AtthaPali Vol.55

3. Vipakattikavannana [1-23] Vipakattike vipakam dhammam paticca vipako dhammo uppajjati hetupaccayati ye hetupaccaye terasa vara vutta, te sankhipitva gananaya dassetum hetuya terasati vuttam. Arammane pancatiadisupi eseva nayo. Evamettha terasa panca nava satta tini dveti cha gananapariccheda, tesam vasena paccayasamsandane hettha vuttanayeneva ganana veditabba. @Footnote: ¹ cha.Ma. ghatanani ² cha.Ma. vipakassa na upanissayo hoti [24-52] Paccaniye hi ^1- vipakam dhammam paticca vipako dhammo uppajjati nahetupaccayati ye nahetupaccaye dasa vara vutta, te sankhipitva gananaya dassetum nahetuya dasati vuttam. Naarammane pancatiadisupi eseva nayo. Evamettha dasa panca terasa dvadasa dve ekam nava tiniti attha gananapariccheda, tesam vasena paccayasamsandane hettha vuttanayeneva vittharato ganana veditabba. Pali pana sankhitta, etesanneva pana laddhagananaparicchedanam vasena samsandetva ^2- anulomapaccaniyam paccaniyanulomanca veditabbam. Sahajatavaro imina ekagatikova. Paccayanissayasamsatthasampayuttavara yathapalimeva niyyanti. [92] Panhavare kusalakusale niruddheti etasmim vipassanavasena pavatte kusale sarajjanadivasena pavatte akusale ca niruddhe. Vipako tadarammanata uppajjatiti kamavacaravipako tadarammanata ^3- uppajjati. Ye pana "vipassanajavananam vicikicchuddhaccananca pariyosane tadarammanam natthi"ti vadanti, te imaya tantiya patisedhetabba. Akasanancayatanakusalam vinnanancayatanakiriyassa arammanapaccayena paccayoti arahattam patva asamapannapubba samapattiyo patilomato samapajjantassa vasenetam vuttam. Imina upayena sabbavissajjanesu sadhukam palim upaparikkhitva attho veditabbo. [120] Hetuya satta, arammane nava, adhipatiya dasatiadisupi sahajatadhipativasena arammanadhipativasena sahajatanissayavasena purejatanissayavasena anantarupanissayavasena arammanupanissayavasena pakatupanissayavasena @Footnote: ¹ cha.Ma. paccaniyepi ² cha.Ma. varanam vasena samsanditva ³ cha.Ma. tadarammanataya Sahajatavippayuttavasena purejatavippayuttavasenati ^1- yattha yattha yatha yatha yattakani vissajjanani labbhanti, tattha tattha tatha tatha tani sabbani sallakkhetabbani. Tatha paccaniyadisu anulomavasena varuddharanam, anulomato laddhavaranam paccaniyato ganana, paccayasamsandanam, anulomapaccaniye paccaniyanulome ca suddhikesu ceva samsandanavasena ca pavattesu ^2- hetumulakadisu labbhamanavaraganananam labbhamanata, alabbhamananam alabbhamanatati ^2- sabbam hettha vuttanayavasena ^3- veditabbam. Yatha cettha, evam ito paresupi tikadukesu. Patthanappakarananhi palitova anantamapparimanam, tassa padapatipatiya attham vannayissamiti patipannassa atidighayukassapi ayu nappahoti. Na cassa ekadesam vannetva sesamhi nayato dassiyamane na sakka attho janitum, tasma ito param ettakampi avatva sesesu tikadukesu hettha avuttappakaratta yam yam avassam vattabbam, tam tadeva vakkhama. Yampana avatva gamissama, tam palinayeneva veditabbanti. Vipakattikavannana nitthita. ------------

The Pali Atthakatha in Roman Book 55 page 559-561. http://84000.org/tipitaka/atthapali/read_rm.php?B=55&A=12646&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=12646&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36