Atthakatha Book 54 : PALI ROMAN
Vibhanga.A. (sammoha.)

                       2. Abhidhammabhajaniyavannana
     [472] Abhidhammabhajaniye sattapi bojjhange ekato pucchitva vissajjanassa
ca patiyekkam pucchitva vissajjanassa ca vasena dve naya, tesam atthavannana
hettha vuttanayeneva veditabba.
     Upekkhasambojjhanganiddese pana upekkhanavasena upekkha. Upekkhanakaro
upekkhana. Upekkhitabbayutte samappavatte dhamme ikkhati na codetiti
upekkha. Puggalam upekkhapetiti upekkhana. Bojjhangabhavappattiya
lokiyaupekkhanaya adhika upekkhana ajjhupekkhana. Abyaparapajjanena majjhattabhavo
majjhattata. Sa pana cittassa, na sattassati dipetum majjhattata cittassati
vuttanti. Ayamettha anupubbapadavannana. 2-
@Footnote: 1 cha.Ma. parinamantam       2 cha.Ma. apubbapadavannana
---------------------------------------------------------------------------------------------
page340.
     Naya panettha ganetabba. Sattannampi hi bojjhanganam ekato pucchitva
vissajjane ekekamagge nayasahassam nayasahassanti cattari nayasahassani vibhattani.
Patiyekkam pucchitva vissajjane ekekabojjhangavasena cattari cattariti satta
catukka atthavisati. Tani purimehi catuhi saddhim dvattimsati sabbanipi
abhidhammabhajaniye dvattimsa nayasahassani vibhattani kusalaneva. Yasma pana phalakkhanepi
bojjhanga labbhanti, kusalahetukani ca samannaphalani, tasma tesupi
bojjhangadassanattham kusalaniddesapubbangamayaeva tantiya vipakanayo araddho. Sopi
ekato pucchitva vissajjanassa ca patiyekkam pucchitva vissajjanassa ca vasena
duvidho hoti. Sesamettha hettha vuttanayeneva veditabbam. Vipake pana kusalato
tiguna naya katabbati.
                     Abhidhammabhajaniyavannana nitthita.
                         --------------


             The Pali Atthakatha in Roman Book 54 page 339-340.
http://84000.org/tipitaka/atthapali/read_rm.php?B=54&A=8050&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=54&A=8050&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=35&i=553
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=35&A=7275
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=35&A=6249
             The Pali Tipitaka in Roman Character :-
http://84000.org/tipitaka/read/roman_read.php?B=35&A=6249
             Contents of The Tipitaka Volume 35
http://84000.org/tipitaka/read/?index_35