ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                  3. Tatiyanaya asangahitenasangahitapadavannana
     [179] Idani asangahitenasangahitapadam bhajetum vedanakkhandhenatiadi
araddham. Tatridam lakkhanam:- imasmim hi vare yam khandhapadena asangahitam hutva
ayatanadhatupadehi sangahitam, tassa khandhadihi sangaham pucchitva vissajjanam katam.
Tampana rupakkhandhavinnanakkhandhacakkhvayatanadisu na yujjati. Rupakkhandhena hi
cattaro khandha khandhasangahena asangahita. Tesu tena ekadhammopi ayatana-
dhatusangahena sangahito nama natthi. Nanu ca vedanadayo dhammayatanena
sangahitati. Sangahita. Na pana rupakkhandhova dhammayatanam. Rupakkhandhato hi
sukhumarupamattam dhammayatanam bhajati, tasma ye dhamma 2- dhammayatanena sangahita,
na te rupakkhandhena sangahita nama. Vinnanakkhandhenapi itare cattaro
khandha asangahita. Tesu tena ekopi ayatanadhatusangahena sangahito nama
@Footnote: 1 cha.Ma. rupadhatuvajjahi   2 cha.Ma. ayam patho na dissati
Natthi. Evam sangahitataya abhavato etani annani ca evarupani cakkhvayatanadini
padani imasmim vare na sangahitani. 1- Yani pana padani vinnanena
va olarikarupena va asammissam dhammayatanekadesam dipenti, tani idha gahitani.
Tesam idamuddanam:-
           "tayo khandha tatha sacca       indriyani ca solasa
            padani paccayakare          cuddasupari cuddasa.
            Samattimsa pada honti          gocchakesu dasasvatha
            duve culantaraduka            attha honti mahantara"ti.
     Etesu pana padesu sadisavissajjanani  cha 2- padani ekato katva
sabbepi dvadasa panha vutta. Tesu evam khandhavibhago veditabbo. Ayatanadhatusu
pana bhedo natthi. Tattha pathamapanhe tava tihi khandhehiti rupasannasankharakkhandhehi.
Ayatanadhatuyo pana dhammayatanadhammadhatuvasena veditabbo.
     Tatrayam nayo:- vedanakkhandhena hi nibbananca sukhumarupasannasankhara
ca khandhasangahena asangahita hutva ayatanadhatusangahena sangahita. Tesu
nibbanam khandhasangaham na gacchati, sesa rupasannasankharakkhandhehi sangaham
gacchanti. Ayatanadhatusangaham pana nibbanampi gacchateva. Tena vuttam "asankhatam
khandhato thapetva tihi khandhehi ekenayatanena ekaya dhatuya sangahita"ti.
Sannakkhandhapakkhe panettha sannam apanetva vedanaya saddhim tayo khandha,
sankharadisu sankharakkhandham apanetva rupavedanasannavasena tayo khandha
veditabba.
     [180] Dutiye catuhi khandhehiti vinnanavajjehi. Te hi nirodhena
khandhasangahena asangahita hutva ayatanadhatusangahena sangahita.
@Footnote: 1 cha.Ma. na gahitani   2 cha.Ma. ayam patho na dissati
     [181] Tatiye dvihiti vedanasannakkhandhehi. Ruparupajivitindriyena hi
vedanasannavinnanakkhandhava 1- khandhasangahena asangahita. Tesu pana vedana-
sannava ayatanadhatusangahena sangahita. Tena vuttam "vedanasannakkhandhehi"ti.
Imina upayena sabbattha khandhabhedo veditabbo. Ito paranhi khandhanam
namamattameva vakkhama.
     [182] Catutthe tihi khandhehiti itthindriyapurisindriyesu vedanasanna-
sankharehi, vedanapancake rupasannasankharehi, saddhindriyadisu phassapariyosanesu
rupavedanasannakkhandhehi. Vedanaya vedanakkhandhasadisova, tanhupadanakammabhavesu
sankharakkhandhasadiso vinicchayo.
     [183] Pancame jatijaramaranesu jivitindriyasadisova. Jhanena pana
nibbanam sukhumarupam sanna ca khandhasangahena asangahita hutva ayatanadhatu-
sangahena sangahita, tasma tam sandhaya rupakkhandhasannakkhandhanam vasena dve
khandha veditabba.
     [184] Chatthe sokadittaye vedanaya sadiso, upayasadisu sankharak-
khandhasadiso. 2- Puna vedanaya vedanakkhandhasadiso, sannaya sannakkhandhasadiso,
cetanadisu sankharakkhandhasadiso vinicchayo. Imina upayena sattamapanhadisupi 3-
sangahasangaho veditabboti.
                   Asangahitenasangahitapadavannana nitthita.
                          ------------



             The Pali Atthakatha in Roman Book 55 page 12-14. http://84000.org/tipitaka/atthapali/read_rm.php?B=55&A=239&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=239&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=175              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=692              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=692              The Pali Tipitaka in Roman Character :- http://84000.org/tipitaka/read/roman_read.php?B=36&A=692              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]