บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Sattamanaya sampayuttenavippayuttapadavannana [306] Idani sampayuttenavippayuttapadam bhajetum vedanakkhandhenatiadi araddham. Tatridam lakkhanam:- imasminhi vare pucchaya uddhatapadena ye dhamma sampayutta, tehi ye dhamma vippayutta, tesam khandhadihi vippayogam pucchitva vissajjanam katam. Tampana rupakkhandhadisu na yujjati. Rupakkhandhena hi sampayutta nama natthi, tasma tanca annani ca evarupani padani imasmim vare na gahitani. Yani pana padani dhammadhatuya sampayutte dhamme vinnananca annena asammissam dipenti, tani idha gahitani. Tesam idamuddanam:- "cattaro khandhayatananca ekam dve indriya dhatupadani satta tayo paticca atha phassasattakam Tike tayo satta mahantare ca ekam savitakkam savicaramekam yuttam upekkhaya ca ekameva"ti. Pariyosane "khandha caturo"tiadinapi ayamevattho sangahito. Tattha yani padani sadisavissajjanani, tani uppatipatiyapi samodhanetva tattha vedanakkhandhadika panha kata. Tesu evam khandhadivibhago veditabbo:- vedanakkhandhadipanhe tava ekenati manayatanena. Sattahiti sattahi vinnanadhatuhi. Kehiciti dhammayatane vedanadihi. Vinnanadhatupanhe te dhamma na kehiciti te pucchaya uddhatapadam vinnanadhatum thapetva sesa cha vinnanadhatudhamma rupam nibbananca. Tehi sabbesam khandhayatananam sangahitatta na kehici khandhehi ayatanehi va vippayutta. Ekaya dhatuyati ya ya pucchaya uddhata hoti, taya taya. [309] Upekkhindriyapanhe pancahiti upekkhasampayuttahi cakkhuvinnana- dhatuadihi. Imina nayena sabbattha pucchaya uddhatapadeneva saddhim vippayuttanam vasena attho veditabboti. Sampayuttenavippayuttapadavannana nitthita. --------------The Pali Atthakatha in Roman Book 55 page 21-22. http://84000.org/tipitaka/atthapali/read_rm.php?B=55&A=444&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=444&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=302 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1300 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1381 The Pali Tipitaka in Roman Character :- http://84000.org/tipitaka/read/roman_read.php?B=36&A=1381 Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]