti. Dvadasannam ayatananam anattalakkhanam. Sammasambuddho hi anattalakkhanam. Dassento aniccena va dasseti dukkhena va aniccadukkhehi va. Tattha "cakkhu attati yo vadeyya, tam na upapajjati. Cakkhussa uppadopi vayopi pannayati. Yassa kho pana uppadopi vayopi pannayati atta me uppajjati ca veti cati iccassa evamagatam hoti, tasma tam na upapajjati, cakkhu attati yo vadeyya, iti cakkhu anatta"ti ^1- imasmim sutte aniccena anattalakkhanam dassesi. "rupam bhikkhave anatta, rupanca hidam bhikkhave atta abhavissa, na yidam rupam abadhaya @Footnote: ¹ Ma.u. 14/422/363 Samvatteyya, labbhetha ca rupe `evam me rupam hotu, evam me rupam ma ahosi'ti, yasma ca khobhikkhave rupam anatta, tasma rupam abadhaya samvattati, na ca labbhati rupe `evam me rupam hotu, evam me rupam ma ahosi"ti ^1- imasmim sutte dukkhena anattalakkhanam dassesi. "rupam bhikkhave aniccam, yadaniccam tam dukkham, yam dukkham tadanatta, yadanatta tam netam mama, nesohamasmi, na me so atta"tiadisu ^2- aniccadukkhehi anattalakkhanam dassesi. Kasma? aniccadukkhanam pakatatta. Hatthato hi tattake va sarake va kismincideva va patitva bhinne "aho aniccan"ti vadanti. Evam aniccam pakatam nama. Attabhavasmim pana gandapilakadisu va utthitasu khanukantakadihi va viddhasu "aho dukkhan"ti vadanti. Evam dukkham pakatam nama. Anattalakkhanam apakatam andhakaram avibhutam duppativijjham duddipanam duppannapanam. Aniccadukkhalakkhanani uppada va tathagatanam anuppada va pannayanti, anattalakkhanam vina buddhuppada na pannayati, buddhuppadeyeva pannayati. Mahiddhika hi mahanubhava tapasaparibbajaka sarabhangasattharadayopi aniccam dukkhanti vattum sakkonti, anattati vattum na sakkonti. Sacepi ^3- te sampattaparisaya anattati vattum sakkuneyyum, sampattaparisaya maggaphalapativedho bhaveyya. Anattalakkhanapannapanam hi annassa kassaci avisayo, sabbannubuddhanameva visayo. Evametam anattalakkhanam apakatam. Tasma sattha anattalakkhanam dassento aniccena va dassesi dukkhena va aniccadukkhehi va. Idha pana tam aniccadukkhehi dassesiti veditabbam. Imani pana lakkhanani kissa amanasikara appativedha kena paticchannatta na upatthahanti? aniccalakkhanam tava udayabbayanam amanasikara appativedha santatiya paticchannatta na upatthati. Dukkhalakkhanam abhinhasampatipilanassa amanasikara appativedha iriyapathehi paticchannatta na upatthati. Anattalakkhanam @Footnote: ¹ vinaYu. 4/20/17 sam.kha. 17/59/55 @² sam.kha. 17/15/19 ³ cha.Ma. sace hi Nanadhatuvinibbhogassa amanasikara appativedha ghanena paticchannatta na upatthati. Udayabbayam pana pariggahetva santatiya vikopitaya aniccalakkhanam yathavasarasato upatthati. Abhinhasampatipilanam manasikaritva ^1- iriyapathe ugghatite dukkhalakkhanam yathavasarasato upatthati. Nanadhatuyo vinibbhujitva ghanavinibbhoge kate anattalakkhanam yathavasarasato upatthati. Ettha ca aniccam aniccalakkhanam dukkham dukkhalakkhanam anatta anattalakkhananti ayam vibhago veditabbo. Tattha aniccanti khandhapancakam. Kasma? uppadavayannathattabhava, hutva abhavato va. Uppadavayannathattam aniccalakkhanam, hutva abhavasankhato akaravikaro va. "yadaniccam tam dukkhana"ti vacanato pana tadeva khandhapancakam dukkham. Kasma? abhinhasampatipilanato. Abhinhasampatipilanakaro dukkhalakkhanam. "yam dukkham tadanatta"ti pana vacanato tadeva khandhapancakam anatta. Kasma? avasavattanato. Avasavattanakaro anattalakkhanam. Iti annadeva aniccam dukkham anatta, annani aniccadukkhanattalakkhanani. Pancakkhandha dvadasayatanani attharasa dhatuyoti idam hi sabbampi aniccam dukkham anatta nama. Vuttappakara akaravikara aniccadukkhanattalakkhananiti. Sankhepato panettha dasayatanani kamavacarani. Dve tebhumikani sabbesupi sammasanavaro ^2- kathitoti veditabbo. Suttantabhajaniyavannana nitthita. ---------------

The Pali Atthakatha in Roman Book 54 page 50-56. http://84000.org/tipitaka/atthapali/read_rm.php?B=54&A=1134&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=1134&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=97 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=1727 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=1734 The Pali Tipitaka in Roman Character :- http://84000.org/tipitaka/read/roman_read.php?B=35&A=1734 Contents of The Tipitaka Volume 35 http://84000.org/tipitaka/read/?index_35