AtthaPali Vol.55

4. Vimuccamanakathavannana [366] Idani vimuccamanakatha nama hoti. Tattha yesam "jhanena vikkhambhanavimuttiya vimuttam cittam, ^3- maggakkhane samucchedavimuttiya vimuccamanam nama hoti"ti laddhi, te sandhaya vimuttam vimuccamananti puccha sakavadissa, patinna itarassa. Puna ekadesanti puccha sakavadissa. Tattha ekadesanti bhavanapumsakam. Yatha vimuttam ekadesena va ekadese va avimuttam hoti, kim evam ekadesam vimuttam, ekadesam avimuttanti pucchati. Kimkarana evam pucchatiti. "vimuttam vimuccamanan"ti vippakatabhavena vuttatta. Yatha hi kariyamana katadayo vippakatatta ekadesena kata ekadesena akata honti, tatha idampi ekadesam vimuttam ekadesam avimuttanti apajjati. Tato paravadi katadinam viya cittassa ekadesabhava pathamapanhe patikkhipitva dutiye vimuccamanassa aparinitthitavimuttitaya patijanati. Lokiyajjhanakkhanam va sandhaya patikkhipati. Na hi tam tada samucchedavimuttiya vimuccamanam. Lokuttarajjhanakkhanam sandhaya patijanati. Tanhi tada @Footnote: ¹ cha.Ma. ayam patho na dissati ² cha.Ma. veditabbo ³ cha.Ma. ayam patho na dissati Samucchedavimuttiya vimuttekadesena vimuccamananti tassa laddhi. Tato sakavadi "yadi te ekameva cittam ekadesam vimuttam ekadesam avimuttam, evam sante yo ekeneva ^1- cittena sotapanno hoti, sopi tena ^2- ekadesam sotapanno, ekadesam na sotapanno apajjati"ti codanattham ekadesam sotapannotiadimaha. Itaro tam vidhanam apassanto patikkhipati. Sesavaresupi eseva nayo. Uppadakkhanapanhe yadi ekameva cittam vimuttanca vimuccamananca, ekasmim khane vimuttam ekasmim vimuccamanam apajjati. Kinte evarupam cittanti attho. [367] Suttasadhane pathamasuttam paravadissa. Tatrassayamadhippayo:- vimuccatiti vippakataniddeso, tasma yam tassa yogino evam janato evam passato etehi asavehi cittam vimuccati, tam vimuccamanam nama hotiti. Dutiyasuttam sakavadissa. Tatrassayamadhippayo:- yadi te vimuccatiti vacanato vimuttam vimuccamanam, idha vimuccatiti vacanabhavato vimuttameva siya, na vimuccamananti. Idani "yatha te vippakatavimuttitaya vimuccamanam, kim evam vippakataragaditaya rajjamanadinipi atthi"ti codanattham puna atthi cittantiadi araddham. Paravadinapi tatharupam cittam apassantena sabbam patikkhittam. Atha nam sakavadi "dveyeva kotiyo, tatiya natthi"ti anubodhento nanu rattanceva arattancatiadimaha. Tassattho:- nanu bhadramukha ragasampayuttam cittam rattam, vippayuttam arattanti dveyeva kotiyo, rajjamanam nama tatiya koti natthiti. Dutthadisu eseva nayo. Atha nam amantati patijanitva cittavimuttipakkhepi ^3- dveyeva kotiyo dassetum hanci rattancevatiadimaha. Tassattho:- yadi eta dve kotiyo sampaticchasi, avimuttanceva vimuttancati imanipi ^4- sampaticcha. Kilesasampayuttanhi cittam @Footnote: ¹ Si.,Ma. ekadeseneva ² cha.Ma. te @³ cha.Ma. thitam vimuttipakkhepi ⁴ cha.Ma. imapi Avimuttam, vippayuttam vimuttam. Vimuccamanam namati paramatthato tatiya koti natthiti. Vimuccamanakathavannana nitthita. ------------

The Pali Atthakatha in Roman Book 55 page 193-195. http://84000.org/tipitaka/atthapali/read_rm.php?B=55&A=4338&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4338&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36