ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 54 : PALI ROMAN Vibhanga.A. (sammoha.)

                        6. Chakkaniddesavannana
     [944] Chakkaniddese yasma kuddho va kodhavasena sanditthiparamasi
va sanditthiparamasitaya kalaham viggaham vivadam apajjati, tasma kodhadayo
"vivadamulani"ti vutta.
     Chandaraganiddese kamagehasitatta chandaraga gehasita dhammati sangahato
vatva puna pabhedato dassetum manapiyesu rupesutiadi vuttam. Tattha manapiyesuti
manavaddhanakesu itthesu. Virodhaeva virodhavatthuni. Amanapiyesuti anitthesu.
@Footnote: 1 cha.Ma. vighatalakkhano     2 cha.Ma. vitakkena ca vicarena ca     3 cha.Ma. uppilabhavakaranam
     [945] Agaravesu agaravoti garavavirahito. Appatissoti appatissayo
anicavutti. Ettha pana yo bhikkhu satthari dharamane tisu kalesu upatthanam na
yati, satthari anupahane cankamante saupahano cankamati, nice cankame cankamante
ucce cankamati, hettha vasante upari vasati, satthu dassanatthane ubho amse
parupati, chattam dhareti, upahanam dhareti, nhayati, uccaram va passavam va
karoti, parinibbute va pana cetiyam vanditum na gacchati, cetiyassa pannayanatthane
satthu dassanatthane vuttam sabbam karoti, ayam satthari agaravo nama. Yo pana
dhammassavane sanghutthe na sakkaccam gacchati, sakkaccam dhammam na sunati, samullapanto
nisidati, na sakkaccam ganhati, na sakkaccam vaceti, ayam dhamme agaravo nama.
Yo pana therena bhikkhuna anajjhittho dhammam deseti, panham katheti, vuddhe
bhikkhu ghattento gacchati, titthati, nisidati, dussapallatthikam va hatthapallatthikam
va karoti, samghamajjhe ubho amse parupati, chattupahanam dhareti, ayam samghe agaravo
nama. Ekasmimpi 1- hi agarave kate samghe agaravo katova hoti. Tisso sikkha
pana apurayamanova sikkhaya agaravo nama. Appamadalakkhanam ananubruhayamano
appamade agaravo nama. Duvidham patisantharam akaronto patisanthare agaravo
nama.
     Parihaniya dhammati parihanakara dhamma. Kammaramatati navakamme va
civaravicaranadisu va kammesu abhirati yuttapayuttata. Bhassaramatati tiracchanakathavasena
bhasse yuttapayuttata. Niddaramatati niddaya yuttapayuttata. Sanganikaramatati
sanganikaya yuttapayuttata. Samsaggaramatati savanasamsagge dassanasamsagge
samullapasamsagge paribhogasamsagge kayasamsaggeti pancavidhe samsagge yuttapayuttata.
Papancaramatati tanhamanaditthipapancesu yuttapayuttata.
@Footnote: 1 cha.Ma. ekabhikkhusmimpi
     [946] Somanassupavicaradisu somanassena saddhim upavicarantiti somanassupavicaRa.
Cakkhuna rupam disvati cakkhuvinnanena rupam passitva. Somanassatthaniyanti
somanassassa arammanavasena karanabhutam. Upavicaratiti tattha vicarappavattanena
upavicarati. Vitakko pana tamsampayutto vati imina nayena tisupi chakkesu attho
veditabbo.
     [947] Gehasitaniti kamagunanissitani. Somanassaniti cetasikasukhani.
Domanassaniti cetasikadukkhani. Upekkhati annanasampayutta upekkhavedana.
Annanupekkhatipi etasamyeva namam.
     [948] Atthi me attati vati sabbapadesu vasaddo vikappattho, evam
va ditthi uppajjatiti vuttam hoti. Atthi me attati cettha sassataditthi
sabbakalesu attano atthitam ganhati. Saccato thetatoti bhutato ca thirato ca, idam
saccanti sutthu dalhabhavenati vuttam hoti. Natthi me attati ayam pana
udchedaditthi, sato sattassa tattha tattha vibhavaggahanato. Athava purimapi tisu
kalesu atthiti gahanato sassataditthi. Paccuppannameva natthiti ganhanti
ucchedaditthi. Pacchimapi atitanagatesu natthiti gahanato bhasmanta ahutiyoti
gahitaditthikanam viya ucchedaditthi. Atiteyeva natthiti ganhanti
adhiccasamuppattikasseva 1- sassataditthi. Attana va attanam sanjanamiti
sannakkhandhasisena khandhe attati gahetva sannaya avasesakkhandhe sanjananato
imina attana imam attanam sanjanamiti evam hoti. Attana va anattananti
sannakkhandhamyeva attati gahetva itare cattaro khandhe anattati gahetva
sannaya tesam jananato evam hoti. Anattana va attananti sannakkhandham
@Footnote: 1 cha.Ma. adhiccasamuppannikasseva
Anattati itare ca cattaro khandhe attati gahetva sannaya tesam jananato
evam hoti. Sabbapi sassatucchedaditthiyova.
     Vado vedeyyotiadayo pana sassataditthiyaeva abhinivesakaRa. Tattha
vadatiti vado, vacikammassa karakoti vuttam hoti. Vedayatiti vedeyyo, janati
anubhavati cati vuttam hoti. Idani yam so vedeti, tam dassetum tatra tatra
digharattam kalyanapapakanantiadi vuttam. Tattha tatra tatrati tesu tesu
yonigatitthitinivasanikayesu arammanesu va. Digharattanti cirarattam. Paccanubhotiti
patisamvedayati. Na so jato nahositi so atta ajatidhammato na jato nama,
sada vijjamanoyevati attho. Teneva atite nahosi, anagatepi na bhavissati.
Yo hi jato, so ahosi. Yo ca jayissati, so bhavissatiti. Athava "na so
jato nahosi"ti so sada vijjamanatta atitepi na jatu nahosi, anagatepi
na jatu na bhavissati. Niccoti uppadavayarahito. Dhuvoti thiro sarabhuto. Sassatoti
sabbakaliko. Aviparinamadhammoti attano pakatibhavam avijahanadhammo kakantako
viya nanappakarattam napajjati. Evamayam sabbasavaditthi 1- nama kathita. Sesam
sabbattha uttanatthamevati.
                      Chakkaniddesavannana nitthita.
                          -------------



             The Pali Atthakatha in Roman Book 54 page 549-552. http://84000.org/tipitaka/atthapali/read_rm.php?B=54&A=12910&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=12910&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=35&i=991              เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=13092              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=10369              The Pali Tipitaka in Roman Character :- http://84000.org/tipitaka/read/roman_read.php?B=35&A=10369              Contents of The Tipitaka Volume 35 http://84000.org/tipitaka/read/?index_35

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]