AtthaPali Vol.54

Akusalaniddesavannana [248-9] Idani yatha hettha cittuppadakande kusalattikam adim katva nikkhittamatikaya patipatiya pathamam kusalam bhajitam, tatha idha matikaya anikkhittatta pathamam kusalam anamasitva "avijjapaccaya sankharo"ti akusaladhammavasena matikaya nikkhittatta nikkhepapatipatiyava avijjadini paticcasamuppadangani bhajetva dassetum katame dhamma akusalatiadimaha. Tassattho hettha cittuppada- kande ^1- vuttanayeneva veditabbo. Yasma pana ekacittakkhane tanhaya ca kamupadanassa ca sambhavo natthi, tasma yam ettha tanhapaccaya upadanam labbhati, tadeva dassetum ditthi ditthigatantiadi vuttam. Bhavaniddese ca yasma upadanam sankharakkhandhe sangaham gacchati, tasma "thapetva upadanam vedanakkhandho sannakkhandho sankharakkhandho vinnanakkhandho"ti vuttam. Evanhi vuccamane upadanassa upadanapaccayattam apajjeyya, na ca tadeva tassa paccayo hoti. Jatiadiniddesesu yasma ete arupadhammanam jatiadayo, tasma "khandiccam paliccam valittacata cuti cavanata"ti na vuttam. [250] Evam pathamavaram nitthapetva puna dutiyavare yasmim samaye pathamavarena paccayakaro dassito, tasmimyeva samaye aparenapi nayena paccayakaram dassetum visum samayavavatthanavaram avatva tasmim samaye avijjapaccaya @Footnote: ¹ sangani. A. 1/365/304 Sankharotiadina nayena desana kata. Tattha thapetva phassanti idam yasma phassopi namapariyapanno, tasma phassassa namato niharanattham vuttam. [252] Tatiyavare yassa cittasamutthanarupassa vinnanam paccayo, tasmim pavattamane yasma tenupaladdhanam ^1- cakkhvayatanadinam upacitattam pannayati, tasma cakkhvayatanassa upacayotiadi vuttam. Yasma ca kammajarupassapi tasmim samaye pavattamanassa ^2- vinnanam pacchajatapaccayena paccayo hoti, tasmapi evam vuttam. Tattha kincapi kammajam cittasamutthananti dveva santatiyo gahita, itarapi pana dve santatiyo gahetabba. Tasampi hi vinnanam paccayo hotiyeva. [254] Catutthavare pana yasma ekacittakkhanepi mahabhutarupapaccaya cakkhvayatanadini, hadayarupapaccaya salayatanam, ^3- namapaccaya ca pacchajatasahajatadi- vasena yathanurupam sabbanipi pavattanti, tasma tattha katamam namarupapaccaya salayatanam, cakkhvayatanantiadi vuttanti. Pathamacatukkaniddeso. [256] Dutiyacatukke sabbam uttanameva. [264] Tatiyacatukke yassa sampayuttapaccayabhavo na hoti, yassa ca hoti, tam visum visum dassetum idam vuccati vinnanapaccaya namarupam vinnanasampayuttam namantiadi vuttam. Tatiyacatukkaniddeso. [272] Catutthacatukke phassapaccaya namaniddese kincapi "thapetva phassam vedanakkhandho .pe. Vinnanakkhandho, idam vuccati phassapaccaya naman"ti na vuttam, tathapi anantaratitapadaniddese "thapetva phassam vedanakkhandho .pe. Vinnanakkhandho"ti vuttatta avuttampi tam vuttameva hoti. Yadeva hi namam phassassa paccayo, phassopi tasseva paccayoti. Catutthacatukkaniddeso. @Footnote: ¹ cha.Ma. tenupatthaddhanam ² cha.Ma. vattamanassa ³ cha.Ma. chatthayatanam Yatha cayam catutthacatukke ^1- solasavarappabhedo avijjamulako pathamanayo etasmim pathamakusalacitte pakasito, evam sankharamulakadayo attha nayapi veditabba, pali pana sankhitta. Evameva tasmim pathamakusalacitteyeva nava naya chattimsa catukkani catucattalisadhikanca varasatam hotiti veditabba. ^2- [280] Idani iminava nayena sesakusalacittesupi paccayakaram dassetum katame dhamma akusalatiadimaraddham. Tattha yasma ditthivippayuttesu tanhapaccaya upadanam natthi, tasma upadanatthane upadanam viya dalhanipatina adhimokkhena padam puritam. Domanassasahagatesu ca yasma vedanapaccaya tanhapi natthi, tasma tanhatthane tanha viya balavakilesena patighena padam puritam, upadanatthane adhimokkheneva. Vicikicchasampayutte pana yasma sannitthanabhavato adhimokkhopi natthi, tasma tanhatthane balavakilesabhutaya vicikicchaya padam puritam, upadanatthanam parihinameva. Uddhaccasampayutte pana yasma adhimokkho atthi, tasma tanhatthane balavakilesena uddhaccena padam puritam, upadanatthane adhimokkheneva. Sabbattheva ca visesamattam dassetva pali sankhitta. Yo cayam viseso dassito, tattha kevalam adhimokkhaniddesova apubbo. Sesam hettha agatameva. Adhimokkhaniddese pana adhimuccanavasena adhimokkho. Adhimuccati va tena arammane cittam nibbicikicchataya sannitthanam gacchatiti adhimokkho. Adhimuccanakaro adhimuccana. Tassa cittassa tasmim va arammane adhimuttatati tadadhimuttata. Sabbacittesu ca pathamacitte vuttanayeneva nayacatukkavarappabhedo veditabbo. Kevalanhi vicikicchasampayutte upadanamulakassa nayassa abhava attha naya dvattimsa catukkani atthavisadhikanca varasatam hotiti. Akusalaniddesavannana. -------- @Footnote: ¹ cha. catucatukko ² cha.Ma. veditabbam

The Pali Atthakatha in Roman Book 54 page 224-226. http://84000.org/tipitaka/atthapali/read_rm.php?B=54&A=5289&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=5289&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=291 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=4108 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=3903 The Pali Tipitaka in Roman Character :- http://84000.org/tipitaka/read/roman_read.php?B=35&A=3903 Contents of The Tipitaka Volume 35 http://84000.org/tipitaka/read/?index_35