AtthaPali Vol.55

8. Atthamavagga 1. Chagatikathavannana [503-504] Idani chagatikatha nama hoti. Tattha asurakayena saddhim cha gatiyoti yesam laddhi seyyathapi andhakananceva uttarapathakananca, te sandhaya puccha sakavadissa, patinna itarassa. Atha nam sakavadi "panca kho ^*- panima sariputta gatiyo"ti ^1- lomahamsanapariyaye paricchinnanam gatinam vasena codetum nanu panca gatiyotiadimaha. Itaro suttavirodhabhayena patijanati. Kasma pana sakavadi cha gatiyo na sampaticchati, nanu "catuhapayehi ^2- ca vippamutto"ti ettha asurakayopi gahitoti. Saccam gahito, na panesa gati. Kasma? visum abhavato. Asurakayasminhi kalakanjika asura petagatiya sangahita, vepacittiparisa devagatiya, asurakayoti visum eka gati nama natthi. Idani etameva attham dassetum nanu kalakanjikatiadi araddham. Tattha samanavannati sadisarupasanthana bibhaccha virupa duddassika. Samanabhogati sadisamethunasamacaRa. Samanaharati sadisakhelasinghanikapubbalohitadiahaRa. Samanayukati sadisaayupariccheda. Avahavivahanti kannagahananceva kannadananca. Sukkapakkhe samanavannati sadisarupasanthana abhirupa pasadika dassaniya pabhasampanna. Samanabhogati sadisapancakamagunabhoga. Samanaharati sadisasudhabhojanadi- ahaRa. Sesam vuttanayameva. Nanu atthi asurakayoti idam asurakayasseva sadhakam. Tassa pana visum gatiparicchedabhavena na gatisadhakanti. Chagatikathavannana nitthita. -------- @Footnote: ¹ Ma.mu. 12/153/113 ^* pali. ima ² cha.Ma. catuhapayehi

The Pali Atthakatha in Roman Book 55 page 232. http://84000.org/tipitaka/atthapali/read_rm.php?B=55&A=5219&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=5219&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36