AtthaPali Vol.54

Tanhavicaritaniddesavannana [973] Tanhavicaritaniddese tanhavicaritaniti tanhasamudacara tanhapavattiyo. Ajjhattikassa upadayati ajjhattikam khandhapancakam upadaya. Idanhi upayogatthe samivacanam. Asmiti hotiti yadetam ajjhattam khandhapancakam upadaya tanhamanaditthivasena samuhagahato asmiti hoti, tasmim satiti attho. Itthasmiti hotitiadisu pana evam samuhato ahanti gahane sati tato anupanidhaya ca upanidhaya cati dvidha gahanam hoti. Tattha anupanidhayati annam akaram anupagamma sakabhavameva arammanam katva itthasmiti hoti, khattiyadisu "idam pakaro ahan"ti evam tanhamanaditthivaseneva hotiti attho. Idam tava anupanidhaya gahanam, upanidhaya gahanam pana duvidham hoti samato ca asamato ca, tam dassetum evasmiti ca annathasmiti ca vuttam. Tattha evasmiti idam samato upanidhaya gahanam. Yatha ayam khattiyo, yatha ayam brahmano, evam ahampiti attho. Annathasmiti idam pana asamato gahanam, yathayam khattiyo, yathayam brahmano, tato annatha aham hino va adhiko vati attho. Imani tava paccuppannavasena cattari tanhavicaritani vuttani. ^1- Bhavissantiadini pana cattari anagatavasena vuttani. Tesam purimacatukke vuttanayeneva attho veditabbo. @Footnote: ¹ cha.Ma. ayam patho na dissati Asmiti sassato asmi. Satasmiti asassato asmi. "asasmiti satasmi"ti va patho. Tattha atthiti asam, niccassetam adhivacanam. Sidatiti satam, aniccassetam adhivacanam. Iti imani dve sassatucchedavasena vuttaniti veditabbani. Ito parani siyantiadini cattari samsayaparivitakkavasena vuttani, tani purimacatukke vuttanayeneva atthato veditabbani. Apaham siyantiadini pana cattari "api namaham bhaveyyan"ti evam patthanakappanavasena vuttani, tani purimacatukke vuttanayeneva veditabbani. Evametesu:- dve ditthisisa cattaro suddhasisa sisamulaka tayo tayoti etani attharasa vibhavaye. Etesu hi sassatucchedavasena vutta dve ditthisisa nama. Asmiti, bhavissanti, siyanti, apaham siyanti ete cattaro suddhasisaeva. Itthasmitiadayo tayo tayoti dvadasa sisamulaka namati evamete dve ditthisisa, cattaro suddhasisa, dvadasa sisamulakati attharasa tanhavicaritadhamma veditabba. [974] Idani patipatiyava te dhamme bhajetva dassetum kathanca asmiti hotitiadi araddham. Tattha kanci dhammam anavakarim karitvati rupavedanadisu kanci ekadhammampi avinibbhogam katva, ekekato aggahetva samuhatova gahetvati attho. Asmiti chandam patilabhatiti pancakkhandhe niravasesato gahetva ahanti tanham patilabhati. Manaditthisupi eseva nayo. Tattha kincapi ayam tanhavicaritaniddeso, manaditthiyo pana na vina tanhaya, tasma tadekatthavasena idha vutta. Tanhasisena va papancattayampi uddittham, tam uddesanurupeneva niddisitumpi manaditthiyo gahita. Tanhapapancam va dassento teneva saddhim sesapapancepi dassetum evamaha. Tasmim sati imani papancitaniti tasmim "asmiti chandam patilabhati"tiadina nayena vutte papancattaye sati puna imani "itthasmiti va"tiadini papancitani hontiti attho. Khattiyosmitiadisu abhisekasenamaccadina khattiyo aham, mantajjhenaporohiccadina brahmano aham, kasigorakkhadina vesso aham, asitabyabhangitaya suddo aham, gihibyanjanena gahattho ahanti imina nayena attho veditabbo. Evam itthasmiti hotiti evam khattiyadisu khattiyadippakaram attani uppadayitva itthampakaro ahanti hoti. Yatha so khattiyotiadisu yatha so abhisekasenamaccadina khattiyo, tatha ahampi khattiyoti imina nayena attho veditabbo. Dutiyanaye yatha so abhisekasenamaccadina khattiyo, naham tatha khattiyo, aham pana tato hino va settho vati imina nayena attho veditabbo. Bhavissantiadiniddesadisupi eseva nayo. [975] Evam ajjhattikassa upadaya tanhavicaritani bhajetva idani bahirassa upadaya tanhavicaritani bhajetum tattha katamanitiadimaha. Tattha bahirassa upadayati bahiram khandhapancakam upadaya. Idampi hi upayogatthe samivacanam. Iminati imina rupena va .pe. Vinnanena va. Avasesam pana uddesavare tava vuttanayeneva veditabbam. [976] Niddesavare pana avakarim karitvati vinibbhogam katva. Imina asmiti chandam patilabhatitiadisu imina rupena va .pe. Vinnanena vati evam pancakkhandhe ekadesato gahetva imina ahanti chandadini patilabhatiti evamattho veditabbo. Imina khattiyosmitiadisu imina chattena va khaggena va abhisekasenamaccadina va khattiyo ahanti evam purimanayeneva attho veditabbo. Iminati padamattameva hi ettha viseso. Yatha so khattiyotiadisupi iminati vuttapadameva viseso. Tasma tassa vasena yatha khattiyo, evam ahampi imina khaggena va chattena va abhisekasenamaccadina va khattiyoti evam yojetva sabbapadesu attho veditabbo. Imina niccosmiti pancakkhandhe anavakarim karitva rupadisu ekameva dhammam ahanti gahetva imina khaggena va chattena va aham nicco dhuvoti mannati. Ucchedaditthiyampi eseva nayo. Sesam sabbattha vuttanayeneva veditabbam. Iti evarupani atitani chattimsati ekekassa puggalassa atite chattimsa. Anagatani chattimsati ekekasseva anagate chattimsa. Paccuppannani chattimsati ekekassa va puggalassa yathalabhavasena bahunnam va paccuppanne chattimsa. Sabbasattanam pana ekamseneva atite chattimsa, anagate chattimsa, paccuppanne chattimsati veditabbani. Ananta hi asadisatanhamanaditthibheda satta. Atthasatam tanhavicaritam ^1- hotiti ettha pana atthasatasankhatam tanhavicaritam hotiti evamettha attho veditabbo. ^2- Sesam sabbattha uttanatthamevati. Tanhavicaritaniddesavannana. ----------

The Pali Atthakatha in Roman Book 54 page 558-561. http://84000.org/tipitaka/atthapali/read_rm.php?B=54&A=13105&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=13105&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=1033 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=13600 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=10704 The Pali Tipitaka in Roman Character :- http://84000.org/tipitaka/read/roman_read.php?B=35&A=10704 Contents of The Tipitaka Volume 35 http://84000.org/tipitaka/read/?index_35