AtthaPali Vol.54

Abyakataniddesavannana [306] Abyakatam hettha cittuppadakande ^2- agatapatipatiyava vibhattam. Sabbavaresu ca avijjamulaka naya parihina. Kasma? avijjatthane thapetabbassa Abhavato. Kusalacittesu hi avijjatthane thapetabbam kusalamulam atthi, cakkhu- vinnanadisu natthi. Sahetukesu pana kincapi atthi, evam santepi idha pacchinnatta tattha na gahitam, pancavinnanasote sotapatitava hutva desana katati veditabba. Visesato panettha cakkhuvinnanadisu tanhatthanam upadanatthanam ca parihinam. Kasma? tanhatthanarahassa balavadhammassa abhava adhimokkharahitatta @Footnote: ¹ cha.Ma. nanattasambhavato ² abhi. 34/431/120 Ca. Sesahetukeseu pana ^1- tanhatthanameva parihinam. Sahetukesu pasadasabbhavato tanhatthane pasadena padam puritam. Evamettha kusalakusalavipakesu cakkhu- vinnanadisu sankharavinnananamasalayatanaphassavedanamulaka cha cha, sesahetukesu adhimokkhamulakena saddhim satta satta, sahetukesu pana ^1- pasadamulakena saddhim attha attha naya veditabba. Tattha cakkhuvinnanadisupi catunnampi catukkanam adivarova vutto. Dutiyavaro pacacyavisesatthena labbhamanopi na vutto, tatiyacatutthavara asambhavatoyeva. Rupamissaka hi te, na ca cakkhuvinnanadini rupam samutthapenti. Yatha ca pathamacatukke dve vara labbhanti, evam sesacatukkesupi. Tasma pathamacatukke dutiyavaro sesacatukkesu ca dve dve vara avuttapi vuttava hontiti veditabba. Sesahetukabyakate sabbacatukkesu sabbepi vara labbhanti, idha pacchinnatta pana parato na gahita. Sotapatitava hutva desana katati. Sesa- sahetukavipakesupi eseva nayo annatra arupavacaravipaka. Arupavacaravipakasminhi varadvayameva labbhatiti. Abyakataniddesavannana. ---------

The Pali Atthakatha in Roman Book 54 page 227-228. http://84000.org/tipitaka/atthapali/read_rm.php?B=54&A=5372&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=5372&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=372 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=5211 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=4701 The Pali Tipitaka in Roman Character :- http://84000.org/tipitaka/read/roman_read.php?B=35&A=4701 Contents of The Tipitaka Volume 35 http://84000.org/tipitaka/read/?index_35