AtthaPali Vol.54

12. Jhanavibhanga 1. Suttantabhajaniya matikavannana [508] Idani tadanantare jhanavibhange ya tava ayam sakalassapi suttantabhajaniyassa pathamam matika thapita, tattha idhati vacanam pubbabhagakaraniyasampadaya sampannassa sabbappakarajjhananibbattakassa puggalassa sannissayabhutasasanaparidipanam annasasanassa ca tathabhavapatisedhanam. Vuttam hetam "idheva bhikkhave samano .pe. Sunna parappavada samanebhi annehi"ti. Bhikkhuti tesam jhananam nibbattakapuggalaparidipanam. Patimokkhasamvarasamvutoti idamassa patimokkhasamvare patitthitabhavaparidipanam. Viharatiti idamassa tadanurupaviharasamangibhavaparidipanam. Acaragocarasampannoti idamassa hettha patimokkhasamvarassa upari jhananuyogassa ca upakaradhammaparidipanam. Anumattesu vajjesu bhayadassaviti idamassa patimokkhato acavanadhammataparidipanam. Samadayati idamassa sikkhapadanam anavasesato adanaparidipanam. Sikkhatiti idamassa sikkhaya samangibhavaparidipanam. Sikkhapadesuti idamassa sikkhitabbadhammaparidipanam. Indriyesuti idamassa guttadvarataya bhumiparidipanam. Rakkhitabbokasa- paridipanantipi vadantieva. Guttadvaroti idamassa chasu dvaresu samvihitarakkhabhavaparidipanam. Bhojane mattannuti idamassa santosadigunaparidipanam. Pubbarattapararattam jagariyanuyogamanuyuttoti idamassa karanabhavaparidipanam. Sataccam nepakkanti idamassa pannapariggahitena viriyena sataccakaritaparidipanam. Bodhipakkhikanam dhammanam bhavananuyogamanuyuttoti idamassa patipattiya nibbedhabhagiyattaparidipanam. So abhikkante .pe. Tunhibhave sampajanakari hotiti idamassa sabbattha satisampajannasamannagatattaparidipanam. So vivittam senasanam bhajatiti idamassa anurupasenasanapariggahaparidipanam. Arannam .pe. Patisallanasaruppanti Idamassa senasanappabhedaniradinavatanisamsaparidipanam. So arannagato vati idamassa vuttappakarena senasanena yuttabhavaparidipanam. Nisidatiti imassa yoganurupairiyapathaparidipanam. Parimukham satim upatthapetvati idamassa yogarambhaparidipanam. So abhijjham loke pahayatiadi panassa kammatthananuyogena nivaranappahanaparidipanam. Tasseva pahinanivaranassa vivicceva kamehitiadi patipatiya jhanuppattiparidipanam. Apica idha bhikkhuti imasmim sasane jhanuppadako bhikkhu. Idani yasma jhanuppadakena bhikkhuna cattari silani sodhetabbani, tasmassa patimokkha- samvarasamvutoti imina patimokkhasamvarasilavisuddhim upadisati. Acaragocara- sampannotiadina ajivaparisuddhisilam. Samadaya sikkhati sikkhapadesuti imina tesam dvinnam silanam anavasesato adanam. Indriyesu guttadvaroti imina indriyasamvarasilam. Bhojane mattannuti imina paccayasannissitasilam. Pubbarattapararattantiadina sile patitthitassa jhanabhavanaya upakarake dhamme. So abhikkantetiadina tesam dhammanam aparihanaya kammatthanassa ca asammosaya satisampajannasamayogam. So vivittantiadina bhavananurupasenasanapariggaham. So arannagato vatiadina tam senasanam upagatassa jhananurupairiyapathanceva jhanabhavanarambhanca. So abhijjhantiadina jhanabhavanarambhena jhanapaccanikadhammappahanam. So ime panca nivarane pahayatiadina evam pahinajjhanapaccanikadhammassa sabbajjhananam uppattikkamam upadisatiti. Matikavannana. -------------

The Pali Atthakatha in Roman Book 54 page 347-348. http://84000.org/tipitaka/atthapali/read_rm.php?B=54&A=8208&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=8208&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=599 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=7826 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=6625 The Pali Tipitaka in Roman Character :- http://84000.org/tipitaka/read/roman_read.php?B=35&A=6625 Contents of The Tipitaka Volume 35 http://84000.org/tipitaka/read/?index_35